Popera ga Yudíugü ga yaxõgüxü̃ca̱x ümatüxü̃ 3:7 - Tupanaarü Ore

^7-8 Rü ngẽmaca̱x Tupanaarü ore i ümatüxü̃wa rü Naãxẽ ya Üünexü̃ rü ñanagürü: “Ñu̱xma nax nüxü̃ pexĩnüexü̃ i ngẽma Tupana pemaxã nüxü̃ ixuxü̃, rü tama name nax nüxü̃ pexoexü̃, yexgumarüxü̃ ga yema duü̃xü̃gü ga Tupanaxü̃ ügüxü̃ rü tama naga ĩnüexü̃ ga yexguma yema naane ga chianexü̃wa nayexmagügu”.

Popera ga Yudíugü ga yaxõgüxü̃ca̱x ümatüxü̃ 3:7 Referans Kwoze

Popera ga Yudíugü ga yaxõgüxü̃ca̱x ümatüxü̃ 3:15

Rü ngẽmaca̱x i Tupanaarü ore i ümatüxü̃wa rü ñanagürü: “Rü ñu̱xma ega nüxü̃ pexĩnüegu i ngẽma Tupana pemaxã nüxü̃ ixuxü̃, rü tama name nax nüxü̃ pexoexü̃, yexgumarüxü̃ ga yema duü̃xü̃gü ga tama Tupanaga ĩnüexü̃”, ñanagürü.

Ichaía 55:3

¡Rü cha̱u̱xca̱x pexĩ, rü choxü̃́ iperüxĩnüe! ¡Chauga pexĩnüe rü tá pemaxẽ! Rü choma rü tá pemaxã chanaxü i wüxi i uneta i taguma gúxü̃. Rü ngẽmaãcü tá chayanguxẽxẽ ga yema chorü uneta ga ãẽ̱xgacü ga nüxü̃ changechaü̃xü̃chicü ga Dabímaxã nüxü̃ chixuxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:20

Rü dücax, choma rü ĩã̱xwa changẽxma rü ngéma rü tu tu tu, ñacharügü. Rü ngẽxguma chi texé choxü̃ ĩnügu rü cha̱u̱xca̱x tayawãxnagu, rü tá tümaxü̃tagu chaxücu. Rü tümamaxã tá chachibü rü tüma i chomaxã.

Popera ga Yudíugü ga yaxõgüxü̃ca̱x ümatüxü̃ 4:7

Rü ngẽma nachica i ngextá nagu nangü̃ẽxü̃ i duü̃xü̃gü rü tama yema naane ga nũxcümaü̃güxü̃ ga Iraétanüxü̃ ga tümaarü ãẽ̱xgacü ga Yochuémaxã tayauxgüxü̃ nixĩ. Yerü yexguma chi yema naane yixĩxgu, rü Tupana rü taxũchima wenaxarü nüxü̃ naxuneta ga to ga ngunexü̃ nax nagu naxü̃tawa yachocuxü̃ca̱x nax ngẽxma nangü̃ẽxü̃ca̱x i duü̃xü̃gü. Rü yemaca̱x ga Tupana rü wenaxarü nüxü̃ naxuneta i wüxi i to i ngunexü̃ nax naxü̃tawa yachocuxü̃ca̱x i duü̃xü̃gü nax ngẽxma nangü̃ẽxü̃ca̱x. Rü ngẽma ngunexü̃ rü ñu̱xma nixĩ. Rü yemaca̱x ga Tupana rü mucüma ga taunecü ga Moichéwena rü Dabímaxã nüxü̃ nixu ga yema ore ga ümatüxü̃ i ñaxü̃: “Rü ñu̱xma nax nüxü̃ pexĩnüexü̃ i ngẽma Tupana pemaxã nüxü̃ ixuxü̃, rü tama name nax nüxü̃ pexoexü̃”, ñaxü̃.

Ore i mexü̃ ga Cuáü̃ ümatüxü̃ 10:27

Chorü carnérugü rü nüxü̃ nacua̱x i chauga, rü choma rü chorü carnérugüxü̃ chacua̱x, rü nüma rü chowe narüxĩ.

Wiyaegü 81:13

Rü yexguma chi chauga pexĩnüegu, Pa Chorü Duü̃xü̃güx, rü chi nagu pexĩxgu ga yema pexü̃ chamuxü̃, Pa Iraétanüxü̃x, rü chi paxaxüchi chanaxãneexẽxẽ ga yema pemaxã rüxuanüã̱xgüxü̃ rü chi chanapoxcu —ñanagürü ga Tupana.

Popera ga Yudíugü ga yaxõgüxü̃ca̱x ümatüxü̃ 3:13

Rü ngẽmaca̱x ñu̱xma nax pexü̃́ natauxchaxü̃, rü name nixĩ nax wüxichigü pegüaxü̃́ penangúchaü̃xẽẽxü̃ i guxü̃ i ngunexü̃gu nax taxúema i petanüwa Tupanaxü̃ taxoxü̃ca̱x nagagu i ngẽma pecadu i pexü̃ womüxẽẽchaü̃xü̃.

Ore i mexü̃ ga Matéu ümatüxü̃ 17:5

Rü yexguma íyadexayane ga Pedru rü wüxi ga caixanexü̃ ga nangóonexẽẽxü̃ rü natanügu nayanga̱i̱xema. Rü yema caixanexü̃wa inanaxũ ga wüxi ga naga ga ñaxü̃: —Daa nixĩ ya Chaune ya nüxü̃ changechaü̃xü̃chicü rü namaxã chataãẽxü̃chicü. ¡Rü naga pexĩnüe! —ñanagürü.

Wiyaegü 81:11

Natürü i pema i chorü duü̃xü̃gü i Iraétanüxü̃, rü tama choxü̃́ ipexĩnüe rü tama chauga pexĩnüechaü̃.

Ore i mexü̃ ga Cuáü̃ ümatüxü̃ 10:3

Rü ngẽma yatü i carnérupǘxü̃arü ĩã̱xna dauxü̃ rü nayawãxna i ĩã̱x nax yaxücuxü̃ca̱x i carnérugüarü dauruxü̃. Rü nüma i carnérugü rü nüxü̃ nacua̱xgü i naga i ngẽma norü dauruxü̃. Rü ngẽma norü dauruxü̃ rü wüxichigü i norü carnéru rü naégamaxã naxca̱x naca nax ínamuxü̃ãxü̃ca̱x i naxpüü̃wa.

Ore i mexü̃ ga Cuáü̃ ümatüxü̃ 5:25

Rü aixcüma pemaxã nüxü̃ chixu rü nawa tá nangu i ora rü ñu̱xmatama nixĩ nax Tupana Nanega tá naxĩnüexü̃ i ngẽma duü̃xü̃gü i yuexü̃. Rü yíxema Tupana Nanega ĩnüexe rü tá tamaxẽ.

Ichaía 55:6

¡Rü naga pexĩnüe ya Cori ya Tupana rü ñoma rü ta pexna naxu! ¡Rü nüxna peca rü ñoma rü ta pexna nangaicama!

Ore i mexü̃ ga Cuáü̃ ümatüxü̃ 10:16

Rü choxü̃́ nangẽxmagü ta i togü i carnérugü i tama ñaa naxpüü̃wa ngẽxmagüxü̃. Rü ngẽmagü rü tá ta nua chanagagü, rü tá chauga naxĩnüe. Rü wüxitücumü tátama nixĩ rü choma tátama nixĩ i norü dauruxü̃ chixĩxü̃.

Ngu̱xẽẽtaeruü̃arü ore 9:10

Rü guxü̃ma i ngẽma puracü i nüxü̃ cucuáxü̃ nax cunaxüxü̃, ¡rü mea naxü! Erü ngẽxguma cuyu̱xgu rü tauquewa cungexmagu, rü taxuxü̃ma cuxü rü taxuguma curüxĩnü erü ngéma rü nataxuma i ta̱xacürü cua̱x.

Norü taxre ga popera ga Pedru ümatüxü̃ 1:21

Yerü taxuxü̃ma ga yema Tupanaarü orearü uruxü̃ rü nüechamatama nügüãẽwa nanayaxu ga yema ore ga nüxü̃ yaxugüexü̃. Natürü yexguma yema orexü̃ yaxugüegu, rü Naãxẽ ya Üünexü̃ nixĩ ga yadexagüxẽẽxü̃.

2 Chamué 23:2

—Tupanaãxẽ ya Üünecü rü chowa narüdexa rü norü ore rü chorü conüwa nangẽxma.

Popera ga Yudíugü ga yaxõgüxü̃ca̱x ümatüxü̃ 9:8

Rü ngẽmawa Tupanaãxẽ ya Üünecü tüxü̃ nüxü̃ nacua̱xẽxẽ rü woo nax namexü̃ nax nagu nachocuxü̃ i ngẽma nüxíraxü̃xü̃ i naxmachiã, natürü ñu̱xma rü ta rü ngẽma naxmachiã i Üünexüchixü̃ rü nachu̱xu nax ngẽxma nachocuxü̃.

Ore i mexü̃ ga Matéu ümatüxü̃ 22:43

Rü yexguma ga Ngechuchu rü ñanagürü: —¿Tü̱xcüü̃ ga Dabí ga norü Corimaxã naxuaxü̃ ga Cristu ga yexguma Tupanaãxẽ ga Üünexü̃ Dabíxü̃ idexaxẽxẽgu? Yerü ga Dabí rü ñanagürü:

Ucu̱xẽgüchiga 27:1

¡Taxṹ i cugü quicua̱xüxü̃ naxca̱x i ngẽma moxü̃ cuxüxchaü̃xü̃, erü tama nüxü̃ cucua̱x i ta̱xacü tá cuxü̃ ngupetüxü̃ i moxü̃arü ngunexü̃gu!

Ngechuchuarü ngúexü̃gü ga yamugüxü̃arü puracüchiga 28:25

Rü yexguma tama wüxigu naxĩnüegu ga yema duü̃xü̃gü, rü inanaxügü nax íyaxĩxü̃. Rü yemaca̱x ga Pauru rü ñanagürü nüxü̃: —Mea perü o̱xigümaxã nidexa ga Tupanaãxẽ ya Üünecü ga yexguma Ichaíaxü̃ yadexaxẽẽgu rü ñaxgu:

Ore i mexü̃ ga Márcu ümatüxü̃ 12:36

¿Rü ñuxãcü i ngẽmaãcü yadexagüxü̃? Yerü nümatama ga Dabí, rü yexguma Tupanaãxẽ ya Üünecü naãxẽwa idexaxgu rü ñanagürü: “Cori ya Tupana rü chorü Corixü̃ ñanagürü: ‘¡Nua chorü tügünecüwawa rüto ñu̱xmatáta nüxü̃ charüporamae i curü uanügü nax cuga naxĩnüexü̃ca̱x!’ ” ñanagürü ga yema orewa.

Ngechuchuarü ngúexü̃gü ga yamugüxü̃arü puracüchiga 1:16

—Pa Chomücügüx, marü ningu ga yema Tupanaãxẽ ya Üünecü nũxcüma Dabíxü̃ muxü̃ nax naxümatüaxü̃ca̱x nachiga ga Yúda ga namaarü cua̱xruxü̃ ixĩxü̃ naxca̱x ga yema duü̃xü̃gü ga Ngechuchuxü̃ iyauxgüxü̃.

Ngechuchuarü ngúexü̃gü ga yamugüxü̃arü puracüchiga 8:29

Rü Tupanaãxẽ ya Üünecü rü Ferípexü̃ ñanagürü: —¡Paxa naxca̱x ixũ i ngẽma caru! —ñanagürü.

Popera ga Yudíugü ga yaxõgüxü̃ca̱x ümatüxü̃ 10:15

Rü Tupanaãxẽ ya Üünecü rü tüxü̃ nüxü̃ nacua̱xẽxẽ nax aixcüma yixĩxü̃ i ngẽma, yerü nüma ga Tupana rü ñanagürü: “Ngẽxguma nawa nanguxgu nax wena ngẽma Yudíugümaxã ichaxunetaxü̃, rü wüxi i uneta i ngexwaca̱xü̃xü̃ tá namaxã chixu. Rü norü maxü̃newa tá chanangexmaxẽxẽ i chorü mugü, rü naãẽwa tá chanaxümatü.