Popera ga Yudíugü ga yaxõgüxü̃ca̱x ümatüxü̃ 3:18 - Tupanaarü Ore

¹⁸ ¿Rü texégümaxã nixĩ ga inaxunetaxü̃ ga Tupana nax taxũtáma yema naanewa nangugüxü̃ nax yexma nangü̃ẽxü̃ca̱x? Rü yemagü nixĩ ga yema duü̃xü̃gü ga tama naga ĩnüexü̃.

Popera ga Yudíugü ga yaxõgüxü̃ca̱x ümatüxü̃ 3:18 Referans Kwoze

Iraétanüxü̃arü muxchiga 14:30

Rü bai tá i wüxi i ngẽma duü̃xü̃gü nagu nachocu i ngẽma naane i pemaxã nüxü̃ chixuxü̃. Rü Caréx rü Yochuéxicatama tá nixĩ i ngéma ngugüxü̃.

Iraétanüxü̃arü muxchiga 20:12

Natürü nüma ga Cori ya Tupana rü Moichéxü̃ rü Aróü̃xü̃ ñanagürü: —Ñu̱xma nax tama aixcüma choxü̃́ peyaxõgüxü̃ rü tama choxü̃ picua̱xüü̃güxü̃ i nape̱xewa i ngẽma Iraétanüxü̃, rü ngẽmaca̱x i pema rü marü taxũtáma ñaa duü̃xü̃gümaxã nawa pengugü i ngẽma naane i pexna chaxãxü̃ —ñanagürü ga Tupana.

Popera ga Yudíugü ga yaxõgüxü̃ca̱x ümatüxü̃ 4:2

Erü yixema rü marü nüxü̃ taxĩnüe i Tupanaarü ore i mexü̃ i maxü̃chiga, yexgumarüxü̃ ga yema nũxcümaü̃güxü̃ ga duü̃xü̃gü nüxü̃ nax naxĩnüexü̃. Natürü nümagü ga yema duü̃xü̃gü rü taxuwama nüxü̃́ name ga nüxü̃ nax naxĩnüexü̃ ga yema ore, yerü tama yema togü ga naga ĩnüexü̃rüxü̃ nayaxõgü.

Popera ga Yudíugü ga yaxõgüxü̃ca̱x ümatüxü̃ 3:11

Rü yemaca̱x nixĩ ga namaxã chanuxü̃ ga yema duü̃xü̃gü, rü namaxã nüxü̃ chixu nax taxũtáma yema naane ga noxri namaxã ichaxunetaxü̃wa nangugüxü̃ nax yexma nangü̃ẽxü̃ca̱x”, ñanagürü ga Tupana.

Wenaxarü naxümatü ga Tupanaarü mugü 9:23

Rü yexguma Cadé-banéawa Cori ya Tupana pexü̃ imuãchitanügu nax peyapuxü̃ca̱x ga yema naane ga nüma pexna naxãxü̃, rü tama naga pexĩnüechaü̃. Rü tama nüxü̃́ peyaxõgü rü tama peyangu̱xẽxẽ ga yema nüma pexü̃ namuxü̃.

Iraétanüxü̃arü muxchiga 14:11

Rü yexguma ga nüma ga Cori ya Tupana rü Moichéxü̃ ñanagürü: —¿Ñuxguratáta nixĩ i choxü̃́ inaxĩnüexü̃ i ñaa duü̃xü̃gü? ¿Rü ñuxguratáta nixĩ i nüxü̃ naxoexü̃ nax tama choxü̃́ yaxõgüãxü̃ rü woo nüxü̃ nax nadaugüxü̃ ga yema mexü̃gü ga chorü poramaxã nape̱xewa chaxüxü̃?

Wiyaegü 78:22

Yerü ga nümagü rü tama aixcüma Tupanagu nayaxõgü rü nagu naxĩnüegu rü tama nüxü̃́ natauxcha nax nüma ya Tupana nüxü̃ rüngü̃xẽẽxü̃.

Ore i mexü̃ ga Cuáü̃ ümatüxü̃ 3:36

Rü yíxema Tupana Naneaxü̃́ yaxṍxe rü tüxü̃́ nangẽxma i maxü̃ i taguma gúxü̃. Natürü yíxema tama nüxü̃́ yaxõxchaü̃xẽ ya Tupana Nane, rü taxũtáma tüxü̃́ nangẽxma i ngẽma maxü̃ i taguma gúxü̃. Natürü tá tanayaxu i ngẽma ãũcümaxü̃ i poxcu ya Tupana tá namaxã tüxü̃ poxcuxü̃ —ñanagürü ga Cuáü̃ ga baiü̃ẽẽruxü̃.

Romanos 11:30

Rü pema nax tama Yudíugü pixĩgüxü̃, rü ü̃pa rü tama Tupanaga pexĩnüe. Natürü i ñu̱xma nax tama Tupanaga naxĩnüexü̃ i ngẽma Yudíugü, rü ngẽmaca̱x Tupanaaxü̃́ pengechaü̃tümüxü̃gü erü peyaxõgü i pemax.

Popera ga Yudíugü ga yaxõgüxü̃ca̱x ümatüxü̃ 4:11

Rü ngẽmaca̱x name nax yigü iporaãẽxẽẽxü̃ nax yaxõgüxü̃ rü naga ixĩnüexü̃ nax ichocuxü̃ca̱x i ngextá Tupana tüxü̃ írüngü̃güxẽẽxü̃wa. Erü tama tanaxwa̱xe nax texé ngürüãchi yema nũxcümaü̃güxü̃ ga duü̃xü̃gü ga tama Tupanaga ĩnüexü̃rüxü̃ norü orexü̃ taxoxü̃.