Popera ga Yudíugü ga yaxõgüxü̃ca̱x ümatüxü̃ 2:6 - Tupanaarü Ore

⁶ Rü Tupanaarü ore i ümatüxü̃wa rü ñanagürü: “Pa Tupanax, ¿ta̱xacü nixĩ i duü̃xü̃gü rü ngẽmaca̱x nagu curüxĩnüxü̃? ¿Rü ta̱xacüwa name rü ngẽmaca̱x naxca̱x cuxoegaãẽxü̃?

Popera ga Yudíugü ga yaxõgüxü̃ca̱x ümatüxü̃ 2:6 Referans Kwoze

Wiyaegü 144:3

Pa Cori Pa Tupanax ¿ta̱xacüwa cuxü̃́ name ya yimá duü̃ rü ngẽmaca̱x nagu curüxĩnüxü̃? ¿Rü curü ta̱xacü nixĩ ya yimá duü̃ rü ngẽmaca̱x poraãcü nüxü̃ cungechaü̃xü̃?

Ichaía 51:12

Rü Tupana rü Yerucharéü̃xü̃ ñanagürü: —Chomatama nixĩ i cuxü̃ chataãẽxẽẽxü̃. ¿Rü texéxü̃ nixĩ i cumuü̃exü̃? ¿Ẽ̱xna yatügüxü̃ i duü̃xü̃gümare ixĩgüxü̃? Natürü nümagü rü ñoma maxẽrüxü̃ nayue.

Yox 25:6

Rü yexera i wüxi i duü̃xü̃ rü Tupanape̱xewa rü taxuxü̃ma i mexü̃ nawa nangẽxma. Rü ñoma wüxi i õxmi i taxuwama mexü̃rüxü̃ nixĩ —ñanagürü ga Biridá.

Yox 15:14

Rü nataxuma i yatü i aixcüma mea maxü̃xü̃ rü bai i nangẽxmaxü̃ i yatü i ngearü chixexü̃ã́xü̃.

Nüxíraxü̃xü̃ ga popera ga Pedru ümatüxü̃ 1:11

Rü nümagü ga yema orearü uruü̃gü rü Tupanaarü poperawa nangúe nax nüxü̃ nacua̱xgüxü̃ca̱x nax ñuxãcü tá nax yixĩxü̃ rü ñuxguacü tá nax nangóxü̃ ga gumá maxẽxẽẽruxü̃ ga Cristu. Rü Cristuãxẽ i Üünexü̃ ga yema orearü uruü̃güwa yexmaxü̃, rü nüxü̃ nüxü̃ nacua̱xẽxẽ nax Cristu rü tá ngúxü̃ yangexü̃ rü tá nayuxü̃ rü yemawena rü wena tá namaxü̃xü̃ rü daxũguxü̃ i naanewa tá nax naxũxü̃.

Ore i mexü̃ ga Luca ümatüxü̃ 7:16

Rü yexguma yemaxü̃ nadaugügu ga duü̃xü̃gü, rü guxü̃ma namuü̃e. Rü inanaxügüe ga Tupanaxü̃ nax yacua̱xüü̃güxü̃. Rü ñanagürügü: —Wüxi i Tupanaarü orearü uruxü̃ i poraxü̃ tatanüwa nango̱x —ñanagürügü. Rü ñanagürügü ta: —Tupana nua naxũ nax norü duü̃xü̃güxü̃ yanangü̃xẽẽxü̃ca̱x —ñanagürügü.

Naanearü ügüchiga 50:24

Rü wüxi ga ngunexü̃ naxü̃pa ga nax nayuxü̃ ga Yúche rü naenexẽgüxü̃ ñanagürü: —Marü taxũtáma nũxcü chayu. Natürü Tupana tá nixĩ ya pexü̃ rüngü̃xẽẽcü. Rü nüma tá nixĩ i pexü̃ ínachoxü̃xẽxẽxü̃ i ñaa nachixü̃anewa nax yema naane ga tórü o̱xigü ga Abraáü̃na, rü Ichaána, rü tanatü ga Acóbuna naxuaxü̃xü̃wa pexĩxü̃ca̱x —ñanagürü.

Popera ga Yudíugü ga yaxõgüxü̃ca̱x ümatüxü̃ 5:6

Rü tóxnamana i Tupanaarü ore i ümatüxü̃wa rü ñanagürü ta: “Cuma nixĩ i guxü̃gutáma duü̃xü̃güarü poxü̃ruxü̃ i chacherdotegüarü ãẽ̱xgacü quixĩxü̃, gumá chacherdóte ga Melquichedéxrüxü̃”, ñanagürü.

Ore i mexü̃ ga Luca ümatüxü̃ 1:78

Tórü Tupana rü poraãcü nüxü̃́ tangechaü̃tümüxü̃gü. Rü ngẽmaca̱x ñoma ngexwaca̱xü̃xü̃ i ngunexü̃arü üa̱xcü ngóxü̃rüxü̃ daxũguxü̃ i naanewa taxca̱x ne nanamu i ñoma i naanearü nangóonexẽẽruxü̃ i ngexwaca̱xü̃xü̃ nax nangóonetanüxẽxẽãxü̃ca̱x i ngẽma duü̃xü̃gü i ẽanexü̃ i ãũcümaxü̃wa ngẽxmagüxü̃. Rü nüma tá tüxü̃ narüngü̃xẽxẽ nax Tupanamaxã rüngüxmüe”, ñanagürü ga Chacaría.

Ore i mexü̃ ga Luca ümatüxü̃ 1:68

Rü ñanagürü: “Namecümaxüchi ya tórü Cori ga tórü o̱xi ga Iraéarü Tupana. Erü núma tatanüwa nangu nax tüxü̃ nangü̃xẽẽxü̃ca̱x i yixema i norü duü̃xü̃gü nax ixĩgüxü̃.

Ichaía 40:17

Rü guxü̃ma i nachixü̃anegü rü Tupanape̱xewa taxuxü̃ma nixĩgü. Rü Tupanaca̱x taxuwama nime.

1 Tesalonicenses 4:6

Rü tama name i texé tümaenexẽxü̃ tawomüxẽxẽ. Rü Tupana tá poraãcü tüxü̃ napoxcu ya guxãma ya yíxema ngẽmaãcü maxü̃́xe, yema marü pemaxã nüxü̃ tixuxü̃rüxü̃.