Popera ga Yudíugü ga yaxõgüxü̃ca̱x ümatüxü̃ 2:17 - Tupanaarü Ore

¹⁷ Rü nüma ga Ngechuchu rü nanaxwa̱xe nax yixema i naenexẽgü ixĩgüxü̃rüü̃tama nügü yaxĩxẽẽxü̃ nax yemaacü tórü chogüruxü̃ ya mecümacü ya nüxü̃́ ingechaü̃tümüxü̃gücü yixĩxü̃ca̱x i Tupanape̱xewa. Rü yemaca̱x nixĩ ga nügü inaxãxü̃ rü nayuxü̃ nax yemaacü Tupana duü̃xü̃güaxü̃́ nüxü̃ irüngümaxü̃ca̱x ga norü pecadugü.

Popera ga Yudíugü ga yaxõgüxü̃ca̱x ümatüxü̃ 2:17 Referans Kwoze

Popera ga Yudíugü ga yaxõgüxü̃ca̱x ümatüxü̃ 4:14

Ngechuchu ya Tupana Nane nixĩ i chacherdótegüarü ãẽ̱xgacü i daxũguxü̃ i naanewa ngucü nax ngéma Nanatüpe̱xewa tüxü̃ ínapoxü̃xü̃ca̱x. Rü ngẽmaca̱x tanaxwa̱xe i guxü̃guma nüxü̃́ tayaxõgü rü taguma nüxü̃ tarüxoe.

Popera ga Yudíugü ga yaxõgüxü̃ca̱x ümatüxü̃ 2:14

Rü nüma ga Ngechuchu rü woo Tupana nax yixĩxü̃ natürü duü̃xü̃rüxü̃ãcü ñoma ga naanewa naxũ nax taxrüxü̃ naxãmachixü̃ca̱x rü naxãgüxü̃ca̱x nax tachicüxü nayuxü̃ca̱x rü yemaacü yanaxoxẽẽãxü̃ca̱x ga Chatanáarü pora ga namaxã tüxü̃ iyanatauxẽẽchaü̃xü̃.

Popera ga Yudíugü ga yaxõgüxü̃ca̱x ümatüxü̃ 7:26

Rü ñu̱xma rü Ngechuchu rü Chacherdóte ya Guxü̃étüwa Ngẽxmacü nixĩ ya inaxwa̱xecü. Erü nüma rü aixcüma naxüüne, rü nawa nataxuma i chixexü̃, rü nangearü pecaduã̱x, rü taguma duü̃xü̃gürüxü̃ pecadu naxü. Rü nüma nixĩ i daxũguxü̃ i naaneétüwa ngẽxmaxü̃ rü namaxã inacuáxü̃.

Romanos 5:10

Rü yexguma norü uanügü ixĩgügu, rü nümatama ga Tupana rü nügümaxã tüxü̃ inarüngü̃xmüexẽxẽ ga yexguma nayu̱xgu ga Nane. Rü ñu̱xma nax marü namaxã irüngüxmüexü̃, rü yexeraãcü nüxü̃ tacua̱x nax tüxü̃́ nangẽxmaxü̃ i maxü̃ i taguma gúxü̃ nagagu nax namaxü̃xü̃ i nüma ya Nane.

Popera ga Yudíugü ga yaxõgüxü̃ca̱x ümatüxü̃ 2:11

Rü Ngechuchu nixĩ ya tüxü̃ imexẽẽgücü nax Tupanape̱xewa ixüünegüxü̃ca̱x. Rü ñu̱xma i nüma ya Ngechuchu ya tüxü̃ imexẽẽgücü rü guxãma i yixema nax tüxü̃ yaxüünexẽẽgüxü̃ rü wüxitama nixĩ ya Tanatü. Rü ngẽmaca̱x nixĩ i nüma ya Ngechuchu ya Tupana Nane, rü tama taxca̱x naxãnexü̃ nax naenexẽgümaxã tüxü̃ naxuxü̃.

Danié 9:24

Rü 70 i yüxügü ngupetüguwena rü yima curü ĩane ya üünene ya Yerucharéü̃ rü ngẽma curü duü̃xü̃gü i Iraétanüxü̃ rü düxwa tá inayarüxo i norü chixexü̃ i naxügüxü̃ rü tá Tupanaga naxĩnüe. Rü Tupana tá nüxü̃́ inanaxoxẽxẽ i ngẽma norü chixexü̃gü, rü tá nüxü̃́ nüxü̃ inarüngüma i ngẽma norü chixexü̃. Rü tá ningucuchi ya yimá aixcüma mecü nax guxü̃guma norü duü̃xü̃gümaxã mea inacuáxü̃ca̱x. Rü ngẽmaãcü tá ningu ga yema Tupana cuxü̃ wéxü̃. Rü wena tá nanamexẽxẽ ya yima napata ya üünene.

Popera ga Yudíugü ga yaxõgüxü̃ca̱x ümatüxü̃ 3:5

Rü Moiché rü wüxi ga Tupanaarü duü̃ ga aixcüma mecü nixĩ yerü mea nüxna nadau ga Tupanaarü duü̃xü̃gü ga Yudíugü, yema Tupana namaxã nüxü̃ ixuxü̃rüxü̃. Rü nüma ga Moiché nixĩ ga duü̃xü̃gümaxã nüxü̃ yaxuxü̃ nax yixcüra Tupana tá nüxü̃ rüngü̃xẽẽxü̃.

Colosenses 1:21

Rü pema ga ü̃pa rü Tupanana peyaxü̃gugü rü norü uanügü pixĩgü, yerü naxchi pexaie nagagu ga perü chixexü̃gü ga nagu perüxĩnüexü̃ rü nagu pemaxẽxü̃.

Popera ga Yudíugü ga yaxõgüxü̃ca̱x ümatüxü̃ 7:28

Rü yema mugü ga Moiché ümatüxü̃wa duü̃xü̃gümarexü̃ naxuneta nax chacherdótegüerugü yixĩgüxü̃ca̱x. Natürü nümagü rü nipecaduã̱xgü. Natürü ñu̱xma ya Tupana rü yema mugü inaxãxguwena rü nügüégagu Nane ya Guxü̃guma Mecüxü̃ naxuneta nax guxü̃guma tórü chacherdóte ya Guxü̃étüwa Ngẽxmacü yixĩxü̃ca̱x.

Efesios 2:16

Rü yexguma curuchagu nayu̱xgu ga Cristu, rü inayanaxoxẽxẽ nax yigüchi ixaiexü̃. Rü yemaacü Tupanamaxã tüxü̃ inarüngüxmüẽxẽxẽ, rü wüxitama i duü̃xü̃güxü̃ tüxü̃ nixĩgüxẽxẽ.

Romanos 15:17

Rü ngẽmaca̱x Ngechuchu ya Cristugagu chataãxẽ namaxã i ngẽma puracü i Tupanaaxü̃́ chaxüxü̃.

Lebítanüxü̃arü puracüchiga 8:15

Rü yexguma nüma ga Moiché rü nayawíyenaxã ga yema naxü̃na. Rü ñu̱xũchi nagügu narüxu, rü gumá nagümaxã nayachagü ga nachaxta̱xcuregü ga yema ãmarearü guruxü̃ nax Tupanape̱xewa nangearü ãũãchiã́xü̃ca̱x. Rü gumá nagü ga íyaxücü rü yema ãmarearü guruxü̃ namaxã ínabaegu. Rü yemaacü Tupanaarü puracüca̱x nüxü̃ naxuneta ga yema ãmarearü guruxü̃ nax yéma Tupana nüxü̃́ nüxü̃ rüngü̃maxü̃ca̱x ga duü̃xü̃güarü pecadugü.

Popera ga Yudíugü ga yaxõgüxü̃ca̱x ümatüxü̃ 3:2

Rü Tupana rü marü Ngechuchuxü̃ naxuneta nax naxüaxü̃ca̱x ga yema puracü ga Tupana nüxna ãxü̃. Rü nüma ga Ngechuchu rü aixcüma Nanatüga naxĩnü rü nayanguxẽxẽ ga yema puracü yexgumarüxü̃ ga Moiché meama nax naxüxü̃ ga yema puracü ga Tupana nüxna ãxü̃ nax nüxna nadauxü̃ca̱x ga Tupanaarü duü̃xü̃gü ga Yudíugü.

Echequié 45:20

Rü ngẽxguma yima tauemacüarü 7 i ngunexü̃wa nanguxgu rü ngẽma tátama pexü naxca̱x i ngẽma duü̃xü̃ i naechita chixexü̃ üxü̃. Rü ngẽmaãcü tá peyanaxoxẽxẽ i ngẽma ãũãchixü̃ i chopatawa ngẽxmaxü̃.

Echequié 45:17

Rü nüma i ãẽ̱xgacü tá nixĩ i naxãxü̃ i ngẽma naxü̃nagü nax cha̱u̱xca̱x nada̱i̱xü̃ca̱x rü ínaguxü̃ca̱x. Rü ngẽxgumarüxü̃ tá ta inanana i ngẽma ãmaregü i tríguarü o rü chebádaarü o rü bínu i ngẽxguma nango̱xgu ya ngexwacaxü̃cü ya tauemacü rü ngẽxguma ngü̃chigaarü ngunexü̃wa nanguxgu rü ngẽxguma nawa nanguxgu i guxü̃ma i ngẽma petagü ga Iraétanüxü̃wa nüxü̃ chaxunetaxü̃. Rü ngẽxgumarüxü̃ tá ta inanaxã i ngẽma ãmaregü i pecaduarü ütanüruxü̃ ixĩgüxü̃, rü ãmaregü i tríguarü o rü chebádaarü o rü ãmaregü i cha̱u̱xca̱x ínaguxü̃ rü ãmaregü nax choxü̃ nangüxmüxẽẽxü̃ca̱x rü nüxü̃́ nüxü̃ icharüngümaxü̃ca̱x i Iraétanüxü̃arü pecadugü —ñanagürü.

Echequié 45:15

Rü ngẽxgumarüxü̃ ta i perü carnérugütanüwa, rü wüxichigü i 200 gütanüwa rü tá choxna penamu i wüxi i carnéru i ngẽma Iraéanearü maxẽ i rümemaecüwa chibüxü̃. Rü ngẽma tríguarü o rü ngẽma chebádaarü o tá nixĩ i ãmare i tá choxna pexãgüxü̃. Rü ngẽma carnérugü tá nixĩ i cha̱u̱xca̱x pedaixü̃ rü ípeguxü̃ nax choxü̃ perüngüxmüxẽẽxü̃ca̱x rü pexü̃́ nüxü̃ icharüngümaxü̃ca̱x i perü pecadugü. Rü ngẽma nixĩ i choma ya Cori ya Tupana pexü̃ chamuxü̃.

Ichaía 11:5

Rü nüma ya yimá ãẽ̱xgacü rü meama guxü̃ma i duü̃xü̃gümaxã tá inacua̱x. Rü aixcüma tá nayanguxẽxẽ i ngẽma ore i nüxü̃ yaxuxü̃.

Norü taxre ga to ga popera ga ãẽ̱xgacügüchiga ümatüxü̃ 29:24

Rü yexguma ga nüma ga chacherdótegü rü nanadai ga yema chíbuxacügü. Rü gumá nagü rü yema ãmarearü guruü̃gu nanabagü nax guxü̃ma ga Iraétanüxü̃arü pecadugüarü ütanüruxü̃ yixĩxü̃ca̱x. Yerü nüma ga ãẽ̱xgacü rü nanamu nax yema ãmare rü guxü̃ma ga Iraétanüxü̃arü pecadugüca̱x nax yixĩxü̃.

Lebítanüxü̃arü puracüchiga 6:30

Natürü tama name nax nangõ̱xgüãxü̃ i ngẽma naxü̃na i pecaduarü ütanüca̱x imáxü̃ rü chopatawa nangegüãcü ya nagü nax yimamaxã chopatawa yaxütanügüãxü̃ca̱x i duü̃xü̃güarü pecadugü nax ngẽmaãcü choma nüxü̃ icharüngümaxü̃ca̱x i norü pecadugü. Rü ngẽma naxü̃na i ãmare ixĩxü̃ rü üxüwa tá nigu.

Lebítanüxü̃arü puracüchiga 14:18

Rü ngẽma chíxü̃ i naxme̱xwa íyaxüxü̃maxã tá tüxü̃ nachaeru ya yíxema duü̃xẽ ya chaxünewa tüxü̃ namexexẽxẽ. Rü ngẽmaãcü ya chacherdóte rü tá tümaétüwa nachogü, nax ngẽmaãcü Tupana tüxü̃́ nüxü̃ iyarüngümaxü̃ca̱x i tümaarü pecadu.

Lebítanüxü̃arü puracüchiga 16:16

Rü nüma i Aróü̃ rü ngẽmaãcü tá nixĩ i chopataarü naxmachiã i üünexüchixü̃wa iyanaxoxẽẽãxü̃ i guxü̃ma i ngẽma Iraétanüxü̃arü ãũãchixü̃gü rü yema nax tama chauga naxĩnüexü̃, rü yema togü ga pecadugü ga naxügüxü̃. Rü ngẽma duü̃xü̃güpatagüarü ngãxü̃tanüwa ngẽxmane ya chopata, rü nüma i Aróü̃ rü ngẽxgumarüxü̃ tá ta nawa inanaxoxẽxẽ i ngẽma Iraétanüxü̃arü ãũãchixü̃gü.

Iraétanüxü̃arü muxchiga 15:25

Rü ngẽma ãmare rü chacherdóte tá nixĩ i chope̱xewa ínaguxü̃ guxü̃ma i Iraétanüxü̃arü chixexü̃arü ütanüruxü̃. Rü choma rü tá nüxü̃́ nüxü̃ charüngüma i norü pecadu, erü ngẽma chixexü̃ i naxügüxü̃ rü naechita nanaxügü. Rü ngẽmaca̱x chanaxwa̱xe nax ãmare choxna naxãgüxü̃ rü naxü̃na cha̱u̱xca̱x nada̱i̱xü̃ norü chixexü̃ i naxügüxü̃arü ütanüruxü̃.

Popera ga Yudíugü ga yaxõgüxü̃ca̱x ümatüxü̃ 2:16

Rü yemaca̱x ñoma ga naanewa nangu ga Ngechuchu nax taxca̱x nayuxü̃ca̱x i guxãma i yixema nax Abraáü̃rüxü̃ yaxõgüxü̃. Rü tama daxũcüã̱x i orearü ngeruü̃güca̱x nayu, natürü taxca̱x nixĩ ga núma naxũxü̃ rü nayuxü̃.

Popera ga Yudíugü ga yaxõgüxü̃ca̱x ümatüxü̃ 3:1

Rü ñu̱xma Pa Chauenexẽgü ya Tupanape̱xewa Üünegüxe, rü pexü̃ nixĩ ya Tupana i nadexü̃ nax norü duü̃xü̃gü pixĩgüxü̃ca̱x. Rü ngẽmaca̱x name nixĩ i mea nagu perüxĩnüe ya Ngechuchu ya Cristu ya Tupana núma namucü. Rü nüma ya Ngechuchu nixĩ i tórü chogüruxü̃ i Tupanape̱xewa tüxü̃ ixüünexẽẽcü. Rü yimáaxü̃́ nixĩ i yaxõgüxü̃.

Popera ga Yudíugü ga yaxõgüxü̃ca̱x ümatüxü̃ 4:15

Rü nüma ya Ngechuchu ya torü poxü̃ruxü̃ ya chacherdótearü ãẽ̱xgacü ixĩcü rü nüxü̃ nacua̱x nax tüxü̃ ínapoxü̃xü̃ i ngẽxguma Chataná tüxna ĩnügu, yerü nüma ga Chataná rü nüxna rü ta naxĩnü ngẽma tüxna nax naxĩnüxü̃rüxü̃. Natürü nüma ga Ngechuchu rü taguma pecadu naxü.

Popera ga Yudíugü ga yaxõgüxü̃ca̱x ümatüxü̃ 5:1

Rü guxü̃ma i ngẽma chacherdotegüarü ãẽ̱xgacügü rü yatügütanüwa nüxü̃ naxunetagü nax nüma rü duü̃xü̃güxü̃ ínapoxü̃ i Tupanape̱xewa rü Tupanaca̱x inaxããxü̃ca̱x i ãmaregü rü nadaiaxü̃ca̱x i naxü̃nagü nax ngẽmaãcü Tupana duü̃xü̃güaxü̃́ nüxü̃ iyanangümaxü̃ca̱x i norü pecadugü.

Popera ga Yudíugü ga yaxõgüxü̃ca̱x ümatüxü̃ 5:2

Natürü ngẽma chacherdotegüarü ãẽ̱xgacü rü duü̃xü̃tama nixĩ rü ngẽmaca̱x nüxü̃ nacua̱x nax yáxna namaxã naxĩnüxü̃ i duü̃xü̃gü i ngẽxguma naechitamare pecadu naxüegu.

Popera ga Yudíugü ga yaxõgüxü̃ca̱x ümatüxü̃ 5:5

Rü yexgumarüxü̃ ga Ngechuchu rü tama nügütama ningucuchixẽxẽ nax Tupanape̱xewa tórü poxü̃ruxü̃ i chacherdotegüarü ãẽ̱xgacü yixĩxü̃ca̱x. Natürü Tupana nixĩ ga yangucuchixẽẽcü. Yerü Tupanatama nixĩ ga nüxü̃ ñacü: “Cuma nixĩ i Chaune. Rü ñu̱xma chanango̱xẽxẽ nax Chaune quixĩxü̃”, ñacü.

Popera ga Yudíugü ga yaxõgüxü̃ca̱x ümatüxü̃ 5:10

Rü Tupana rü Nanexü̃ ningucuchixẽxẽ nax tórü poxü̃ruxü̃ i chacherdotegüarü ãẽ̱xgacü yixĩxü̃ca̱x yema chacherdóte ga Melquichedéxrüxü̃.

Popera ga Yudíugü ga yaxõgüxü̃ca̱x ümatüxü̃ 6:20

Rü yemaca̱x yexma Tupanaxü̃tagu nüxíra naxücu ga Ngechuchu nax ngéma guxü̃guma Tupanape̱xewa taétüwa nachogüxü̃ca̱x. Rü yemaacü ga Ngechuchu rü gumá chacherdóte ga Melquichedéxrüxü̃ Tupanape̱xewa chacherdóte nixĩ.

Popera ga Yudíugü ga yaxõgüxü̃ca̱x ümatüxü̃ 8:1

Rü ngẽma pemaxã nüxü̃ tixuxchaü̃xü̃ i ñu̱xma nixĩ nax Tupanape̱xewa tüxü̃́ nangẽxmaxü̃ ya tórü ngü̃xẽẽruxü̃ ya chacherdóte ya Guxü̃étüwa Ngẽxmacü. Rü nüma rü daxũguxü̃ i naanewa i Tupanaarü tochicaxü̃arü tügünecüwawa narüto.

Popera ga Yudíugü ga yaxõgüxü̃ca̱x ümatüxü̃ 8:3

Rü guxü̃ma i ngẽma Yudíugüarü chacherdótegüerugü rü nüxü̃ naxunetagü nax Tupanana naxãgüãxü̃ca̱x i ãmaregü rü naxca̱x nadaiaxü̃ca̱x i naxü̃nagü nax Tupana duü̃xü̃güaxü̃́ nüxü̃ rüngü̃maxü̃ca̱x i norü pecadugü. Rü yemaca̱x ga Ngechuchu rü nanaxwa̱xe nax Tupanana naxããxü̃ca̱x i wüxi i ãmare.

Popera ga Yudíugü ga yaxõgüxü̃ca̱x ümatüxü̃ 9:11

Natürü i ñu̱xma rü marü ínangu ya Cristu. Rü nüma nixĩ i aixcüma tórü Chacherdóteeru i tórü ngü̃xẽẽruxü̃ yixĩxü̃ i Tupanape̱xewa, rü nagagu nixĩ i nangẽxmaxü̃ i maxü̃ i taguma gúxü̃. Rü gumá Tupanapata i ngextá taétüwa ínachogüxü̃wa rü aixcüma naxüüne. Rü tama gumá ĩpata ga naxchirunaxca̱x ga duü̃xü̃gümare üxü̃nerüxü̃ nixĩ erü daxũguxü̃ i naanewa nangẽxma.

Popera ga Yudíugü ga yaxõgüxü̃ca̱x ümatüxü̃ 10:21

Rü ñu̱xma tüxü̃́ nangẽxma ya tórü Chacherdóteeru ya Cristu ya Guxü̃étüwa Ngẽxmacü ya Tupanaarü duü̃xü̃gümaxã icuácü.