Popera ga Yudíugü ga yaxõgüxü̃ca̱x ümatüxü̃ 2:15 - Tupanaarü Ore

¹⁵ Rü yemaacü nanaxü ga Ngechuchu nax Chatanáme̱xẽwa tüxü̃ ínanguxü̃xẽẽxü̃ca̱x ga guxãma ga yíxema ga guxü̃ ga tümaarü maxü̃gu yuca̱x muü̃xe.

Popera ga Yudíugü ga yaxõgüxü̃ca̱x ümatüxü̃ 2:15 Referans Kwoze

Romanos 8:15

Yerü pema rü tama penayauxgü ga wüxi ga naãxẽ i pexü̃ muü̃ẽẽxü̃. Natürü yema Naãxẽ ga peyauxgüxü̃ rü Tupanaxacügü pexü̃ nixĩgüxẽxẽ. Rü ngẽmatama Naãxẽ ya Üünexü̃ nixĩ i tüxü̃ rüngü̃xẽẽxü̃ nax Tupanaxü̃ ñagüxü̃: “Pa Papax”, ñagüxü̃ nüxü̃.

Norü taxre ga popera ga Timutéuca̱x naxümatüxü̃ ga Pauru 1:7

Yerü Tupana rü tama tüxna nanamu ga wüxi ga naãxẽ i muü̃ tüxna ãxü̃, natürü tüxna nanamu ga Naãxẽ ya Üünexü̃ nax tüxü̃ naporaexẽẽxü̃ca̱x nax duü̃xü̃güxü̃ íngechaü̃güxü̃ca̱x rü taãẽxü̃ icuáxü̃ca̱x.

2 Corintios 1:10

Rü Tupana rü toxü̃ ínanguxü̃xẽxẽ nawa ga yema guxchaxü̃ ga yuwa toxü̃ gagüchaü̃xü̃. Rü ngẽxgumarüxü̃ tá ta toxü̃ ínanguxü̃xẽxẽ nawa i ñaa taxü̃ i guxchaxü̃ i ñu̱xma toxü̃́ ngẽxmaxü̃. Rü aixcüma tayaxõgü nax nüma rü guxü̃gutáma ngẽmaãcü toxü̃ nangü̃xẽẽxü̃.

Romanos 8:21

Erü ngẽma ngunexü̃ ya Tupana tá nagu nadexü̃ i naxacügü nax naxü̃tawa nangẽxmagüxü̃ca̱x, rü ngẽxguma tá ta nixĩ i chixexü̃wa ínanguxü̃xẽẽãxü̃ i guxü̃ma ga yema nümatama naxüxü̃. Rü ngẽmaãcü wenaxarü noxrirüxü̃ tá name i guxü̃ma.

Wiyaegü 55:4

Rü chiyuxnearü maxü̃neã̱x erü poraãcü chamuü̃ nüxü̃ i ngẽma yu i choxna nguxü̃.

Wiyaegü 89:48

Rü taxúema texé tamaxecha rü taguma tayu. Rü taxúema texé nawa ítanguxuchi i yuarü pora.

Wiyaegü 56:13

Erü cuma rü chorü guxchaxü̃wa choxü̃ ícunguxuchixẽxẽ nax tama chayuxü̃ca̱x. Rü choxü̃ ícupoxü̃ nax curü ngóonexü̃wa chamaxü̃xü̃ca̱x.

Wiyaegü 33:19

Rü yuwa tüxü̃ ínapoxü̃ rü maxü̃ tüxna naxã ega ñoma i naanewa taiya ínguxgu.

Yox 24:17

Rü ngẽxguma yangóonegu rü ngẽma duü̃xü̃gü i ngĩ́ta̱xgüxü̃ca̱x rü nachüta erü guxü̃ma i ngẽma duü̃xü̃gü i ngĩta̱xgüxü̃ rü yexera nanaxwa̱xegü i ngẽma chütaxü̃arü waanexü̃ —ñanagürü ga Yox.

Yox 18:11

Rü guxü̃wama rü muü̃ãcü nixũ. Rü ngextá ínaxũxü̃wa rü nagu narüxĩnü nax nawe yangexü̃tanüxü̃ i duü̃xü̃gü.

Gálatas 4:21

Rü pema nax ngẽma Moiché ümatüxü̃ i mugütüü̃wa pegü pengẽxmagüxẽẽchaü̃xü̃, rü chanaxwa̱xe i chomaxã nüxü̃ pixu rü aixcüma nüxü̃ pecuá nax ñuxũ ñaxü̃ i ngẽma mugü.

Wiyaegü 73:19

Rü ngürüãchimare tá narüxo. Rü norü muü̃maxã tá nayue. Rü ngẽxguma ícurüdaxgu, Pa Corix, ñoma wüxíe pewa írüdaxü̃rüxü̃, rü cuma rü tá nüxü̃ cuxo erü tama aixcüma mea cupe̱xewa namaxẽ.

Yox 18:14

Rü nataxuma i taãxẽ i napatawa, erü ngẽma da̱xaweane rü yuwa nanatúchigügü.

Popera ga Yudíugü ga yaxõgüxü̃ca̱x ümatüxü̃ 2:16

Rü yemaca̱x ñoma ga naanewa nangu ga Ngechuchu nax taxca̱x nayuxü̃ca̱x i guxãma i yixema nax Abraáü̃rüxü̃ yaxõgüxü̃. Rü tama daxũcüã̱x i orearü ngeruü̃güca̱x nayu, natürü taxca̱x nixĩ ga núma naxũxü̃ rü nayuxü̃.