Popera ga Yudíugü ga yaxõgüxü̃ca̱x ümatüxü̃ 2:10 - Tupanaarü Ore

¹⁰ Rü nümatama ga Tupana nixĩ ga naxüaxü̃ ga guxü̃ma i ñu̱xma ngẽxmaxü̃ rü naxme̱xwa nangẽxma i guxü̃ma nax nüma nanaxwa̱xexü̃ãcüma namaxã inacuáxü̃ca̱x. Rü nüma ga Tupana rü nanaxwa̱xe nax guxü̃ma i naxacügü nüxü̃́ nangẽxmaxü̃ca̱x i nachica i mexü̃ i naxü̃tawa. Rü yemaca̱x ñoma ga naanewa nanamu ga Ngechuchu ya Cristu nax ngúxü̃ yangexü̃ca̱x rü duü̃xü̃güca̱x nayuxü̃ca̱x nax nüxü̃́ nangẽxmaxü̃ca̱x i maxü̃ i taguma gúxü̃.

Popera ga Yudíugü ga yaxõgüxü̃ca̱x ümatüxü̃ 2:10 Referans Kwoze

Romanos 11:36

Erü guxü̃ma i ta̱xacü i ngẽxmaxü̃ rü Tupana nanaxü. Rü nagagu nixĩ ga nangóxü̃. Rü nügüca̱x nixĩ ga naxüaxü̃. Rü name nixĩ i guxü̃guma nüxü̃ ticua̱xüü̃gü. Rü ngẽmaãcü yixĩ.

Popera ga Yudíugü ga yaxõgüxü̃ca̱x ümatüxü̃ 12:2

¡Rü ngĩxã Ngechuchuxü̃ tarüdaunü rü nagu taxĩ i nacüma! Yerü nüma nixĩ ga tüxü̃́ natauxchaxẽẽãxü̃ nax yaxõgüxü̃ca̱x. Rü nüma rü tama nügü nachu̱xu nax curuchawa ngúxü̃ yangexü̃, rü tama nagu narüxĩnü ga yema ãne nax yangexü̃, yerü nüxü̃ nacua̱x nax yemawena rü tá nataãẽxü̃. Rü ñu̱xma rü Tupanaarü tochicaxü̃arü tügünecüwawa narüto.

Popera ga Yudíugü ga yaxõgüxü̃ca̱x ümatüxü̃ 6:20

Rü yemaca̱x yexma Tupanaxü̃tagu nüxíra naxücu ga Ngechuchu nax ngéma guxü̃guma Tupanape̱xewa taétüwa nachogüxü̃ca̱x. Rü yemaacü ga Ngechuchu rü gumá chacherdóte ga Melquichedéxrüxü̃ Tupanape̱xewa chacherdóte nixĩ.

Ngechuchuarü ngúexü̃gü ga yamugüxü̃arü puracüchiga 5:31

Natürü Tupana rü nüxü̃ nicua̱xüxü̃, rü nügüarü tügünecüwawa nanatoxẽxẽ. Rü duü̃xü̃güarü Ãẽ̱xgacü rü Maxẽxẽxẽruxü̃ nayangucuchixẽxẽ nax Iraétanüxü̃xü̃ nangü̃xẽxẽxü̃ca̱x nax nüxü̃ naxoexü̃ca̱x i norü chixexü̃gü, rü Tupana nüxü̃́ nüxü̃ rüngü̃maxü̃ca̱x i norü pecadugü.

Ore i mexü̃ ga Luca ümatüxü̃ 24:46

Rü ñanagürü nüxü̃: —Tupanaarü ore i ümatüxü̃wa rü nüxü̃ nixu rü yimá Cristu rü tá nayu, rü tomaepü̱x i ngunexü̃gu rü tá wena namaxü̃.

Ore i mexü̃ ga Luca ümatüxü̃ 24:26

¿Rü tama ẽ̱xna nüxü̃ pecua̱x ga yema ngúxü̃ tá nax yangexü̃ ga Cristu naxü̃pa nax daxũguxü̃ i naanewa naxũxü̃, nax ngéma ãẽ̱xgacü yixĩxü̃ca̱x? —ñanagürü.

Nüxíraxü̃xü̃ ga popera ga Pedru ümatüxü̃ 5:10

Natürü ngẽxguma paxaãchi ñoma i naanewa ngúxü̃ pingegüguwena, rü Tupana rü tá pexü̃ nimexẽxẽ nax aixcüma nape̱xewa pimexü̃ca̱x. Rü woo guxchaxü̃gü pexca̱x ínguxgu, rü tá pexü̃ narüngü̃xẽxẽ nax peyaxõgüamaxü̃ca̱x, rü tá pexü̃ naporaexẽxẽ nax ngẽmaãcü taxuca̱xma pemuü̃exü̃ca̱x. Rü nümatama ya Tupana nixĩ i norü ngechaü̃gagu pexü̃ nadexü̃ nax guxü̃guma naxü̃tawa pexü̃́ nangẽxmaxü̃ca̱x i pechica, erü Ngechuchu ya Cristuaxü̃́ peyaxõgü.

Popera ga Yudíugü ga yaxõgüxü̃ca̱x ümatüxü̃ 7:28

Rü yema mugü ga Moiché ümatüxü̃wa duü̃xü̃gümarexü̃ naxuneta nax chacherdótegüerugü yixĩgüxü̃ca̱x. Natürü nümagü rü nipecaduã̱xgü. Natürü ñu̱xma ya Tupana rü yema mugü inaxãxguwena rü nügüégagu Nane ya Guxü̃guma Mecüxü̃ naxuneta nax guxü̃guma tórü chacherdóte ya Guxü̃étüwa Ngẽxmacü yixĩxü̃ca̱x.

Efesios 3:10

Rü yemaacü choxü̃ namu ga Tupana nax ngẽma yaxõgüxü̃wa guxü̃ma i ngẽma daxũcüã̱x i poraexü̃ rü guxü̃ma i ngẽma daxũcüã̱x i ãẽ̱xgacügü ixĩgüxü̃ nüxü̃ cua̱xgüxü̃ca̱x i Tupanaarü cua̱x i naguxü̃raxü̃ãcü ngóxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:11

Rü ñanagürügü: “Pa Torü Cori, Pa Torü Tupanax, cuxü̃ nixĩ i namexü̃ nax ticua̱xüü̃güxü̃ rü cuxü̃ tataxẽẽgüxü̃, yerü cuma nixĩ ga cunaxüxü̃ ga guxü̃ma, rü curü ngúchaü̃gagu nixĩ i ñu̱xma nangẽxmagüxü̃ i ngẽma cuxüxü̃”, ñanagürügü.

Norü taxre ga popera ga Timutéuca̱x naxümatüxü̃ ga Pauru 2:10

Rü ngẽmaca̱x yáxna namaxã chaxĩnü i ngẽma ngúxü̃ i chingexü̃ naxca̱x i ngẽma duü̃xü̃gü ya Tupana dexü̃. Erü chanaxwa̱xe i nümagü rü ta Ngechuchu ya Cristuaxü̃́ nayaxõgü, rü ngẽmaãcü nax nayauxgüãxü̃ca̱x i ngẽma maxü̃ i mexü̃ i taguma gúxü̃.

Colosenses 3:4

Rü nümatama ya Cristu nixĩ i pexü̃ namaxẽxẽẽxü̃. Rü ngẽxguma wena núma naxũxgu, rü pema rü namaxã tá pengóe, rü naxrüxü̃ tá pimexẽchi.

Gálatas 3:26

Rü ñu̱xma nax Ngechuchu ya Cristuaxü̃́ peyaxõgüxü̃, rü Tupanaxacügü pixĩgü i guxãma i pemax.

2 Corintios 3:18

Rü ngẽmaca̱x guxãma i yixema nax Cristuaxü̃́ yaxõgüxü̃ rü ñoma woruarüxü̃ tixĩgü, rü tawa nango̱x nax ñuxãcü namexẽchixü̃ ya tórü Cori, rü ñu̱xma rü nataxuma i ta̱xacü i tüxü̃ idüxüxü̃ naxcha̱xwa. Rü nüma ya tórü Cori i Naãxẽ ya Üünexü̃ ixĩcü, rü guxü̃guma yexeraãcü tüxü̃ nimexẽẽchigü nax naxrüxü̃ imexü̃ca̱x.

Romanos 9:23

Natürü ga Tupana rü inanawéxchaü̃ nax poraãcü tamaxã namecümaxü̃ i yixema nax yaxõgüxü̃. Rü ngẽmaca̱x nixĩ i nüxü̃́ ingechaü̃tümüxü̃güxü̃, rü nũxcümamatama tüxü̃ nadexü̃ nax naxü̃tawa ingexmagüxü̃ca̱x i daxũguxü̃ i naanewa i ngextá ínamexechixü̃wa.

Ngechuchuarü ngúexü̃gü ga yamugüxü̃arü puracüchiga 3:15

Rü yemaacü pematama peyama̱xgü ga gumá Ngechuchu ya tüxü̃ maxẽxẽẽcü. Natürü ga Tupana rü wena nanamaxẽxẽ. Rü toma nixĩ ga nüxü̃ tadaugüxü̃ ga wena nax namaxü̃xü̃.

Ucu̱xẽgüchiga 16:4

Guxü̃ma i ngẽma naxüxü̃ ya Cori ya Tupana, rü nüma nüxü̃ nacua̱x nax ta̱xacüca̱x naxüaxü̃. Rü nanaxü ta i ngẽma duü̃xü̃ i chixexü̃gu maxü̃xü̃ i wüxi i ngunexü̃gu tá poxcuwa ũxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:9

Rü yemawena ichadawenü, rü nüxü̃ chadau ga muxũchixü̃ma ga naguxü̃raü̃xü̃ ga nachixü̃anecüã̱x, rü naguxü̃raü̃xü̃ ga duü̃xü̃gütücumü, rü naguxü̃raü̃xü̃ ga ĩanegücüã̱x, rü naguxü̃raü̃xü̃ ga duü̃xü̃gü ga to ga nagawa idexagüxü̃. Rü yema tochicaxü̃pe̱xegu rü gumá Carneruxacüpe̱xegu nachigü. Rü yema nax namuxũchixü̃ rü taxucürüwa texé tayaxugü nax ñuxre yixĩxü̃. Rü naxchiru ga icómüxü̃ rü imáxü̃maxã nixãxchiru. Rü naxme̱xwa nanangegü ga wairaatügü.

Nüxíraxü̃xü̃ ga popera ga Pedru ümatüxü̃ 5:1

Rü ñu̱xmax, Pa Yaxõgüxü̃arü Ãẽ̱xgacügüx, rü pemaxã nüxü̃ chixu i wüxi i ucu̱xẽ i mexü̃, erü choma rü ta pexrüxü̃ yaxõgüxü̃arü ãẽ̱xgacü chixĩ. Rü chomaxü̃chima nixĩ ga nüxü̃ chadauxü̃ ga ngúxü̃ nax yangexü̃ ga Cristu. Rü choma rü tá ta pexrüxü̃ choxü̃́ nangẽxma i chauchica i mexü̃ i ngẽxguma wena núma naxũxgu.

Nüxíraxü̃xü̃ ga popera ga Pedru ümatüxü̃ 1:12

Natürü Tupana rü yema nũxcümaü̃güxü̃ ga orearü uruü̃güxü̃ nüxü̃ nacua̱xẽxẽ nax tama naxca̱x yixĩxü̃ ga yema ore nachiga ga gumá maxẽxẽẽruxü̃. Natürü pexca̱x nixĩ i ngẽma ore ga perü orearü uruü̃gü pemaxã nüxü̃ ixugüxü̃ ga yexguma Tupanaãxẽ ya Üünecü ga daxũwa ne muxü̃ yadexaxẽẽgu. Rü guxü̃ma i ngẽma ore i yimá Maxẽxẽxẽruü̃chiga, rü ngẽma Tupanaarü orearü ngeruü̃gü i daxũcüã̱x rü nüxü̃́ nangúchaü̃gü nax yexera nüxü̃ nacua̱xgüchaü̃xü̃.

Popera ga Yudíugü ga yaxõgüxü̃ca̱x ümatüxü̃ 7:26

Rü ñu̱xma rü Ngechuchu rü Chacherdóte ya Guxü̃étüwa Ngẽxmacü nixĩ ya inaxwa̱xecü. Erü nüma rü aixcüma naxüüne, rü nawa nataxuma i chixexü̃, rü nangearü pecaduã̱x, rü taguma duü̃xü̃gürüxü̃ pecadu naxü. Rü nüma nixĩ i daxũguxü̃ i naaneétüwa ngẽxmaxü̃ rü namaxã inacuáxü̃.

Efesios 2:7

Rü yemaacü nanaxü ga Tupana erü yimá taunecügü ya íngugücügu tá duü̃xü̃güxü̃ nanawe̱x nax aixcüma Cristugagu poraãcü tüxü̃ nangechaü̃xü̃ rü tamaxã namecümaxü̃.

2 Corintios 6:18

Rü choma rü Penatü tá chixĩ, rü pemax rü tá chaunegü rü chauxacügü pixĩgü”, ñanagürü ya tórü Cori ya Tupana ya Guxü̃étüwa Ngẽxmacü.

2 Corintios 5:18

Rü guxü̃ma i ngẽma rü Tupana nixĩ ya naxücü rü Cristugagu nixĩ ga nügümaxã tüxü̃ iyanangüxmüexẽẽxü̃. Rü ñu̱xma rü toxü̃ namu nax duü̃xü̃gümaxã nüxü̃ tixuxü̃ nax nümagü rü ta Tupanamaxã inangüxmüẽxü̃ca̱x.

2 Corintios 4:17

Erü ngẽma ngúxü̃ i ñu̱xma torü maxü̃wa tingexü̃, rü wüxi i paxaãchimare nixĩ rü paxa tá nangupetü. Natürü ngẽma ngúxü̃gagu rü tá tanayaxu i wüxi i maxü̃ i mexẽchixü̃ i tagutáma gúxü̃.

1 Corintios 2:7

Natürü ngẽma cua̱x rü Tupanawa nixĩ i ne naxũxü̃. Rü ngẽma cua̱x nixĩ ga noxri tauta naane uxgu Tupanaxicatama nagu rüxĩnüxü̃ nax ñuxãcü tá tüxna naxããxü̃ i maxü̃ i taguma gúxü̃.

Ore i mexü̃ ga Cuáü̃ ümatüxü̃ 19:30

Rü Ngechuchu nayaxaxü ga gumá bínu ga üxchíücü rü ñanagürü: —Marü ningu i guxü̃ma —ñanagürü. Rü ñu̱xũchi inayarümaxãchi, rü nayu.

Ore i mexü̃ ga Cuáü̃ ümatüxü̃ 11:52

Rü yema orewa rü nanango̱xẽxẽ nax tama Yudíugüca̱xicatama tá nax nayuxü̃, natürü tá nayu naxca̱x i guxü̃ma i Tupanaarü duü̃xü̃gü i ñoma i naanegu woonexü̃, nax wüxiwa nangẽxmagüxü̃ca̱x.

Ore i mexü̃ ga Luca ümatüxü̃ 13:32

Natürü nüma ga Ngechuchu nanangãxü̃ rü ñanagürü: —¡Naxü̃tawa pexĩ i ngẽma yatü i nüxü̃ cua̱xüchixü̃ nax duü̃xü̃güxü̃ nawomüxẽẽxü̃, rü namaxã nüxü̃ pixu rü ñu̱xma rü moxü̃ rü tá íchanawoxü̃ i ngo̱xogü, rü tá chanameexẽxẽ i ngẽma duü̃xü̃gü i ida̱xaweexü̃, rü pa̱xmaacü tá chanagu̱xẽxẽ!

Ore i mexü̃ ga Luca ümatüxü̃ 2:14

—¡Tupanaxü̃ picua̱xüxü̃gü i pemax i daxũguxü̃ i naanewa pengẽxmagüxü̃! ¡Rü pegümaxã iperüngüxmüe i pemax i ñoma i naanecüã̱x ya Tupana pemaxã taãxẽgüxe! —ñanagürügü.

Miquéa 2:13

Rü chomatama ya Cori ya Tupana ya Iraétanüxü̃arü Ãẽ̱xgacü rü nape̱xegu tá chixũ, rü tá naxca̱x chayaxümachigü nax nüxü̃́ natauxchaxü̃ca̱x nax norü uanügüarü ĩanearü ĩã̱xwa ínachoxü̃xü̃ —ñanagürü ya Cori ya Tupana.

Ochéa 8:10

Natürü woo ngẽma Achíriaanecüã̱xgüaxṹ naxütanügüãxgu natürü choma rü ngẽma togü i nachixü̃anegügu tá chanawoone. Rü ñuxre ya taunecü rü taxũtáma nüxü̃́ nangẽxma i noxrütama ãẽ̱xgacügü.

Ichaía 55:4

Rü choma rü gumá ãẽ̱xgacüxü̃ chaxuneta nax chauétüwa yadexaxü̃ca̱x nape̱xewa ga yema togü ga nachixü̃anegü. Rü nüxü̃ chaxuneta nax namaxã inacuáxü̃ca̱x rü nangúexẽẽãxü̃ca̱x ga yema togü ga nachixü̃anecüã̱xgü.

Naanearü ügüchiga 18:25

Cha̱u̱xca̱x rü tama name nax cunada̱i̱xü̃ i ngẽma mea maxẽxü̃ i duü̃xü̃gü wüxigu namaxã i ngẽma chixexü̃ ügüxü̃, ñoma chi guxü̃ma naxügüxü̃rüxü̃ i ngẽma chixexü̃. Rü taxucürüwama ngẽma cuxü erü tama ngẽmagu curüxĩnü. Rü cuma nixĩ i guxãarü maxü̃maxã icucuáxü̃ ¿rü tama ẽ̱xna i ngẽma mea maxẽxü̃gagu nüxü̃ icurüngümaxü̃ nax cunadaiãcuxü̃ ya yima ĩane? —ñanagürü.

Iraétanüxü̃arü muxchiga 7:15

Rü inanamu ta ga wüxi ga wocaxacü ga yatüxü̃, rü wüxi ga carnéru ga yatüxü̃, rü wüxi ga carnéruxacü ga yatüxü̃ ga wüxi ga taunecü nüxü̃́ yexmaxü̃ nax Tupanaarü ãmarexü̃ ínaguãxü̃ca̱x.