Popera ga Yudíugü ga yaxõgüxü̃ca̱x ümatüxü̃ 13:8 - Tupanaarü Ore

⁸ Rü nüma ya Ngechuchu ya Cristu rü ĩnex rü ñu̱xmax rü guxü̃guma nanaxaixrüguma rü taguma naxüchicüxü.

Popera ga Yudíugü ga yaxõgüxü̃ca̱x ümatüxü̃ 13:8 Referans Kwoze

Maraquía 3:6

Rü ñanagürü: —Choma nixĩ ya Cori ya Tupana chixĩxü̃. Rü taguma naxüchicüxü i chorü uneta. Rü ngẽmaca̱x i pemax, Pa Acóbutanüxü̃x, rü tama iperüxo.

Popera ga Chantiágu ümatüxü̃ 1:17

Erü guxü̃ma i ngẽma aixcüma mexü̃ i tüxna naxãxü̃, rü naxü̃tawa ne naxũ ya Tupana ya daxũgucü ga naxücü ga üa̱xcü rü tauemacü rü woramacurigü rü ẽxtagü. Rü nüma rü guxü̃guma nanaxa̱i̱xrügumaraxü̃ rü taguma naxüchicüü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:8

Rü nüma ya tórü Cori ya Tupana ya Guxü̃étüwa Ngẽxmacü ya Guxü̃guma Yexmacü rü Ñu̱xma Ngẽxmacü, rü Guxü̃gutáma Ngẽxmaechacü rü ñanagürü: “Chowa nixĩ ga inaxügüxü̃ ga guxü̃ma, rü chowa nixĩ i yacuáxü̃”, ñanagürü.

Popera ga Yudíugü ga yaxõgüxü̃ca̱x ümatüxü̃ 1:12

Rü ñoma wüxi i naxchiru i ngauxü̃ i ngéma ita̱xmarexü̃rüxü̃ tá ícunawogü i ñoma i naane rü guxü̃ma i daxũwa nüxü̃ idauxü̃. Rü to i ngexwacaxü̃xü̃maxã tá cunaxüchicüü, ñoma wüxi i naxchiru i ngauxü̃ i ngexwacaxü̃xü̃maxã ixüchicüüxü̃rüxü̃. Natürü i cuma rü tá cunaxa̱i̱xrügumaraxü̃echa rü curü taunecü rü taguma nagu̱x”, ñanagürü ga Tupana.

Ichaía 44:6

Rü choma ya Cori ya Tupana rü perü ãẽ̱xgacü chixĩ rü perü ngü̃xẽẽruxü̃ chixĩ, Pa Iraétanüxü̃x. Rü choma ya guxü̃étüwa ngẽxmaxe rü ñachagürü: “Choma rü woetama changexmaecha rü taguma icharüxo. Rü nataxuma i to ya Tupana.

Wiyaegü 90:2

Rü nũxcümaxü̃chima naxü̃pa nax cunaxüxü̃ ga ñoma ga naane rü norü ma̱xpǘnegü rü woetama marü Tupana quixĩ. Rü cuma rü guxü̃gutáma cungexmaecha.

Wiyaegü 103:17

Natürü ngẽma Tupanaarü ngechaü̃ tümaca̱x ya yíxema naga ĩnüexe rü taguma inayacua̱x. Rü tümaxacügüwa naxüe nax guxü̃guma Tupana tümamaxã mecümaxü̃ ya yíxema mea yanguxẽẽgüxe i norü uneta rü tama nüxü̃ irüngümaexe nax naga taxĩnüexü̃ i norü mugü.

Ichaía 41:4

¿Rü texé tixĩ ya nüxna namugüxe i ngẽma ãẽ̱xgacü i éstewa ne ũxü̃? ¿Rü texé tixĩ i namaxã icuáxe i guxü̃ma i ngẽma ñoma i naanewa ngupetüxü̃? Rü choma nax chaxicatama Tupana chixĩxü̃ nixĩ i chanaxüxü̃ i guxü̃ma i ngẽma. Rü choma rü woetama changexmaecha rü taguma icharüxo.

Wiyaegü 90:4

Rü 1,000 ya taunecü rü cuxca̱x rü ñoma wüxitama i ngunexü̃ i ngupetüxü̃rüxü̃ nixĩ, rü ñuxre i ora i chütaxü̃rüxü̃ nixĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:4

Rü choma i Cuáü̃ rü pexca̱x chanaxümatü i pema i 7 tücumügü i yaxõgüxe i Áchiaanewa ngẽxmagüxe. Rü chanaxwa̱xe i pexü̃ narüngü̃xẽxẽ rü pexü̃ nataãẽxẽxẽ ya yimá Tupana ya woetama yexmacü rü ñu̱xma ngẽxmacü rü guxü̃gutáma ngẽxmacü. Rü ngẽxgumarüxü̃ ta chanaxwa̱xe i pexü̃ narüngü̃xẽxẽ rü pexü̃ nataãẽxẽxẽ i ngẽma 7 i Naãxẽgü i Tupanaarü tochicaxü̃pe̱xewa ngẽxmagüxü̃.

2 Corintios 1:19

Erü yimá Ngechuchu ya Cristu ya Tupana Nane ya Chilbánu rü Timutéu rü choma pemaxã nüxü̃ tixuchigacü, rü tama “Ngü̃”, ñanagürü rü ngẽxgumatama “Tama”, ñanagürü. Rü nüma rü aixcüma nayanguxẽxẽ i ngẽma nüxü̃ yaxuxü̃.

Naanearü ügüchiga 21:33

Rü nüma ga Abraáü̃ rü yexma Bechébagu nanato ga wüxi ga nanetü ga tamaríscogu ãégaxü̃. Rü yematüü̃wa nixĩ ga Abraáü̃ rü Cori ya Tupana ya guxü̃guma maxü̃cümaxã yadexaxü̃.

Ínachoxü̃xü̃chiga 3:14

Rü nüma ga Tupana rü nanangãxü̃ rü ñanagürü: —Chomatama nixĩ i Tupana Chixĩxü̃. ¡Rü ngẽmamaxã tá cunangãxü̃ i ngẽma Iraétanüxü̃ rü ñacurügü tá: “Yima Chomatama nixĩ i Tupana Chixĩxü̃ ñacü nixĩ ya petanüwa choxü̃ mucü”, ñacugürü tá nüxü̃! —ñanagürü ga Tupana.

2 Corintios 1:20

Rü Cristu nixĩ ya yimá yanguxẽẽcü ga guxü̃ma ga yema unetagü ga Tupana nũxcüma nüxü̃ ixuxü̃. Rü ngẽmaca̱x ngẽxguma Tupanaxü̃ icua̱xüü̃gügu, rü Ngechuchuégagu: “Ameü̃”, ñatagürügü.