Popera ga Yudíugü ga yaxõgüxü̃ca̱x ümatüxü̃ 13:5 - Tupanaarü Ore

⁵ Rü tama name nax diẽruguama perüxĩnüexü̃. Rü name nixĩ i namaxã petaãẽgü i ngẽma marü pexü̃́ ngẽxmaxü̃. Yerü Tupana rü ñanagürü: “Tagutáma cuxna chixũ, rü tagutáma cuxü̃ íchata̱x”, ñanagürü.

Popera ga Yudíugü ga yaxõgüxü̃ca̱x ümatüxü̃ 13:5 Referans Kwoze

Wenaxarü naxümatü ga Tupanaarü mugü 31:8

Rü nümatama ya Cori ya Tupana rü cupe̱xegu tá nixũ, rü guxü̃gutáma nacuxü̃tagu. Rü tagutáma cuxna nixũgachi rü tagutáma cuxü̃ nangemücü. Rü ngẽmaca̱x tama name nax cumuü̃xü̃ rü naxcha̱xwa quiñaxü̃ —ñanagürü ga Moiché.

Yochué 1:5

Rü guxü̃ma i ngunexü̃gü i nagu cumaxü̃xü̃gu rü taxuxü̃táma cuxü̃ narüporamae. Rü choma rü tá cuxü̃tawa changexma, yema Moichéxü̃tawa chayexmaxü̃rüxü̃. Rü tagutáma ngextá cuxü̃ chata̱x, rü tagutáma cuxü̃ chaxo.

Wenaxarü naxümatü ga Tupanaarü mugü 31:6

Rü ngẽxguma ngẽma duü̃xü̃gümaxã pegü peda̱i̱xgu, ¡rü taxṹ i pemuü̃exü̃ rü peba̱i̱xãchiexü̃! ¡Rü pegü íperüporae! Erü nüma ya Cori ya perü Tupana rü tá petanüwa nangẽxma, rü nüma rü tagutáma pexna nixũgachi rü tagutáma pexü̃ ngéma nawogü —ñanagürü.

1 Chamué 12:22

Rü nümatama ya Cori ya Tupana rü marü pexü̃ nade yerü nanaxwa̱xe nax norü duü̃xü̃gü pixĩgüxü̃. Rü ngẽmaca̱x tagutáma pexü̃ ínawogü erü tama nanaxwa̱xe i texé nüxü̃ tixu nax tama yangu̱xẽẽãxü̃ i norü ore.

Ichaía 41:17

Rü yíxema ngearü diẽruã̱xgüxe rü tita̱xawae rü naxca̱x tadaugü i dexá natürü taxuxü̃ma itayangaugü. Rü ta̱xawamaxã tipaarü conüã̱x. Natürü choma ya Cori ya Tupana rü tá tüxü̃ charüngü̃xẽxẽxü̃, rü choma nax Iraétanüxü̃arü Tupana chixĩxü̃ rü taxũtáma tüxü̃ íchawogümare.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:20

Rü nüma ga Dabí rü Charomóü̃xü̃ ñanagürü: —¡Ẽcü pora naxü rü cugü naporaxẽẽama rü naxü i ngẽma puracü! ¡Rü taxṹ i curümaãchixü̃! ¡Rü taxṹ i cumuü̃xü̃! Erü nüma ya Cori ya chorü Tupana rü nacuxü̃tagu. Rü nüma rü taxũtáma cuxna nixũgachi rü taxũtáma cuxü̃ ínata̱x ñu̱xmatáta nagu i ngẽma puracü nax cunaxüxü̃ ya yima Tupanapata ya taxü̃ne.

Wiyaegü 37:25

Rü yexguma changextü̱xügu rü ñu̱xma nax chayáxü̃gu rü taguma nüxü̃ chadau nax ngexta nata̱xmarexü̃ ya wüxi ya yatü ya mexü̃ ücü, rü woo i nanegü i nüxü̃ chadauxü̃ i ngextá paũca̱x nax naca̱a̱xü̃wa̱xegüxü̃.

Ichaía 41:10

¡Taxṹ i pemuü̃exü̃, Pa Iraétanüxü̃x! Erü choma rü chapexü̃tagu. ¡Rü taxṹ i pemuü̃exü̃! Erü choma rü perü Tupana chixĩ. Choma rü pora pexna chaxã rü pexü̃ charüngü̃xẽẽxü̃. Rü choma rü chorü tügünechacüxümaxã pexü̃ chingĩ rü pexü̃ íchapoxü̃.

Naanearü ügüchiga 28:15

Rü choma rü cumaxã changexma. Rü ngextá ícuxũxü̃wa tá cuxna chadau. Rü ñaa naaneca̱x tá wena cuxü̃ chataeguxẽxẽ. Rü tagutáma cuxna chixũgachi, rü aixcüma tá chayanguxẽxẽ i guxü̃ma i ngẽma cumaxã chaxueguxü̃ —ñanagürü.

Ore i mexü̃ ga Matéu ümatüxü̃ 6:25

Rü dücax, pemaxã nüxü̃ chixu rü: ¡Taxṹ i pexoegaãẽgüxü̃ naxca̱x nax ta̱xacü tá pengõ̱xgüxü̃ rü ta̱xacü tá pixaxgüxü̃, rü ta̱xacümaxã tá pexãxchirugüxü̃! ¿Tama ẽ̱xna perü maxü̃ rü õnaarü yexera namexü̃, rü pexene rü naxchiruarü yexera namexü̃?

Wiyaegü 37:28

Erü nüma ya Cori ya Tupana rü nüxü̃ nangechaü̃ i ngẽma maxü̃ i we̱xguxü̃, rü taguma tüxü̃ ínawogü ya yíxema aixcüma nawe rüxĩxe. Rü guxü̃gutáma tüxna nadau. Natürü ngẽma chixexü̃gu maxẽxü̃, rü Tupana tá inayanaxoxẽxẽ i nanegü rü nataagü.

Ore i mexü̃ ga Matéu ümatüxü̃ 6:34

¡Taxṹ i naxca̱x pexoegaãẽgü i ngẽma moxü̃ tá üpetüxü̃! Erü moxü̃arü ngunexü̃ rü tá nüxü̃́ nangẽxma i norü guxchaxü̃gü i namaxã ínanguxü̃. Erü wüxichigü i ngunexü̃ rü nüxü̃́ nangẽxma i noxrütama guxchaxü̃gü”, ñanagürü.

Colosenses 3:5

Rü ñu̱xma rü name nixĩ i nüxü̃ perüxoe i guxü̃ma i ñoma i naanearü chixexü̃ i pewa ngẽxmaxü̃. Rü tama name i pema̱xna nai i ngexü̃maxã pemaxẽ, rü tama name i petena nai ya yatümaxã pemaxẽ. Rü tama name i penaxü i pexenearü ngúchaü̃ rü bai i nagu perüxĩnüemarexü̃. Rü tama name i pexü̃́ nangúchaü̃ i ta̱xacürü to i chixexü̃gü. Rü tama name i pexaüexü̃, erü yíxema ngẽma nacüma tüxü̃́ ngẽxmaxe rü namaxã tatupanaã̱x.

Ore i mexü̃ ga Luca ümatüxü̃ 3:14

Rü ñuxre ga churaragü rü ta Cuáü̃na nacagüe, rü ñanagürügü: —¿Toma rü ta̱xacü nixĩ i mexü̃ nax tanaxüxü̃? —ñanagürügü. Rü nanangãxü̃ ga Cuáü̃ rü ñanagürü: —Tama name i texéxü̃ pexãxũneãcüma tümaarü ngẽmaxü̃gü pepuxü̃. Rü tama name i ta̱xacürü doraxü̃ tümachigaxü̃ pixu. Rü name nixĩ i ngẽma diẽru i ãẽ̱xgacü pexü̃́ ngĩmaxã naxütanücümaxã petaãẽgü rü tama yexeracüca̱x ípeca —ñanagürü.

Echequié 33:31

Rü ngẽmaãcü i chorü duü̃xü̃gü rü cuxca̱x naxĩ, rü cupe̱xewa nayarütogü guxü̃gurüxü̃ nax yanaxĩnüexü̃ca̱x i ngẽma ore i nüxü̃ quixuxü̃. Natürü woo nüxü̃ naxĩnüegu i ngẽma ore natürü tama aixcüma nagu namaxẽ. Rü naã̱xmaxã choxü̃ nicua̱xüü̃gü, natürü norü maxü̃wa rü yexeraãcü diẽruguama narüxĩnüe.

Wiyaegü 119:36

¡Rü choxü̃ rüngü̃xẽxẽ nax ngẽma diẽru i chixeãcü yaxuxü̃arü yexera choxü̃́ nangúchaü̃xü̃ca̱x i curü mugü!

Norü taxre ga popera ga Pedru ümatüxü̃ 2:14

Rü ngẽma ngu̱xẽẽruü̃netagü rü taxuacüma wüxi ya ngexexü̃ nadaugümare, erü naãxẽwa nüxü̃́ tangúchaü̃. Rü tama nüxü̃́ ningu nax nai i ngexü̃maxã namaxẽxü̃. Rü naxca̱x nadaugü nax ngẽma chixexü̃gu tüxü̃ nayixẽẽxü̃ ya yíxema duü̃xẽgü ya turaearü maxü̃ã̱xgüxe. Rü naxaü rü nügüna nananugüchaü̃ i guxü̃ma. Natürü marü chixexü̃ namaxã naxuegu.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:3

Rü tama name i wüxi i ngãxwa̱xexü̃ rü nuwa̱xexü̃ tixĩ. Rü tama name i tümaarü diẽruguama rüxĩnüxe tixĩ. Natürü name nixĩ i guxü̃ i duü̃xü̃gümaxã yáxna taxĩnü rü namaxã tamecüma.

Efesios 5:5

Rü aixcüma pemaxã nüxü̃ chixu rü ngẽxguma texé nai i ngexü̃maxã rü ẽ̱xna nai ya yatümaxã tamaxü̃gu, rüẽ̱xna ta̱xacürü ãũãchixü̃ Tupanape̱xewa taxü̱xgu, rü ẽ̱xna taxaügu (rü yíxema ngẽma nacüma tüxü̃́ ngẽxmaxe rü düxwa namaxã tatupanaã̱x) rü taxucürüwama taxãchica i ngextá tórü Cori ya Cristu rü Tanatü ya Tupana ãẽ̱xgacü íixĩxü̃wa.

Norü taxre ga popera ga Pedru ümatüxü̃ 2:3

Rü ngẽma ngu̱xẽẽruü̃netagü rü diẽruguxicatama narüxĩnüe, rü ngẽmaca̱x i ngẽma norü ngu̱xẽẽtae i doramare ixĩxü̃, rü tá pemaxã nanaxãtanü nax ngẽmaãcü petanüwa ngĩxü̃ nayauxgüxü̃ca̱x i perü diẽru. Natürü tá napoxcue i ngẽma duü̃xü̃gü, rü taxũtáma nibuxmü. Erü Tupana rü woetama nũxcümama poxcu namaxã naxuegu.

Yeremía 6:13

Rü ñanagürü: —Guxü̃ma i ngẽma muarü diẽruã́xü̃ rü ngẽma noxrearü diẽruã́xü̃, rü nagu narüxĩnüe nax chixexü̃wa nayauxgüãxü̃ i diẽru. Rü guxü̃ma i ngẽma orearü uruü̃gü rü chacherdótegü rü duü̃xü̃güxü̃ nawomüxẽxẽ.

Wiyaegü 10:3

Rü ngẽma chixexü̃ i duü̃xü̃ rü norü ngẽmaxü̃gümaxã nügü nicua̱xüxü̃. Rü ngẽma duü̃xü̃ i nügüna nanuxũchixü̃ i diẽru, rü Cori ya Tupanaxü̃ naxo.

Ínachoxü̃xü̃chiga 2:21

Rü yemaacü ga Moiché rü Madiáü̃arü chacherdóte ga Reuépatawa nangu, rü yexma naxãchiü̃. Rü nüma ga Reué rü nanaxüxma̱x naxacü ga Chéforamaxã.

Efesios 5:3

Rü ñu̱xma nax Tupanaarü duü̃xü̃gü pixĩgüxü̃ rü penaxwa̱xe nax norü duü̃xü̃gü i üünexü̃rüxü̃ mea pemaxẽxü̃. Rü ngẽmaca̱x tama name nax to i ngẽxü̃maxã pemaxẽxü̃, rü ẽ̱xna penaxüxü̃ i ta̱xacürü to i chixexü̃, rü ẽ̱xna pexaüexü̃. Rü bai tá nachiga pidexagüxü̃ i ngẽma chixexü̃gü.

1 Corintios 5:11

Natürü yexguma pemaxã nüxü̃ chixuxgu nax tama namaxã pexãmücügüxü̃ i ngẽma duü̃xü̃gü i chixexü̃gu maxẽxü̃, rü nachiga chidexa i ngẽma duü̃xü̃ i nügü ixuxü̃ nax peenexẽgü i yaxõxü̃ nax yixĩxü̃, natürü nai i ngexü̃maxã maxü̃xü̃, rüe̱xna aüxü̃, rüe̱xna tupananetachicüna̱xãxü̃ icua̱xüü̃xü̃, rüe̱xna oregüta̱a̱xü̃, rüe̱xna ngãxẽwa̱xexü̃, rüe̱xna ngĩ́ta̱xaxü̃. Rü ngẽma duü̃xü̃gü nixĩ i pemaxã nüxü̃ chixuxü̃ nax tama namexü̃ nax namaxã pexãmücügüxü̃ rü bai i namaxã nax pechibüexü̃.

Ore i mexü̃ ga Luca ümatüxü̃ 8:14

Rü gumá triguchire ga tuxunecügu yixü̃ne, rü ngẽma nixĩ i duü̃xü̃gü i Tupanaarü orexü̃ ĩnüexü̃ rü yaxõgüxü̃. Natürü norü ngẽmaxü̃güca̱x naxoegaãẽgü, rü norü diẽruguama narüxĩnüe rü tama nüxü̃ narüxoechaü̃ i ñoma i naanearü ngúchaü̃gü. Rü ngẽmagagu düxwa taxuxü̃ma Tupanaca̱x naxü.

Ínachoxü̃xü̃chiga 20:17

¡Rü taxũtáma cugüxü̃́ cunangúchaü̃xẽxẽ ya cumücüpata, rüe̱xna naxma̱x, rüe̱xna norü puracütanüxü̃, rüe̱xna naxü̃taxü̃, rüe̱xna norü wocagü, rüe̱xna norü búrugü, rü bai i ta̱xacü i noxrü ixĩxü̃! —ñanagürü ga Tupana.

Popera ga Yúda ümatüxü̃ 1:11

Rü wüxi i ngechaü̃xü̃chi nixĩ naxca̱x i ngẽma duü̃xü̃gü erü Caíü̃ ga naenexẽxü̃ imáxü̃rüxü̃ nixĩgü. Rü ãẽ̱xgacü ga Balaáü̃rüxü̃ diẽruca̱x chixexü̃ naxügü. Rü Corérüxü̃ tama Tupanaga naxĩnüechaü̃, rü ngẽmaca̱x tá nayue.

Romanos 1:29

Rü düxwa ga yema duü̃xü̃gü rü guxü̃raü̃xü̃ ga chixexü̃gu narüxĩnüe. Rü tama aixcüma mea naxma̱xmaxã rü natemaxã namaxẽ. Rü naxaü rü nügüna nananugüchaü̃ i guxü̃ma. Rü chixexü̃gu namaxẽ. Rü nixãũxãchiwa̱xegü, rü namáetagü, rü nanuewa̱xegü, rü nawomüxẽẽwa̱xegü, rü naxü̃nearü ngúchaü̃ nüxü̃ napora, rü Taxúegama naxĩnüe, rü nixoregüta̱a̱xgü.

Yochué 7:21

Rü Yericúwa nüxü̃ chadau ga wüxi ga mexẽchixü̃ ga naxchiru ga Babiróniacüã̱xarü ü rü 200 tachinü ga diẽru, rü wüximena̱xã ga úiru ga ngãxü̃ ga quíruarü yexera yaxü̃. Rü choxü̃́ nangúchaü̃ ga yema yemaxü̃gü, rü yemaca̱x chaugüxü̃́ chanade, rü chauchiü̃machiãgu chanata̱xgü. Rü ngẽma diẽrutachinügü rü aixepeguama chananu —ñanagürü.

Naanearü ügüchiga 31:5

Rü ñanagürü ngĩxü̃: —Nüxü̃ chicua̱xãchi rü yimá penatü rü marü tama noxrirüxü̃ mea choxü̃ nadawenü. Natürü ya chaunatüarü Tupana rü guxü̃guma nachauxü̃tagu.

1 Chamué 10:7

Rü ngẽxguma ngẽma cuxna nguxgu ¡rü naxü i ngẽma cuxca̱x mexü̃! Erü Tupana tá cuxü̃ narüngü̃xẽxẽ.

Nüxíraxü̃xü̃ ga popera ga ãẽ̱xgacügüchiga 8:57

Rü ñu̱xma ya Cori ya Tupana rü nataxü̃tagu ga yexguma tórü o̱xigütanüwa nayexmagurüxü̃. Rü taxũtáma tüxna nixũgachi rü taxũtáma tüxü̃ ínawogü.

Ucu̱xẽgüchiga 23:4

¡Taxṹ i naxca̱x cuñuxãẽxü̃ nax cudiẽruã́xü̃, rü tama name i ngẽmagu curüxĩnüecha!

Ichaía 42:16

Rü ngẽma ngexetügüxü̃ rü tá chanagagü nawa i namagü i taguma nüxü̃ nacua̱xgüxü̃ rü taguma nagu naxĩxü̃. Rü ngẽma waanexü̃ i nawa namaxẽ rü tá ngóonexü̃xü̃ chayaxĩxẽxẽ. Rü ngẽma naane i chixri i weanexü̃ rü tá mea ichanawe̱xãchianexẽxẽ. Rü guxü̃ma i ngẽma rü tá chanaxü erü tama nüxna chixũgachi i chorü duü̃xü̃gü i Iraétanüxü̃.

Ore i mexü̃ ga Matéu ümatüxü̃ 6:19

Rü tama name i pegüca̱x penanutaque̱xe i muxü̃ma i perü ngẽmaxü̃gü i ñoma i naanewa. Erü ñoma i naanewa rü naxãü̃tanü, rü naweane paxãma nanachixexẽxẽ, rü ngẽmagagu inayarüxo i perü ngẽmaxü̃gü, rü ngĩ́ta̱xagüxü̃ rü naxca̱x nangĩ̱xgü.

2 Corintios 4:9

Rü woo towe ingẽxü̃tanügu i torü uanügü, natürü ya Tupana rü taguma toxü̃ ínawogü. Rü woo duü̃xü̃gü toxü̃ napíexẽẽgu, natürü tama tayue.

Naanearü ügüchiga 30:31

Rü yexguma ga Labáü̃ rü nüxna nicachigüama rü ñanagürü: —¿Ñuxre nixĩ i cunaxwa̱xexü̃ nax cuxü̃́ chanaxütanüxü̃? —ñanagürü. Rü yexguma ga Acóbu rü nanangãxü̃, rü ñanagürü: —Tama chanaxwa̱xe i choxü̃́ cunaxütanü. Rü choma rü wena tá nüxna chadau i cuxü̃nagü ega curü me yixĩxgu i ñaa tá cumaxã nüxü̃ chixuxü̃.