Popera ga Yudíugü ga yaxõgüxü̃ca̱x ümatüxü̃ 13:15 - Tupanaarü Ore

¹⁵ Rü ngẽmaca̱x tanaxwa̱xe ya Ngechuchu ya Cristuégagu guxü̃guma Tupanaxü̃ ticua̱xüü̃gü. Rü ngẽma nax nüxü̃ icua̱xüü̃güxü̃, rü ngẽma nixĩ i ãmare i mexü̃ i nüxna ixãxü̃. ¡Rü ngĩxã taa̱xmaxã nüxü̃ ticua̱xüü̃gü!

Popera ga Yudíugü ga yaxõgüxü̃ca̱x ümatüxü̃ 13:15 Referans Kwoze

Wiyaegü 50:14

Rü choma ya Tupana ya Guxü̃étüwa Ngẽxmaxe rü ngẽma ãmare i chanaxwa̱xexü̃ nixĩ nax moxẽ choxna pexãxü̃ rü aixcüma peyanguxẽẽxü̃ i ngẽma perü unetagü.

Romanos 12:1

Rü dücax, Pa Chauenexẽgüx, Tupanaarü ngechaü̃gagu pexü̃ chaca̱a̱xü̃ nax Tupanana pegü pexãgüxü̃ nax norü ãmare i maxü̃xü̃ rü üünexü̃ i namaxã nataãẽxü̃ pixĩgüxü̃ca̱x. Rü ngẽmaãcü nixĩ i nanaxwa̱xexü̃ ya Tupana nax nüxü̃ picua̱xüü̃güxü̃.

Nüxíraxü̃xü̃ ga popera ga Pedru ümatüxü̃ 2:5

Rü ngẽxgumarüxü̃ ta i pemax, rü Tupana pexü̃ nade nax napataarü nutagü ya maxẽcü pixĩgüxü̃. Rü pema nixĩ i Tupanaarü ngü̃xẽẽruü̃gü i üünexü̃ ya Ngechuchu ya Cristuégagu Tupanana ãmare pexãgüxü̃. Rü ngẽma ãmare i nüxna pexãgüxü̃ i namaxã nataãẽxü̃ rü ngẽma nixĩ i perü maxü̃.

Ochéa 14:2

Rü name nax ñaãcü peyumüxẽgüxü̃ rü ñaperügügü: —¡Pa Torü Cori ya Tupanax, rü toxü̃́ nüxü̃ irüngüma i guxü̃ma i torü chixexü̃gü! ¡Rü mea toxü̃́ nayaxu i ñaa torü cua̱xüxü̃ i cuxna taxãxü̃!

Ichaía 57:19

Rü choma rü guxü̃ i chorü duü̃xü̃gümaxã tá ñacharügü: “Choma rü tá pemaxã charüngüxmü i pema i yáxü̃wa ngẽxmagüxe rü pema i ngaicamawa ngẽxmagüxe. Rü tá pexü̃́ nüxü̃ charüngüma i perü pecadugü.

Norü taxre ga to ga popera ga ãẽ̱xgacügüchiga ümatüxü̃ 33:16

Rü yemawena ga nüma ga Manaché rü Cori ya Tupanaarü ãmarearü guruxü̃ namexẽxẽ. Rü ñu̱xũchi yemawa Cori ya Tupanaca̱x ínanagu ga ãmaregü ga Cori ya Tupanaarü ngüxmüxẽẽruü̃gü rü ãmaregü ga namaxã Tupanana moxẽ naxãxü̃. Rü ñu̱xũchi Yudáanearü duü̃xü̃güxü̃ namu nax Cori ya Iraétanüxü̃arü Tupanaxü̃ yacua̱xüü̃güxü̃.

Wiyaegü 50:23

Rü yíxema moxẽ choxna ãxe rü choxü̃ ticua̱xüxü̃. Rü choma rü tá tüxü̃ chamaxẽxẽ ya yíxema aixcüma chauga ĩnüxẽ —ñanagürü ya Tupana.

Lebítanüxü̃arü puracüchiga 7:12

Rü ngẽxguma texé tümaarü ãmaremaxã moxẽ choxna ãxgu, rü name i choxna tanaxã i paũ i maixcuraxü̃ i ngearü pu̱xẽẽruü̃ã́xü̃ i meama chíxü̃maxã ãéü̃xü̃. Rü ngẽxgumarüxü̃ ta name i gayétagü i chíxü̃maxã chagüxü̃ rü ñu̱xũchi paũ i trigute̱xe irümemaexü̃wa üxü̃ i meama chíxü̃maxã ãéü̃xü̃.

Ore i mexü̃ ga Matéu ümatüxü̃ 11:25

Rü yexguma rü ñaãcü nayumüxẽ ga Ngechuchu, rü ñanagürü: “Pa Chaunatü ya Daxũguxü̃ i Naane rü Ñoma i Naanearü Yorax, cuxü̃ chicua̱xüxü̃, erü ñaa chorü ngúexü̃güxü̃ nüxü̃ cucua̱xẽxẽ i ñaa ore i naxcha̱xwa iquicúxü̃ i duü̃xü̃gü i ñoma i naanewa nüxü̃ cua̱xüchigüxü̃.

Norü taxre ga to ga popera ga ãẽ̱xgacügüchiga ümatüxü̃ 7:6

Rü yema chacherdótegü rü nachicawatama nayexmagü, rü yexgumarüxü̃ ta ga yema Lebítanüxü̃ namaxã ga norü paxetaruü̃gü ga ixüünexü̃ ga ãẽ̱xgacü ga Dabí íxüxü̃ne nax yemaacü napaxpe̱xegüãxü̃ca̱x ga yema wiyae ga ñaxü̃: —Tupanaarü ngechaü̃ rü guxü̃guma nangẽxmaecha —ñaxü̃. Rü yema chacherdótegü rü Lebítanüxü̃pe̱xewa nayacuegü ga norü cornétagü. Rü guxü̃ma ga yema Iraétanüxü̃ rü yexma nachigüecha.

Nüxíraxü̃xü̃ ga popera ga Pedru ümatüxü̃ 4:11

Rü yíxema nüxü̃ cuáxe nax mea tidexaxü̃, rü name nixĩ nax Tupanaarü orexü̃ tixuxü̃. Rü ngẽxguma texé tüxü̃́ nangẽxmagu i cua̱x nax togüxü̃ tarüngü̃xẽẽxü̃, rü name nixĩ i ngẽma pora ya Tupana tüxna ãxü̃maxã nüxü̃ tarüngü̃xẽxẽ. Rü guxü̃ma i ngẽma pexüxü̃ rü name nixĩ i meama penaxü nax ngẽmaãcü Ngechuchu ya Cristugagu Tupanaxü̃ picua̱xüü̃güxü̃ca̱x. Erü nüma ya Tupana rü guxü̃guma naxüüne rü naporaxüchi. Rü ngẽmaãcü yixĩ.

Efesios 2:18

Rü ñu̱xma rü guxãma i yixema rü Cristugagu tüxü̃́ natauxcha nax Tanatü ya Tupanana ingaicamagüxü̃. Rü ngẽmatama Naãxẽ ya Üünexü̃ nixĩ i tüxü̃ rüngü̃xẽẽxü̃ nax nüxna ingaicamagüxü̃ca̱x ya Tanatü ya Tupana.

Wiyaegü 118:19

¡Rü peyawãxna i ngẽma Tupanapataarü ĩã̱x! Rü ngẽxma chaxücuchaü̃ nax Cori ya Tupanana moxẽ chaxãxü̃ca̱x.

Wiyaegü 18:49

Rü ngẽmaca̱x i choma rü ngẽma nachixü̃anegütanüwa cuxü̃ chicua̱xüxü̃ rü cuégagu chawiyae.

Neemía 12:43

Rü yema ngunexü̃gu rü muxü̃ma ga ãmare Tupanaca̱x ínagugü. Rü poraãcü nataãẽgü ga duü̃xü̃gü yerü Tupana nixĩ ga nataãẽxẽẽgüxü̃. Rü ngexü̃gü rü buxü̃gü rü ta poraãcü nataãẽgü. Rü yema taãxẽ ga Yerucharéü̃wa naxügüxü̃ rü yáxü̃guma nüxü̃ taxĩnü.

Popera ga Yudíugü ga yaxõgüxü̃ca̱x ümatüxü̃ 7:25

Rü ngẽmaca̱x nüxü̃́ natauxcha nax tüxü̃ namaxẽxẽẽxü̃ ya guxãma ya yíxema norü ngü̃xẽẽmaxã Tupanaxü̃tawa ngugüxe. Erü nüma ya Ngechuchu rü guxü̃guma namaxecha nax Tupanape̱xewa tümaétüwa nachogüxü̃ca̱x.

Colosenses 1:12

Rü ngẽmaãcü penaxwa̱xe nax taãẽãcüma Tanatü ya Tupanana moxẽ pexãgüxü̃, erü nüma pexü̃ nimexẽẽgü nax pema rü ta penayauxgüxü̃ca̱x i ngẽma mexü̃gü i nüma tá nüxna naxãxü̃ i ngẽma norü duü̃xü̃gü ixĩgüxü̃.

Romanos 6:19

Rü tauxchaxü̃ i oremaxã pemaxã chidexaxü̃ i ñu̱xmax, erü ngürüãchi taxũtáma nüxü̃ pecua̱x i ta̱xacüchiga nax yixĩxü̃ i ngẽma ore i pemaxã nüxü̃ chixuxü̃. Rü dücax, rü nũxcüma ipenaxã ga pexenegü nax namaxã penaxügüxü̃ca̱x ga naguxü̃raü̃xü̃ ga chixexü̃. Natürü i ñu̱xma rü name nixĩ i Tupanana penaxã i pexenegü nax aixcüma nape̱xewa pimexü̃ca̱x rü naxca̱xicatama pemaxẽxü̃ca̱x.

Ore i mexü̃ ga Cuáü̃ ümatüxü̃ 10:9

Choma nixĩ i ĩã̱x. Rü texé ya chowa ixücuxe rü tá tamaxü̃. Rü mexü̃wa tá tangexma ngẽxgumarüxü̃ i wüxi i carnéru i naxpüü̃gu ücuxü̃ rü ixũxũxü̃ rü mecü ya maxẽxü̃ iyangauxü̃.

Neemía 12:40

Rü yemawena ga yema taxretücumü ga wiyaetanüxü̃ rü nachicawa naxĩchigü ga Tupanapata ga taxü̃newa. Rü choma namaxã ga yema norü ngãxü̃tücumü ga ãẽ̱xgacügü ga choxü̃ ümücügüxü̃ rü tochicawa taxĩ ga Tupanapata ga taxü̃newa.

Édra 3:11

Rü ñuxre ga nümagü rü nawiyaegü rü Tupanaxü̃ nicua̱xüü̃gü. Rü yema togü rü nanangãxü̃gü rü ñanagürügü: —¡Nüxna moxẽ pexã ya Cori ya Tupana erü nüma rü tamaxã namecüma rü ngẽma norü ngechaü̃ i taxca̱x rü taguma nagu̱x! —ñanagürügü. Rü guxü̃ma ga duü̃xü̃gü rü nataãẽgü, rü tagaãcü Cori ya Tupanaxü̃ nicua̱xüü̃gü, yerü marü inaxügü nax wena namexẽẽxü̃ ga Cori ya Tupanapata ga taxü̃ne.

Norü taxre ga to ga popera ga ãẽ̱xgacügüchiga ümatüxü̃ 29:31

Rü yemawena ga nüma ga ãẽ̱xgacü ga Echequía rü yema duü̃xü̃güxü̃ ñanagürü: —Ñu̱xmax i pemax nax marü Tupanamaxã nüxü̃ pixuxü̃ nax naga tá pexĩnüexü̃ ¡rü nua Tupanapata ya taxü̃newa penagagü i perü naxü̃nagü rü nua penana i perü ãmaregü nax ngẽmamaxã Tupanana moxẽ pexãgüxü̃ca̱x! —ñanagürü. Rü nüma ga yema duü̃xü̃gü rü Tupanamaxã nixaicümagü. Rü yéma nanagagü ga naxü̃nagü rü yéma nanana ga norü ãmaregü ga namaxã Tupanana moxẽ naxãgüxü̃. Rü yema nüxü̃́ ngúchaü̃güxü̃ nax yéma nagagüãxü̃ ga naxü̃nagü nax Tupanaca̱x ínaguaxü̃ca̱x, rü yemaacü nanaxügü.

Ore i mexü̃ ga Cuáü̃ ümatüxü̃ 14:6

Rü Ngechuchu nanangãxü̃, rü ñanagürü: —Choma nixĩ i nama i Chaunatüxü̃tawa nadaxü̃. Rü ngẽma nüxü̃ chixuxü̃ rü aixcüma nixĩ. Rü choma nixĩ i duü̃xü̃güxü̃ chamaxẽxẽẽxü̃. Rü chaugaguxicatama nixĩ i Chaunatüxü̃tawa nangugüxü̃ i duü̃xü̃gü.

Ore i mexü̃ ga Luca ümatüxü̃ 10:21

Rü yexgumatama ga Tupanaãxẽ ga Üünexü̃ rü poraãcü Ngechuchuxü̃ nataãẽxẽxẽ. Rü ñanagürü ga Ngechuchu: —Pa Chaunatüx, Pa Dauxü̃guxü̃ i Naane rü Ñoma i Naanearü Yorax, cuxü̃ chicua̱xüxü̃, yerü ñaa chorü ngúexü̃güxü̃ nüxü̃ cucua̱xẽxẽ i ngẽma ore ga na̱xcha̱xwa quicúxü̃ i ngẽma duü̃xü̃gü i ñoma i naanewa nüxü̃ cua̱xüchigüxü̃. Rü yemaacü cunaxü, Pa Chaunatüx yerü yemaacü nixĩ ga cunaxwa̱xexü̃ —ñanagürü.

Wiyaegü 119:108

¡Rü choxü̃́ nayaxu nax moxẽ cuxna chaxãxü̃! ¡Rü choxü̃ nangu̱xẽxẽ i curü mugü!

Yeremía 33:11

Rü tá nüxü̃ pexĩnüe nax taãẽãcüma aita naxüexü̃ i duü̃xü̃gü rü tá nüxü̃ pexĩnüe nax taãẽãcüma nügümaxã yadexagüxü̃ i ngẽma ãxma̱xgüchaü̃xü̃ rü ãtegüchaü̃xü̃. Rü duü̃xü̃gü rü ñanagürügü tá: “¡Moxẽ nüxna pexã ya yima Cori ya Tupana ya Guxãétüwa Ngẽxmacü, erü nüma rü namecüma rü norü ngechaü̃ rü tagutáma nagu̱x!” ñanagürügü tá. Rü pema rü chopatawa tá penana i perü ãmaregü i namaxã moxẽ choxna pexãgüxü̃. Rü choma rü tá nüxü̃ charüngü̃xẽxẽxü̃ i ñaa naanearü duü̃xü̃gü nax noxrirüxü̃ nataãẽgüxü̃ca̱x. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Yeremía 33:18

Rü tagutáma nataxu i chacherdótegü i Lebítaagü nax guxü̃ i ngunexü̃gu cha̱u̱xca̱x yagugüãxü̃ i carnérugü, rü cha̱u̱xca̱x yagugüãxü̃ i trigute̱xe rü togü i ãmaregü” —ñanagürü.

Popera ga Yudíugü ga yaxõgüxü̃ca̱x ümatüxü̃ 12:28

Rü ñu̱xma nax guxü̃guca̱x tórü ãẽ̱xgacü yixĩxü̃ ya Tupana, rü name nax nüxna moxẽ ixãgüxü̃, rü nüxü̃ ingechaü̃güãcüma rü nüxü̃ imuü̃eãcüma nüxü̃ icua̱xüü̃güxü̃, ngẽma nüma nanaxwa̱xexü̃rüxü̃.

Iraétanüxü̃arü muxchiga 7:62

Rü inanaxã ta ga wüxi ga tacü ga cuyera ga úirunaxca̱x ga 110 gramu yacü ga pumarate̱xemaxã ããcucü.