Popera ga Yudíugü ga yaxõgüxü̃ca̱x ümatüxü̃ 12:9 - Tupanaarü Ore

⁹ Rü yexguma ibuegu, rü tanatügü tüxü̃ taxucu̱xẽgü, rü yixema rü tümaga taxĩnüe rü tüxü̃ tangechaü̃gü. Rü ñu̱xma rü yexeraãcü tanaxwa̱xe nax naga ixĩnüexü̃ ya Tanatü ya daxũgucü nax ngẽmaãcü nayaxuxü̃ca̱x i maxü̃ i taguma gúxü̃.

Popera ga Yudíugü ga yaxõgüxü̃ca̱x ümatüxü̃ 12:9 Referans Kwoze

Iraétanüxü̃arü muxchiga 16:22

Natürü nüma ga Moiché rü Aróü̃ rü Tupanape̱xegu ñaxtüanegu nanangücuchitanü rü ñanagürügü nüxü̃: —Pa Tupanax, cuma nax cunamaxẽxẽẽxü̃ i guxü̃ma i duü̃xü̃gü, rü tama name i wüxitama i duü̃xü̃arü chixexü̃gagu rü guxü̃ma i duü̃xü̃gümaxã cunu —ñanagürügü.

Iraétanüxü̃arü muxchiga 27:16

—Pa Cori Pa Tupanax, cuma nixĩ i guxü̃ma i duü̃xü̃güna cunaxãxü̃ i maxü̃. ¡Chanaxwa̱xe i nüxü̃ cuxuneta i wüxi i ãẽ̱xgacü nax nüxí curü duü̃xü̃gümaxã inacuáxü̃ca̱x rü guxü̃wama namaxã naxũxü̃ca̱x nax tama ñoma carnérugü i ngearü dauruü̃ã̱xgüxü̃rüxü̃ naxĩanemareãxü̃ca̱x —ñanagürü.

Ichaía 42:5

Rü Cori ya Tupana rü ñanagürü: —Choma nixĩ ya Tupana chixĩxü̃, rü choma nixĩ i chanaxüxü̃ i dauxü̃guxü̃ i naane rü ñoma i naane rü guxü̃ma i nawa rüxügüxü̃. Rü choma nixĩ i maxü̃ nüxna chaxãxü̃, rü chayangü̃atanücüüxẽẽxü̃ i guxü̃ma i duü̃xü̃gü i ñoma i naanewa maxẽxü̃.

Ore i mexü̃ ga Cuáü̃ ümatüxü̃ 3:6

Yíxema duü̃xü̃wa buxe rü duü̃xü̃tama tixĩ. Natürü yíxema Naãxẽ ya Üünexü̃wa nayaxúxe i maxü̃ i ngexwaca̱xü̃xü̃, rü Tupanaxacü tixĩ.

Yox 12:10

Rü naxme̱xwa nixĩ i nangẽxmaxü̃ i guxü̃ma i ta̱xacü i maxẽxü̃arü maxü̃.

Chacaría 12:1

Ñaa nixĩ i Cori ya Tupanaarü ore nachiga i Iraétanüxü̃. Rü nüma ya Cori ya Tupana nixĩ i nango̱xẽẽãxü̃ i daxũguxü̃ i naane rü naxüaxü̃ i ngẽma ñoma i naane nagu üxü̃ rü yatüna maxü̃ naxãxü̃, rü ñanagürü:

Ínachoxü̃xü̃chiga 20:12

¡Rü tüxü̃ nangechaü̃ ya cunatü rü cué nax ngẽmaãcü namáxü̃ca̱x i curü maxü̃ i ñaa naane i choma i Cori ya Tupana cuxna chaxãxü̃wa!

Ichaía 38:16

Rü yíxema Cori ya Tupana tüxna dauxe rü tá tamaxẽ, rü guxü̃ma i ngẽmatanüwa tá nixĩ i chamaxü̃xü̃ i chomax. Rü cuma nixĩ i cha̱u̱xca̱x cuyataanexẽẽxü̃ rü cha̱u̱xca̱x cunataeguxẽẽxü̃ i ngẽma chorü maxü̃.

Nüxíraxü̃xü̃ ga popera ga Pedru ümatüxü̃ 5:6

Rü name i naga pexĩnüe ya Tupana rü naxme̱x ya poranetüxü̃wa pegü pengẽxmagüxẽxẽ nax nüma pexü̃ yacua̱xüxü̃xü̃ca̱x i ngẽxguma nawa nanguxgu i ngẽma ngunexü̃.

Popera ga Chantiágu ümatüxü̃ 4:7

Pa Chauenexẽgüx, ¡Mea Tupanaga pexĩnüe! ¡Rü nüxü̃ pexoó i ngo̱xo i Chataná! Rü nüma rü tá pexna niña.

Ichaía 57:16

Pa Chorü Duü̃xü̃güx, marü taxũtáma pexü̃ chixuecha rü taxũtáma guxü̃guma pemaxã chanu. Erü ngẽxguma chi chanuechagu rü guxü̃ma i ngẽma duü̃xü̃gü i changóexẽẽxü̃ rü chi choxü̃ narüxoe.

Lebítanüxü̃arü puracüchiga 19:3

Rü wüxíechigü i pema rü name i penatüxü̃ rü peéxü̃ pengechaü̃. Rü ñu̱xũchi name i mea penaxaure i chorü ngü̃chigaarü ngunexü̃. Erü choma nixĩ i perü Cori ya Tupana chixĩxü̃.

Romanos 9:5

Rü yema Moiché namaxã ixũxü̃ ga Iraétanüxü̃ rü yemataagü nixĩgü i ngẽma Yudíugü i ñu̱xma maxẽxü̃. Rü ngẽma Yudíugütanügu nixĩ ga nabuxü̃ ga Cristu ya Tupanaxü̃chi ixĩcü ya Guxü̃étüwa Ngẽxmacü. Rü tanaxwa̱xe i guxü̃guma nüxü̃ ticua̱xüü̃gü. Rü ngẽmaãcü yixĩ.

Ucu̱xẽgüchiga 30:17

Yíxema tümanatüxü̃ cugüxe, rü tümaégu idauxcüraxü̃xe, rü name i ngurucugü tüxü̃ naca̱u̱xü̃xetü, rü ẽxchagü tüxü̃ nangõ̱xgü.

Wenaxarü naxümatü ga Tupanaarü mugü 27:16

“Rü yíxema tümanatüchi aixe rüe̱xna tümaéchi aixe rü chixexü̃wa tangexma”. Rü ngẽxguma i guxü̃ma i duü̃xü̃gü rü “Ngẽmaãcü yixĩ”, ñanagürügü tá.

Ngu̱xẽẽtaeruü̃arü ore 12:7

Rü nawena nax cuyuxü̃ rü cuxune rü tá wenaxarü noxrirüxü̃ waixü̃mü nixĩ. Rü cuãxẽ rü tá Tupanaca̱x nataegu yerü nüma nixĩ ga cuxna naxããxü̃.

Popera ga Chantiágu ümatüxü̃ 4:10

Rü name nixĩ i Cori ya Tupanape̱xegu pegü íperüxíragü. Rü nüma rü tá pexü̃ nicua̱xüxü̃ rü pexü̃ nataxẽxẽ.

Maraquía 1:6

Rü nüma ya Cori ya Tupana ya Guxü̃étüwa Ngẽxmacü rü chacherdótegüxü̃ ñanagürü: —Ngẽma buxü̃gü rü nanatügüxü̃ nangechaü̃, rü ngẽma naxü̃taxü̃gü rü norü coriga naxĩnü. Rü choma nax Penatü chixĩxü̃ ¿rü tü̱xcüü̃ i tama choxü̃ pengechaü̃xü̃? Rü choma nax perü Cori chixĩxü̃ ¿rü tü̱xcüü̃ i tama chauga pexĩnüexü̃? Natürü i pemax rü choxü̃ pexo, rü naétü ñaperügügü: “¿Ta̱xacüwa i cuxü̃ taxoxü̃?” ñaperügügü.

Echequié 22:7

Rü ngẽma duü̃xü̃gü i cuwa maxẽxü̃ rü tama nanatüxü̃ rü tama naéxü̃ nangechaü̃gü. Rü chixri tümamaxã inacua̱x ya yíxema yutegüxe rü yíxema taxcuexe rü yíxema to i nachixü̃anewa ne ĩxẽ.

Romanos 9:3

Rü aixcüma pemaxã nüxü̃ chixu rü guxü̃guma ngẽma chautanüxü̃gu charüxĩnü, rü poraãcü chanaxwa̱xe nax Cristuaxü̃́ yaxõgüãxü̃. Rü choma rü aixcüma íchamemare nax poxcuwa choxü̃ namuxü̃ ya Tupana rü Cristuna choxü̃ yaxũgachixẽẽxü̃ ega ngẽmaãcü chi nüxü̃ chayaxõgüxẽẽgu rü chanamaxẽxẽẽgu i ngẽma chautanüxü̃ i Iraétanüxü̃.

Romanos 1:3

Rü ñaa ore i mexü̃ rü tórü Cori ya Ngechuchu ya Cristuchiga nixĩ. Rü nüma rü woo Tupana Nane nax yixĩxü̃, natürü duü̃xü̃gürüxü̃ nabu ga yexguma ñoma ga naanewa nanguxgu. Rü ãẽ̱xgacü ga Dabítaxawa nixĩ ga ínanguxü̃.

Ngechuchuarü ngúexü̃gü ga yamugüxü̃arü puracüchiga 2:30

Natürü nüma ga Dabí rü wüxi ga Tupanaarü orearü uruxü̃ nixĩ. Rü yemaca̱x nüxü̃ nacua̱x rü wüxi ga nataxa tá nixĩ i ãẽ̱xgacü ya Cristuxü̃ ingucuchicü, yerü ga Tupana rü yemaacü namaxã inaxuneta.

Ore i mexü̃ ga Luca ümatüxü̃ 18:2

Rü ñanagürü nüxü̃ ga norü ngúexü̃gü: —Wüxi ga ĩanewa nayexma ga wüxi ga ãẽ̱xgacü ga guxchaxü̃arü mexẽẽruxü̃ ga tama Tupanaga ĩnüxü̃ rü taxúexü̃ma ngechaü̃xü̃.

Ore i mexü̃ ga Luca ümatüxü̃ 18:4

Rü muẽ̱xpü̱xcüna yéma ixũũxü̃, natürü yema ãẽ̱xgacü rü tama ngĩxü̃ narüngü̃xẽẽchaü̃. Natürü düxwa nagu narüxĩnü ga yema ãẽ̱xgacü rü naãxẽwa ñanagürü: “Choma rü tama Tupanaxü̃ changechaü̃, rü taxúexü̃ma changechaü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:6

Rü ñu̱xũchi ga yema Tupanaarü orearü ngeruxü̃ rü ñanagürü choxü̃: “Ñaa ore rü aixcüma nixĩ, rü name nax yaxõxü̃. Rü nüma ya tórü Cori ya Tupana ga nũxcüma norü orearü uruü̃gümaxã nüxü̃ ixucü nax ta̱xacü tá ínguxü̃, rü nümatama nixĩ i ñu̱xma inamuãxü̃ i norü orearü ngeruxü̃ i daxũcüã̱x nax norü duü̃xü̃güxü̃ nüxü̃ nadauxẽẽxü̃ca̱x nax ta̱xacü tá paxa ínguxü̃”, ñanagürü.

Ichaía 45:10

Rü woo wüxi i buxü̃ rü tama nanatüxü̃ rü naéxü̃ nanga naxca̱x nax ñoma i naanewa tanango̱xẽẽxü̃.