Popera ga Yudíugü ga yaxõgüxü̃ca̱x ümatüxü̃ 12:7 - Tupanaarü Ore

⁷ Rü ngẽmaca̱x i pemax, rü name nixĩ nax yáxna namaxã pexĩnüexü̃ i ngẽxguma Tupana pexü̃ iyarüwe̱xãchixẽẽgu. Erü ngẽmaãcü pexü̃ nüxü̃ nacua̱xẽxẽ nax aixcüma naxacügü pixĩgüxü̃. Erü guxü̃ma i papa rü inanawe̱xãchixẽxẽ i ngẽma naxacü ixĩxü̃.

Popera ga Yudíugü ga yaxõgüxü̃ca̱x ümatüxü̃ 12:7 Referans Kwoze

Ucu̱xẽgüchiga 19:18

¡Naxuxcu̱xẽ ya cune ñomarüta cuxü̃́ natauxcha nax cunawe̱xãchixẽxẽxü̃. Natürü ngẽxguma cunawe̱xãchixẽxẽgu, rü tama name nax cuyama̱xü̃chixü̃!

Wenaxarü naxümatü ga Tupanaarü mugü 8:5

¡Rü nüxna pecua̱xãchie rü yimá perü Cori ya Tupana rü pexü̃ inayarüwe̱xãchigüxẽxẽ ñoma wüxi i papa nanexü̃ rüwe̱xãchixẽẽxü̃rüxü̃!

Ucu̱xẽgüchiga 29:15

Cuaximaxã rü ucu̱xẽmaxã nixĩ i wüxi i nane iyanawe̱xãchixü̃. Natürü ngẽma nane i chixexü̃ i taguma ucu̱xẽxü̃ rü naéxü̃ naxãnexẽxẽ.

Ucu̱xẽgüchiga 13:24

Texé ya tama tümanexü̃ rüwe̱xãchixẽxẽ, rü tama nüxü̃ tangechaü̃. Natürü yíxema nüxü̃ ngechaü̃xe, rü tanawe̱xãchixẽxẽ.

Ucu̱xẽgüchiga 29:17

Ngẽxguma aixcüma mea cunaxucu̱xẽgu i cune, rü tá taãxẽ cuxna naxã, rü taxuca̱xtama cuxoegaãxẽ.

2 Chamué 7:14

Choma rü tá nanatü chixĩ rü nüma rü tá chaune nixĩ. Rü ngẽxguma nüma chixexü̃ naxü̱xgu, rü choma rü tá chanapoxcu rü tá nüxna chanacuaixca ngẽxgumarüxü̃ i guxü̃ma i papa rü nanena nacua̱i̱xcaxü̃rüxü̃.

Ucu̱xẽgüchiga 22:15

Ngẽma ngextü̱xügüxü̃arü ĩnü rü ngeãẽmare nixĩ, natürü cua̱ximaxã itayanawe̱xãchixẽxẽ nax nüxü̃ naxoxü̃ca̱x i ngẽma nacüma i chixexü̃.

Nüxíraxü̃xü̃ ga popera ga ãẽ̱xgacügüchiga 1:6

Rü nanatü ga ãẽ̱xgacü ga Dabí rü taguma nananga. Rü nüma ga Adonía rü naenexẽ ga Acharóü̃xü̃ rübumaecü nixĩ rü wüxi ga yatü ga mechametücü nixĩ.

1 Chamué 3:13

Yerü marü namaxã nüxü̃ chixuchire̱x rü poxcu i taguma guxü̃gu tá chanapoxcue i ngẽma nanegü naxca̱x i ngẽma chixexü̃ i nüma marü nüxü̃ nacuáxü̃. Yerü ga nanegü rü chixexü̃ chomaxã nixugüxe rü nüma rü tama nüxna nachogü naxca̱x ga yema chixexü̃ ga naxügüxü̃.

1 Chamué 2:34

Rü wüxi i curü cua̱xruxü̃ tá nixĩ i ngẽma taxre i cune i Oní rü Fineéxü̃ ngupetüxü̃, erü ngẽma taxre rü ngẽmatama i ngunexü̃gu tá nayue.

1 Chamué 2:29

¿Tü̱xcüü̃ chixri namaxã ipecua̱x i ngẽma ãmaregü i cha̱u̱xca̱x pedaixü̃ rü cha̱u̱xca̱x ípeguxü̃ rü ngẽma togü i ãmaregü i choma chamuxü̃ nax choxna naxãgüxü̃ i duü̃xü̃gü? ¿Tü̱xcüü̃ natanüwa i guxü̃ma i ngẽma ãmaregü i chorü duü̃xü̃gü i Iraétanüxü̃ choxna ãgüxü̃ rü cunegünaama cunaxã i ngẽma ãmaregü i rümemaegüxü̃ rü ngẽmamaxã cuyangüexẽxẽ i cunegü?

Ngechuchuarü ngúexü̃gü ga yamugüxü̃arü puracüchiga 14:22

Rü gumá ĩanegüwa rü yema yaxõgüxü̃xü̃ nixucu̱xẽgü, rü nüxü̃́ nanangúchaü̃xẽẽgü nax guxü̃guma mea yaxõgüãxü̃ca̱x. Rü namaxã nüxü̃ nixugüe, rü ñanagürügü: —Ngẽma Tupana ãẽ̱xgacü ixĩxü̃wa nax ixücuxü̃ca̱x, rü tanaxwa̱xe i muxü̃ma i guxchaxü̃gümaxã yáxna taxĩnüexü̃ i ñoma i naanewa —ñanagürügü.

1 Corintios 11:32

Natürü ngẽxguma tórü Cori ñoma i tórü maxü̃wa tüxü̃ poxcugu, rü ngẽmaãcü tüxü̃ inayarüwe̱xãchixẽxẽ nax tama yixcüra naanearü gu̱xgu tüxü̃ napoxcuxü̃ca̱x wüxigu namaxã i ngẽma duü̃xü̃gü i tama yaxõgüxü̃.