Popera ga Yudíugü ga yaxõgüxü̃ca̱x ümatüxü̃ 12:5 - Tupanaarü Ore

⁵ Rü ñu̱xma nax Tupanaxacügü pixĩgüxü̃ rü tama name i nüxü̃ iperüngümae i norü ore i ümatüxü̃ i namaxã pexü̃ yaxucu̱xẽgüxü̃ i ñaxü̃: “Pa Chaunex, ¡taxṹ i nüxü̃ cuxoxü̃ i ngẽxguma cuxü̃ icharüwe̱xãchixẽẽgu! ¡Rü taxṹ i cuyarümaxãchixü̃ i ngẽxguma cuxü̃ chaxucu̱xẽgu!

Popera ga Yudíugü ga yaxõgüxü̃ca̱x ümatüxü̃ 12:5 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 3:19

Choma rü tüxü̃ chaxucu̱xẽ rü tüxü̃ ichayarüwe̱xãchixẽxẽ ya guxãma ya yíxema tüxü̃ changechaü̃xẽ. Rü ngẽmaca̱x name nixĩ i nüxü̃ curüxo i cucüma i chixexü̃ rü Tupanaca̱x cutaegu.

1 Corintios 11:32

Natürü ngẽxguma tórü Cori ñoma i tórü maxü̃wa tüxü̃ poxcugu, rü ngẽmaãcü tüxü̃ inayarüwe̱xãchixẽxẽ nax tama yixcüra naanearü gu̱xgu tüxü̃ napoxcuxü̃ca̱x wüxigu namaxã i ngẽma duü̃xü̃gü i tama yaxõgüxü̃.

Wiyaegü 94:12

Pa Corix, rü tataãxẽ ya yíxema ucu̱xẽ tüxna cuxãxe rü yíxema tüxü̃ cungu̱xẽxẽ́xẽ.

Popera ga Chantiágu ümatüxü̃ 1:12

Rü tataãxẽ ya yíxema yáxna namaxã ĩnüxe i ngẽxguma ta̱xacü tüxna ĩnügu. Erü ngẽxguma yáxna namaxã taxĩnügu, rü Tupana tá tümamaxã nataãxẽ rü tá tüxna nanaxã i norü ãmare i maxü̃ i taguma gúxü̃. Rü ngẽma nixĩ i ãmare ya Tupana tümamaxã ixunetaxü̃ ya yíxema nüxü̃ ngechaü̃güxe.

Wiyaegü 119:109

Rü guxü̃guma ãũcümaxü̃ i yuwa changexma. Natürü taguma nüxü̃ charüngüma i ngẽma curü ucu̱xẽgü.

Yeremía 31:18

Rü Cori ya Tupana rü ñanagürü: —Marü nüxü̃ chaxĩnü nax auxeãcü chomaxã yadexagüxü̃ i Efraíü̃tanüxü̃ rü ñanagürügü: “Toma rü ñoma wüxi i wocaxacü i tama íyapuxü̃rüxü̃ tixĩgü. Natürü i cuma rü marü toxü̃ ícuyapuexẽxẽ. ¡Rü cugüca̱x toxü̃ nawoeguxẽxẽ! Erü cuma nixĩ i torü Cori ya Tupana quixĩxü̃.

Wiyaegü 119:75

Pa Cori Pa Tupanax, choma rü nüxü̃ chacua̱x i ngẽma curü mugü rü meama niwe̱x. Rü tama ícutü i ngẽxguma choxü̃ icuyarüwe̱xãchixẽẽgu.

Wiyaegü 118:18

Rü nüma ya Cori ya Tupana rü poraãcü choxü̃ napoxcu natürü tama choxü̃ ínata̱x nax chayuxü̃ca̱x.

Popera ga Yudíugü ga yaxõgüxü̃ca̱x ümatüxü̃ 12:7

Rü ngẽmaca̱x i pemax, rü name nixĩ nax yáxna namaxã pexĩnüexü̃ i ngẽxguma Tupana pexü̃ iyarüwe̱xãchixẽẽgu. Erü ngẽmaãcü pexü̃ nüxü̃ nacua̱xẽxẽ nax aixcüma naxacügü pixĩgüxü̃. Erü guxü̃ma i papa rü inanawe̱xãchixẽxẽ i ngẽma naxacü ixĩxü̃.

Ucu̱xẽgüchiga 3:1

Pa Chaunex ¡taxṹ i nüxü̃ icuyarüngümaxü̃ i chorü ucu̱xẽgü i cumaxã nüxü̃ chixuxü̃! ¡Rü mea cugüãẽgu namaxã nanguxü̃ i ñaa chorü ucu̱xẽgü!

Ucu̱xẽgüchiga 4:5

¡Nayaxu i ngẽma cua̱x nax mea cuãẽxü̃ cucuáxü̃ca̱x, rü taxṹ i nüxü̃ curüngümaxü̃ i ñaa chorü ore!

Wiyaegü 119:83

Rü woo marü wüxi i yaxguã̱x chixĩ rü taxuwama mexẽ chixĩ rü nua ta̱xmare chixĩ, natürü tama nüxü̃ charüngüma i curü mugü, Pa Tupanax.

Wiyaegü 119:16

Rü curü mugümaxã tá chataãxẽ, rü tagutáma nüxü̃ icharüngüma i curü ore. -3-

Yox 34:31

¿Rü tü̱xcüü̃ i cumax, Pa Yox, tama Tupanamaxã nüxü̃ quixuxü̃ i curü chixexü̃, rü ñacuxü̃: “Chixexü̃ chaxü natürü tá nüxü̃ charüxo i ngẽma chixexü̃”, ñacurügü?

Ore i mexü̃ ga Luca ümatüxü̃ 24:6

Nataxuma i nua ya Ngechuchu, erü marü wena namaxü̃. ¡Rü nüxna pecua̱xãchie ga yema ore ga pemaxã nüxü̃ yaxuxü̃ ga yexguma Gariréaanewa nayexmagu!

Ore i mexü̃ ga Luca ümatüxü̃ 24:8

Rü yexguma ga yema ngecügü rü nüxna icua̱xãchie ga yema Ngechuchuarü ore.

Wiyaegü 119:67

Rü naxü̃pa ga choxü̃ nax cuxucu̱xẽxü̃ rü muxü̃ma ga chixexü̃ chaxü. Natürü i ñu̱xma rü naga chaxĩnü i ngẽma curü mugü.

Auxexü̃chiga 3:39

¿Rü tü̱xcüü̃ i yixema nax iduü̃ẽxü̃ rü Tupanamaxã tanueama ega tórü chixexü̃gagu tüxü̃ iyanawe̱xãchixẽẽgu?

Gálatas 6:9

Rü ngẽmaca̱x tama name nax nüxü̃ rüchauexü̃ nax mexü̃ ixüexü̃. Rü ngẽxguma tama nüxü̃ rüchauegu nax mexü̃ ixügüxü̃, rü ngẽxguma Tupanaxü̃tawa ingugügu rü mexü̃ tá tayaxu.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:20

Rü yema nixĩ ga nüxü̃ üpetüxü̃ ga Imenéu rü Areyándru. Rü düxwa choma Chatanána chanawogü ga yema taxre nax Chataná ngúxü̃ nüxü̃ ingexẽẽgüxü̃ca̱x nax ngẽmawa nüxü̃ nacua̱xgüxü̃ca̱x nax tama namexü̃ nax chixri Tupanachiga yadexagüxü̃.

Popera ga Yudíugü ga yaxõgüxü̃ca̱x ümatüxü̃ 13:22

Pa Chauenexẽgüx, pexü̃ chaca̱xaxü̃ nax yáxna namaxã pexĩnüexü̃ i ñaa noxretama i ore i pexca̱x chaxümatüxü̃ i namaxã pexü̃ chaxucu̱xẽxü̃.