Popera ga Yudíugü ga yaxõgüxü̃ca̱x ümatüxü̃ 12:3 - Tupanaarü Ore

³ Rü name nixĩ i nagu perüxĩnüe ga yema Ngechuchuxü̃ ngupetüxü̃ rü ñuxãcü yáxna namaxã nax naxĩnüxü̃ ga yema naxchi aiexü̃ ga pecaduã̱xgüxü̃ ga ngúxü̃ nüxü̃ ingexẽẽgüxü̃. Rü ngẽmaca̱x i pema i ñu̱xma rü tama name nax nüxü̃ perüchauexü̃ rü nüxü̃ perüxoexü̃ nax nüxü̃́ peyaxõgüxü̃.

Popera ga Yudíugü ga yaxõgüxü̃ca̱x ümatüxü̃ 12:3 Referans Kwoze

Gálatas 6:9

Rü ngẽmaca̱x tama name nax nüxü̃ rüchauexü̃ nax mexü̃ ixüexü̃. Rü ngẽxguma tama nüxü̃ rüchauegu nax mexü̃ ixügüxü̃, rü ngẽxguma Tupanaxü̃tawa ingugügu rü mexü̃ tá tayaxu.

2 Corintios 4:16

Rü ngẽmaca̱x taguma nüxü̃ tarüxoe nax nüxü̃ tixuxü̃ i ngẽma ore. Rü woo yayachigügu rü yaturachigügu i toxone, natürü toõxẽwa rü guxü̃ i ngunexü̃gu rü yexeraãcü tiporaetanü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:3

Rü woo guxchaxü̃gü cuxca̱x ínguxgu, natürü cunaxüama i ngẽma puracü i cha̱u̱xca̱x cuxüxü̃. Rü woo chaugagu ngúxü̃ quinge, natürü yáxna namaxã cuxĩnü, rü tama nüxü̃ curüchau.

1 Corintios 15:58

Rü ngẽmaca̱x, Pa Chauenexẽgü ya Pexü̃ Changechaü̃güxex, rü name nixĩ i mea peyaxõgüama rü taguma ípenata̱x i Tupanaarü ore. Rü name nixĩ i guxü̃guma mea penaxü i tórü Coriarü puracü, erü pema nüxü̃ pecua̱x rü ngẽma puracü i nüxü̃́ pexüxü̃, rü tama natüca̱xma nixĩ.

Popera ga Yudíugü ga yaxõgüxü̃ca̱x ümatüxü̃ 12:2

¡Rü ngĩxã Ngechuchuxü̃ tarüdaunü rü nagu taxĩ i nacüma! Yerü nüma nixĩ ga tüxü̃́ natauxchaxẽẽãxü̃ nax yaxõgüxü̃ca̱x. Rü nüma rü tama nügü nachu̱xu nax curuchawa ngúxü̃ yangexü̃, rü tama nagu narüxĩnü ga yema ãne nax yangexü̃, yerü nüxü̃ nacua̱x nax yemawena rü tá nataãẽxü̃. Rü ñu̱xma rü Tupanaarü tochicaxü̃arü tügünecüwawa narüto.

Popera ga Yudíugü ga yaxõgüxü̃ca̱x ümatüxü̃ 3:1

Rü ñu̱xma Pa Chauenexẽgü ya Tupanape̱xewa Üünegüxe, rü pexü̃ nixĩ ya Tupana i nadexü̃ nax norü duü̃xü̃gü pixĩgüxü̃ca̱x. Rü ngẽmaca̱x name nixĩ i mea nagu perüxĩnüe ya Ngechuchu ya Cristu ya Tupana núma namucü. Rü nüma ya Ngechuchu nixĩ i tórü chogüruxü̃ i Tupanape̱xewa tüxü̃ ixüünexẽẽcü. Rü yimáaxü̃́ nixĩ i yaxõgüxü̃.

2 Corintios 4:1

Rü ngẽmaca̱x taguma nüxü̃ tarüchau i ñaa puracü, erü Tupana ya nüxü̃́ tangechaü̃tümüü̃cü nixĩ ga toxü̃ mucü nax tanaxüxü̃ca̱x i ñaa puracü nax nüxü̃ tixuxü̃ca̱x i norü ore.

Ore i mexü̃ ga Cuáü̃ ümatüxü̃ 5:16

Rü yemaca̱x ga yema ãẽ̱xgacügü rü Ngechuchuca̱x nadaugü nax yama̱xgüãxü̃ca̱x, yerü ngü̃xchigaarü ngunexü̃gu napuracü.

1 Chamué 12:24

Rü ñu̱xma i pema rü penaxwa̱xe i Cori ya Tupanaaxü̃́ peyaxõgü rü aixcüma nüxü̃ picua̱xüü̃gü. ¡Rü nagu perüxĩnüe nax ñuxãcü poraãcü pexü̃ nax nangü̃xẽxẽxü̃!

Popera ga Yudíugü ga yaxõgüxü̃ca̱x ümatüxü̃ 12:5

Rü ñu̱xma nax Tupanaxacügü pixĩgüxü̃ rü tama name i nüxü̃ iperüngümae i norü ore i ümatüxü̃ i namaxã pexü̃ yaxucu̱xẽgüxü̃ i ñaxü̃: “Pa Chaunex, ¡taxṹ i nüxü̃ cuxoxü̃ i ngẽxguma cuxü̃ icharüwe̱xãchixẽẽgu! ¡Rü taxṹ i cuyarümaxãchixü̃ i ngẽxguma cuxü̃ chaxucu̱xẽgu!

Ore i mexü̃ ga Luca ümatüxü̃ 14:1

Rü wüxi ga ngü̃xchigaarü ngunexü̃gu rü Ngechuchu rü wüxi ga Parichéugüarü ãẽ̱xgacüpatawa nayachibü. Rü yéma nayexmagü ga togü ga Parichéugü ga yéma bexma Ngechuchuxü̃ ngugüexü̃.

Wenaxarü naxümatü ga Tupanaarü mugü 20:3

“Pa Iraétanüxü̃, ¡Choxü̃́ iperüxĩnüe! Ñu̱xma rü tá perü uanügümaxã pegü pedai, natürü tama name i peyarümaãchitanü, rü pemuü̃e, rü naxcha̱xwa pidu̱xrue rü peba̱i̱xãchie.

2 Tesalonicenses 3:13

Natürü i pemax, Pa Chauenexẽgüx, tama name nax nüxü̃ perüchauexü̃ nax mexü̃ pexügüxü̃.

Ore i mexü̃ ga Cuáü̃ ümatüxü̃ 18:22

Rü yexguma Ngechuchu yema ñaxgu, rü wüxi ga Tupanapata ga taxü̃nearü purichía ga naxü̃tagu chíxü̃, rü Ngechuchuxü̃ napechiwe. Rü ñanagürü nüxü̃: —¿Tü̱xcüü̃ ngẽmaãcü cunangãxü̃ ya daa chacherdótegüarü ãẽ̱xgacü? —ñanagürü.

Ore i mexü̃ ga Cuáü̃ ümatüxü̃ 8:52

Rü yexguma ga yema Yudíugü, rü Ngechuchuxü̃ nangãxü̃gü, rü ñanagürügü: —Ñu̱xma rü meaxü̃chima nüxü̃ tacua̱x nax cuwa nangẽxmaxü̃ i wüxi i ngo̱xo. Yerü ga Abraáü̃ rü guxü̃ma ga nũxcümaü̃güxü̃ ga Tupanaarü orearü uruü̃gü rü nayue. Natürü cuma rü ñu̱xma tomaxã nüxü̃ quixu rü texé ya naga ĩnüxe i ngẽma curü ore rü guxü̃gutáma namaxecha.

Ichaía 50:4

Rü choma i Ichaía rü ñachagürü: —Tupana rü choxü̃ nangu̱xẽxẽ nax norü ore i taãxẽ tüxna ãxü̃maxã chayaxucu̱xẽgüxü̃ nax naporaexü̃ca̱x i ngẽma ipaexü̃ rü ngúxü̃ ingegüxü̃. Rü guxü̃ i pa̱xmama rü Tupana choxü̃ ínarüdaxẽxẽ nax wüxi i ngúetanüxü̃ i mexü̃rüxü̃ nüxü̃ chaxĩnüxü̃ca̱x i norü ngu̱xẽẽtae.

Ucu̱xẽgüchiga 24:10

Ngẽxguma tama yáxna namaxã cuxĩnügu i ngẽxguma guxchaxü̃ cuxca̱x ínguxgu, rü naxíra i curü pora. -25-

Ore i mexü̃ ga Cuáü̃ ümatüxü̃ 8:59

Rü yexguma ga nümagü rü nutane nanayauxgü nax gumámaxã ínamuxũchigüãxü̃ca̱x. Natürü ga Ngechuchu rü na̱xcha̱xwa inicu̱x. Rü yemaacü ínaxũxũ nawa ga gumá Tupanapata ga taxü̃ne.

Ore i mexü̃ ga Cuáü̃ ümatüxü̃ 8:13

Rü yexguma ga Parichéugü rü ñanagürügü nüxü̃: —Cuma rü cugüchigaxü̃tama quixu. Rü ngẽma cuchiga i nüxü̃ quixuxü̃ rü taxuwama name —ñanagürügü.

Ore i mexü̃ ga Cuáü̃ ümatüxü̃ 7:12

Rü yema duü̃xü̃gü ga yéma yexmagüxü̃, rü nügütanüwa poraãcü Ngechuchuchiga nidexagü. Rü ñuxre ga yema duü̃xü̃gü rü ñanagürügü: —Yimá rü wüxi ya yatü ya mecü nixĩ —ñanagürügü. Natürü ga togü rü ñanagürügü: —Ngẽma yatü rü tama name erü duü̃xü̃güxü̃ nawomüxẽxẽ —ñanagürügü.

Ore i mexü̃ ga Luca ümatüxü̃ 16:14

Natürü ga yema Parichéugü rü poraãcü norü diẽruguama narüxĩnüe. Rü yemaca̱x Ngechuchuxü̃ nacugüe ga yexguma nüxü̃ naxĩnüegu ga guxü̃ma ga yema ore.

Ore i mexü̃ ga Luca ümatüxü̃ 15:2

Rü yemaca̱x ga Parichéugü rü ngúexẽẽruü̃gü ga Moichéarü mugüwa ngu̱xẽẽtaegüxü̃, rü Ngechuchuxü̃ nixugüe, rü ñanagürügü: —Ñaa yatü rü norü me nixĩ i pecaduã̱xgüxü̃maxã naxãmücüxü̃, rü namaxã nachibüxü̃ —ñanagürügü.

Ore i mexü̃ ga Luca ümatüxü̃ 5:21

Natürü yema ngúexẽẽruü̃gü ga Moichéarü mugümaxã ngu̱xẽẽtaegüxü̃ rü yema Parichéugü, rü nagu narüxĩnüe, rü nügüãẽwa ñanagürügü: —¿Ta̱xacü nixĩ i ñaa yatü rü ngẽmaca̱x Tupanape̱xewa chixexü̃ yaxugüxü̃? Erü taxúema pora tüxü̃́ nangẽxma nax duü̃xü̃güaxü̃́ pecaduxü̃ tangechaü̃xü̃. Rü Tupanaxicatama nixĩ ya nüxü̃́ nangẽxmacü i ngẽma pora —ñanagürügü naãxẽwa.

Ore i mexü̃ ga Luca ümatüxü̃ 2:34

Rü yexguma ga Chimeóü̃ rü Tupanana naca nax nüxü̃ nangü̃xẽẽxü̃ca̱x ga Yúche rü María rü gumá bucü. Rü ñanagürü ngĩxü̃ ga María ga Ngechuchu naé: “Dücax, daa bucü rü tá nanamaxẽxẽxẽ i muxü̃ma i Iraétanüxü̃, natürü ngẽma nüxü̃ oexü̃ rü tá inayarütauxe. Rü nüma rü wüxi i cua̱xruxü̃ tá nixĩ, rü muxü̃ma i duü̃xü̃gü rü tá nüxü̃ naxoe.

Ore i mexü̃ ga Matéu ümatüxü̃ 22:15

Rü yexguma ga Parichéugü rü nixĩgachi ga yéma. Rü noxrüwama nügümaxã nayarüdexagü rü naxca̱x nadaugü nax ñuxãcü tá chixexü̃gu Ngechuchuxü̃ nanguxẽxẽgüxü̃ca̱x rü ñu̱xũchi ãẽ̱xgacüxü̃tawa nax ínaxuaxü̃güãxü̃ca̱x.

Ore i mexü̃ ga Matéu ümatüxü̃ 21:46

Rü yexguma ga yema ãẽ̱xgacügü rü Ngechuchuxü̃ niyauxgüchaü̃. Natürü taxucürüwama nayayauxgü yerü duü̃xü̃güxü̃ namuü̃e, yerü ga duü̃xü̃gü rü nayaxõgü ga aixcüma Tupanaarü orearü uruxü̃ nax yixĩxü̃ ga Ngechuchu.

Ore i mexü̃ ga Matéu ümatüxü̃ 21:23

Rü yema ñaxguwena ga Ngechuchu rü Tupanapata ga taxü̃negu naxücu. Rü yexguma yéma ínangu̱ẽẽtaeyane rü naxca̱x naxĩ ga chacherdótegüarü ãẽ̱xgacügü rü Yudíugüarü ãẽ̱xgacügü. Rü Ngechuchuna nacagüe rü ñanagürügü: —¿Texégagu cunaxü i ngẽma nua cuxüxü̃? ¿Rü texé cuxna taxãga nax cunaxüxü̃ca̱x i ngẽma? —ñanagürügü.

Ore i mexü̃ ga Matéu ümatüxü̃ 15:2

—¿Tü̱xcüü̃ i curü ngúexü̃gü rü tama nagu naxĩ i nũxcümaü̃güxü̃ i tórü o̱xigücüma? ¿Rü tü̱xcüü̃ tama nayanguxẽẽgü i ngẽma nacüma nax Tupanaca̱x naya̱u̱xme̱xgüxü̃ naxü̃pa nax nachibüexü̃? —ñanagürügü.

Ore i mexü̃ ga Matéu ümatüxü̃ 12:24

Natürü yema Parichéugü ga yéma yexmagüxü̃ rü yexguma yemaxü̃ naxĩnüegu, rü ñanagürügü: —Ñaa yatü i Ngechuchu, rü ngo̱xogünatü i Beechebúarü poramaxã nixĩ i ínawoxü̃ãxü̃ i ngo̱xogü —ñanagürügü.

Ore i mexü̃ ga Matéu ümatüxü̃ 11:19

Rü ñu̱xũchi núma naxũ ya Tupana Nane ya duü̃xü̃xü̃ ixĩcü rü õna nangõ̱x rü bínu nayaxaxü. Rü ngẽxguma i nüma i duü̃xü̃gü rü taanüxü̃chixü̃ rü ngãxwa̱xexü̃ nüxü̃ nawogüe. Rü nüxü̃ nixugüe rü pecaduã̱xgüxü̃maxã naxãmücü, rü namaxã naxãmücü i ngẽma duü̃xü̃gü i Rómaarü ãẽ̱xgacüca̱x diẽru ngĩxü̃ ideetanüxü̃. Natürü Tupanaarü cua̱x rü tümawa nango̱x ya yíxema aixcüma mexü̃ üxe”, ñanagürü ga Ngechuchu.

Ore i mexü̃ ga Cuáü̃ ümatüxü̃ 9:40

Rü ñuxre ga Parichéugü ga yéma Ngechuchumaxã yexmagüxü̃, rü yexguma yema orexü̃ naxĩnüegu, rü Ngechuchuna nacagü, rü ñanagürügü: —¿Ẽ̱xna toma rü ta tama Tupanaxü̃ tacua̱xgü ñacuxü̃? —ñanagürügü.

Ore i mexü̃ ga Cuáü̃ ümatüxü̃ 10:20

Rü muxü̃ma ga nümagü rü ñanagürügü: —¿Tü̱xcüü̃ nüxü̃́ iperüxĩnüe i ñaa yatü i ngeãẽxü̃ i ngo̱xo nawa ngẽxmaxü̃? —ñanagürügü.

Nüxíraxü̃xü̃ ga popera ga Pedru ümatüxü̃ 2:23

Rü yexguma duü̃xü̃gü chixexü̃ namaxã ixugüegu, rü nüma rü taxuxü̃ma ga chixexü̃maxã nanangãxü̃. Rü yexguma ngúxü̃ nüxü̃ yangexẽẽgügu, rü nüma rü tama ta̱xacürü chixexü̃maxã nanaxãũxü̃ne. Natürü nüma ga Cristu rü nügü inaxã nüxna ya Tupana ya mea nangugücü i guxü̃ma i duü̃xü̃güarü maxü̃.