Popera ga Yudíugü ga yaxõgüxü̃ca̱x ümatüxü̃ 12:22 - Tupanaarü Ore

²² Erü ñu̱xma i pema rü marü nüxna pengaicamagü ya yima ma̱xpǘne ya Chióü̃ ya yimá Tupana ya Maxü̃cüarü ĩane ya daxũgune ya Yerucharéü̃. Rü marü nüxna pengaicamagü i ngẽma muxũchixü̃ma i norü orearü ngeruü̃gü i daxũcüã̱x i Tupanaxü̃ icua̱xüü̃güxü̃.

Popera ga Yudíugü ga yaxõgüxü̃ca̱x ümatüxü̃ 12:22 Referans Kwoze

Filipenses 3:20

Natürü i yixema rü daxũguxü̃ i naanewa tüxü̃́ nangẽxma i tachica. Rü ítanangu̱xẽxẽ nax daxũguxü̃ i naanewa taxca̱x ne naxũxü̃ ya tórü Cori ya Ngechuchu ya Cristu ya tórü Maxẽxẽẽruxü̃.

Gálatas 4:26

Natürü yema nge ga Abráü̃ naxma̱xü̃chi rü tama Agárüxü̃ iyixĩ. Rü ngĩne ga Ichaá rü nabu yerü Tupanaaxü̃́ nayaxõ ga Abráü̃ ga yexguma Tupana namaxã nüxü̃ ixuxgu rü tá nax nüxü̃́ nangẽxmaxü̃ ga wüxi ga nane. Rü ñu̱xma Pa Chauenexẽgüx, yixema rü ta tayaxõ i ngẽma Tupana tamaxã ixunetaxü̃. Rü ngẽmaca̱x i ñu̱xma rü tama ngẽma nũxcümaü̃güxü̃ i mugütüü̃wa tangexmagü. Rü ngẽmaãcü Abráü̃ naxma̱xü̃chixacügürüxü̃ tixĩgü. Rü ngẽmaãcü nüxü̃ tadau nax aixcüma Tupana yanguxẽẽxü̃ i norü ore ga Abráü̃ naxma̱xü̃chichiga ümatüxü̃ i ñaxü̃: “¡Nataãxẽ, Pa Ngecü i Ngexacücü! ¡Rü curü taãẽmaxã rüxáixnaxü̃ woo tagumachire̱x nax cuxãxãcüxü̃! Erü tá cuxãxãcü, rü ngẽma ngexü̃ i cuxü̃taxü̃ i cuteaxü̃́ ãxacüxü̃arü yexera tá cuxü̃́ nangẽxma i cuxacügü”, ñaxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:1

Rü yemawena ichadawenü, rü nüxü̃ chadau ga gumá Carnéruxacü ga guma ma̱xpǘne ga Chióü̃étügu chicü. Rü naxü̃tawa nayexma ga 144,000 ga duü̃xü̃gü ga nacatüwa ixãégaxü̃ namaxã ga gumá Carnéruxacüéga rü Nanatü ya Tupanaéga.

Wiyaegü 48:2

Namexẽchi ya yima ma̱xpǘne ya Chióü̃ i nórtewaama ngẽxmane. Rü yima nixĩ ya namaxã nataãẽgüne i guxü̃ma i ñoma i naanecüã̱x i duü̃xü̃gü. Rü yimawa nixĩ i nangẽxmaxü̃ i norü ĩane ya yimá Ãẽ̱xgacü ya Guxãétüwa Ngẽxmacü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:2

Rü nüxü̃ chadau ga guma ĩane ga mexü̃ne ga Yerucharéü̃ ga yexwaca̱xü̃ne ga daxũguxü̃ ga naanewa Tupanaxü̃tawa írüxĩxü̃ne. Rü guma ĩane rü guxü̃wama nimexẽchi ñoma wüxi i pacü i ngẽxguma iyangĩxgu rü ngĩteca̱x ngĩgü mexẽẽcürüxü̃ ixĩxü̃ne.

Ichaía 51:11

Rü ngẽxgumarüxü̃ i ñu̱xma rü aixcüma tá nawoegu i ngẽma Iraétanüxü̃ i Babiróniaanecüã̱xme̱xẽwa ícunguxü̃xẽẽxü̃. Rü taãẽãcü tá nawiyaegü rü ngẽmaãcü tá Chióü̃gu nachocu. Rü guxü̃gutáma nataãẽchametügü rü ngẽma axu rü ngúxü̃gü rü tá narüxogü.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:19

Rü ngẽxguma chi texé ínaxíraãchigu i ngẽma ore i ñaa poperagu ümatüxü̃ nachiga i ta̱xacü tá ínguxü̃, rü Tupana rü taxũtáma tüxü̃ nüxü̃ nangõ̱xnetaxẽxẽ i ngẽma norü o i ngẽma nai i maxẽẽruxü̃, rü taxũtáma tüxü̃ nimucuchi nawa ya yima ĩane ya üünene i ñaa poperawa nachiga naxümatüne.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:12

Rü yíxema nüxü̃ rüporamaegüxe i ngẽma chixexü̃, rü Chaunatü ya Tupanapatawa tá tüxü̃ chaxüchica nax tagutáma ngéma ítachoxü̃xü̃ca̱x. Rü tümagu tá chanaxümatü i naéga ya Chaunatü ya Tupana. Rü ngẽxgumarüxü̃ tá ta tümagu chanaxümatü i naéga ya Tupanaarü ĩane ya Yerucharéü̃ ya ngexwacaxü̃ne ya Tupanaxü̃tawa i daxũguxü̃ i naanewa írüxĩxü̃ne. Rü ngẽxgumarüxü̃ tá ta tümagu chanaxümatü i chauéga i ngexwaca̱xü̃xü̃’.

Popera ga Yudíugü ga yaxõgüxü̃ca̱x ümatüxü̃ 13:14

Erü ñoma i naanewa tüxü̃́ nataxu ya wüxi ya ĩane ya taguma yarüxoxü̃ne, natürü naxca̱x tadaugü ya yima ĩane ya daxũguxü̃ i naanewa tá tüxü̃́ ngẽxmane.

Popera ga Yudíugü ga yaxõgüxü̃ca̱x ümatüxü̃ 11:10

Rü nüma ga Abráü̃, rü woo ĩpata ga naxchirunaxca̱xmaxãmare yema naanegu naxãpata, natürü ínanangu̱xẽxẽ nax nawa tá nanguxü̃ ya yima ĩane ya taguma iyarüxoxü̃ne ya nüma ya Tupana norü ĩnümaxã daxũguxü̃ i naanewa naxüxü̃ne.

Joel 2:32

Natürü guxãma ya texé ya aixcüma Tupanaga ĩnüxe rü taxũtáma tapoxcue. Erü yima ma̱xpǘne ya Chióü̃ ya Yerucharéü̃wa ngẽxmanewa tá nango̱x ya yimá Maxẽxẽxẽruxü̃ yema Cori ya Tupana pemaxã inaxunetaxü̃rüxü̃. Rü yíxema nüma tüxü̃ nidexechixe rü taxũtáma tapoxcue.

Ochéa 1:10

Natürü wüxi i ngunexü̃gu i ngẽma Iraétanüxü̃ rü tá namuxũchi ñoma naxnecü i márpechinüwa ngẽxmacürüxü̃. Rü ngẽmaca̱x taxucürüwa texé tayaxugü nax ñuxre yixĩxü̃. Rü woo noxri pemaxã nüxü̃ chixu nax tama chorü duü̃xü̃gü pixĩgüxü̃, natürü wüxi i ngunexü̃ rü choma ya Tupana ya Maxü̃cü tá pemaxã nüxü̃ chixu nax chorü duü̃xü̃gü pixĩgüxü̃.

Ichaía 60:14

Rü yema ü̃pa perü uanügü ixĩgüxü̃ rü ngẽma nataagü rü tá núma pexü̃tawa naxĩ rü pepe̱xegu tá nügü ínarüxíxragü. Rü yema noxri pexchi aiexü̃ rü tá pepe̱xegu nacaxã́pü̱xügü rü tá pexü̃ ñanagürügü: “Perü ĩane ya Chióü̃ rü Iraétanüxü̃arü Tupana ya Üünecüarü Ĩane nixĩ”, ñanagürügü tá.

Ichaía 59:20

Rü Tupana rü tá tüxü̃ ínanguxü̃xẽxẽ ya yíxema Chióü̃cüã̱xgü rü guxãma ya Acóbutaagü ya nüxü̃ rüxoexe i tümaarü chixexü̃gü. Rü Cori ya Tupanatama nixĩ i ngẽma ñaxü̃.

Ichaía 28:16

Rü ngẽmaca̱x ya Cori ya Tupana rü ñanagürü: —Chióü̃gu tá chanaxǘ ya wüxi ya nuta ya chomatama ichaxunetacü ya mexẽchicü. Rü yimáwa tá nixĩ inaxügüxü̃ i guxü̃ma i ngẽma chaxüxü̃. Rü yíxema nagu iyauxãchíxe rü taxuca̱xma taxoegaãxẽ.

Ichaía 12:6

¡Rü perü taãẽmaxã tagaãcü wáita pixüe, Pa Chióü̃cüã̱xgü! Erü Iraétanüxü̃arü Tupana rü nata rü naxüüne, rü petanüwa nangẽxma guxü̃ma i norü poramaxã —ñaperügügü tá.

Norü taxre ga popera ga ãẽ̱xgacügüchiga 19:4

Chierüx nüma ya Cori ya curü Tupana rü marü nüxü̃ naxĩnügu i ngẽma ore i nüxü̃ yaxuxü̃ i ngẽma Achíriaanearü churaragüeru nax namaxã naguxchigaxü̃. Rü chierüna napoxcuãgu ya curü Cori ya Tupana naxca̱x i ngẽma ore i nümatama nüxü̃ naxĩnüxü̃. Rü ngẽmaca̱x chanaxwa̱xe i toxca̱x cuyumüxẽ nax ítayaxǘgüxü̃ —ñanagürü ga ãẽ̱xgacü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:10

Rü yexguma Tupanaãxẽ ya Üünecü choxü̃ ngo̱xetüxẽẽgu, rü yema orearü ngeruxü̃ rü wüxi ga ma̱xpǘne ga taxü̃newa choxü̃ naga. Rü choxü̃ nüxü̃ nadauxẽxẽ ga guma ĩane ya üünene ga Yerucharéü̃ ga daxũguxü̃ ga naanewa Tupanaxü̃tawa írüxĩxü̃ne.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:2

Rü yexgumarüxü̃ ta nüxü̃ chadau ga wüxi ga Tupanaarü orearü ngeruxü̃ ga daxũcüã̱x ga éstewa ne ũxü̃. Rü nüxü̃́ nayexma ga Tupana ya Maxü̃cüarü cáxnaruxü̃. Rü nüma rü tagaãcü nüxna nacagü ga yema togü ga ãgümücü ga Tupanaarü orearü ngeruü̃gü ga nayauxgüxü̃ ga pora nax nachixexẽẽgüãxü̃ca̱x ga yema waixü̃mü rü yema már.

Popera ga Yúda ümatüxü̃ 1:14

Rü gumá nüxíraü̃cü ga duü̃ ga Adáü̃ rü nawe naxü ga gumá norü 7 ga nataxa ga Enóx. Rü nüma ga Enóx rü yema duü̃xü̃güchiga nidexa ga yexguma Tupana yadexaxẽẽgu, rü ñanagürü: “Nüxü̃ chadau ya Cori ya Tupana nax muxũchixü̃ma i norü orearü ngeruü̃gü i daxũcüã̱xmaxã núma ũcü nax duü̃xü̃güna naca̱xaxü̃ca̱x i norü maxü̃chiga rü napoxcueãxü̃ca̱x i guxü̃ma i ngẽma chixexü̃ ügüxü̃ rü namaxã guxchigagüxü̃”, ñanagürü ga Enóx ga Adáü̃taxa ixĩcü rü yema duü̃xü̃güchiga nidexa ga yexguma Tupana yadexaxẽẽgu, rü ñanagürü: “Rü nüxü̃ chadau ya Cori ya Tupana nax muxũchixü̃ i norü orearü ngeruü̃gü i daxũcüã̱xmaxã núma ũcü nax duü̃xü̃güna naca̱xaxü̃ca̱x i norü maxü̃chiga rü napoxcueãxü̃ca̱x i guxü̃ma i ngẽma duü̃xü̃gü i chixexü̃ ügüxü̃ rü namaxã guxchigagüxü̃”, ñanagürü.

Danié 6:26

Rü pemaxã nüxü̃ chixu rü pexü̃ chamu rü guxü̃ma i ñaa naane i chomax namaxã ichacuáxü̃wa rü chanaxwa̱xe i nüxü̃ pengechaü̃ rü nüxü̃ picua̱xüü̃gü ya yimá Daniéarü Tupana. Erü yimá Tupana rü maxü̃cü nixĩ, rü guxü̃guma nangẽxmaecha. Rü ngẽma nüma nax ãẽ̱xgacü yixĩxü̃ rü taguma inarüxo, rü ngẽma norü pora rü taguma inayagu̱x.

Yeremía 10:10

Natürü, Pa Corix, cuma nixĩ ya aixcüma Tupana ixĩcü. Rü cuma nixĩ ya Tupana ya Maxü̃cü ya guxü̃guma ãẽ̱xgacü quixĩxü̃. Rü ngẽxguma cunuxgu rü nidu̱xru i ñoma i naane. Rü ngẽma nachixü̃anecüã̱xgü rü tama namaxã naporae ega cunuxgu —ñanagürü.

Ichaía 51:16

Rü choma nixĩ ga cumaxã nüxü̃ chixuxü̃ ga yema chanaxwa̱xexü̃ nax nüxü̃ quixuxü̃, rü choma rü tá chorü poramaxã cuxna chadau. Rü choma nixĩ ga chanaxüxü̃ ga daxũguxü̃ ga naane rü ñoma i naane, rü ñu̱xma rü ñacharügü: “Pa Chióü̃cüã̱xgüx, pema nixĩ i chorü duü̃xü̃gü pixĩgüxü̃”, ñachagürü —ñanagürü ga Tupana.

Wiyaegü 87:3

Pa Tupanaarü Ĩanex, rü mexẽchixü̃ i ore cuchiga nixugü.

Wiyaegü 84:2

Rü poraãcü choxü̃́ nangúchaü̃ nax cupataã̱xtügu chaxücuxü̃. Rü guxü̃ma i chorü taãẽmaxã cuxca̱x chawiyaechaü̃ Pa Tupana ya Guxü̃guma Maxü̃cüx.

Wiyaegü 2:6

—Choma rü marü nüxü̃ chaxuneta ya yimá ãẽ̱xgacü ya choma chanaxwa̱xecü nax yima ma̱xpǘne ya üünene ya Chióü̃wa ãẽ̱xgacü yixĩxü̃ca̱x —ñanagürü.

Yochué 3:10

Rü ngẽmawa tá nixĩ i nüxü̃ picuáxü̃ ya Tupana ya Maxü̃cü rü petanüwa nax nangẽxmaxü̃. Rü nüma ya Cori rü tá ínanawoxü̃ i Canaáü̃tanüxü̃, rü Itítanüxü̃, rü Ebéutanüxü̃, rü Ferechéutanüxü̃, rü Guerguechéutanüxü̃, rü Amoréutanüxü̃ rü Yebuchéutanüxü̃ nawa i ngẽma naane nax pema nawa pingugüxü̃ca̱x.

Wenaxarü naxümatü ga Tupanaarü mugü 33:2

—Cori ya Tupana rü ma̱xpǘne i Chinaíwa ne naxũ. Rü yexguma máxpü̱xanexü̃ i Cheíwa tachopetügu rü tüxü̃ nibáixmaxü̃. Rü yema norü nangóonexü̃ rü máxpüxanexü̃ i Paráü̃wa nanguema, rü ñu̱xmata Meribá-cadéwa nangu. Rü norü tügüneme̱xẽgu nayange i norü mugü i ya̱u̱xracüüxü̃. Rü 10,000 i dauxü̃cüã̱x i norü duü̃xü̃gümaxã ngéma ne naxũ.

Wenaxarü naxümatü ga Tupanaarü mugü 5:26

¿Rü ta̱xacürü yatü rü tama nayu ega nüxü̃ naxĩnügu i naga ya Tupana ya Maxü̃cü i ngẽxguma üxüemaarü ngãxü̃wa yadexaxgu ngẽma toma nüxü̃ taxĩnüexü̃rüxü̃?

Popera ga Yudíugü ga yaxõgüxü̃ca̱x ümatüxü̃ 10:31

Rü wüxi i ãũcümaxü̃chixü̃ nixĩ nax Tupana ya Maxü̃cüme̱xẽgu iyi̱xixü̃ nax tüxü̃ napoxcuexü̃ca̱x.

Popera ga Yudíugü ga yaxõgüxü̃ca̱x ümatüxü̃ 9:14

Natürü nagü ya Cristu rü naporaxüchi norü yexera ya yimá nagü i ngẽma naxü̃nagü. Rü nüma ya Cristu rü Tupanaãxẽarü poramaxã nügü inaxã rü nayu nax ãmare i ngẽarü chixexü̃ã́xü̃ yixĩxü̃ca̱x nax yemaacü yanaxoxẽẽãxü̃ca̱x i tórü chixexü̃ i tórü ĩnüwa ngẽxmagüxü̃ nax ngẽmaãcü Tupana ya Maxü̃cüca̱x imaxẽxü̃ca̱x.

Popera ga Yudíugü ga yaxõgüxü̃ca̱x ümatüxü̃ 3:12

Rü ñu̱xma Pa Chauenexẽgüx, rü name nixĩ i pegüna pedaugü nax tama ngürüãchi pechixearü maxü̃ã́xü̃ca̱x, rü ngẽmagagu nax nüxü̃ perüxoexü̃ nax Tupana ya Maxü̃cüaxü̃́ peyaxõgüxü̃.

1 Tesalonicenses 1:9

Yerü nümagütama ga yema duü̃xü̃gü rü marü nüxü̃ nixugügü nax mea toxü̃ peyauxgüxü̃ ga yexguma petanüwa taxĩxgu. Rü nüxü̃ nixugügü nax nüxü̃ perüxoexü̃ ga perü tupananetachicüna̱xãgü nax Tupanaxü̃chi ya maxü̃cü rü ixaixcümacüwe perüxĩxü̃ca̱x nax nüxü̃́ pepuracüexü̃ca̱x.

Romanos 11:26

Natürü ngẽmawena rü guxü̃táma i Iraétanüxü̃ rü tá ta nayaxõgü, rü tá nanayauxgü i maxü̃ i taguma gúxü̃. Erü Tupanaarü ore i ümatüxü̃wa rü ñanagürü: “Yimá Cristu ya ínanguxü̃xẽẽcü, rü Chióü̃wa tá ne naxũ. Rü nüma rü tá ngẽma Iraétanüxü̃güxü̃ chixexü̃wa ínanguxü̃xẽxẽ.

Romanos 9:26

Rü noxri ga Tupana rü yema duü̃xü̃gü ga tama Yudíugü ixĩgüxü̃maxã nüxü̃ nixu, rü ñanagürü nüxü̃: ‘Pema rü tama chorü duü̃xü̃gü pixĩgü’, ñanagürü nüxü̃. Natürü yematama nachica ga ngextá nüxü̃ íyemañaxü̃wa, rü wenaxarü yema duü̃xü̃gü ga tama Yudíugü ixĩgüxü̃maxã nidexa ga Tupana ya Maxẽxẽẽruxü̃, rü ñanagürü nüxü̃: ‘Pema rü chauxacügü tá pixĩgü’, ñanagürü nüxü̃”. Rü yema nixĩ ga Tupanaarü ore ga Ochéa ümatüxü̃.

Ore i mexü̃ ga Matéu ümatüxü̃ 5:35

Rü tama name i ñoma i naaneégagu ipexuneta, erü Tupanaarü cuaixcutüchica nixĩ. Rü tama name i Yerucharéü̃égagu ipexuneta, erü norü ĩane nixĩ ya Tupana ya Guxãétüwa Ngẽxmacü.

Ichaía 14:32

¿Rü ta̱xacü rü oremaxã tá penangãxü̃ i ngẽma Firitéugüarü orearü ngeruü̃gü? ¡Rü namaxã nüxü̃ pixu nax Cori ya Tupana yixĩxü̃ i naxüxü̃ ya Chióü̃, rü nagu tá tayarücu̱xgü ya yíxema norü duü̃xẽgü ya ngúxü̃ ingegüxe! —ñanagürü.

Wiyaegü 68:17

Rü nüma ya Tupana rü guxü̃nema ya naweü̃maxã Chinaíarü ma̱xpǘnewa ínaxũxũ nax napata ya Chióü̃wa ngẽxmanewa naxũxü̃ca̱x.

Ore i mexü̃ ga Matéu ümatüxü̃ 16:16

Rü Chimóü̃ ga Pedru nanangãxü̃, rü ñanagürü nüxü̃: —Cuma nixĩ i Cristu ya Tupana ya Maxü̃cü Nane quixĩxü̃ —ñanagürü.

Wiyaegü 42:2

Rü choxü̃́ nangúchaü̃ nax namaxã chaxãmücüxü̃ ya Tupana ya maxü̃arü yora. ¿Rü ñuxgu tá napatawa chaxũxü̃ nax ngéma nape̱xewa changexmaxü̃ca̱x?

Ichaía 24:23

Rü ngẽxguma nüma ya Cori ya Tupana ya Guxãétüwa Ngẽxmacü ãẽ̱xgacü yixĩxgu i ma̱xpǘne ya Chióü̃wa i Yerucharéü̃wa, rü yimá tauemacü rü tá nadauemamare rü yimá üa̱xcü rü tá naxeemamare. Rü yima ĩanearü ãẽ̱xgacügü rü tá nüxü̃ nadaugü ya Cori ya Tupanaarü üüne.

Ichaía 27:13

Rü ngẽma ngunexü̃gu rü tá nagu nicue ya yimá cornéta ya tagane. Rü ngẽma Iraétanüxü̃ i Achíriaanegu woonexü̃ rü ñu̱xũchi ngẽma Equítuanewa gagüxü̃ rü tá Yerucharéü̃ca̱x nawoegu. Rü yima ma̱xpǘne ya üünenewa tá Cori ya Tupanaxü̃ nicua̱xüü̃gü.

Yeremía 17:25

Rü ngẽxguma ngẽmaãcü penaxauregu i ngẽma ngunexü̃, rü guxü̃gutáma Dabítanüxü̃ nixĩ i Yudáanearü ãẽ̱xgacügü ixĩgüxü̃ rü Dabíarü tochicaxü̃wa rütogüxü̃. Rü nümagü rü guxü̃gutáma norü carugümaxã rü norü cowarugümaxã daa ĩanegu nachocu namaxã i norü ngü̃xẽẽruü̃gü rü Yudáanecüã̱xgü rü Yerucharéü̃cüã̱xgü. Rü daa ĩane rü guxü̃gutáma duü̃xü̃gümaxã naxããcu.

Efesios 2:19

Rü ngẽmaca̱x i pemax, rü woo tama Tupanaxü̃ pecua̱xgü ga noxrix, rü woo tama norü duü̃xü̃gü pixĩgü ga yexguma, natürü i ñu̱xmax rü tama ngẽmaãcü pixĩgü. Erü ñu̱xma rü natanüxü̃ pixĩgü i guxü̃ma i ngẽma duü̃xü̃gü i Tupanaarü ixĩgüxü̃. Rü aixcüma Tupanaxacügüxüchi pixĩgü i ñu̱xmax.

Norü taxre ga popera ga Timutéuca̱x naxümatüxü̃ ga Pauru 4:18

Rü nüma ya tórü Cori tá choxü̃ ínanguxuchixẽxẽ nawa i guxü̃ma i guxchaxü̃gü. Rü tá choxna nadau nax nüma ãẽ̱xgacü íyixĩxü̃wa choxü̃ nagaxü̃ca̱x. Rü name i guxü̃guma nüxü̃ ticua̱xüü̃gü. Rü ngẽmaãcü yixĩ.

Popera ga Yudíugü ga yaxõgüxü̃ca̱x ümatüxü̃ 11:16

Natürü nümagü rü nüxü̃́ nangúchaü̃ i ngẽma naane i yexera rümemaexü̃ i daxũwa ngẽxmaxü̃ i Tupanaxü̃tawa. Rü yemaca̱x nixĩ ga Tupana ga tama naxãnexü̃ nax nügü yaxuxü̃ nax norü Tupana yixĩxü̃ rü marü naxca̱x nanamexẽxẽ ga wüxi ga ĩane ya daxũguxü̃ i naanewa ngẽxmane.