Popera ga Yudíugü ga yaxõgüxü̃ca̱x ümatüxü̃ 12:11 - Tupanaarü Ore

¹¹ Rü taxúema tataãẽgü namaxã i wüxi i ucu̱xẽ, erü tüxü̃́ nangu̱x. Natürü ngẽxguma mea naga ixĩnüegu rü wüxi i ngü̃xẽxẽ nixĩ nax mea imaxẽxü̃ca̱x rü mexü̃ ixügüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 12:11 Referans Kwoze

2 Corintios 4:17

Erü ngẽma ngúxü̃ i ñu̱xma torü maxü̃wa tingexü̃, rü wüxi i paxaãchimare nixĩ rü paxa tá nangupetü. Natürü ngẽma ngúxü̃gagu rü tá tanayaxu i wüxi i maxü̃ i mexẽchixü̃ i tagutáma gúxü̃.

Nüxíraxü̃xü̃ ga popera ga Pedru ümatüxü̃ 1:6

Rü ngẽmaca̱x name nixĩ i poraãcü petaãẽgü, rü nüetama nixĩ i ngẽxguma ñu̱xma paxaxãchi muxü̃ma i guxchaxü̃gü pexca̱x ínguxgu.

Popera ga Yudíugü ga yaxõgüxü̃ca̱x ümatüxü̃ 12:10

Rü tanatügü rü ñaa tórü maxü̃ i nuxuxü̃wa tüxü̃ taxucu̱xẽgü nax tüma tanaxwa̱xegüxü̃ãcüma imaxẽxü̃ca̱x. Natürü ya Tupana rü tórü mexü̃ca̱x nixĩ i tüxü̃ iyanawe̱xãchixẽẽxü̃ nax naxrüxü̃ ixüünegüxü̃ca̱x.

Wiyaegü 118:18

Rü nüma ya Cori ya Tupana rü poraãcü choxü̃ napoxcu natürü tama choxü̃ ínata̱x nax chayuxü̃ca̱x.

Ichaía 32:17

Rü ngẽma nax mea nügümaxã inacuáexü̃ i duü̃xü̃gü rü nataxutama i nu. Rü duü̃xü̃gü rü tá nataãẽgü rü guxü̃gutáma nügüxü̃́ nayaxõgü.

Ucu̱xẽgüchiga 19:18

¡Naxuxcu̱xẽ ya cune ñomarüta cuxü̃́ natauxcha nax cunawe̱xãchixẽxẽxü̃. Natürü ngẽxguma cunawe̱xãchixẽxẽgu, rü tama name nax cuyama̱xü̃chixü̃!

Wiyaegü 119:165

Rü yíxema curü ucu̱xẽgüga ĩnüexe rü tataãẽgü. Rü taxuxü̃táma i ta̱xacü i chixexü̃gu tüxü̃ nayixẽxẽ.

Ucu̱xẽgüchiga 15:10

Yíxema nüxü̃ rüxoxe nax nagu tixũxü̃ i ngẽma mexü̃ i nacüma, rü Tupana tá düxwa tüxü̃ napoxcu. Rü yíxema tama nayaxúxe i ucu̱xẽ i mexü̃ rü tá tayu.

Popera ga Yudíugü ga yaxõgüxü̃ca̱x ümatüxü̃ 5:14

Natürü yíxema yaxṍxe ya nüxü̃ cuáxe nax mea tanangugüxü̃ nax ta̱xacü yixĩxü̃ i ngu̱xẽẽtae i mexü̃ rü ẽ̱xna chixexü̃, rü aixcüma nüxü̃ tacua̱x i Tupanaarü ore. Rü yíxema rü ñoma wüxi i duü̃xü̃ i yáxü̃ i namachimaxã ãwemüxü̃rüxü̃ tixĩ.

Romanos 14:17

Rü ngẽma Tupanape̱xewa nax imexü̃ca̱x rü tama ta̱xacürü õna nax ingṍxü̃ rüe̱xna ta̱xacürü axexü̃ nax ixaxüxü̃gagu nixĩ. Natürü Tupanape̱xewa nax imexü̃ca̱x rü tanaxwa̱xe i Naãxẽ ya Üünexü̃arü ngü̃xẽẽmaxã tayanguxẽxẽ i ngẽma Tupana naxwa̱xexü̃, rü yigü tangechaü̃gü, rü aixcüma tataãẽgü nape̱xewa ya Tupana.

Wiyaegü 89:32

rü aixcüma tá chanapoxcue nagagu nax tama chauga naxĩnüexü̃ rü poraãcü tá nüxna chanacuaixca.

Norü taxre ga popera ga Pedru ümatüxü̃ 2:14

Rü ngẽma ngu̱xẽẽruü̃netagü rü taxuacüma wüxi ya ngexexü̃ nadaugümare, erü naãxẽwa nüxü̃́ tangúchaü̃. Rü tama nüxü̃́ ningu nax nai i ngexü̃maxã namaxẽxü̃. Rü naxca̱x nadaugü nax ngẽma chixexü̃gu tüxü̃ nayixẽẽxü̃ ya yíxema duü̃xẽgü ya turaearü maxü̃ã̱xgüxe. Rü naxaü rü nügüna nananugüchaü̃ i guxü̃ma. Natürü marü chixexü̃ namaxã naxuegu.

Ichaía 19:22

Rü Cori ya Tupana rü tá Equítuanearü duü̃xü̃güca̱x ngúxü̃ ínanguxẽxẽ. Natürü yixcama rü tá nanaxoxẽxẽ i ngẽma ngúxü̃ i yangegüxü̃. Rü nüma i Equítuanecüã̱xgü rü tá Cori ya Tupanaca̱x nawoegu, rü nüma rü tá nüxü̃́ nangechaü̃tümüü̃gü rü tá nayanaxoxẽxẽ i ngẽma ngúxü̃ i yangegüxü̃.

Norü taxre ga popera ga Timutéuca̱x naxümatüxü̃ ga Pauru 4:8

Rü ñu̱xma rü marü ínamemare i ngẽma ãmare i mexẽchixü̃ ya tórü Cori ya Ngechuchu ya ãẽ̱xgacü ya mecü tá choxna ãxü̃ i ngẽxguma wenaxarü ñoma i naanewa naxũxgu. Rü taxũtáma chaxica choxna nanaxã i ngẽma ãmare, natürü tá tüxna nanaxã ya guxãma ya yíxema tümaarü ngúchaü̃maxã ínangu̱xuxẽẽgüxe nax wenaxarü núma naxũxü̃.

Naanearü ügüchiga 21:11

Rü yema dexa rü poraãcü nüxü̃́ nangu̱x ga Abraáü̃, yerü nanechiga nixĩ ga yema.