Popera ga Yudíugü ga yaxõgüxü̃ca̱x ümatüxü̃ 11:9 - Tupanaarü Ore

⁹ Rü yexguma nawa nanguxgu ga yema naane ga Tupana namaxã ixunetaxü̃, rü wüxi ga to ga nachixü̃anecüã̱xrüxü̃ ĩpata ga naxchirunaxca̱xmaxãmare naxãpata. Rü yexgumarüü̃tama ga nane ga Ichaá rü nataxa ga Acóbu rü yema naanewa ĩpata ga naxchirunaxca̱xmaxãmare naxãpatagü, rü naxca̱xgü rü ta nixĩ ga yema uneta ga Tupana Abráü̃maxã nüxü̃ ixuxü̃.

Popera ga Yudíugü ga yaxõgüxü̃ca̱x ümatüxü̃ 11:9 Referans Kwoze

Naanearü ügüchiga 12:8

Rü yemawena rü yema ínamáxpü̱xanexü̃waama naxũ ga Betéarü ĩanearü éstewaama, rü yexma naxãchiü̃. Rü yema nachica rü ĩane ga Beté rü ĩane ga Áiarü ngãxü̃wa nayexma. Rü yexma nanaxü ga wüxi ga ãmarearü guruxü̃ rü yéma nayumüxẽ rü Tupanaarü ngü̃xẽẽca̱x ínaca.

Naanearü ügüchiga 13:18

Rü yexguma ga Abráü̃ rü inaxũãchi. Rü Mamréarü castañanecügu nayaxãchiü̃ ga ĩane ga Ebróü̃arü ngaicamana. Rü yexma nanaxü ga wüxi ga ãmarearü guruxü̃ nax yéma Cori ya Tupanaxü̃ yacua̱xüxü̃xü̃ca̱x.

Popera ga Yudíugü ga yaxõgüxü̃ca̱x ümatüxü̃ 6:17

Rü yemaca̱x ga Tupana rü yexguma inaxunetagu namaxã ga yema duü̃xü̃gü ga nayauxgüxü̃ tá ga yema ngü̃xẽxẽ ga Tupana nüxna ãxchaü̃xü̃, rü nügüégagutama inaxuneta, yerü nanaxwa̱xe nax meama nüxü̃ nacua̱xgüxü̃ nax aixcüma tá yangu̱xẽẽãxü̃ rü tagutáma naxüchicüüãxü̃ ga yema uneta ga namaxã nüxü̃ yaxuxü̃.

Naanearü ügüchiga 18:9

Rü yexguma marü yangugügu ga nax nachibüexü̃, rü Abraáü̃na nacagüe rü ñanagürügü: —¿Ngecü iyixĩ i cuxma̱x i Chára? —ñanagürügü. Rü nüma nanangãxü̃: —Ngẽã chauchiü̃wa ingẽxma —ñanagürü.

Naanearü ügüchiga 13:3

Rü inaxũãchi ga Négueanewa rü meama nixũ ñu̱xmata ĩane ga Betéwa nangu. Rü wenaxarü ü̃paacü nagu naxãchiü̃xü̃ ga ĩane ga Beté rü ĩane ga Áiarü ngãxü̃wa yexmaxü̃wa nangu.

Naanearü ügüchiga 35:27

Rü nüma ga Acóbu rü nanatü ga Ichaáxü̃ ínayadau ga Mamréwa. Rü guma ĩane rü namuéga. Rü Abá nixĩ ga wüxi rü Ebróü̃ nixĩ ga to. Rü yexma nixĩ ga naxãchiü̃güxü̃ ga Abraáü̃ rü Ichaá.

Naanearü ügüchiga 28:4

¡Tupana rü cuxü̃ rü cutaagüxü̃ nangü̃xẽẽxü̃, yema curü o̱xi ga Abraáü̃maxã naxueguxü̃rüxü̃, nax ngẽmaãcü norü yora pixĩgüxü̃ca̱x i ñaa naane i ñu̱xmax nawa imaxẽxü̃ ñoma duü̃xü̃gü i to i nachixü̃anewa ne ĩxü̃rüxü̃! —ñanagürü.

Naanearü ügüchiga 25:27

Rü gumá taxre ga bucügü rü nayae. Rü Echaú rü norü me nixĩ ga naanewa nax napuracüxü̃, rü cueneexü̃ nacua̱xüchi. Natürü ga Acóbu rü yatü ga meãẽmarecü nixĩ, rü norü me nixĩ ga ĩgüarü ngaicamana nax naxã́ũxü̃.

Naanearü ügüchiga 18:6

Rü yexguma ga Abraáü̃ rü napatagu nangaxi rü naxma̱x ga Cháraxü̃ ñanagürü: —¡Paxa, Pa Nge, rü 20 i quíru i mexẽchixü̃ i arína ta nayaxu, rü paũ ta naxü! —ñanagürü.

Naanearü ügüchiga 17:8

Choma rü cuxna rü nüxna tá chanaxã i guxü̃ma i ñaa Canaáü̃ane i ñu̱xma nawa cumaxü̃xü̃. Rü tá guxü̃gutáma norü naane nixĩ i cutaagü. Rü choma rü tá norü Tupana chixĩ —ñanagürü.

Naanearü ügüchiga 47:9

Rü Acóbu nanangãxü̃ rü ñanagürü: —Choma rü 130 ya taunecü marü choxü̃́ nangẽxma nax nuxica ne chanaxũxü̃. Rü yimá chorü taunecügü ga nagu guxchaxü̃gü choxü̃́ yexmacü rü noxretama nixĩ, erü tautama nawa changu ya chorü o̱xigüarü taunecüe̱xpü̱x nax yixĩxü̃ca̱x —ñanagürü.

Wiyaegü 105:12

Rü nümagü ga tórü o̱xigü rü woo noxretama nixĩgü ga noxri rü tóxnamanacüã̱x nixĩgü, rü woo ñuxre ga nachixü̃anegüwa nichopetüetanü, rü ñuxre ga ãẽ̱xgacügüme̱xẽwa íninguxü̃etanü nax ñaa naanewa nangugüxü̃ca̱x, natürü nüma ga Tupana rü tama nanaxwa̱xe nax texé chixri namaxã icuáxü̃. Rü yemaca̱x yema ãẽ̱xgacügü ga naxme̱xwa nayexmagüxü̃maxã nüxü̃ nixu rü ñanagürü nüxü̃: —Tama chanaxwa̱xe i ngẽma choma nüxü̃ chaxunetaxü̃ i duü̃xü̃gü rü chixri namaxã ipecua̱x. Rü ngẽma chorü orearü uruü̃gü rü tama chanaxwa̱xe i ngúxü̃ nüxü̃ pingexẽẽgü —ñanagürü.

Yeremía 35:7

Rü yexgumarüxü̃ ta toxna nanachu̱xu nax mexü̃ne ya ĩpata taxügüxü̃ca̱x, rü toxna nanachu̱xu nax taxüanegüxü̃ rü úbamaxã tatoegüxü̃ nax tama toxü̃́ nangẽxmaxü̃ca̱x i torü úbanecügu. Rü toxü̃ namu nax guxü̃guma naxchirunaxca̱x ga ĩpatawa tamaxẽxü̃ nax ngẽmaãcü mucü ya taunecü tamaxẽxü̃ca̱x nawa i ñaa naane i ngexta ñoma to i nachixü̃anecüã̱xrüxü̃ tixĩgüxü̃.

Naanearü ügüchiga 21:34

Rü yemaacü ga nüma ga Abraáü̃ rü mucüma ga taunecü Firitéugüarü naanewa namaxü̃.

Naanearü ügüchiga 31:25

Rü Labáü̃ rü Acóbuxü̃ inayangau nagu ga yema máxpü̱xanexü̃ ga Garaáxgu ãégaxü̃ ga Acóbu nagu rüngü̃xü̃. Rü yematama máxpü̱xanexü̃arü tuãchigu nixĩ ga nangü̃güxü̃ ga Labáü̃ rü natanüxü̃.