Popera ga Yudíugü ga yaxõgüxü̃ca̱x ümatüxü̃ 11:8 - Tupanaarü Ore

⁸ Rü gumá tórü o̱xi ga Abraáü̃, rü Tupanaaxü̃́ nayaxõ. Rü yexguma Tupana naxca̱x caxgux rü naga naxĩnü rü ínaxũxü̃ nawa ga yema naane ga nawa nayexmaxü̃ nax nawa naxũxü̃ca̱x ga yema naane ga Tupana nüxna ãxü̃ nax noxrü yixĩxü̃ca̱x. Rü yemaacü ga Abraáü̃ rü ínaxũxü̃ ga yema naane ga nawa nayexmaxü̃ woo tama nüxü̃ nax nacuáxü̃ ga ngextá tá nax naxũxü̃.

Popera ga Yudíugü ga yaxõgüxü̃ca̱x ümatüxü̃ 11:8 Referans Kwoze

Nüxíraxü̃xü̃ ga popera ga Pedru ümatüxü̃ 1:22

Rü ñu̱xma nax naga pexĩnüexü̃ i Tupanaarü ore i aixcüma ixĩxü̃ rü pexü̃́ natauxcha nax pegü pengechaü̃güxü̃ erü Tupana rü marü pexü̃́ inayanaxoxẽxẽ i perü chixexü̃gü. Rü ngẽmaca̱x penaxwa̱xe i guxü̃ i perü ngúchaü̃maxã aixcüma pegü pengechaü̃gü.

Naanearü ügüchiga 22:18

Rü cutaagügagu tá nixĩ i nüxü̃ charüngü̃xẽxẽxü̃ i guxü̃ma i nachixü̃anegü, erü aixcüma mea chauga cuxĩnü”, ñanagürü cuxü̃ ya Cori ya Tupana —ñanagürü.

Naanearü ügüchiga 12:7

Rü yema nachicawa rü Cori ya Tupana rü Abráü̃ca̱x nango̱x. Rü ñanagürü nüxü̃: —Ñaa naane tá nixĩ i cutaagüna chaxãxü̃ —ñanagürü. Rü yexguma ga Abráü̃ rü yexma Tupanaégagu nanaxü ga wüxi ga ãmarearü guruxü̃ yerü yéma nixĩ ga naxca̱x nangóxü̃.

Romanos 10:16

Natürü tama guxü̃ma i duü̃xü̃gü nayaxõgü i ngẽma ore i mexü̃. Rü Ichaía nüxü̃ ixuxü̃rüxü̃ nixĩ, rü ñanagürü: “Pa Corix, ¿texé yaxõxü̃ ga yema ore ga nüxü̃ ixuxü̃?” ñanagürü.

Ichaía 41:2

¿Rü texé tanango̱xẽxẽ i ngẽma ãẽ̱xgacü i éstewa ne ũxü̃ rü guxãxü̃ma rüporamaexü̃? ¿Rü texé nüxna tanamugü i ngẽma togü i nachixü̃anegü rü ñu̱xũchi nüxü̃ tanamuü̃xẽxẽ i ngẽma togü i nachixü̃anegüarü ãẽ̱xgacügü? Rü ngẽma ãẽ̱xgacü i éstewa ne ũxü̃ rü norü taramaxã rü norü würamaxã nanadai i ngẽma togü i nachixü̃anecüã̱x rü ñoma maxẽ i paxü̃rüxü̃ nanangianexẽxẽ.

Nüxíraxü̃xü̃ ga popera ga Pedru ümatüxü̃ 4:17

Rü ñu̱xma rü marü nawa nangu nax Tupana tüxna ca̱xaxü̃ i yixema nax naxacügü ixĩgüxü̃. Rü ngẽxguma tawa inaxügüãgu, rü ¿ñuxãcü tá nüxü̃ naxüpetü i ngẽma duü̃xü̃gü i tama naga ĩnüexü̃ i Tupanaarü ore i mexü̃?

Popera ga Yudíugü ga yaxõgüxü̃ca̱x ümatüxü̃ 11:33

Rü yema nax yaxõgüãxü̃ca̱x nixĩ ga Tupana nüxü̃ rüngü̃xẽẽxü̃. Rü yemaacü to ga nachixü̃anegüarü ãẽ̱xgacügüxü̃ naporamaegüxü̃, rü meama norü duü̃xü̃gümaxã inacua̱xgü, rü nanayauxgü ga yema Tupana namaxã ixunetaxü̃. Rü yexguma leóü̃tanügu yata̱xcuchigüãgu, rü taxuxü̃ma namaxã naxü ga leóü̃gü yerü Tupana nayachotaa̱xgü ga yema leóü̃gü.

Romanos 6:17

Natürü Tupanana moxẽ chaxã, yerü woo pecaduga nax pexĩnüexü̃ ga noxri, natürü i ñu̱xma rü aixcüma naga pexĩnüe i ngẽma ngu̱xẽẽtae i marü pexü̃ tangúexẽẽxü̃ i Cristuchiga.

Echequié 36:24

Rü choma, Pa Iraétanüxü̃x, rü tá pexü̃ íchagaxü̃ nawa i guxü̃ma i ngẽma nachixü̃anegü i nawa pengẽxmagüxü̃. Rü wüxiwa tá pexü̃ chagagü, rü ñu̱xũchi perü naaneca̱x tá pexü̃ chawoeguxẽxẽ.

Ichaía 51:2

Rü dücax, penatü ga Abraáü̃ rü peé ga Chára nixĩ ga maxü̃ pexna ãcü. Rü yexguma Abraáü̃ca̱x chacaxgu rü nüma rü nüxicatama wüximare nixĩ, natürü i choma rü nüxü̃ charüngü̃xẽẽxü̃ rü nüxna chanamugü i muxü̃ma i nataagü.

Yochué 24:3

Natürü ga choma ya Tupana rü yéma taxtü ga Eufrátecutüwa chanayaxu ga Abraáü̃, rü Canaáü̃anegu chayaxũgüchigüxẽxẽ. Rü yéma nixĩ ga nane ga Ichaá nüxna chanamuxü̃ nax yemaacü yamuxü̃ca̱x ga nataagü.

Wenaxarü naxümatü ga Tupanaarü mugü 9:5

Rü tama nixĩ i perü mexü̃gagu rü bai nax mea pemaxẽxü̃gagu tá yixĩxü̃ i peyapu̱xü̃ i ngẽma naane. Rü nüma ya Cori ya Tupana rü ngẽma duü̃xü̃güarü chixexü̃gügagu tá nixĩ i pepe̱xewa ínawoxü̃ãxü̃ nax ngẽmaãcü yanguxẽẽãxü̃ca̱x ga yema uneta ga nũxcümaü̃güxü̃ ga perü o̱xigü ga Abraáü̃, rü Ichaá, rü Acóbumaxã nüxü̃ yaxuxü̃.

Naanearü ügüchiga 17:8

Choma rü cuxna rü nüxna tá chanaxã i guxü̃ma i ñaa Canaáü̃ane i ñu̱xma nawa cumaxü̃xü̃. Rü tá guxü̃gutáma norü naane nixĩ i cutaagü. Rü choma rü tá norü Tupana chixĩ —ñanagürü.

Naanearü ügüchiga 15:5

Rü ñu̱xũchi ga Cori ya Tupana rü düxétüwa Abráü̃xü̃ naga, rü ñanagürü nüxü̃: —¡Dücax, mea daxũgu nadawenü rü yaxugü ya ẽxtagü ega cuxü̃́ natauxchagu nax cuyaxugüxü̃! Rü ngẽxgumarüxü̃ tá ta nixĩ nax namuxü̃ i cutaagü —ñanagürü.

Nüxíraxü̃xü̃ ga popera ga Pedru ümatüxü̃ 3:1

Rü pemax, Pa Ngexü̃güx, rü name nixĩ i petega pexĩnüe. Rü ngẽxguma chi nangẽxmagu i petegü i tama yaxõgüxü̃ rü tá nüxü̃ nadaugü i perü maxü̃ i mexü̃ i Tupanape̱xewa rü duü̃xü̃güpe̱xewa rü tá ngẽmaca̱x nayaxõgü woo nataxuxguma i ucu̱xẽxü̃ namaxã pixuxgu.

Popera ga Yudíugü ga yaxõgüxü̃ca̱x ümatüxü̃ 5:9

Rü yemaacü Tupanaga naxĩnü rü curuchagu nayu nax tümaarü maxẽxẽẽruxü̃ yixĩxü̃ca̱x ya guxãma ya yíxema naga ĩnüexe.

Romanos 1:5

Rü Ngechuchu ga Cristugagu Tupana chomaxã namecüma rü choxü̃ naxuneta nax norü puracü chaxüxü̃ca̱x. Rü yemaca̱x Ngechuchuégagu choxü̃ namu nax guxü̃ i nachixü̃anewa nüxü̃ chixuxü̃ca̱x i norü ore nax yaxõgüãxü̃ca̱x i duü̃xü̃gü rü Tupanaga naxĩnüexü̃ca̱x.

Naanearü ügüchiga 11:31

Rü Téra rü ĩane ga Úrwa ínaxũxũ ga Cadéuanewa nax Canaáü̃anewa naxũxü̃ca̱x. Rü yéma nanaga ga nane ga Abráü̃ rü nataxa ga Lox rü naneã̱x ga Charái. Natürü yexguma guma ĩane ga Aráü̃wa nangugügu rü yexma naxãchiü̃gü.

Naanearü ügüchiga 12:5

Rü ngĩxü̃ niga ga naxma̱x ga Charái, rü namágü ga Lox. Rü yexgumarüxü̃ ta nayagagü ga norü duü̃xü̃gü ga ĩane ga Aráü̃wa nüxü̃́ puracüexü̃. Rü nayana ta ga guxü̃ma ga norü yemaxü̃gü. Rü yexguma Canaáü̃anewa nanguxgu ga Abráü̃, rü naxüpetü ñu̱xmata Chiquéü̃ ga ĩanewa nangu. Rü guma castaña ga uxtüne ga Moré ga naanewa rüxüxü̃newa nangu. Rü yéma nayachaxãchi. Rü yexguma rü yema naanegu naxãchiü̃gü ga Canaáü̃tanüxü̃.

Naanearü ügüchiga 20:13

Rü yexguma Tupana choxü̃ íxũxü̃xẽẽgu ga chaunatüpatawa, rü choma ngĩmaxã nüxü̃ chixu nax ngextá ngĩmaxã íchinguchigüxü̃wa rü nüxü̃ yaxuxü̃ca̱x nax choma rü ngĩenexẽ chixĩxü̃ —ñanagürü.

Iraétanüxü̃arü muxchiga 10:30

Natürü nüma ga Obáx rü nanangãxü̃ rü ñanagürü: —Taxũtáma cuwe charüxũ erü ngẽma choma chanaxwa̱xexü̃ nixĩ nax chautanüxü̃ ingexmagüxü̃ca̱x chataeguxü̃ —ñanagürü.

Ore i mexü̃ ga Matéu ümatüxü̃ 2:21

Rü yexguma ga Yúche rü ínarüda, rü Iraéaneca̱x nataegu wüxigu namaxã ga gumá bucü rü naé.