Popera ga Yudíugü ga yaxõgüxü̃ca̱x ümatüxü̃ 11:6 - Tupanaarü Ore

⁶ Natürü taxuacüma Tupana tamaxã nataãxẽ ega tama nüxü̃́ yaxõgügu. Rü yíxema Tupanamaxã ãmücüchaü̃xe, rü tanaxwa̱xe nax tayaxõxü̃ nax Tupana rü aixcüma nangẽxmaxü̃ rü aixcüma tüxü̃ nangü̃xẽẽxü̃ ya yíxema naxca̱x daugüxe.

Popera ga Yudíugü ga yaxõgüxü̃ca̱x ümatüxü̃ 11:6 Referans Kwoze

Ucu̱xẽgüchiga 8:17

Choma i cua̱x rü tüxü̃ changechaü̃ ya yíxema choxü̃ ngechaü̃güxe, rü yíxema cha̱u̱xca̱x daugüxe, rü choxü̃ itayangaugü.

Ore i mexü̃ ga Matéu ümatüxü̃ 6:33

Rü ngẽmaca̱x guxü̃arü yexera penaxwa̱xe nax naga pexĩnüexü̃ ya Tupana ya daxũwa ãẽ̱xgacü ixĩcü, rü penaxüxü̃ i ngẽma nüma pexü̃́ nanaxwa̱xexü̃. Rü ngẽxguma i nüma rü naétü tá pexna nanaxã i guxü̃ma i ngẽma pexü̃́ taxuxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

Ore i mexü̃ ga Luca ümatüxü̃ 12:31

Rü ngẽmaca̱x narümemae nixĩ nax Tupanaarü ngúchaü̃ca̱x pedaugüxü̃ nax perü ãẽ̱xgacü yixĩxü̃ca̱x. Rü ñu̱xũchi nüma rü tá pexna nanaxã i guxü̃ma i ta̱xacü i pexü̃́ taxuxü̃.

Wiyaegü 119:10

Rü ngẽmaca̱x i choma rü guxü̃ma i chorü maxü̃maxã cuxca̱x chadau. ¡Rü choxna nadau nax tama nüxna chixũgachixü̃ca̱x i curü mugü!

Popera ga Yudíugü ga yaxõgüxü̃ca̱x ümatüxü̃ 7:25

Rü ngẽmaca̱x nüxü̃́ natauxcha nax tüxü̃ namaxẽxẽẽxü̃ ya guxãma ya yíxema norü ngü̃xẽẽmaxã Tupanaxü̃tawa ngugüxe. Erü nüma ya Ngechuchu rü guxü̃guma namaxecha nax Tupanape̱xewa tümaétüwa nachogüxü̃ca̱x.

Romanos 10:14

¿Natürü ñuxãcü tá nüxna tacagü ya Cori, ega tama nüxü̃́ tayaxõgügu? ¿Rü ñuxãcü tá nüxü̃́ tayaxõgü, ega taguma nüxü̃ taxĩnüechigagu? ¿Rü ñuxãcü tá nüxü̃ taxĩnüechiga, ega taguma texé tümamaxã nüxü̃ ixugügu?

Popera ga Yudíugü ga yaxõgüxü̃ca̱x ümatüxü̃ 3:12

Rü ñu̱xma Pa Chauenexẽgüx, rü name nixĩ i pegüna pedaugü nax tama ngürüãchi pechixearü maxü̃ã́xü̃ca̱x, rü ngẽmagagu nax nüxü̃ perüxoexü̃ nax Tupana ya Maxü̃cüaxü̃́ peyaxõgüxü̃.

Wiyaegü 73:28

Natürü i chomax rü yexeraãcü tá cuxna changaixcama. Erü ngẽma nixĩ i cha̱u̱xca̱x rümemaexü̃. Rü cumax, Pa Cori Pa Tupanax, rü chorü poxü̃ruxü̃ quixĩ. Rü ngẽmaca̱x tá nüxü̃ chixuchiga i guxü̃ma i ngẽma cha̱u̱xca̱x cuxüxü̃.

Ore i mexü̃ ga Cuáü̃ ümatüxü̃ 14:6

Rü Ngechuchu nanangãxü̃, rü ñanagürü: —Choma nixĩ i nama i Chaunatüxü̃tawa nadaxü̃. Rü ngẽma nüxü̃ chixuxü̃ rü aixcüma nixĩ. Rü choma nixĩ i duü̃xü̃güxü̃ chamaxẽxẽẽxü̃. Rü chaugaguxicatama nixĩ i Chaunatüxü̃tawa nangugüxü̃ i duü̃xü̃gü.

Norü taxre ga popera ga Pedru ümatüxü̃ 1:5

Rü ngẽmaca̱x penaxwa̱xegü nax pegü peporaexẽẽxü̃ nax perü õétüwa peyaxǘcuchixü̃ i mexü̃ i pecüma. Rü ngẽma pecüma i mexü̃étüwa penaxwa̱xe nax cua̱x pexü̃́ ngẽxmagüxü̃ nax nüxü̃ pecuáxü̃ca̱x i ta̱xacü nixĩ i mexü̃ rü ta̱xacü nixĩ i chixexü̃.

Gálatas 5:6

Rü ngẽmaca̱x i ñu̱xma nax Ngechuchu ya Cristuarü duü̃xü̃gü ixĩgüxü̃, rü taxuwama name ega woo íiwíecha̱xmüpe̱xechiraü̃gu rüe̱xna tama, erü tama ngẽma nixĩ i Tupanape̱xewa tüxü̃ mexẽẽxü̃. Rü ngẽma Tupana naxwa̱xexü̃ i ñu̱xma nixĩ nax aixcüma yaxõgüxü̃ rü ngẽmaãcü yigü nax ingechaü̃güxü̃.

Norü taxre ga popera ga Pedru ümatüxü̃ 3:14

Rü ngẽmaca̱x, Pa Chauenexẽgü ya Pexü̃ Changechaü̃güxe, rü ñu̱xma nax ípenangu̱xẽẽxü̃ i ngẽma, rü name nixĩ i pora pexüe nax Tupanape̱xewa taxuwama nachixexü̃ca̱x i perü maxü̃ rü Tupanamaxã petaãẽgüxü̃ca̱x i ngẽxguma wena núma naxũxgu.

Iraétanüxü̃arü muxchiga 14:11

Rü yexguma ga nüma ga Cori ya Tupana rü Moichéxü̃ ñanagürü: —¿Ñuxguratáta nixĩ i choxü̃́ inaxĩnüexü̃ i ñaa duü̃xü̃gü? ¿Rü ñuxguratáta nixĩ i nüxü̃ naxoexü̃ nax tama choxü̃́ yaxõgüãxü̃ rü woo nüxü̃ nax nadaugüxü̃ ga yema mexü̃gü ga chorü poramaxã nape̱xewa chaxüxü̃?

Ore i mexü̃ ga Cuáü̃ ümatüxü̃ 8:24

Rü ngẽmaca̱x pemaxã nüxü̃ chixu rü tá perü pecadugu peyue. Erü ngẽxguma tama choxü̃́ peyaxõgügu nax choma chixĩxü̃ ya Cristu, rü perü pecadugu tá peyue —ñanagürü.

Norü taxre ga popera ga Pedru ümatüxü̃ 1:10

Rü ngẽmaca̱x, Pa Chauenexẽgüx ya Tupana Pexü̃ Dexe Nax Norü Duü̃xü̃gü Pixĩgüxü̃x, rü name i pora pexügü nax nagu pexĩxü̃ i ngẽma pemaxã nüxü̃ chixuxü̃. Rü ngẽxguma ngẽmaãcü pemaxẽgu rü tagutáma chixexü̃gu peyi rü tagutáma Tupanaxü̃ ípeta̱x.

Wiyaegü 78:32

Rü woo nax yemaacü Tupana napoxcuexü̃ natürü wenaxarü chixexü̃ nixüetanüama rü tama aixcüma nagu narüxĩnüe ga yema taxü̃ ga mexü̃gü ga Tupana norü poramaxã nape̱xewa naxüxü̃.

Popera ga Yudíugü ga yaxõgüxü̃ca̱x ümatüxü̃ 4:2

Erü yixema rü marü nüxü̃ taxĩnüe i Tupanaarü ore i mexü̃ i maxü̃chiga, yexgumarüxü̃ ga yema nũxcümaü̃güxü̃ ga duü̃xü̃gü nüxü̃ nax naxĩnüexü̃. Natürü nümagü ga yema duü̃xü̃gü rü taxuwama nüxü̃́ name ga nüxü̃ nax naxĩnüexü̃ ga yema ore, yerü tama yema togü ga naga ĩnüexü̃rüxü̃ nayaxõgü.

Ucu̱xẽgüchiga 11:18

Ngẽma duü̃xü̃ i chixexü̃gu maxü̃xü̃, rü wüxi i paxaãchiruxü̃mare nixĩ i ngẽma diẽru i norü puracütanü i nayaxuxü̃, natürü yíxema mexü̃gu rüxĩnüxe, rü aixcüma natai i ngẽma tümaarü natanü i tayaxuxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:8

Natürü ngẽma muü̃exü̃ rü ngẽma tama yaxõgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽxgumarüxü̃ ta i ngẽma aixwa̱xegüxü̃, rü ngẽma máetagüxü̃, rü ngẽma naxü̃nearü ngúchaü̃gu maxẽxü̃, rü ngẽma iyuüxü̃, rü ngẽma tupananetachicüna̱xãxü̃ icua̱xüü̃güxü̃, rü ngẽma idorata̱a̱xgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽma nixĩ i poxcu i taguma iyacuáxü̃”, ñanagürü.

Iraétanüxü̃arü muxchiga 20:12

Natürü nüma ga Cori ya Tupana rü Moichéxü̃ rü Aróü̃xü̃ ñanagürü: —Ñu̱xma nax tama aixcüma choxü̃́ peyaxõgüxü̃ rü tama choxü̃ picua̱xüü̃güxü̃ i nape̱xewa i ngẽma Iraétanüxü̃, rü ngẽmaca̱x i pema rü marü taxũtáma ñaa duü̃xü̃gümaxã nawa pengugü i ngẽma naane i pexna chaxãxü̃ —ñanagürü ga Tupana.

Naanearü ügüchiga 15:1

Rü yemawena ga Abráü̃ rü Cori ya Tupana rü nanango̱xetüxẽxẽ rü namaxã nidexa rü ñanagürü nüxü̃: —¡Taxuca̱xma cumuü̃, Pa Abráü̃! Erü choma nixĩ i curü poxü̃ruxü̃. Rü ngẽma ngü̃xẽxẽ i tá cuxna chaxãxü̃ rü tá nataxüchi —ñanagürü.

Popera ga Yudíugü ga yaxõgüxü̃ca̱x ümatüxü̃ 11:26

Rü yexgumarüxü̃ nax daxũguxü̃ ga naanena nax yaxũxü̃ ga Cristu nax ngúxü̃ yangexü̃ca̱x, rü yexgumarüxü̃ ta nixĩ ga Moiché ga ãẽ̱xgacüpatana nax yaxũxü̃, yerü naxca̱x rü narümemae nax Iraétanüxü̃maxã wüxigu ngúxü̃ yangexü̃. Rü taxuca̱xma yema ngúxü̃gu narüxĩnü ga Moiché, yerü norü ngúchaü̃ nixĩ nax naya̱u̱xãxü̃ i ngẽma natanü ya Tupana tá nüxna ãxü̃.

Ore i mexü̃ ga Márcu ümatüxü̃ 16:17

Rü ñaa tá nixĩ i cua̱xruü̃gü i nawa nüxü̃ icuáxü̃ i ngẽma yaxõgüxü̃. Rü chauégagu tá ínanawoxü̃ i ngo̱xogü. Rü ngexwaca̱xü̃xü̃ i nagagüwa tá nidexagü.

Ichaía 55:3

¡Rü cha̱u̱xca̱x pexĩ, rü choxü̃́ iperüxĩnüe! ¡Chauga pexĩnüe rü tá pemaxẽ! Rü choma rü tá pemaxã chanaxü i wüxi i uneta i taguma gúxü̃. Rü ngẽmaãcü tá chayanguxẽxẽ ga yema chorü uneta ga ãẽ̱xgacü ga nüxü̃ changechaü̃xü̃chicü ga Dabímaxã nüxü̃ chixuxü̃.

Wiyaegü 58:11

Rü duü̃xü̃gü rü ñanagürügü tá: —Ngẽma mea Tupanape̱xewa maxẽxü̃ rü aixcüma nüxü̃́ nangẽxma i norü natanü. Rü aixcüma nixĩ nax nangẽxmaxü̃ ya Tupana ya ñoma i naanemaxã icuácü —ñanagürügü tá.

Ore i mexü̃ ga Luca ümatüxü̃ 6:35

Natürü i pema rü name nixĩ i nüxü̃ pengechaü̃ i ngẽma pemaxã rüxuanügüxü̃, rü nüxü̃ perüngü̃xẽxẽ. Rü ngẽxguma ta̱xacüca̱x pexna nacaxgu, rü name nixĩ i nüxna penaxã woo ngürüãchi taxũtáma pexü̃́ natáeguxẽẽãgu. Erü ngẽxguma ngẽmaãcü penaxü̱xgu, rü Tupana ya Guxü̃étüwa Ngẽxmacü rü ngẽmaarü yexera tá pexü̃́ nanatáeguxẽxẽ, rü naxacügü tá pixĩgü. Erü nüma rü namaxã rü ta namecüma i ngẽma taguma moxẽ nüxna ãgüxü̃ rü ngẽma chixecümagüxü̃.

Wiyaegü 106:24

Rü yemawena rü nüxü̃ naxoe ga yema naane ga mexẽchixü̃ yerü tama nayaxõgü ga yema Tupanaarü uneta.

Yox 21:14

Rü nümagü rü Tupanaxü̃ ñanagürügü: “¡Taxṹ i toxü̃ cuchixewexü̃! Erü toma rü tama nüxü̃ tacuáxchaü̃ i curü mugü.

Wiyaegü 78:22

Yerü ga nümagü rü tama aixcüma Tupanagu nayaxõgü rü nagu naxĩnüegu rü tama nüxü̃́ natauxcha nax nüma ya Tupana nüxü̃ rüngü̃xẽẽxü̃.

Rux 2:12

¡Rü Tupana cuxü̃́ naxütanü i ngẽma! ¡Rü nüma ya Cori ya Iraéanecüã̱xgüarü Tupana ga norü ngü̃xẽẽca̱x cudaucü cuxü̃́ naxütanü naxca̱x ga guxü̃ma ga yema mexü̃ ga cuxüxü̃! —ñanagürü.

Ore i mexü̃ ga Matéu ümatüxü̃ 6:16

Rü ngẽxguma tama pechibüeãcüma peyumü̃xẽgügu rü tama name i pegü pengechaü̃chíwexẽẽgü naxrüxü̃ i ngẽma nügü írümegünetaxü̃rüxü̃. Erü nümagü rü ngẽmaãcü nanaxügü nax togü nüxü̃ nax daugüxü̃ca̱x i ngẽma nax Tupanaca̱x naxaureexü̃. Rü aixcüma pemaxã nüxü̃ chixu rü ngẽma nax duü̃xü̃gü nüxü̃ daugüxü̃xicatama nixĩ i norü ãmare.

Ore i mexü̃ ga Matéu ümatüxü̃ 6:5

Rü ngẽxguma peyumüxẽgügu, rü tama name i ngẽma nügü írümegünetaxü̃rüxü̃ pixĩgü. Erü nümagü rü ngẽxguma nayumüxẽgügu, rü norü me nixĩ nax chiãcü nayumüxẽgüxü̃ i ngutaque̱xepataü̃güwa rü ĩanegüarü namagüwa nax duü̃xü̃gü nüxü̃ daugüxü̃ca̱x. Rü aixcüma pemaxã nüxü̃ chixu rü ngẽma nax duü̃xü̃gü nüxü̃ daugüxü̃xicatama nixĩ i norü ãmare.

Yeremía 2:31

Rü pemax i ñomaü̃cüxü maxẽxü̃ i duü̃xü̃gü ¡ẽcü iperüxĩnüe i chorü ore! Pa Iraétanüxü̃x ¿pexca̱x rü ñoma wüxi i naane i paanexü̃rüxü̃ chixĩ? ¿Pexca̱x rü ñoma wüxi i naane i waanexü̃rüxü̃ chixĩ? Pa Chorü Duü̃xü̃güx ¿ta̱xacüca̱x ñaperügügü choxü̃: “Tomagü rü taxúeme̱xẽwa tangexmagü rü marü tagutáma cuxca̱x tawoegu”, ñaperügügü?

Ore i mexü̃ ga Matéu ümatüxü̃ 5:12

¡Rü petaãxẽgüama rü tama pexoegaãẽgü! Erü daxũguxü̃ i naanewa tá penayauxgü i wüxi i perü ãmare i mexẽchixü̃. Rü ngẽma ñu̱xma pexü̃ ngupetüxü̃rüxü̃ nixĩ ga nüxü̃ nangupetüxü̃ ga nũxcümaü̃güxü̃ ga Tupanaarü orearü uruü̃gü.

Ore i mexü̃ ga Matéu ümatüxü̃ 11:26

Rü moxẽ cuxna chaxã, Pa Chaunatüx, erü cuma cunaxwa̱xe nax ngẽmaãcü cunaxüxü̃”, ñanagürü.