Popera ga Yudíugü ga yaxõgüxü̃ca̱x ümatüxü̃ 11:5 - Tupanaarü Ore

⁵ Rü Enóx rü norü õgagu nixĩ ga maxü̃cü Tupana yagaxü̃ nax tama nayuxü̃ca̱x. Rü namücügü rü taguma nüxü̃ inayangaugü yerü Tupana nayaga. Rü Tupanaarü ore i ümatüxü̃wa nüxü̃ nixu rü naxü̃pa nax Tupana yagaxü̃, rü Enóx nanaxü ga yema Tupana namaxã taãẽxü̃.

Popera ga Yudíugü ga yaxõgüxü̃ca̱x ümatüxü̃ 11:5 Referans Kwoze

Popera ga Yúda ümatüxü̃ 1:14

Rü gumá nüxíraü̃cü ga duü̃ ga Adáü̃ rü nawe naxü ga gumá norü 7 ga nataxa ga Enóx. Rü nüma ga Enóx rü yema duü̃xü̃güchiga nidexa ga yexguma Tupana yadexaxẽẽgu, rü ñanagürü: “Nüxü̃ chadau ya Cori ya Tupana nax muxũchixü̃ma i norü orearü ngeruü̃gü i daxũcüã̱xmaxã núma ũcü nax duü̃xü̃güna naca̱xaxü̃ca̱x i norü maxü̃chiga rü napoxcueãxü̃ca̱x i guxü̃ma i ngẽma chixexü̃ ügüxü̃ rü namaxã guxchigagüxü̃”, ñanagürü ga Enóx ga Adáü̃taxa ixĩcü rü yema duü̃xü̃güchiga nidexa ga yexguma Tupana yadexaxẽẽgu, rü ñanagürü: “Rü nüxü̃ chadau ya Cori ya Tupana nax muxũchixü̃ i norü orearü ngeruü̃gü i daxũcüã̱xmaxã núma ũcü nax duü̃xü̃güna naca̱xaxü̃ca̱x i norü maxü̃chiga rü napoxcueãxü̃ca̱x i guxü̃ma i ngẽma duü̃xü̃gü i chixexü̃ ügüxü̃ rü namaxã guxchigagüxü̃”, ñanagürü.

Norü taxre ga popera ga ãẽ̱xgacügüchiga 2:11

Rü yemaacü yadexatanüyane ga nax inaxĩxü̃ rü ngürüãchi naxca̱x nango̱x ga wüxi ga naweü̃ ga iya̱u̱xracüxǘne ga cowaru ga iya̱u̱xratanüxü̃ itúgüne, rü yema taxretanügu nayangaxi. Rü guma nixĩ ga Eríaxü̃ igaxü̃ne ga dauxü̃guxü̃ ga naanewa nagu ga wüxi ga buanecü ga íxã̱ũ̱xẽmacü.

Popera ga Yudíugü ga yaxõgüxü̃ca̱x ümatüxü̃ 11:6

Natürü taxuacüma Tupana tamaxã nataãxẽ ega tama nüxü̃́ yaxõgügu. Rü yíxema Tupanamaxã ãmücüchaü̃xe, rü tanaxwa̱xe nax tayaxõxü̃ nax Tupana rü aixcüma nangẽxmaxü̃ rü aixcüma tüxü̃ nangü̃xẽẽxü̃ ya yíxema naxca̱x daugüxe.

Wiyaegü 89:48

Rü taxúema texé tamaxecha rü taguma tayu. Rü taxúema texé nawa ítanguxuchi i yuarü pora.

Nüxíraxü̃xü̃ ga popera ga Cuáü̃ ümatüxü̃ 3:22

Rü nüma tá tüxna nanaxã i guxü̃ma i ngẽma naxca̱x íicaxü̃, erü naga taxĩnüe i ngẽma tüxü̃ namuxü̃ rü tanaxü i ngẽma nüma namaxã nataãẽxü̃.

1 Tesalonicenses 2:4

Yerü Tupana nixĩ ga toxü̃ unetacü rü toxü̃ mucü nax pemaxã nüxü̃ tixuxü̃ca̱x ga norü ore i tüxü̃ maxẽxẽẽxü̃. Rü yemaca̱x Tupana naxwa̱xexü̃ãcüma pemaxã nüxü̃ tixu ga yema ore. Rü tama duü̃xü̃güxü̃mare nax tataãẽxẽẽgüxü̃ca̱x pemaxã nüxü̃ tixu, natürü nüxü̃ tixu nax Tupanaxü̃ tataãẽxẽẽgüxü̃ca̱x. Rü nüma ya Tupana nixĩ i nangugüãxü̃ i ngẽma nagu rüxĩnüexü̃.

Ore i mexü̃ ga Luca ümatüxü̃ 3:37

Rü Laméx rü Matucharéü̃ nane nixĩ. Rü Matucharéü̃ rü Enóx nane nixĩ. Rü Enóx rü Yérex nane nixĩ. Rü Yérex rü Mararéx nane nixĩ. Rü Mararéx rü Caináü̃ nane nixĩ.

Yeremía 36:26

Rü nüma ga ãẽ̱xgacü rü nanamu ga nane ga Yerameé, rü Arié nane ga Cheraía, rü Adeé nane ga Cheremía, nax Yeremíaxü̃ yayauxgüxü̃ca̱x wüxigu namaxã ga Barúx ga norü poperaarü ümatüruxü̃. Natürü nüma ga Cori ya Tupana rü inayacu̱xgü.

Norü taxre ga popera ga ãẽ̱xgacügüchiga 2:1

Rü yexguma nawa nanguxchaü̃gu nax daxũguxü̃ ga naanewa Eríaxü̃ nagaxü̃ ga Cori ya Tupana nagu ga wüxi ga buanecü ga íxã̱ũ̱xẽmacü, rü nüma ga Ería rü wüxigu norü ngü̃xẽẽruxü̃ ga Erichéumaxã rü ĩane ga Guirigáwa ínachoxü̃.

Popera ga Yudíugü ga yaxõgüxü̃ca̱x ümatüxü̃ 2:9

Natürü ngẽma nüxü̃ idauxü̃ nixĩ ya Ngechuchu. Rü yexguma Tupana ñoma ga naanewa namuãgu rü paxaãchi norü orearü ngeruü̃gü ga daxũcüã̱xgüarü ñaxtüwaama nayexma. Natürü i ñu̱xma ya Tupana rü Ngechuchuxü̃ naporaxẽxẽ rü nanataxẽxẽ rü guxü̃arü ãẽ̱xgacü nayaxĩxẽxẽ yerü ngúxü̃ ninge rü guxü̃ma ga duü̃xü̃güca̱x nayu. Rü nüma ga Tupana rü poraãcü duü̃xü̃güxü̃ nangechaxü̃ rü yemaca̱x nixĩ nax nayuxü̃ ga Cristu nax yemaacü namaxẽxẽẽãxü̃ca̱x i guxü̃ma i duü̃xü̃gü.