Popera ga Yudíugü ga yaxõgüxü̃ca̱x ümatüxü̃ 11:36 - Tupanaarü Ore

³⁶ Rü nayexma ta ga ñuxre ga togü ga yaxõgüxü̃ ga norü uanügü nüxü̃ cugüexü̃, rü yacua̱i̱xgüxü̃, rü cadénamaxã yana̱i̱xgüxü̃, rü poxcupataü̃gu nawocuxü̃.

Popera ga Yudíugü ga yaxõgüxü̃ca̱x ümatüxü̃ 11:36 Referans Kwoze

Naanearü ügüchiga 39:20

Rü Yúchexü̃ niyaxu. Rü ñu̱xũchi norü duü̃xü̃güxü̃ namu nax ãẽ̱xgacü poxcuexü̃ ga duü̃xü̃gütanügu nayata̱xcuchigü. Natürü woo ga poxcupataü̃wa nax nayexmaxü̃ ga Yúche rü Cori ya Tupana rü naxü̃tawa nayexma, rü nüxü̃ narüngü̃xẽxẽ. Rü nüxü̃́ nanatauxchaxẽxẽ nax yema poxcupataü̃arü ãẽ̱xgacü namaxã taãẽxü̃.

Norü taxre ga to ga popera ga ãẽ̱xgacügüchiga ümatüxü̃ 30:10

Rü yema ãẽ̱xgacüarü orearü ngeruü̃gü rü Efraíü̃anewa rü Manachéanewa naxĩ, rü norü ĩanegügu nixĩãgütanü ñu̱xmata Chaburóü̃anewa nangugü. Natürü ga duü̃xü̃gü rü nüxü̃ nacugüe rü nagu nidauxcüraxü̃gü.

Popera ga Yudíugü ga yaxõgüxü̃ca̱x ümatüxü̃ 10:34

Rü pema rü pexü̃́ nangechaü̃tümüü̃gü ga yema petanüxü̃ ga yaxõgüxü̃ ga poxcupataü̃wa yexmagüxü̃. Rü taãẽãcüma yáxna namaxã pexĩnüe ga yema tama yaxõgüxü̃ ga pexna napuxü̃xü̃ ga perü yemaxü̃gü. Rü tama naxca̱x pexoegaãxẽ, yerü meama nüxü̃ pecua̱x rü daxũguxü̃ i naanewa pexü̃́ nangẽxma i ngẽmaarü yexera ixĩxü̃ i tagutáma gúxü̃.

Ore i mexü̃ ga Matéu ümatüxü̃ 23:34

Rü ngẽmaca̱x i choma rü tá pexü̃tawa chanamugü i Tupanaarü orearü uruü̃gü, rü yatügü i mexü̃gü i nüxü̃ cua̱xüchigüxü̃, rü ngúexẽẽruü̃gü i mexü̃gü. Natürü pema rü tá penadai i ñuxre, rü togü rü curuchawa tá peyapotagü, rü togü rü ngutaque̱xepataü̃gügu tá peyacua̱i̱xgü, rü togü rü ĩanechigüwa tá nawe pingẽxü̃tanü.

Yeremía 20:7

Rü nüma ga Yeremía rü Tupanaxü̃ ñanagürü: —Pa Corix, Pa Tupanax, cuma rü choxü̃ cuwomüxẽxẽ. Rü cuma rü choxü̃ quimuchigüama rü düxwa cuga chaxĩnü. Rü cuma rü chorü yexera cupora rü choxü̃ curüporamae. Rü ñu̱xma rü guxü̃ i oragu daa ĩanearü cugüruxü̃ chixĩ, rü duü̃xü̃gü rü chaugu nidauxcüraxü̃gü.

Norü taxre ga to ga popera ga ãẽ̱xgacügüchiga ümatüxü̃ 16:10

Rü yexguma yemaxü̃ naxĩnügu ga Achá rü poraãcü gumá orearü uruxü̃maxã nanu. Rü norü churaragüxü̃ namu nax napoxcugüãxü̃ca̱x. Rü ñu̱xũchi yema ngunexü̃gügu rü poraãcü tümamaxã nachixecüma ga ñuxre ga duü̃xẽgü ga yémacüã̱xgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:10

¡Rü taxṹ i cumuü̃xü̃ naxca̱x i ngẽma ngúxü̃ i tá quingexü̃! Rü Chataná rü tá namu nax poxcupataü̃gu pexü̃ napoxcuexü̃ca̱x i ñuxre i pemax, nax ngẽmaãcü pexü̃ naxüxü̃ca̱x. Rü 10 i ngunexü̃ tá ngúxü̃ pingegü. Natürü woo ngẽmaãcü ngúxü̃ pingegügu rü chanaxwa̱xe i choxü̃́ cuyaxõõma ñu̱xmatáta cuyu̱x. Rü choma rü tá cuxna chanaxã i curü ãmare i maxü̃ i taguma gúxü̃.

Norü taxre ga popera ga Timutéuca̱x naxümatüxü̃ ga Pauru 2:9

Rü ngẽma Tupanaarü oregagu nixĩ i ngúxü̃ nax chingexü̃ rü ñoma wüxi i máetaxü̃rüxü̃ núma poxcupataü̃wa cadénamaxã chichotaxü̃. Natürü Tupanaarü ore, rü guxü̃wama nanguama rü taxucürüwama texé tayachota.

Norü taxre ga popera ga Timutéuca̱x naxümatüxü̃ ga Pauru 1:16

Onechíferu rü mue̱xpü̱xcüna choxü̃ nataãẽxẽxẽ, rü tama cha̱u̱xca̱x naxãne i ngẽma nax chapoxcuxü̃. Rü ngẽmaca̱x chanaxwa̱xe i tórü Coriaxü̃́ nangechaü̃tümüü̃gü i guxü̃ma i natanüxü̃ i Onechíferu.

Efesios 4:1

Rü ñu̱xma i choma nax Cristuaxü̃́ chapuracüxü̃gagu chapoxcuxü̃, rü pexü̃ chaca̱xaxü̃ nax ngẽma duü̃xü̃gü ga Tupana naxca̱x naca̱xaxü̃rüxü̃ mea pemaxẽxü̃. Rü pexca̱x nixĩ ga naca̱xaxü̃ ga Tupana nax norü duü̃xü̃gü pixĩgüxü̃ca̱x.

Ngechuchuarü ngúexü̃gü ga yamugüxü̃arü puracüchiga 24:27

Rü taxre ga taunecü yemaacü nixĩ. Rü ínanguxuchi ga Férix nax ãẽ̱xgacü yixĩxü̃, rü nachicüü ningucuchi ga Pórchiu ga Féstu. Natürü nüma ga Férix, rü Yudíugümaxã nügü namecümaxẽẽchaü̃, rü yemaca̱x tama Pauruxü̃ ínanguxuchixẽẽ.

Ngechuchuarü ngúexü̃gü ga yamugüxü̃arü puracüchiga 21:33

Rü yexguma ga gumá ãẽ̱xgacü rü Pauruca̱x nixũ rü nayayaxu. Rü nanamu nax taxre ga cadénamaxã yana̱i̱xgüãxü̃ca̱x. Rü nüxna naca nax texé yixĩxü̃, rü ta̱xacü naxüxü̃.

Ngechuchuarü ngúexü̃gü ga yamugüxü̃arü puracüchiga 8:3

Rü nüma ga Chauru rü yoxni guxema yaxõgüxewe ningechigü. Rü tümapatagu nixücuchigü nax tüxü̃ ínayauxü̃xü̃ca̱x. Rü yéma tüxü̃ ínatúxü̃ ga yatügü rü ngexegü, rü ñu̱xũchi poxcupataü̃gu tüxü̃ nawocu.

Ngechuchuarü ngúexü̃gü ga yamugüxü̃arü puracüchiga 5:40

Rü ñu̱xũchi nanachocuxẽxẽ ga yema ngúexü̃gü ga Ngechuchu imugüxü̃. Rü nayacua̱i̱xgü. Rü nüxna naxãga nax tama Ngechuchuchiga yadexagüxü̃ca̱x. Rü yemawena rü nayange̱xgü.

Ngechuchuarü ngúexü̃gü ga yamugüxü̃arü puracüchiga 5:18

Rü yemaca̱x norü purichíagüxü̃ namu nax yema ngúexü̃güxü̃ ínayauxü̃xü̃ca̱x. Rü ĩanearü poxcupataü̃gu nanapoxcue.

Ngechuchuarü ngúexü̃gü ga yamugüxü̃arü puracüchiga 4:3

Rü ínanayauxü̃, rü poxcupataü̃gu nanawocu ñu̱xmata moxü̃ãcü, yerü marü nayáuane.

Ore i mexü̃ ga Luca ümatüxü̃ 23:36

Rü yema churaragü rü ta Ngechuchuxü̃ nacugüe. Rü naxü̃tawa naxĩ, rü nüxna nanaxã ga bínu ga üxchíücü.

Ore i mexü̃ ga Luca ümatüxü̃ 23:11

Rü yexguma ga Eróde rü norü churaragü rü poraãcü chixri Ngechuchumaxã nachopetü, rü nagu nidauxcüraxü̃gü. Rü wüxi ga naxchiru ga mexẽchixü̃gu nayacu̱xẽẽgü nax nüxü̃ nacugüexü̃ca̱x. Rü yemawena ga Eróde rü wenaxarü Pirátuxü̃ta Ngechuchuxü̃ namu.

Ore i mexü̃ ga Luca ümatüxü̃ 18:32

Rü Yerucharéü̃cüã̱x rü to i nachixü̃anecüã̱x i duü̃xü̃güna tá nanamugü. Rü ngẽma duü̃xü̃gü rü tá nagu nidauxcüraxü̃gü, rü tá namaxã naguxchigagü, rü tá nachiwewa nacua̱i̱xgü.

Ore i mexü̃ ga Márcu ümatüxü̃ 10:34

Rü ngẽmagü tá nagu nidauxcüraxü̃gü. Rü tá nüxna nacua̱i̱xgüe, rü tá nanacua̱i̱xgü, rü tá nayama̱xgü. Natürü tomaepü̱x i ngunexü̃guwena rü tá wena namaxü̃ —ñanagürü.

Ore i mexü̃ ga Matéu ümatüxü̃ 27:26

Rü yexguma ga Pirátu rü Barabáxü̃ ínanguxuchixẽxẽ. Rü ñu̱xũchi norü churaragüxü̃ namu nax Ngechuchuxü̃ nacua̱i̱xgüxü̃ca̱x, rü yemawena curuchawa nax yanapotagüãxü̃ca̱x.

Ore i mexü̃ ga Matéu ümatüxü̃ 21:35

Natürü ga yema puracütanüxü̃ rü ínanayauxü̃ ga yema coriarü duü̃xü̃gü. Rü nanacua̱i̱xgü ga wüxi, rü to rü nayama̱xgü, rü yema to rü nutamaxã ínanamuxũchigü.

Ore i mexü̃ ga Matéu ümatüxü̃ 20:19

Rü tá to i nachixü̃anecüã̱xna nanamugü. Rü tá nüxü̃ nacugüe rü nanacua̱i̱xgü rü ñu̱xũchi tá curuchawa nayapotagü nax ngẽxma nayuxü̃ca̱x. Natürü tomaepü̱x i ngunexü̃guwena rü tá wenaxarü namaxü̃ —ñanagürü.

Yeremía 38:28

Rü nüma ga Yeremía rü yema ãẽ̱xgacüpataa̱xtüwa yexmaxü̃ ga poxcuchicaxü̃wa nayexma ñu̱xmata nawa nangu nax Babiróniaanecüã̱xme̱xẽgu nanguxü̃ ga Yerucharéü̃.

Yeremía 36:6

Rü ngẽmaca̱x i ngẽxguma marü nawa nanguxgu nax wena naxaurexü̃ i duü̃xü̃gü rü name i cumax ngéma Tupanapatawa cuxũ nax ngéma namaxã nüxü̃ cudaumatüxü̃ca̱x ga yema ore ga poxcuchiga ga poperagu cuxü̃ chaxümatüxẽẽxü̃. Erü ngẽma ngunexü̃gu rü tá nangẽxmagü i muxü̃ma i duü̃xü̃gü i guxü̃wama i Yudáanewa ne ĩxü̃, rü ngẽmaãcü tá nüxü̃ naxĩnüe i Cori ya Tupanaarü ore.

Yeremía 29:26

‘Pa Chofoníax, cuma nax chacherdóte quixĩxü̃ rü Cori ya Tupana rü cuxü̃ naxuneta nax Tupanapataarü ãẽ̱xgacü quixĩxü̃ca̱x nachicüxü i chacherdóte i Yoiadá. Rü ngẽxguma ngéma nanguxgu i wüxi i ãũãẽxü̃ i ñoma wüxi i orearü üruü̃ãcü idexaxü̃, rü choma cuxü̃ chamu nax chotapararuü̃wa cunachoxtaparaxü̃ rü cadénamaxã cuyanaíxü̃.

Norü taxre ga to ga popera ga ãẽ̱xgacügüchiga ümatüxü̃ 36:16

Natürü nümagü ga yema duü̃xü̃gü rü nüxü̃ nacugüeama ga yema Tupanaarü orearü uruü̃gü rü tama nüxü̃́ inarüxĩnüechaü̃ ga yema namaxã nüxü̃ yaxugüxü̃ rü nagu nidauxcüraxü̃gü. Rü yemaca̱x ga nüma ga Tupana rü düxwa namaxã nanu ga yema norü duü̃xü̃gü rü taxúema Tupanaxü̃ ítayachaxãchixẽxẽ.

Norü taxre ga popera ga ãẽ̱xgacügüchiga 2:23

Rü yemawena nüma ga Erichéu rü ĩane ga Betéwa naxũ. Rü yexguma namagu yaxũxgu rü yexma nüxü̃ nangaugü ga wüxitücumü ga ngextü̱xüxü̃gü ga guma ĩanewa ne ĩxü̃. Rü yema ngextü̱xüxü̃gü rü Erichéuxü̃ nacugüe rü ñanagürügü: —¡Dauxü̃ naxĩ, Pa Báixeruxü̃x, Dauxü̃ naxĩ, Pa Báixeruxü̃x! —ñanagürügü.

Nüxíraxü̃xü̃ ga popera ga ãẽ̱xgacügüchiga 22:27

¡Rü namaxã nüxü̃ pixu ya ãẽ̱xgacü rü poxcupataü̃gu namua! ¡Rü íxraxü̃ i paũ rü dexáxica nüxna naxãgü rü ñu̱xmatáta mea íchangu nax daiwa ne chaxũxü̃! —ñanagürü.

Nüxíraxü̃xü̃ ga popera ga ãẽ̱xgacügüchiga 22:24

Rü yexguma ga Chedequía ga Quenaaná nane rü Micaíaca̱x nixũ rü nayapechiwe rü ñanagürü nüxü̃: —¿Ñuxgu nixĩ i Tupanaãẽ i choxna yaxũgachixü̃ nax cuxchiama cumaxã yadexaxü̃ca̱x? —ñanagürü.

Ãẽ̱xgacügü ga guxchaxü̃güarü mexẽxẽruü̃gü 16:25

Rü poraãcüxüchi nataãẽgü, rü yemaca̱x Chanchóü̃ca̱x ínacagü nax nape̱xewa nagagüãxü̃ca̱x rü nagu nax yadauxcüraxü̃güxü̃ca̱x. Rü poxcupataü̃wa Chanchóü̃xü̃ ínagaxüchigü rü norü tupanapatawa nanagagü. Rü taxre ga caxtaarü ngaxü̃gu nanachixẽẽgü. Rü yéma ĩnüca̱xü̃ nayaxĩxẽẽgü rü nagu nidauxcüraxü̃gü.

Efesios 3:1

Rü ñu̱xma i choma i Pauru rü chapoxcu erü Ngechuchu ya Cristuarü puracü chaxü nax pexü̃ charüngü̃xẽẽxü̃ca̱x i pemax i tama Yudíugü nax pixĩgüxü̃.

Yeremía 32:8

Rü yema Cori ya Tupana chomaxã nüxü̃ ixuxü̃rüxü̃ chauenexẽ ga Anaméx choxü̃ ínayadau ga yema íchapoxcuxü̃wa ga ãẽ̱xgacüpataarü dauxü̃taechicaa̱xtüwa. Rü choxna nanaxũãxü̃ nax naxca̱x nüxü̃ chataxexü̃ca̱x ga yema norü naane ga Anatówa yexmaxü̃ ga Bẽyamíü̃tanüxü̃arü naanewa. Yerü choma nixĩ ga namexü̃ nax naxca̱x chataxexü̃ ga yema naane nax chorü yixĩxü̃ca̱x, erü choma nixĩ i yexeraãcü natanüxü̃xü̃chi chixĩxü̃. Rü nüxü̃ chicua̱xãchi nax Tupanaarü mu yixĩxü̃ ga yema.

Yeremía 39:15

Rü yexguma Yeremía taxũta ínguxuchigu nawa ga yema poxcuchicaxü̃ ga Yudáanearü ãẽ̱xgacüarü dauruü̃güpataa̱xtüwa yexmaxü̃, rü nüma ga Cori ya Tupana namaxã nidexa rü ñanagürü nüxü̃:

Norü taxre ga to ga popera ga ãẽ̱xgacügüchiga ümatüxü̃ 18:26

¡Rü namaxã nüxü̃ pixu ya ãẽ̱xgacü rü poxcupataü̃gu namua! ¡Rü íxraxü̃ i paũ rü dexáxica nüxna naxãgü rü ñu̱xmatáta mea íchangu nax daiwa ne chaxũxü̃! —ñanagürü.

Danié 11:33

Rü yíxema duü̃xẽgü i nüxü̃ icuáxe rü tá muxetama i duü̃xü̃güxü̃ tangúexẽxẽ nax aixcüma Tupanaca̱x tamaxẽxü̃ca̱x. Natürü yíxema duü̃xẽgü ya ngúexẽẽtaegüxe rü ñuxre rü tá taramaxã tüxü̃ nadai rü tümaxe rü tá tüxü̃ nigu. Rü tá tüxü̃́ nanade i guxü̃ma i tümaarü ngẽmaxü̃gü. Rü tümaxe rü tá togü i nachixü̃anegüwa tüxü̃ nagagü nax puracütanüxü̃ tixĩgüxü̃ca̱x. Natürü ngẽma rü taxũtáma nũxcü narüxo.