Popera ga Yudíugü ga yaxõgüxü̃ca̱x ümatüxü̃ 11:34 - Tupanaarü Ore

³⁴ Rü yexguma norü uanügü üxüxétüwa yawocuxgu, rü tama nixae, yerü Tupanaaxü̃́ nayaxõgü. Rü yexguma norü uanügü taramaxã nadaixchaü̃gu, rü Tupana nüxü̃ narüngü̃xẽxẽ nax taxuxü̃ma nüxü̃ üpetüxü̃ca̱x. Rü yexguma naturaegu rü Tupana nanaporaexẽxẽ. Rü yexguma to ga nachixü̃anearü churaragümaxã nügü nadaixgu rü naporaeama, rü yema churaragüxü̃ narüyexeragü.

Popera ga Yudíugü ga yaxõgüxü̃ca̱x ümatüxü̃ 11:34 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 15:8

Rü yexgumatama norü numaxã nanadai. Rü muxü̃ma ga yema Firitéugü rü nayue. Rü yemawena ga Chanchóü̃ rü nixũ, rü ma̱xpǘne ga Etáü̃arü ãxmaxü̃wa nayamaxü̃.

Ichaía 43:2

Rü ngẽxguma guxchaxü̃wa pechopetügu ñoma dexá i mátamaxü̃wa pichoü̃gurüxü̃, rü choma rü tá chapetanügu. Rü ngẽxguma ãũcümaxü̃wa pengẽxmagügu ñoma wüxi i natü i poraxü̃chíüxü̃wa pichoü̃gurüxü̃ rü taxũtáma ngẽxma peyi. Rü ngẽxguma taxü̃ i guxchaxü̃wa pechopetügu rü ñoma wüxi i üxüétüwa pechopetügurüxü̃ pixĩgü, rü taxũtáma pixae rü yima üxü rü taxũtáma niyauxra i petanüwa.

Wiyaegü 144:10

Rü cuma nixĩ i nachixü̃anegüarü ãẽ̱xgacügüxü̃ curüngü̃xẽẽxü̃ nax norü uanügüxü̃ naporamaegüxü̃ca̱x. Rü cuma nixĩ ga curü duü̃ ga Dabíxü̃ ícunguxũchixẽẽxü̃ naxme̱xwa ga norü uanügü. ¡Rü ñu̱xma rü choxü̃ ínapoxü̃ nax tama norü taramaxã choxü̃ yama̱xgüxü̃ca̱x i chorü uanügü! ¡Rü choxü̃ napu naxme̱xwa i ñaa chorü uanügü i dorata̱a̱xgüxü̃ i norü doramaxã choxü̃ íxuaxü̃güxü̃!

Norü taxre ga popera ga ãẽ̱xgacügüchiga 6:32

Rü yexguma nüma ga Erichéu rü napatawa nayexma rü yéma narüto namaxã ga ĩane ga Chamáriaarü ãẽ̱xgacügü. Rü nüma ga Iraéanearü ãẽ̱xgacü rü Erichéuxü̃tawa nanamu ga wüxi ga norü duü̃xü̃. Natürü naxü̃pa ga nax yéma nanguxü̃ ga yema yatü ga ãẽ̱xgacü yéma muxü̃, rü nüma ga Erichéu rü namücügüxü̃ ñanagürü: —Yimá ãẽ̱xgacü rü wüxi i máetaxü̃ nixĩ, rü nua nanamu i wüxi i yatü nax choxü̃ yadaeeruxü̃ca̱x. ¡Natürü choxü̃́ iperüxĩnüe! Rü ngẽxguma tá nua nanguxgu i ngẽma yatü, rü chanaxwa̱xe i penawãxta i ĩã̱x rü penanguxta. Erü naweama tá nüxü̃ pexĩnüe i nacutüga i ngẽma ãẽ̱xgacü —ñanagürü ga Erichéu.

Nüxíraxü̃xü̃ ga popera ga ãẽ̱xgacügüchiga 19:3

Rü nüma ga Ería rü nüxü̃ nicua̱xãchi ga ãũcümaxü̃wa nax nayexmaxü̃, rü yemaca̱x ĩane ga Bechébawa ga Yudáanewa yexmanewa naña. Rü yéma nanata̱x ga guma norü ngü̃xẽẽruxü̃.

Nüxíraxü̃xü̃ ga popera ga Pedru ümatüxü̃ 4:12

Pa Chauenexẽgü ya Pexü̃ Changechaü̃güxe, ñu̱xma nax taxü̃ i guxchaxü̃gü pexca̱x ínguxü̃, ¡rü taxṹ i peba̱i̱xãchiãxẽgüxü̃, ñoma ta̱xacü i taguma nüxü̃ pedauxü̃ pexca̱x ínguxü̃rüxü̃!

Yeremía 26:24

Natürü Aicáü̃ ga Chapáü̃ nane rü Yeremíaxétüwa nidexa. Rü yemaca̱x ga yema ãẽ̱xgacügü rü tama duü̃xü̃güna nanamugü nax yama̱xgüãxü̃ca̱x.

Wiyaegü 66:12

Rü cunangexrü nax torü uanügü rü norü cowarugümaxã towa ngagüxü̃ca̱x. Rü toma rü üxüwa rü dexá i ãũcümaxü̃wa tachopetü. Natürü düxwa ñaa naane i mexü̃wa toxü̃ cugagü.

Wiyaegü 6:8

¡Rü choxna pixĩgachix, Pa Chixexü̃arü Üruxü̃güx! Erü nüma ya Cori ya Tupana rü marü nüxü̃ naxĩnü i chorü axu.

Yox 42:10

Rü yexguma Yox namücügüca̱x yumüxẽguwena rü Tupana Yoxü̃ narüngü̃xẽxẽ. Rü yema noxri nüxü̃́ yexmaxü̃arü yexera nüxna nanaxã ga norü yemaxü̃gü.

Yox 5:20

Rü ngẽxguma taiya inguxgu rü yuwa tá cuxü̃ ínanguxuchixẽxẽ. Rü ngẽxguma dai ínguxgu rü nüma rü tá tarawa cuxü̃ ínapoxü̃.

1 Chamué 20:1

Dabí rü Naióxwa niña ga Ramáwa rü Yonatáü̃ íyexmaxü̃wa naxũ nax namaxã nüxü̃ yanaxuxü̃ca̱x, rü ñanagürü: —¿Ta̱xacü ẽ̱xna chaxü i chomax? ¿Ta̱xacü ẽ̱xna nixĩ i chorü chixexü̃? ¿Ta̱xacürü chixexü̃ tümamaxã chaxü ya cunatü rü ngẽmaca̱x cha̱u̱xca̱x tadauxü̃ rü choxü̃ timáxchaü̃xü̃? —ñanagürü.

Ínachoxü̃xü̃chiga 18:4

Rü yema to ga nane rü Eriéche nixĩ ga naéga yerü nüma ga Moiché rü ñanagürü: —Yimá chaunatüarü Tupana nixĩ ya choxü̃ rüngü̃xẽẽcü rü Faraóü̃arü tarawa choxü̃ ínguxuchixẽẽcü —ñanagürü.

1 Chamué 18:11

Rü ngürüãchi Dabíxü̃ nanacu̱x ga norü wocae nax ĩxtapü̱xmaxã yamutanüãxü̃ca̱x. Natürü nüma ga Dabí rü taxree̱xpü̱xcüna nügü ínapoxü̃ama.

Nüxíraxü̃xü̃ ga popera ga ãẽ̱xgacügüchiga 19:1

Rü nüma ga Acáx rü naxma̱x ga Yechabémaxã nüxü̃ nixu ga guxü̃ma ga yema Ería üxü̃, rü nax nadaü̃naaxü̃ ga yema Baáarü orearü uruü̃gü.

Norü taxre ga popera ga ãẽ̱xgacügüchiga 6:1

Rü wüxi ga ngunexü̃gu ga yema Tupanaarü orearü uruü̃gü rü Erichéuxü̃ ñanagürügü: —Dücax, ñaa nachica i nawa tomaxã cungexmaxü̃ rü toxca̱x naxíanexü̃chi.

Wiyaegü 124:7

Rü yemaacü nawa ítanguxü̃ ga yema ãũcümaxü̃ ga tórü uanügü taxca̱x mexẽẽxü̃ ñoma wüxi i weri i norü yauxruü̃wa iñaxü̃rüxü̃. Rü yema yauxruxü̃ ga tórü uanügü taxca̱x mexẽẽxü̃ rü narügáu rü tibuxmü.

Ore i mexü̃ ga Luca ümatüxü̃ 21:24

Rü norü uanügü rü taramaxã tá nanadai i ñuxre. Rü togü, rü tá ínanayauxü̃ nax to i nachixü̃anewa nagagüãxü̃ca̱x. Rü ñu̱xũchi i ngẽma norü uanügü rü tá nagu napogüe ya yima ĩane ya Yerucharéü̃. Rü ngẽmaãcü tá nangupetü ñu̱xmatáta nawa nangu i ngẽma ngunexü̃ i nagu Tupana ínawoxü̃xü̃ i ngẽma uanügü.