Popera ga Yudíugü ga yaxõgüxü̃ca̱x ümatüxü̃ 11:3 - Tupanaarü Ore3 Rü ngẽma tórü õgagu nixĩ i nüxü̃ icuáxü̃ nax aixcüma yixĩxü̃ nax Tupana rü norü oremaxãmare nango̱xẽẽãxü̃ ga ñoma ga naane rü üa̱xcü rü tauemacü rü woramacurigü rü ẽxtagü. Rü yemaacü ga Tupana, rü ngürüwa nanango̱xẽẽmare ga guxü̃ma i ngẽma ñu̱xma nüxü̃ idauxü̃. Gade chapit la |
Natürü ngẽma duü̃xü̃gü i ngẽmaãcü idexagüxü̃ rü tama nüxü̃ nacua̱xgüchaü̃ nax nũxcümaxü̃chima nayexmaxü̃ i guxü̃ma i daxũwa nüxü̃ idauxü̃ rü marü nayexmaxü̃ ga ñoma ga naane ga Tupana dexáwa ngo̱xẽẽxü̃ ga yexguma namuãgu. Rü ñu̱xma rü ta i ñoma i naane rü dexáarü ngãxü̃tüchíüwa nangẽxma, yerü yemaacü namaxã nanaxuegu ga Tupana. Rü gumá mucü ga tacüarü dexámaxã narüxo ga guxü̃ma ga ta̱xacü ga ñoma ga naanewa yexmaxü̃.
Rü Tupanaarü ore i ümatüxü̃wa rü Abraáü̃chigaxü̃ nixu rü ñanagürü: “Muxü̃ma i duü̃xü̃günatü tá cuxü̃ chixĩxẽxẽ”, ñanagürü. Rü Abraáü̃ rü Tupanaaxü̃́ nayaxõ, rü yemaca̱x Tupana nayanguxẽxẽ ga norü uneta ga namaxã nüxü̃ yaxuxü̃. Rü yimá Tupana nixĩ ya wena namaxẽxẽẽcü i yuexü̃. Rü yimátama nixĩ ya naxücü i ngẽma woo ñu̱xma taxuxü̃.
¡Dücax, daxũguxü̃ i naanegu perüdaunü rü nüxü̃ peda̱u̱x! ¿Rü texé tixĩ ya naxǘxe i guxü̃ma i ngẽma nüxü̃ pedauxü̃? Rü nüma ya Tupana nixĩ ga mea inanucü ga wüxichigü ga yema ẽxtagü rü woramacurigü rü ñu̱xũchi wüxichigü rü naégamaxã nüxna naca. Rü nataxüchi i norü pora rü mea guxü̃maxã inacua̱x, rü ngẽmaca̱x taguma wüxi i ẽxta natauxchica.
—Pa Yatügüx, ¿tü̱xcüü̃ toxca̱x penaxü i ngẽma? Toma rü pexrüxü̃ duü̃xü̃gümare tixĩgü. Rü nua taxĩ nax pemaxã nüxü̃ tayarüxuxü̃ca̱x nax nüxü̃ perüxoexü̃ca̱x i ngẽma pecüma i taxuwama mexü̃ rü nüxü̃́ peyaxõgüxü̃ca̱x ya Tupana ya Maxü̃cü ga naxücü i daxũguxü̃ i naane, rü ñoma i naane, rü ngẽma már rü guxü̃ma i nawa ngẽxmaxü̃.