Popera ga Yudíugü ga yaxõgüxü̃ca̱x ümatüxü̃ 11:26 - Tupanaarü Ore

²⁶ Rü yexgumarüxü̃ nax daxũguxü̃ ga naanena nax yaxũxü̃ ga Cristu nax ngúxü̃ yangexü̃ca̱x, rü yexgumarüxü̃ ta nixĩ ga Moiché ga ãẽ̱xgacüpatana nax yaxũxü̃, yerü naxca̱x rü narümemae nax Iraétanüxü̃maxã wüxigu ngúxü̃ yangexü̃. Rü taxuca̱xma yema ngúxü̃gu narüxĩnü ga Moiché, yerü norü ngúchaü̃ nixĩ nax naya̱u̱xãxü̃ i ngẽma natanü ya Tupana tá nüxna ãxü̃.

Popera ga Yudíugü ga yaxõgüxü̃ca̱x ümatüxü̃ 11:26 Referans Kwoze

Popera ga Yudíugü ga yaxõgüxü̃ca̱x ümatüxü̃ 11:6

Natürü taxuacüma Tupana tamaxã nataãxẽ ega tama nüxü̃́ yaxõgügu. Rü yíxema Tupanamaxã ãmücüchaü̃xe, rü tanaxwa̱xe nax tayaxõxü̃ nax Tupana rü aixcüma nangẽxmaxü̃ rü aixcüma tüxü̃ nangü̃xẽẽxü̃ ya yíxema naxca̱x daugüxe.

Popera ga Yudíugü ga yaxõgüxü̃ca̱x ümatüxü̃ 10:35

Rü ngẽmaca̱x i ñu̱xmax, rü tama name nax nüxü̃ perüxoexü̃ nax Cristuaxü̃́ peyaxõgüxü̃. Erü Tupana rü perü õgagu tá pexna nanaxã i perü ãmare i maxü̃ i taguma gúxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:18

Rü ñu̱xma rü cuxü̃ chaxucu̱xẽ nax chauxü̃tawa naxca̱x cutaxexü̃ca̱x i úiru i marü üxüwa iguxü̃ i nüxicatama ixĩxü̃. Rü ngẽmaãcü tá aixcüma cuxü̃́ nangẽxma i curü ngẽmaxü̃gü. Rü ngẽxgumarüxü̃ ta cuxü̃ chaxucu̱xẽ nax chauxü̃tawa naxca̱x cutaxexü̃ca̱x i cuxchiru i cómüxü̃ nax ngẽmagu quicúxü̃ca̱x nax taxúema cuxü̃ dauxü̃ca̱x nax cungexchiruxü̃. Rü ngẽxgumarüxü̃ ta cuxü̃ chaxucu̱xẽ nax chauxü̃tawa naxca̱x cutaxexü̃ca̱x i curü ma̱ĩ̱xetüxü̃ nax curümexẽtüxü̃ca̱x rü wena quidauchixü̃ca̱x.

Nüxíraxü̃xü̃ ga popera ga Pedru ümatüxü̃ 4:14

Rü ngẽxguma Cristuaxü̃́ nax peyaxõgüxü̃gagu texé pemaxã guxchigagu, rü name nixĩ i petaãẽgü. Erü ngẽmaãcü nüxü̃ pecua̱x nax Tupanaãxẽ ya Üünecü rü pewa nax nangẽxmaxü̃.

Popera ga Yudíugü ga yaxõgüxü̃ca̱x ümatüxü̃ 2:2

Rü yexguma tauta Nane ya Cristuxü̃ núma namuxgu ga Tupana, rü norü orearü ngeruü̃gü ga daxũcüã̱xgüwa duü̃xü̃gümaxã nüxü̃ nixu ga norü mugü nax naga naxĩnüexü̃ca̱x. Rü yema mugü rü aixcüma napora yerü guxü̃ma ga yema tama naga ĩnüexü̃, rü yema mugü nüxü̃ ixuxü̃ãcüma Tupana nanapoxcue.

2 Corintios 6:10

Rü woo tangechaü̃gügu, natürü guxü̃guma tataãẽgü. Rü woo ñoma i naanewa tama tamuarü ngẽmaxü̃ã̱xgügu, natürü togagu muxü̃ma i duü̃xü̃gü nanayauxgü i maxü̃ i taguma gúxü̃. Rü woo taxuxü̃ma toxü̃́ nangẽxma i ñoma i naanewa, natürü aixcüma toxü̃́ nangẽxma i guxü̃ma.

Ore i mexü̃ ga Luca ümatüxü̃ 14:14

Rü tá cutaãẽxü̃chi i ngẽxguma erü nümagü rü taxucürüwa cuxü̃́ nanaxütanügü. Natürü tá cunayaxu i curü natanü i ngẽxguma wena namaxẽgu i Tupanaarü duü̃xü̃gü i mexü̃ —ñanagürü.

Ore i mexü̃ ga Matéu ümatüxü̃ 5:12

¡Rü petaãxẽgüama rü tama pexoegaãẽgü! Erü daxũguxü̃ i naanewa tá penayauxgü i wüxi i perü ãmare i mexẽchixü̃. Rü ngẽma ñu̱xma pexü̃ ngupetüxü̃rüxü̃ nixĩ ga nüxü̃ nangupetüxü̃ ga nũxcümaü̃güxü̃ ga Tupanaarü orearü uruü̃gü.

Efesios 3:8

Rü chaugüca̱x rü choma nixĩ i guxü̃ i Tupanaarü duü̃xü̃güarü ñaxtüwaama chaxüxü̃. Natürü Tupana choxü̃ nangechaü̃ rü choxna nanaxã i ngẽma puracü i mexü̃ nax ngẽma tama Yudíugü ixĩgüxü̃maxã nüxü̃ chixuxü̃ca̱x ga yema mexü̃gü ga taguma iyagúxü̃ ga taxca̱x naxüxü̃ ga Cristu.

2 Corintios 12:10

Rü ngẽma nax Cristuxü̃ nax changechaü̃xü̃gagu nixĩ i yáxna namaxã chaxĩnüxü̃ ega woo chaturagu rü woo ta̱xacü chomaxã yaxugüegu i duü̃xü̃gü. Rü woo choxü̃́ nataxuxgu i chorü ngẽmaxü̃gü, rü woo duü̃xü̃gü rü chowe yangexü̃tanügu, rü woo guxchaxü̃gü choxü̃́ ngẽxmagu rü Cristuca̱x rü yáxna namaxã chaxĩnü i guxü̃ma i ngẽma. Erü ngẽxguma chaturagu, rü ngẽxguma nixĩ i yexeraãcü Cristu choxü̃ poraxẽẽxü̃.

Wiyaegü 37:16

Rü ngẽma muxü̃ i diẽru i ngẽma duü̃xü̃gü i chixexü̃ nüxü̃́ ngẽxmaxü̃arü yexera name nixĩ i ngẽma noxretama i nüxü̃́ ngẽxmaxü̃ ya yimá yatü ya mexü̃gu rüxĩnücü.

Nüxíraxü̃xü̃ ga popera ga Pedru ümatüxü̃ 1:11

Rü nümagü ga yema orearü uruü̃gü rü Tupanaarü poperawa nangúe nax nüxü̃ nacua̱xgüxü̃ca̱x nax ñuxãcü tá nax yixĩxü̃ rü ñuxguacü tá nax nangóxü̃ ga gumá maxẽxẽẽruxü̃ ga Cristu. Rü Cristuãxẽ i Üünexü̃ ga yema orearü uruü̃güwa yexmaxü̃, rü nüxü̃ nüxü̃ nacua̱xẽxẽ nax Cristu rü tá ngúxü̃ yangexü̃ rü tá nayuxü̃ rü yemawena rü wena tá namaxü̃xü̃ rü daxũguxü̃ i naanewa tá nax naxũxü̃.

Popera ga Yudíugü ga yaxõgüxü̃ca̱x ümatüxü̃ 13:13

Rü ngẽmaca̱x name nax nüxna ixĩgachixü̃ ga yema mugü ga nũxcüma nagu ixĩxü̃ rü ngĩxã Ngechuchuwe tarüxĩ rü naxrüxü̃ ãne tingegü.

Popera ga Yudíugü ga yaxõgüxü̃ca̱x ümatüxü̃ 10:33

Rü ñuxre ga pema rü duü̃xü̃gü pemaxã naguxchigagü rü guxãpe̱xewa pexü̃ nicua̱i̱xgü. Rü toguxe ga pemax rü pegü ipeyaxãgü nax yema pemücügürüxü̃ ngúxü̃ pingegüxü̃ca̱x.

Filipenses 3:7

Natürü guxü̃ma ga yema ü̃pa cha̱u̱xca̱x mexü̃, rü ñu̱xma rü taxuwama choxü̃́ name yerü marü íchanata̱x nax Cristuaxü̃́ chayaxõxü̃ca̱x.

Efesios 1:18

Rü Tupanana naxca̱x chaca nax nümatama pexü̃ yango̱xnaãẽxẽẽxü̃ca̱x, nax nüxü̃ pecuáxü̃ca̱x nax ta̱xacü yixĩxü̃ i ngẽma ípenangu̱xẽẽxü̃ i naxca̱x pexca̱x naca̱xaxü̃ rü pexü̃ nadexü̃. Rü nüxna naxca̱x chaca nax pexü̃ nüxü̃ nacua̱xẽẽxü̃ca̱x nax namexẽchixü̃ i ngẽma maxü̃ i taguma gúxü̃ i nüma norü duü̃xü̃güca̱x namexẽẽxü̃ i daxũguxü̃ i naanewa.

Ngechuchuarü ngúexü̃gü ga yamugüxü̃arü puracüchiga 5:41

Rü yema ãẽ̱xgacügüna ínixĩ ga yema ngúexü̃gü. Rü nataãẽgü yerü woetama Tupana nanaxwa̱xe nax yemaacü Ngechuchuca̱x ngúxü̃ yangegüxü̃.

Ore i mexü̃ ga Matéu ümatüxü̃ 10:41

Rü texé ya wüxi i Tupanaarü orearü uruü̃xü̃ yaxúxe erü orearü uruxü̃ nixĩ, rü tá ngẽmatama ãmare i wüxi i orearü uruxü̃ yaxuxü̃raxü̃xü̃ tátama tayaxu. Rü texé ya wüxi i yatü i mecümaxü̃xü̃ yaxúxe erü namecüma, rü tá ngẽmatama ãmare i wüxi i yatü i mecümaxü̃ yaxuxü̃raxü̃xü̃ tayaxu.

Ore i mexü̃ ga Matéu ümatüxü̃ 6:1

Rü ngẽxguma ta̱xacürü mexü̃ pexü̱xgu, rü name i pexuãxẽ nax tama duü̃xü̃güpe̱xewa penaxüxü̃ i ngẽma nax duü̃xü̃gü pexü̃ dauxü̃ca̱x rü pexü̃ yacua̱xüü̃güxü̃ca̱x. Erü ngẽxguma duü̃xü̃gü pexü̃ icua̱xüü̃güxü̃ca̱x mexü̃ pexü̱xgu, rü Penatü ya daxũgucü rü taxũtáma ãmare pexna naxã.

Ichaía 51:7

¡Choxü̃́ iperüxĩnüe i pema nax nüxü̃ pecuáxü̃ i ngẽma nacüma i aixcüma iwéxü̃ rü naga pexĩnüexü̃ i chorü mugü! ¡Rü taxṹ i pemuü̃exü̃ rü perümaãchitanüxü̃ i ngẽxguma ta̱xacü pemaxã yaxugüegu i duü̃xü̃gü! Erü nümagü rü tá nayue rü ñoma naxchiru i naweane ngõ̱xgüxü̃rüxü̃ tá nixĩgü. Rü õ̱xmigü rü tá nanangõ̱xgü ñoma wüxi i naxchiru i carnéruta̱xanaxca̱x nangõ̱xgüxü̃rüxü̃. Natürü chaucüma rü taguma inarüxo rü chorü pora i namaxã íchapoxü̃ i chorü duü̃xü̃gü rü guxü̃guma nangẽxmaecha —ñanagürü ga Tupana.

Ucu̱xẽgüchiga 23:18

Erü ngẽxguma aixcüma Cori ya Tupanaga cuxĩnügu, rü ngẽma curü maxü̃ tá mexü̃wa naxũ rü ngẽma ícunangu̱xẽẽxü̃, rü tagutáma inarüxo. -15-

Ucu̱xẽgüchiga 11:18

Ngẽma duü̃xü̃ i chixexü̃gu maxü̃xü̃, rü wüxi i paxaãchiruxü̃mare nixĩ i ngẽma diẽru i norü puracütanü i nayaxuxü̃, natürü yíxema mexü̃gu rüxĩnüxe, rü aixcüma natai i ngẽma tümaarü natanü i tayaxuxü̃.

Wiyaegü 69:20

Rü ngẽma nax chomaxã naguxchigagüxü̃ rü poraãcü choxü̃́ nangu̱x. Rü ngẽmaca̱x charümaxãchi rü changearü poraã̱x. Rü natüca̱xma naxca̱x chadau nax texéaxü̃́ changechaü̃tümüxü̃xü̃ rü texé choxü̃ taãẽxẽẽxü̃, natürü taxuxü̃ma ichayangau.

Wiyaegü 69:7

Rü cuxca̱x nixĩ ga chomaxã naguxchigagüxü̃ rü poraãcü ãne chingexü̃.

Rux 2:12

¡Rü Tupana cuxü̃́ naxütanü i ngẽma! ¡Rü nüma ya Cori ya Iraéanecüã̱xgüarü Tupana ga norü ngü̃xẽẽca̱x cudaucü cuxü̃́ naxütanü naxca̱x ga guxü̃ma ga yema mexü̃ ga cuxüxü̃! —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:9

Choma nüxü̃ chacua̱x i ngẽma cuxüxü̃ rü nüxü̃ chacua̱x nax ngúxü̃ quingexü̃. Rü nüxü̃ chacua̱x ta nax cungearü diẽruã́xü̃ i ñoma i naanewa, natürü daxũguxü̃ i naanewa cuxü̃́ nangẽxma i ngẽma taguma gúxü̃. Rü nüxü̃ chacua̱x nax chixri cuchiga yadexagüxü̃ i ngẽma duü̃xü̃gü i nügü ixugüxü̃ nax Yudíugü yixĩgüxü̃. Natürü i nümagü rü aixcüma Chatanáarü duü̃xü̃gümare nixĩgü.

Ore i mexü̃ ga Luca ümatüxü̃ 14:33

Rü ngẽxgumarüxü̃ tá ta nixĩ i pemax, erü ngẽxguma ngexerüxüxe i petanüwa tama ngéma tanawogügu i guxü̃ma i tüxü̃́ ngẽxmaxü̃ nax chowe tarüxũxü̃ca̱x, rü taxucürüwama aixcüma chorü ngúexü̃ tixĩ.