Biblia Todo Logo
Bib sou entènèt

- Piblisite -




Popera ga Yudíugü ga yaxõgüxü̃ca̱x ümatüxü̃ 11:23 - Tupanaarü Ore

23 Rü yexguma noxri naxíragu ga Moiché rü nanatü rü naé rü tümaarü õgagu tomaepü̱x ga tauemacü itayacu̱xgü, yerü nüxü̃ tadaugü nax namexẽchixü̃ rü tama naxca̱x tamuü̃e ga yema Equítuanearü ãẽ̱xgacüarü mugü nax buxe tüxü̃ nada̱i̱xü̃.

Gade chapit la Kopi




Popera ga Yudíugü ga yaxõgüxü̃ca̱x ümatüxü̃ 11:23
16 Referans Kwoze  

Rü yemaca̱x ga nüma ga Faraóü̃ rü norü duü̃xü̃güxü̃ namu nax taxtü ga Níruwa tüxü̃ nawoü̃xü̃ca̱x ga guxema Iraétanüxü̃arü õxchanagü ga iyatüxe. Natürü ga guxema i ngexe ga õxchanagü rü tama tüxü̃ nadai.


Rü ngẽmaca̱x tama taxãnee nax ñagüxü̃: “Nüma ya Cori nixĩ ya choxü̃ rüngü̃xẽẽcü. Rü ngẽmaca̱x taxuca̱xma chamuü̃. ¿Rü texé tá ta̱xacürü chixexü̃ cha̱u̱xca̱x ítanguxẽxẽ?” ñagüxü̃.


¡Rü taxṹ i nüxü̃ pemuü̃exü̃ i ngẽma duü̃xü̃gü i taxü̃nexü̃ imáxü̃! Erü taxucürüwa nayama̱x i taãxẽ. Natürü name nixĩ i nüxü̃ pemuü̃e ya yimá Tupana. Erü nüma nüxü̃́ nangẽxma i pora nax napoxcuãxü̃ca̱x i pexene rü peãxẽ rü ta nagu ya yimá üxü ya taguma ixoxü̃ne.


Rü yexgumaü̃cüxü nabu ga Moiché, rü Tupanaaxü̃́ nangúchaü̃. Rü naé rü nanatü rü tomaepü̱x ga tauemacü nüxna tadaugü ga tümapatawa.


Rü choma ya Cori ya Tupana rü aixcüma pemaxã nüxü̃ chixu rü ñachagürü: —Pa Iraétanüxü̃x Pa Acóbutanüxü̃, rü woo nax penoxrexü̃ rü perü uanügüpe̱xewa peturaexü̃, natürü ¡taxṹ i pemuü̃exü̃! Erü choma rü tá pexü̃ charüngü̃xẽxẽxü̃. Rü choma ya perü Tupana ya üünecü nax chixĩxü̃ rü perü nguxü̃xẽẽruxü̃ chixĩ.


Rü nüma ya Cori ya Tupana rü nachauxü̃tagu rü ngẽmaca̱x tama chamuü̃. ¿Rü ñu̱xma rü texé tapora nax ta̱xacürü chixexü̃gu choxü̃ tangu̱xẽẽxü̃?


Rü yexguma Danié nüxü̃ cua̱xgu nax nüma ga ãẽ̱xgacü rü marü nügü nagu nawǘégaxü̃ ga yema mu, rü napatawa naxũ rü nayawãxna ga norü ucapuarü beü̃tánagü ga Yerucharéü̃ íyexmaxü̃waama ügüxü̃. Rü wüxichigü ga ngunexü̃gu rü tomaepü̱xcüna inacaxã́pü̱xü nax Tupanana moxẽ naxãxü̃ca̱x rü namaxã yadexaxü̃ca̱x aixrügumarüü̃tama.


Rü Tupana rü Yerucharéü̃xü̃ ñanagürü: —Chomatama nixĩ i cuxü̃ chataãẽxẽẽxü̃. ¿Rü texéxü̃ nixĩ i cumuü̃exü̃? ¿Ẽ̱xna yatügüxü̃ i duü̃xü̃gümare ixĩgüxü̃? Natürü nümagü rü ñoma maxẽrüxü̃ nayue.


¡Choxü̃́ iperüxĩnüe i pema nax nüxü̃ pecuáxü̃ i ngẽma nacüma i aixcüma iwéxü̃ rü naga pexĩnüexü̃ i chorü mugü! ¡Rü taxṹ i pemuü̃exü̃ rü perümaãchitanüxü̃ i ngẽxguma ta̱xacü pemaxã yaxugüegu i duü̃xü̃gü! Erü nümagü rü tá nayue rü ñoma naxchiru i naweane ngõ̱xgüxü̃rüxü̃ tá nixĩgü. Rü õ̱xmigü rü tá nanangõ̱xgü ñoma wüxi i naxchiru i carnéruta̱xanaxca̱x nangõ̱xgüxü̃rüxü̃. Natürü chaucüma rü taguma inarüxo rü chorü pora i namaxã íchapoxü̃ i chorü duü̃xü̃gü rü guxü̃guma nangẽxmaecha —ñanagürü ga Tupana.


¡Taxṹ i pemuü̃exü̃, Pa Iraétanüxü̃x! Erü choma rü chapexü̃tagu. ¡Rü taxṹ i pemuü̃exü̃! Erü choma rü perü Tupana chixĩ. Choma rü pora pexna chaxã rü pexü̃ charüngü̃xẽẽxü̃. Rü choma rü chorü tügünechacüxümaxã pexü̃ chingĩ rü pexü̃ íchapoxü̃.


Rü choma rü Tupanaaxü̃́ chayaxõ rü norü oremaxã chataãxẽ. Rü ngẽma nax nüxü̃́ chayaxõxü̃ rü taxuca̱xma chamuü̃. ¿Rü ta̱xacürü chixexü̃ tá chomaxã naxüxü̃ i ngẽma duü̃xü̃ i yuxwa̱xexü̃?


Swiv nou:

Piblisite


Piblisite