Popera ga Yudíugü ga yaxõgüxü̃ca̱x ümatüxü̃ 11:16 - Tupanaarü Ore

¹⁶ Natürü nümagü rü nüxü̃́ nangúchaü̃ i ngẽma naane i yexera rümemaexü̃ i daxũwa ngẽxmaxü̃ i Tupanaxü̃tawa. Rü yemaca̱x nixĩ ga Tupana ga tama naxãnexü̃ nax nügü yaxuxü̃ nax norü Tupana yixĩxü̃ rü marü naxca̱x nanamexẽxẽ ga wüxi ga ĩane ya daxũguxü̃ i naanewa ngẽxmane.

Popera ga Yudíugü ga yaxõgüxü̃ca̱x ümatüxü̃ 11:16 Referans Kwoze

Popera ga Yudíugü ga yaxõgüxü̃ca̱x ümatüxü̃ 13:14

Erü ñoma i naanewa tüxü̃́ nataxu ya wüxi ya ĩane ya taguma yarüxoxü̃ne, natürü naxca̱x tadaugü ya yima ĩane ya daxũguxü̃ i naanewa tá tüxü̃́ ngẽxmane.

Popera ga Yudíugü ga yaxõgüxü̃ca̱x ümatüxü̃ 11:10

Rü nüma ga Abráü̃, rü woo ĩpata ga naxchirunaxca̱xmaxãmare yema naanegu naxãpata, natürü ínanangu̱xẽxẽ nax nawa tá nanguxü̃ ya yima ĩane ya taguma iyarüxoxü̃ne ya nüma ya Tupana norü ĩnümaxã daxũguxü̃ i naanewa naxüxü̃ne.

Filipenses 3:20

Natürü i yixema rü daxũguxü̃ i naanewa tüxü̃́ nangẽxma i tachica. Rü ítanangu̱xẽxẽ nax daxũguxü̃ i naanewa taxca̱x ne naxũxü̃ ya tórü Cori ya Ngechuchu ya Cristu ya tórü Maxẽxẽẽruxü̃.

Ore i mexü̃ ga Cuáü̃ ümatüxü̃ 14:2

Chaunatüpatawa nangẽxma i muxũchixü̃ma i ucapugü. Ngẽxguma chi nataxuxguma, rü taxũchima pemaxã nüxü̃ chixu. Rü ngéma tá chaxũ nax pexca̱x chayamexẽẽxü̃ i pechicagü.

Popera ga Yudíugü ga yaxõgüxü̃ca̱x ümatüxü̃ 2:11

Rü Ngechuchu nixĩ ya tüxü̃ imexẽẽgücü nax Tupanape̱xewa ixüünegüxü̃ca̱x. Rü ñu̱xma i nüma ya Ngechuchu ya tüxü̃ imexẽẽgücü rü guxãma i yixema nax tüxü̃ yaxüünexẽẽgüxü̃ rü wüxitama nixĩ ya Tanatü. Rü ngẽmaca̱x nixĩ i nüma ya Ngechuchu ya Tupana Nane, rü tama taxca̱x naxãnexü̃ nax naenexẽgümaxã tüxü̃ naxuxü̃.

Ore i mexü̃ ga Matéu ümatüxü̃ 25:34

Rü ngẽxguma i nüma ya Ãẽ̱xgacü rü tá ñanarügü nüxü̃ i ngẽma norü tügünecüwawa ngẽxmagüxü̃: “¡Nua pexĩ i pemax ya Chaunatü mexü̃ pemaxã uegugüxe! ¡Rü nüma ãẽ̱xgacü íyixĩxü̃wa pichocu rü penayaxu i pechica ga noxritama naane naxü̱xgu pexca̱x namexẽẽxü̃!

Popera ga Yudíugü ga yaxõgüxü̃ca̱x ümatüxü̃ 12:22

Erü ñu̱xma i pema rü marü nüxna pengaicamagü ya yima ma̱xpǘne ya Chióü̃ ya yimá Tupana ya Maxü̃cüarü ĩane ya daxũgune ya Yerucharéü̃. Rü marü nüxna pengaicamagü i ngẽma muxũchixü̃ma i norü orearü ngeruü̃gü i daxũcüã̱x i Tupanaxü̃ icua̱xüü̃güxü̃.

Popera ga Yudíugü ga yaxõgüxü̃ca̱x ümatüxü̃ 11:14

Rü nümagü nax ngẽma ñagüxü̃ rü ngẽmawa meama tüxü̃ nüxü̃ nacua̱xẽxẽ nax ñu̱xma rü ta naxca̱x nadaugüxü̃ i wüxi i to i nachixü̃ane nax noxrü yixĩxü̃ca̱x.

Norü taxre ga popera ga Timutéuca̱x naxümatüxü̃ ga Pauru 4:18

Rü nüma ya tórü Cori tá choxü̃ ínanguxuchixẽxẽ nawa i guxü̃ma i guxchaxü̃gü. Rü tá choxna nadau nax nüma ãẽ̱xgacü íyixĩxü̃wa choxü̃ nagaxü̃ca̱x. Rü name i guxü̃guma nüxü̃ ticua̱xüü̃gü. Rü ngẽmaãcü yixĩ.

Ínachoxü̃xü̃chiga 3:6

Rü ñanagürü ta: —Rü choma nixĩ i curü o̱xigüarü Tupana chixĩxü̃. Rü choma nixĩ ga Abraáü̃arü rü Ichaáarü rü Acóbuarü Tupana chixĩxü̃ —ñanagürü. Rü yexguma ga Moiché rü nügü nidüxchiwe, yerü namuü̃ nax Tupanaxü̃ nadawenüxü̃.

Ore i mexü̃ ga Márcu ümatüxü̃ 8:38

Rü ngẽxguma texé i ñaa duü̃xü̃gü i pecaduã̱xgüxü̃ i tama yaxõgüxü̃pe̱xewa cha̱u̱xca̱x ãnegu rü naxca̱x taxãneegu i chorü ore, rü choma ya Tupana Nane nax duü̃xü̃xü̃ chixĩxü̃ rü tá ta tümaca̱x chaxãne i ngẽxguma Chaunatüarü poramaxã rü norü orearü ngeruü̃gü i daxũcüã̱x i üünegüxü̃maxã wenaxarü núma chaxũxgu —ñanagürü.

Ínachoxü̃xü̃chiga 3:15

Rü ñanagürü ta ga Tupana Moichéxü̃: —¡Rü namaxã nüxü̃ ixu i ngẽma Iraétanüxü̃, rü ñacugürü tá: “Nüma ya Cori ya Tupana ya perü o̱xigüarü Tupana ya Abraáü̃arü rü Ichaáarü rü Acóbuarü Tupana, rü guma nixĩ ga petanüwa choxü̃ mucü”, ñacugürü tá nüxü̃! Rü Cori ya Tupana nixĩ i chauéga i tagutáma iyagúxü̃. Rü ngẽma chauégamaxã tá nixĩ i guxü̃gutáma duü̃xü̃gü choxü̃ cuáxü̃.

Ngechuchuarü ngúexü̃gü ga yamugüxü̃arü puracüchiga 7:32

“Choma nixĩ i curü o̱xigüarü Tupana chixĩxü̃, rü Abraáü̃ rü Ichaá rü Acóbuarü Tupana chixĩxü̃”, ñanagürü. Rü yexguma ga Moiché rü inanaxügü ga norü muü̃maxã nax yadu̱xruxü̃. Rü namuü̃ ga yexma nax nadawenüxü̃.

Ore i mexü̃ ga Luca ümatüxü̃ 12:32

¡Taxṹ i pemuü̃exü̃, Pa Chauxacügüx! Pema rü noxretama pixĩgü natürü Penatü ya Tupana rü norü ngúchaü̃ nixĩ nax pexna naxããxü̃ i pechica i ngextá nüma ãẽ̱xgacü íyixĩxü̃wa.

Naanearü ügüchiga 28:13

Rü yexgumarüxü̃ ta nüxü̃ nadau ga Cori ya Tupana ga naxü̃tagu chicü. Rü nüma ga Tupana rü ñanagürü nüxü̃: —Choma nixĩ i curü o̱xi ya Abraáü̃arü Tupana, rü cunatü ya Ichaáarü Tupana chixĩxü̃. Rü tá cuxna chanaxã i ñaa naane i nawa cupexü̃ nax cuxrü rü cutaagüarü yixĩxü̃ca̱x.

Ore i mexü̃ ga Márcu ümatüxü̃ 12:26

Pema choxna peca i yuexü̃arü dagüchiga. ¿Natürü tama ẽ̱xna nawa pengúe i Tupanaarü ore ga Moiché ümatüxü̃ ga boetaxü̃ ga nai ga iya̱u̱xratanüxü̃ íyaxuxü̃wa? Erü yema orewa rü Moichéxü̃ ñanagürü ga Tupana: “Choma nixĩ i Abraáü̃arü Tupana, rü Ichaáarü Tupana, rü Acóbuarü Tupana”, ñanagürü.

Yeremía 31:1

Rü nüma ya Cori ya Tupana rü ñanagürü: —Ngẽxguma ngẽma ngunexü̃wa nanguxgu rü choma rü guxü̃táma i Iraétanüxü̃arü Tupana tá chixĩ, rü nümagü rü tá chorü duü̃xü̃gü nixĩgü —ñanagürü.

Ínachoxü̃xü̃chiga 4:5

Rü nüma ga Cori ya Tupana rü ñanagürü: —Rü ngẽma cuxü̃ chawéxü̃, rü ngẽma nixĩ i cua̱xruxü̃ nax cuxü̃́ yaxõgüãxü̃ca̱x i ngẽxguma namaxã nüxü̃ quixuxgu nax aixcüma cuxca̱x changóxü̃ i chomax nax curü o̱xigü ya Abraáü̃ rü Ichaá rü Acóbuarü Tupana nax chixĩxü̃ —ñanagürü.

Naanearü ügüchiga 26:24

Rü yema chütaxü̃gu rü nüma ga Cori ya Tupana rü Ichaáca̱x nango̱x, rü ñanagürü nüxü̃: —Choma nixĩ i cunatü ya Abraáü̃arü Tupana. ¡Taxṹ i cumuü̃xü̃! Choma rü cumaxã changexma. Rü yimá chorü duü̃ ga Abraáü̃gagu rü tá cuxü̃ charüngü̃xẽxẽxü̃, rü poraãcü tá chayamuxẽxẽ i ngẽma cutaagü —ñanagürü.

Ore i mexü̃ ga Luca ümatüxü̃ 20:37

Rü yema ore ga naixacüchigawa rü Moiché tüxü̃ nüxü̃ nacua̱xẽxẽ rü yuexü̃ rü tá wena nax namaxẽxü̃. Erü yema orewa, rü ñanagürü ga Cori ga Tupana: “Choma nixĩ i Abraáü̃arü Tupana, rü Ichaáarü Tupana, rü Acóbuarü Tupana”, ñanagürü.

Popera ga Yudíugü ga yaxõgüxü̃ca̱x ümatüxü̃ 10:34

Rü pema rü pexü̃́ nangechaü̃tümüü̃gü ga yema petanüxü̃ ga yaxõgüxü̃ ga poxcupataü̃wa yexmagüxü̃. Rü taãẽãcüma yáxna namaxã pexĩnüe ga yema tama yaxõgüxü̃ ga pexna napuxü̃xü̃ ga perü yemaxü̃gü. Rü tama naxca̱x pexoegaãxẽ, yerü meama nüxü̃ pecua̱x rü daxũguxü̃ i naanewa pexü̃́ nangẽxma i ngẽmaarü yexera ixĩxü̃ i tagutáma gúxü̃.

Popera ga Yudíugü ga yaxõgüxü̃ca̱x ümatüxü̃ 11:40

Rü yemaacü namaxã nangupetü ga yema duü̃xü̃gü, yerü ga Tupana rü tagu narüxĩnü rü tama nanaxwa̱xe nax yema nũxcümaü̃güxü̃ ga duü̃xü̃güxíra nüxica yamexẽẽgüãxü̃, natürü nanaxwa̱xe nax tamaxã wüxigu yamexẽẽgüãxü̃. Rü yemaacü ga Tupana rü taxca̱x nanamexẽxẽ ga wüxi ga ngü̃xẽxẽ ga yexera rümemaexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:2

Rü nüxü̃ chadau ga guma ĩane ga mexü̃ne ga Yerucharéü̃ ga yexwaca̱xü̃ne ga daxũguxü̃ ga naanewa Tupanaxü̃tawa írüxĩxü̃ne. Rü guma ĩane rü guxü̃wama nimexẽchi ñoma wüxi i pacü i ngẽxguma iyangĩxgu rü ngĩteca̱x ngĩgü mexẽẽcürüxü̃ ixĩxü̃ne.