Popera ga Yudíugü ga yaxõgüxü̃ca̱x ümatüxü̃ 11:14 - Tupanaarü Ore

¹⁴ Rü nümagü nax ngẽma ñagüxü̃ rü ngẽmawa meama tüxü̃ nüxü̃ nacua̱xẽxẽ nax ñu̱xma rü ta naxca̱x nadaugüxü̃ i wüxi i to i nachixü̃ane nax noxrü yixĩxü̃ca̱x.

Popera ga Yudíugü ga yaxõgüxü̃ca̱x ümatüxü̃ 11:14 Referans Kwoze

2 Corintios 4:18

Rü tama ngẽma ñu̱xma nüxü̃ idauxü̃gu nixĩ itarüxĩnüexü̃, natürü nagu tarüxĩnüe i ngẽma ñu̱xma tama nüxü̃ idauxü̃. Erü ngẽma ñu̱xma nüxü̃ idauxü̃ rü tama natai, natürü ngẽma ñu̱xma tama nüxü̃ idauxü̃, rü guxü̃gutáma nangẽxmaecha.

Popera ga Yudíugü ga yaxõgüxü̃ca̱x ümatüxü̃ 13:14

Erü ñoma i naanewa tüxü̃́ nataxu ya wüxi ya ĩane ya taguma yarüxoxü̃ne, natürü naxca̱x tadaugü ya yima ĩane ya daxũguxü̃ i naanewa tá tüxü̃́ ngẽxmane.

Popera ga Yudíugü ga yaxõgüxü̃ca̱x ümatüxü̃ 11:16

Natürü nümagü rü nüxü̃́ nangúchaü̃ i ngẽma naane i yexera rümemaexü̃ i daxũwa ngẽxmaxü̃ i Tupanaxü̃tawa. Rü yemaca̱x nixĩ ga Tupana ga tama naxãnexü̃ nax nügü yaxuxü̃ nax norü Tupana yixĩxü̃ rü marü naxca̱x nanamexẽxẽ ga wüxi ga ĩane ya daxũguxü̃ i naanewa ngẽxmane.

Filipenses 1:23

Rü ngẽmaca̱x tama nüxü̃ chacua̱x nax ta̱xacü yixĩxü̃ i cha̱u̱xca̱x rümemaexü̃ i ngẽma taxrewa. Erü ñuxguacü rü chanaxwa̱xe nax chayuxü̃ nax Cristuxü̃tawa changexmaxü̃ca̱x. Rü ngẽma nixĩ i aixcüma yexera rümemaexü̃ i cha̱u̱xca̱x.

Ínachoxü̃xü̃chiga 2:22

Rü ngĩma ga naxma̱x ga Chéfora rü nüxü̃́ ixãxacü. Rü nüma ga Moiché rü Guerchóü̃gu nanaxüéga ga gumá nane. Rü ngẽma naéga rü: “Choma rü tama númacüã̱x chixĩ”, ñaxü̃chiga nixĩ.

Popera ga Yudíugü ga yaxõgüxü̃ca̱x ümatüxü̃ 11:13

Natürü nümagü ga Abráü̃ rü Ichaá rü Acóbu rü nayue, rü tama nüxü̃ nadaugü ga guxü̃ma ga yema Tupana namaxã ixunetaxü̃. Natürü Tupanaaxü̃́ nayaxõgü, rü yemaca̱x yáxü̃wama nüxü̃ nadau nax Tupana yanguxẽẽxü̃ ga yema norü uneta. Rü yemaca̱x nataãẽgü woo nüxü̃ nacua̱xgü nax ñoma to i nachixü̃anecüã̱xrüxü̃ paxaãchimare ñoma ga naanewa nayexmagüxü̃.

Popera ga Yudíugü ga yaxõgüxü̃ca̱x ümatüxü̃ 11:15

Rü yexguma chi nagu naxĩnüegu nax naxca̱x nawoeguxü̃ ga yema naane ga noxri nawa ne naxĩxü̃, rü chi nüxü̃́ nataucha nax marü naxca̱x nawoeguxü̃.