Popera ga Yudíugü ga yaxõgüxü̃ca̱x ümatüxü̃ 11:13 - Tupanaarü Ore

¹³ Natürü nümagü ga Abráü̃ rü Ichaá rü Acóbu rü nayue, rü tama nüxü̃ nadaugü ga guxü̃ma ga yema Tupana namaxã ixunetaxü̃. Natürü Tupanaaxü̃́ nayaxõgü, rü yemaca̱x yáxü̃wama nüxü̃ nadau nax Tupana yanguxẽẽxü̃ ga yema norü uneta. Rü yemaca̱x nataãẽgü woo nüxü̃ nacua̱xgü nax ñoma to i nachixü̃anecüã̱xrüxü̃ paxaãchimare ñoma ga naanewa nayexmagüxü̃.

Popera ga Yudíugü ga yaxõgüxü̃ca̱x ümatüxü̃ 11:13 Referans Kwoze

Popera ga Yudíugü ga yaxõgüxü̃ca̱x ümatüxü̃ 11:27

Rü yema nax Tupanaaxü̃́ yaxõõxü̃ca̱x ínaxũxũ ga Equítuarü naanewa, rü tama naxca̱x namuü̃ nax gumá Equítuanearü ãẽ̱xgacü tá namaxã nanuxü̃. Rü taguma nüxü̃ narüxo ga Tupanawe nax naxũxü̃, yerü Tupana ya ẽxü̃gucüarü ngúchaü̃ naxü. Rü yexguma Tupana namaxã nüxü̃ ixuxgu nax naxüaxü̃ ga Üpetüchiga, rü nayanguxẽxẽ ga yema Tupana nüxü̃ ixuxü̃. Rü nüma ga Moiché rü natanüxü̃ ga Iraétanügüxü̃ namu nax wüxichigü ga ĩpatawa yamáaxü̃ca̱x ga wüxi ga carnéruxacü nax nagümaxã namaxcuãxü̃ca̱x ga napatagüarü ĩã̱xgü nax Tupanaarü orearü ngeruxü̃ i daxũcüã̱x tama nadaiaxü̃ca̱x ga gumá nüxíra bucü ga nane ga wüxichigü ga ĩpatawa.

Wiyaegü 39:12

Pa Cori Pa Tupanax ¡choxü̃́ nüxü̃ naxĩnü i chorü yumüxẽ! ¡Rü choxü̃́ nüxü̃ naxĩnü i ngẽma auãcü cuxna naxca̱x chacaxü̃! ¡Rü taxṹ i cungea̱xmarexü̃ naxca̱x i chorü axu! Erü choma rü cupe̱xewa rü wüxi i tama choxü̃ cucuáxe chixĩ. Rü yema chorü o̱xigü ga nu ne naxĩmarexü̃rüxü̃ chixĩ.

Ore i mexü̃ ga Cuáü̃ ümatüxü̃ 8:56

Perü o̱xi ga Abraáü̃ rü nataãxẽ yerü aixcüma nayaxõ rü tá nax íchanguxü̃ i ñoma i naanewa. Rü yemaxü̃ nacua̱x rü yemaca̱x nataãxẽ —ñanagürü ga Ngechuchu.

Popera ga Yudíugü ga yaxõgüxü̃ca̱x ümatüxü̃ 11:39

Rü guxü̃ma ga yema nũxcümaü̃güxü̃ ga duü̃xü̃gü woo norü õgagu Tupana namaxã nax taãẽxü̃, natürü taxuxü̃ma ga yema duü̃xü̃gü rü nüxü̃ nadau ga yema mexü̃gü ga Tupana namaxã ixunetaxü̃.

Efesios 2:19

Rü ngẽmaca̱x i pemax, rü woo tama Tupanaxü̃ pecua̱xgü ga noxrix, rü woo tama norü duü̃xü̃gü pixĩgü ga yexguma, natürü i ñu̱xmax rü tama ngẽmaãcü pixĩgü. Erü ñu̱xma rü natanüxü̃ pixĩgü i guxü̃ma i ngẽma duü̃xü̃gü i Tupanaarü ixĩgüxü̃. Rü aixcüma Tupanaxacügüxüchi pixĩgü i ñu̱xmax.

Romanos 8:24

Tupana rü marü tüxna nanaxã i maxü̃ i taguma gúxü̃ rü ñu̱xma ítanangu̱xẽxẽ nax naxü̃tawa ingugüxü̃. Natürü nüxü̃ tacua̱x rü ngẽxguma chi marü nüxü̃ idaugügu i ngẽma írüngu̱xẽẽgüxü̃, rü taxuca̱xma tü̱xcüü̃ ítanangu̱xẽẽgü. Erü ngẽma marü nüxü̃ idauxü̃, rü taxuca̱xma ítanangu̱xẽxẽ.

Nüxíraxü̃xü̃ ga popera ga Pedru ümatüxü̃ 2:11

Pa Chauenexẽgü ya Pexü̃ Changechaü̃güxe, ñu̱xma nax paxaãchimare ñoma i naanewa pengẽxmagüxü̃, rü ngẽmaca̱x pexü̃ chaca̱xaxü̃ nax nüxü̃ perüxoexü̃ca̱x i guxü̃ma i ngẽma ngúchaü̃gü i chixexü̃ i ñoma i naanecüã̱x nagu ĩxü̃. Erü ngẽma ngúchaü̃gü rü chixexü̃gu nanagu̱xẽẽchaü̃ i peãxẽ.

Nüxíraxü̃xü̃ ga popera ga Pedru ümatüxü̃ 1:17

Rü pema nax “Pa Tonatüx”, ñapegüxü̃ nüxü̃ ya Tupana, rü ñu̱xma nax ñoma i naanewa pemaxẽxü̃ rü name nixĩ i guxü̃guma naga pexĩnüe rü nüxü̃ pemuü̃exü̃. Erü nüma rü aixcümaxü̃chi nanangugü i wüxichigü i duü̃xü̃güarü maxü̃ rü tüxü̃ napoxcu ya guxãma ya yíxema chixexü̃ ügüxe, rü taxúexü̃ma naxüpetü.

Romanos 4:21

Rü aixcümaxü̃chi nayaxõ nax naporaxü̃ ya Tupana nax yanguxẽẽãxü̃ca̱x i guxü̃ma i ngẽma norü uneta.

Yox 19:25

Rü choma rü nüxü̃ chacua̱x rü yimá choxü̃ ípoxü̃cü rü namaxü̃. Rü nüma tá nixĩ i chauétüwa nachogüxü̃ i ñoma i naanewa.

Naanearü ügüchiga 49:18

“¡Pa Corix, choxü̃ ínapoxü̃!”

Naanearü ügüchiga 47:9

Rü Acóbu nanangãxü̃ rü ñanagürü: —Choma rü 130 ya taunecü marü choxü̃́ nangẽxma nax nuxica ne chanaxũxü̃. Rü yimá chorü taunecügü ga nagu guxchaxü̃gü choxü̃́ yexmacü rü noxretama nixĩ, erü tautama nawa changu ya chorü o̱xigüarü taunecüe̱xpü̱x nax yixĩxü̃ca̱x —ñanagürü.

Naanearü ügüchiga 25:8

Rü nüma rü nayumare, yerü marü nayaxüchi. Rü natanüxü̃ íta̱xgüxü̃gu nayata̱xgü.

Nüxíraxü̃xü̃ ga popera ga Cuáü̃ ümatüxü̃ 3:19

Rü ngẽxguma aixcüma yigü ingechaü̃gügu, rü ngẽmawa nüxü̃ tacua̱x nax tawa nangẽxmaxü̃ i ngẽma ore i aixcüma ixĩxü̃, rü nüxü̃ tacua̱x nax Tupanape̱xewa naxacügü ixĩgüxü̃. Rü woo taãẽwa nagu rüxĩnügu nax tama Tupanaxacü ixĩgüxü̃, natürü nüxü̃ tacua̱x nax taãẽarü yexera yixĩxü̃ ya Tupana rü nüma rü guxü̃xü̃ma nacua̱x.

Ore i mexü̃ ga Matéu ümatüxü̃ 13:17

Rü aixcüma pemaxã nüxü̃ chixu rü muxũchixü̃ ga Tupanaarü orearü uruü̃gü rü muxũchixü̃ ga duü̃xü̃gü ga imecümaxü̃, rü nüxü̃ nadaugüchaü̃ i ngẽma ñu̱xma chauxü̃tawa nüxü̃ pedaugüxü̃. Natürü tama nüxü̃ nadaugü. Rü nüxü̃ naxĩnüechaü̃ i ngẽma ore i ñu̱xma chauxü̃tawa nüxü̃ pexĩnüexü̃. Natürü tama nüxü̃ naxĩnüe —ñanagürü.

Naanearü ügüchiga 49:33

Rü yexguma Acóbu igúegagu ga nanegüxü̃ nax naxucu̱xẽxü̃, rü inayacaãchi rü nayu.

Wiyaegü 119:19

Choma rü ñoma i naanewa rü wüxi i to i nachixü̃anecüã̱x chixĩ. ¡Rü ngẽmaca̱x taxṹ i cha̱u̱xcha̱xwa icuyacúxü̃ i curü mugü!

Iraétanüxü̃arü muxchiga 24:17

Rü nüxü̃ chadau i ta̱xacü i yixcüra tá ngupetüxü̃, natürü taxũtáma paxa ínangu. Rü Iraétanüxü̃tanüwa tá nango̱x i wüxi i ãẽ̱xgacü i ñoma woramacuri ngóxü̃rüxü̃. Rü ngẽma ãẽ̱xgacü rü Moátanüxü̃xü̃ tá nadai rü tá inayanaxoxẽxẽ i guxü̃ma i Chéxtanüxü̃.

Naanearü ügüchiga 49:10

Rü nüma ya Yudá rü taxúetama nüxna tanayaxu i ngẽma norü pora. Rü yimá naixmena̱xã ya norü poraarü cua̱xruxü̃ ya naxme̱xwa ngẽxmane rü taxúetama nüxna tanayaxu ñu̱xmatáta ínangu ya yimá naixmena̱xãarü yora ya guxü̃arü ãẽ̱xgacü ixĩcü. Rü yimága tá nixĩ i naxĩnüexü̃ i guxü̃ma i duü̃xü̃gü.

Ore i mexü̃ ga Cuáü̃ ümatüxü̃ 12:41

Rü yema ñanagürü ga Ichaía yerü yexguma nango̱xetügu marü nüxü̃ nadau nax aixcüma ãẽ̱xgacü ya poracü yixĩxü̃ ya Ngechuchu ya Cristu. Rü yemaca̱x yemaacü nachiga nidexa.

Naanearü ügüchiga 50:24

Rü wüxi ga ngunexü̃ naxü̃pa ga nax nayuxü̃ ga Yúche rü naenexẽgüxü̃ ñanagürü: —Marü taxũtáma nũxcü chayu. Natürü Tupana tá nixĩ ya pexü̃ rüngü̃xẽẽcü. Rü nüma tá nixĩ i pexü̃ ínachoxü̃xẽxẽxü̃ i ñaa nachixü̃anewa nax yema naane ga tórü o̱xigü ga Abraáü̃na, rü Ichaána, rü tanatü ga Acóbuna naxuaxü̃xü̃wa pexĩxü̃ca̱x —ñanagürü.

Naanearü ügüchiga 49:28

Rü yemagü nixĩ ga yema 12 ga Iraétücumügü. Rü yema nixĩ ga yema ore ga nanatü nanegümaxã nüxü̃ ixuxü̃ ga yexguma mexü̃ wüxichigümaxã naxuegugu.

Naanearü ügüchiga 48:21

Rü yemawena rü Yúchexü̃ ñanagürü: —Dücax, choma rü tá chayu, natürü ya Tupana rü tá pemaxã nangẽxma rü naxca̱x tá pexü̃ nawoeguxẽxẽ i ngẽma perü o̱xigüarü naane.

Ínachoxü̃xü̃chiga 2:22

Rü ngĩma ga naxma̱x ga Chéfora rü nüxü̃́ ixãxacü. Rü nüma ga Moiché rü Guerchóü̃gu nanaxüéga ga gumá nane. Rü ngẽma naéga rü: “Choma rü tama númacüã̱x chixĩ”, ñaxü̃chiga nixĩ.

Lebítanüxü̃arü puracüchiga 25:23

Rü tama name i guxü̃guca̱x ngẽma naanemaxã petaxe. Erü ngẽma naane rü choxrü nixĩ, rü pema rü paxaãchimare nawa pengẽxmagü ñoma duü̃xü̃gü i chauxü̃ta naxĩanexü̃rüxü̃.

2 Corintios 4:18

Rü tama ngẽma ñu̱xma nüxü̃ idauxü̃gu nixĩ itarüxĩnüexü̃, natürü nagu tarüxĩnüe i ngẽma ñu̱xma tama nüxü̃ idauxü̃. Erü ngẽma ñu̱xma nüxü̃ idauxü̃ rü tama natai, natürü ngẽma ñu̱xma tama nüxü̃ idauxü̃, rü guxü̃gutáma nangẽxmaecha.

2 Corintios 5:6

Rü ngẽmaca̱x taxuca̱xma taxoegaãẽgü. Erü nüxü̃ tacua̱x rü ñu̱xma nax ñaa toxonewa tangexmagüxü̃ rü taxucürüwama tórü Corixü̃tawa tangexmagü i daxũguxü̃ i naanewa.

Popera ga Yudíugü ga yaxõgüxü̃ca̱x ümatüxü̃ 11:14

Rü nümagü nax ngẽma ñagüxü̃ rü ngẽmawa meama tüxü̃ nüxü̃ nacua̱xẽxẽ nax ñu̱xma rü ta naxca̱x nadaugüxü̃ i wüxi i to i nachixü̃ane nax noxrü yixĩxü̃ca̱x.

Popera ga Yudíugü ga yaxõgüxü̃ca̱x ümatüxü̃ 11:17

Rü Tupana ga noxri rü Abraáü̃maxã nüxü̃ nixu rü ñanagürü: “Cune ya Ichaáwa tá cuxü̃́ nangẽxma i muxũchixü̃ i cutaagü”, ñanagürü. Rü Abráü̃ rü nayaxõ nax Tupana tá yanguxẽẽxü̃ ga yema namaxã inaxunetaxü̃ nax nane ga Ichaáwa tá nüxü̃́ nangẽxmaxü̃ i muxũchixü̃ i nataagü. Natürü yexguma Tupana nüxü̃ ixuxgu rü Ichaáca̱x nüxna nacaxgu nax naxca̱x yamáaxü̃ca̱x, rü nüma ga Abráü̃ rü Tupanaxü̃́ nayaxõ rü tama nüxna nanachu̱xu. Rü ínamemare nax Tupanaca̱x yamáaxü̃ ga gumá nane ga nügümaxã wüxicacü.

Nüxíraxü̃xü̃ ga popera ga Pedru ümatüxü̃ 1:1

Pa Chauenexẽgüx, choma i Pedru ya Ngechuchu ya Cristu choxü̃ muxü̃, rü pexü̃ charümoxẽ i pemax nax perü naanena to i nachixü̃anegügu pewoonexü̃, rü ñu̱xma Póntoanewa rü Gárataanewa rü Capadochíaanewa rü Áchiaanewa rü Bitíniaanewa ngẽxmagüxe.

Naanearü ügüchiga 21:34

Rü yemaacü ga nüma ga Abraáü̃ rü mucüma ga taunecü Firitéugüarü naanewa namaxü̃.

Iraétanüxü̃arü muxchiga 10:30

Natürü nüma ga Obáx rü nanangãxü̃ rü ñanagürü: —Taxũtáma cuwe charüxũ erü ngẽma choma chanaxwa̱xexü̃ nixĩ nax chautanüxü̃ ingexmagüxü̃ca̱x chataeguxü̃ —ñanagürü.