Popera ga Yudíugü ga yaxõgüxü̃ca̱x ümatüxü̃ 11:12 - Tupanaarü Ore

¹² Rü yemaacü ga Abráü̃ rü woo marü yaxguã̱xü̃chi nax yixĩxü̃, natürü nüxü̃́ nayexma ga wüxi ga nane, rü gumáwa ne naxĩ ga muxü̃ma ga nataagü ga ñoma ẽxtagürüxü̃ muxũchixü̃, rü ñoma márpechinüwa ngẽxmacü ya naxnücü ya taxuacüma yaxugücürüxü̃ nixĩgü.

Popera ga Yudíugü ga yaxõgüxü̃ca̱x ümatüxü̃ 11:12 Referans Kwoze

Naanearü ügüchiga 32:12

Cuma rü marü meama chomaxã nüxü̃ quixu rü tá choxna nax cudauxü̃ nax ngẽmaãcü taxuxü̃ma choxü̃ üpetüxü̃ca̱x rü ngẽmaãcü i chautaagü rü ñoma márpechinüwa ngẽxmacü ya naxnücüte̱xerüxü̃ namuxũchixü̃ca̱x, rü ngẽmaãcü düxwa taxucürüwa texé yaxugüxü̃ca̱x —yemaacü nayumüxẽ.

Ochéa 1:10

Natürü wüxi i ngunexü̃gu i ngẽma Iraétanüxü̃ rü tá namuxũchi ñoma naxnecü i márpechinüwa ngẽxmacürüxü̃. Rü ngẽmaca̱x taxucürüwa texé tayaxugü nax ñuxre yixĩxü̃. Rü woo noxri pemaxã nüxü̃ chixu nax tama chorü duü̃xü̃gü pixĩgüxü̃, natürü wüxi i ngunexü̃ rü choma ya Tupana ya Maxü̃cü tá pemaxã nüxü̃ chixu nax chorü duü̃xü̃gü pixĩgüxü̃.

Yeremía 33:22

Rü yima chorü duü̃ i Dabítaagü rü ngẽma chorü puracütanüxü̃ i Lebítaagü rü tá chanamuxẽxẽ nax ñoma ẽxtagü i dauxü̃wa ngẽxmagücürüxü̃ namuxü̃ca̱x rü ñoma naxnücüte̱xe i márpechinüwa ngẽxmagüxü̃rüxü̃ namuxü̃ca̱x. Rü ngẽmaca̱x taxúexü̃táma natauxcha nax tayaxugüxü̃” —ñanagürü.

Naanearü ügüchiga 15:5

Rü ñu̱xũchi ga Cori ya Tupana rü düxétüwa Abráü̃xü̃ naga, rü ñanagürü nüxü̃: —¡Dücax, mea daxũgu nadawenü rü yaxugü ya ẽxtagü ega cuxü̃́ natauxchagu nax cuyaxugüxü̃! Rü ngẽxgumarüxü̃ tá ta nixĩ nax namuxü̃ i cutaagü —ñanagürü.

Naanearü ügüchiga 26:4

Rü tá chayamuxẽxẽ i cutaagü, rü ñoma ẽxtagü ya daxũwa mucürüxü̃ tá nixĩ nax namuxũchixü̃. Rü tá nüxna chanaxã i guxü̃táma i ñaa naane. Rü naétü tá cutaagügagu nüxü̃ charüngü̃xẽxẽxü̃ i guxü̃ma i nachixü̃anegü i ñoma i naanewa ngẽxmagüxü̃. Erü cunatü ga Abraáü̃ rü chauga naxĩnü rü nayanguxẽxẽ ga yema namaxã nüxü̃ chixuxü̃, rü chorü mugü, rü chorü ucu̱xẽgü, rü chorü ngu̱xẽẽtaegü —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:8

Rü nüma i Chataná rü tá ínaxũxũ nax yawomüxẽẽãxü̃ca̱x i guxü̃ma i nachixü̃anegü i ñoma i naanewa ngẽxmagüxü̃. Rü tá nanawomüxẽxẽ i Góx rü Magóx nax ngẽmagüxü̃ namuxü̃ca̱x nax nanutaque̱xeãxü̃ca̱x i norü churaragü nax nügü nada̱i̱xü̃ca̱x. Rü ngẽma norü churaragü, rü ñoma márcutüarü naxnecüchicute̱xerüxü̃ namuxũchi.

Ichaía 10:22

Pa Iraétanüxü̃x, woo curü duü̃xü̃gü rü namuxũchi ñoma naxnecüchicute̱xe i márpechinüwa ngẽxmacürüxü̃, rü ngẽmatanüwa rü noxre tátama nixĩ i Tupanaca̱x woeguxü̃. Rü ngẽma poxcu rü marü naxuegu nagagu i ngẽma chixexü̃ i pexüxü̃.

Ínachoxü̃xü̃chiga 32:13

¡Rü nüxna nacua̱xãchi ga gumá curü duü̃ ga Abraáü̃, rü Ichaá, rü Iraé ga Acóbugu ãégacü! Rü gumagümaxã nixĩ ga cugüégagutama cunaxueguxü̃ nax nüxü̃ curüngü̃xẽẽxü̃ rü ñacuxü̃: “Rü tá nüxü̃ charüngü̃xẽxẽxü̃ i petaagü rü tá namuxũchi ẽxtagürüxü̃, rü guxü̃ma i ñaa naane i pemaxã chaxueguxü̃ rü tá pexrü nixĩ i guxü̃gutáma”, ñacurügü —ñanagürü ga Moiché.

Ichaía 48:19

Rü yexguma chi naga pexĩnüegu ga chorü mugü rü ngẽma petaagü rü chi namuxũchi ñoma márwa ngẽxmacü ya naxnecürüxü̃, rü choma rü taguchima pexü̃ chadai, rü taguchima pexna chixũgachi.

Neemía 9:23

Rü ñu̱xũchi namaxã cunaxuegu nax yamuxacüxü̃ca̱x ñoma ẽxtagü ya daxũwa ngẽxmagücürüxü̃. Rü nawa cunagagü ga torü o̱xigü nax napugüãxü̃ca̱x ga yema naane ga noxri norü o̱xigümaxã cuxueguxü̃ nax norü yixĩgüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 27:23

Rü nüma ga Dabí rü tama nayaxugü ga yema tauta 20 ga taunecü nüxü̃́ yexmagüxü̃, yerü Cori ya Tupana rü marü nanaxuegu nax yamuxẽẽãxü̃ ga yema Iraétanüxü̃, ñoma ẽtagü ya daxũguxü̃ i naanewa ngẽxmagücürüxü̃.

Nüxíraxü̃xü̃ ga popera ga ãẽ̱xgacügüchiga 4:20

Rü Yudáanewa rü Iraéanewa rü namuxũchima ga norü duü̃xü̃gü ñoma naxnecüte̱xe i márpechinüwa ngẽxmacürüxü̃. Rü taguma nataxu ga õna rü axexü̃, rü ga duü̃xü̃gü rü nataãẽgü.

2 Chamué 17:11

Rü ngẽma ñu̱xma cumaxã nüxü̃ chixuxü̃ nixĩ nax cugüxü̃tagu cungutaque̱xexẽẽxü̃ i guxü̃ma i Iraétanüxü̃. Rü Dáü̃anewa inaxügü rü ñu̱xmata Bechébaanewa nangu rü ngẽmaãcü tá namuxũchi i Iraétanüxü̃ i ñoma márcutüwa ngẽxmacü ya naxnücüte̱xerüxü̃. Rü ngẽma daiwa rü name nixĩ i cuma namaxã icucua̱x.

1 Chamué 12:5

Rü nüma ga Chamué rü ñanagürü: —Ñu̱xma rü nüma ya Cori ya Tupana, rü yimá ãẽ̱xgacü ya nüma nüxü̃ naxunetacü nixĩ ya nüxü̃ ĩnüecü nax pema rü taxuxü̃ma i chixexü̃ chowa ipeyangauxü̃ —ñanagürü. Rü nüma ga duü̃xü̃gü rü ñanagürügü: —Aixcüma ngẽmaãcü nixĩ —ñanagürügü.

Ãẽ̱xgacügü ga guxchaxü̃güarü mexẽxẽruü̃gü 7:12

Rü yema Madiáü̃tanüxü̃ rü Amaréxtanüxü̃ rü yema duü̃xü̃gü ga éstewaama ne ĩxü̃ rü yema doxonexü̃gu nügü nawoonemare ñoma munügürüxü̃. Rü namuxũchi ga norü caméyugü ñoma naxnücüte̱xe ya márcutüwa ngẽxmacürüxü̃.

Yochué 11:4

Rü guxü̃ma ga yema ãẽ̱xgacügü rü inaxĩãchi namaxã ga norü churaragü, rü norü cowarugü, rü naweü̃gü ga daiwa namaxã naxĩxü̃ne. Rü yema churaragü rü namuxũchi ñoma naxnücüte̱xe i márcutüwa ngẽxmacürüxü̃.

Wenaxarü naxümatü ga Tupanaarü mugü 28:62

Rü cumax, Pa Iraéx, ga cutanüxü̃ ga noxri ñoma ẽxtagü i daxũwa ngẽxmagüxü̃rüxü̃ muxũchixü̃, rü wüxi i natücumü i íxraxü̃xü̃ tá nixĩ. Rü ngẽma tá nangupetü namaxã i cutanüxü̃ erü tama Cori ya curü Tupanaga cuxĩnü.

Wenaxarü naxümatü ga Tupanaarü mugü 1:10

Rü nüma ya Cori ya tórü Tupana rü pexü̃ nimuxẽxẽ, rü ngẽmaca̱x i ñu̱xma i pemax rü ñoma ẽxtagü ya daxũguxü̃ i naanetüwewa ngẽxmagücürüxü̃ pimuxũchi.

Romanos 9:27

Rü Iraétanüxü̃chiga rü ta nidexa ga Tupanaarü orearü uruxü̃ ga Ichaía rü ñanagürü: “Rü woo namuxũchichire̱x i Yudíugü yimá naxnücü ya márpechinüwa yimácürüxü̃, natürü noxre tátama nixĩ i aixcüma nayauxgüxü̃ i maxü̃ i taguma gúxü̃. Rü paxa tá ínangu ya tórü Cori nax napoxcueãxü̃ca̱x i guxü̃ma i ngẽma tama noxrü ixĩgüxü̃”, ñanagürü ga Ichaía.

Abacú 1:9

Rü ngexta íyaxĩẽtanüxü̃wa rü nayachixexẽẽgü i guxü̃ma rü muü̃ ínanguxẽẽgü. Rü yíxema duü̃xẽgü ya tüxü̃ ínayauxü̃xe rü tamuxũchi ñoma naxnücü ya márpechinüwa ngẽxmacürüxü̃.