Popera ga Yudíugü ga yaxõgüxü̃ca̱x ümatüxü̃ 10:7 - Tupanaarü Ore

⁷ Rü yemaca̱x rü ñacharügü: ‘Pa Chaunatüx, daxe chixĩ, rü nua cupe̱xewa changexma nax chanaxüxü̃ca̱x i curü ngúchaü̃, ngẽma curü orewa chauchiga naxümatüxü̃rüxü̃’, ñachagürü”.

Popera ga Yudíugü ga yaxõgüxü̃ca̱x ümatüxü̃ 10:7 Referans Kwoze

Ore i mexü̃ ga Cuáü̃ ümatüxü̃ 4:34

Natürü ga Ngechuchu rü ñanagürü nüxü̃: —Chorü õna nixĩ nax chanaxüxü̃ i norü ngúchaü̃ ya yimá nua choxü̃ mucü, rü nax chayanguxẽẽxü̃ i norü puracü.

Ore i mexü̃ ga Cuáü̃ ümatüxü̃ 6:38

Yerü tama choxrütama ngúchaü̃ nax chaxüxü̃ca̱x nixĩ nax daxũguxü̃ ga naanewa ne chaxũxü̃. Natürü núma chaxũ nax chanaxüxü̃ca̱x i norü ngúchaü̃ ya Chaunatü ya núma choxü̃ mucü.

Ore i mexü̃ ga Cuáü̃ ümatüxü̃ 5:30

Choma rü taxucürüwa ta̱xacü chaxü chauechamatama ega tama choxü̃ naxüxẽẽãgu ya Chaunatü. Rü Chaunatü chomaxã nüxü̃ ixuxü̃ãcüma nixĩ i nüxna chacaxü̃ i duü̃xü̃gü i norü maxü̃chiga. Rü ngẽxguma nüxna chacaxgu rü aixcüma meama chanangugü i duü̃xü̃gü. Erü tama choxrütama ngúchaü̃ nixĩ i ngẽma chaxüxü̃, natürü Chaunatü ya nua choxü̃ mucüarü ngúchaü̃ nixĩ i ngẽma chaxüxü̃.

Yeremía 36:2

—¡Ẽcü nayaxu i wüxi i popera i dixpütaxü̃ rü ngẽmagu naxümatü i guxü̃ma i ngẽma ore i cumaxã nüxü̃ chixuxü̃ i Iraéanecüã̱xgüchiga, rü Yudáanecüã̱xgüchiga, rü ngẽma togü i nachixü̃anecüã̱xgüchiga! ¡Rü ngẽxma naxümatü ga yema ore ga cumaxã nüxü̃ chixuxü̃ ga yexguma Yochía ãẽ̱xgacü ixĩxgu rü ñu̱xmata nawa nangu i ngẽma ore i ñu̱xma cumaxã nüxü̃ chixuxü̃!

Naanearü ügüchiga 3:15

Rü ñu̱xma rü pemaxã chanaxuegu nax cuma rü ngẽma nge rü pegümaxã perüxuanügüxü̃. Rü ngẽxgumarüxü̃ ta i cuxacügü rü ngĩxacügü rü tá nügümaxã narüxuanügü. Rü yimá ngĩne rü tá cuxü̃ nipúmüeru rü cuma rü tá cunangõ̱xchinecutü —ñanagürü.

Ucu̱xẽgüchiga 8:31

Namaxã chataãxẽ ga ñoma ga naane ga naxüxü̃, rü namaxã chataãxẽ ga gumá yatü ga nango̱xẽẽãcü.

Édra 6:2

Rü yema popera ga nagu naxümatüxü̃ ga yema Chíruarü mugü rü nüxü̃ inayangaugü nagu ga guma ãẽ̱xgacüpata ga ĩane ga Ebatánawa yexmane ga Médiaanewa.

Ichaía 50:5

Rü Tupana rü choxü̃ nangu̱xẽxẽ nax naga chaxĩnüxü̃ca̱x. Rü taguma namaxã chanuama rü taguma nüxü̃ chaxo.

Echequié 2:9

Rü ñu̱xũchi nüxü̃ chadau ga wüxi ga naxme̱x ga wüxi ga popera ga ãmatüxü̃ ga rübuxü̃ ngexü̃ne nax choxna naxããxü̃ca̱x.

Echequié 3:1

Yexguma rü choxü̃ ñanagürü: —Cuma Pa Yatüx, ¡nangõ̱x i ñaa popera i ãmatüxü̃, rü ñu̱xũchi Iraétanüxü̃maxã nüxü̃ yarüxu i chorü ore! —ñanagürü choxü̃.