Popera ga Yudíugü ga yaxõgüxü̃ca̱x ümatüxü̃ 10:36 - Tupanaarü Ore

³⁶ Rü ngẽma guxchaxü̃gü i pexca̱x íngugüxü̃, rü name nixĩ i yáxna namaxã pexĩnüe nax penaxüxü̃ca̱x i Tupanaarü ngúchaü̃ rü penayaxuxü̃ca̱x i ngẽma ãmare i pemaxã inaxunetaxü̃.

Popera ga Yudíugü ga yaxõgüxü̃ca̱x ümatüxü̃ 10:36 Referans Kwoze

Popera ga Yudíugü ga yaxõgüxü̃ca̱x ümatüxü̃ 12:1

Rü yema muxü̃ma ga duü̃xü̃gü ga Tupanaaxü̃́ yaxõgüxü̃ ga yuexü̃, rü ñu̱xma torü ngaicamana nangẽxmagü nax tórü cua̱xruü̃gü yixĩgüxü̃ca̱x. Rü ngẽmaca̱x i ñu̱xmax, ¡rü ngĩxã nüxü̃ tarüxoe i guxü̃ma i ngẽma guxchaxü̃gü rü pecadugü i tüxü̃́ naguxchaxẽẽxü̃ nax mea yaxõgüxü̃! ¡Rü ngĩxã pora taxüe nax nawa ingugüxü̃ca̱x i ngẽma maxü̃ i tape̱xewaama ngẽxmaxü̃!

Wiyaegü 37:7

Rü name nax cungea̱xmarexü̃ nape̱xewa ya Cori ya Tupana. ¡Rü yáxna naxĩnü! Rü nüma rü tá cuxü̃ narüngü̃xẽxẽ. ¡Rü taxṹ i quixãũãchixü̃ ega ngẽma chixexü̃ ügüxü̃ rü namuarü ngẽmaxü̃ã̱xgügu rü mea yaxũxgu i ngẽma nagu naxĩnüexü̃!

1 Corintios 13:7

Rü yíxema aixcüma tüxü̃́ nangẽxmaxẽ i ngechaü̃ rü nüxü̃ tarüngüma i guxü̃ma i guxchaxü̃gü, rü guxü̃guma tayaxõ, rü guxü̃guma mexü̃gu tarüxĩnü, rü guxü̃ma i guxchaxü̃gümaxã yáxna taxĩnü.

Ore i mexü̃ ga Luca ümatüxü̃ 21:19

Rü ngẽxguma aixcüma peyaxõgüamagu rü tama choxü̃ ípeta̱xgu, rü tá penayauxgü i maxü̃ i taguma gúxü̃.

Popera ga Yudíugü ga yaxõgüxü̃ca̱x ümatüxü̃ 6:15

Rü Abraáü̃ rü meama ínanangu̱xẽxẽ ga gumá nane ga Tupana namaxã ixunetacü. Rü yemaca̱x nabu ga gumá nane ga Ichaá ga Tupana namaxã nüxü̃ ixucü.

Romanos 2:7

Rü maxü̃ i taguma guxü̃maxã Tupana tá tüxü̃́ nanaxütanü ya yíxema guxü̃guma mexü̃ taxügüãcüma naxca̱x daugüxe nax Tupana tümamaxã taãẽxü̃ rü naxca̱x daugüxe nax Tupanaxü̃tawa tangugüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:12

Rü ngẽmaca̱x ya yíxema Tupanaarü duü̃xü̃gü ixĩgüxe rü mea norü orega ĩnüexe rü name nixĩ nax yáxna namaxã taxĩnüexü̃ i tümaarü guxchaxü̃gü rü Ngechuchuaxü̃́ nax tayaxõgüamaxü̃.

Nüxíraxü̃xü̃ ga popera ga Cuáü̃ ümatüxü̃ 2:17

Natürü ñoma i naane rü guxü̃ma i ngẽma ngúchaü̃gü i chixexü̃gü i nawa ngẽxmagüxü̃ rü tá narüxo. Natürü yíxema Tupanaga ĩnüxe rü guxü̃gutáma tamaxü̃.

Gálatas 6:9

Rü ngẽmaca̱x tama name nax nüxü̃ rüchauexü̃ nax mexü̃ ixüexü̃. Rü ngẽxguma tama nüxü̃ rüchauegu nax mexü̃ ixügüxü̃, rü ngẽxguma Tupanaxü̃tawa ingugügu rü mexü̃ tá tayaxu.

Ore i mexü̃ ga Matéu ümatüxü̃ 10:22

Rü chaugagu tá guxü̃ i duü̃xü̃gü pexchi naxaie. Natürü yíxema aixcüma yaxṍxe rü tama choxü̃ ítáxe, rü yíxema tá tixĩ ya nayaxúxe i maxü̃ i taguma gúxü̃.

Colosenses 1:11

Rü nüxna naxca̱x tacagü nax norü pora i mexẽchixü̃maxã pexü̃ naporaexẽẽxü̃ca̱x nax ngẽmaãcü guxü̃ma i guxchaxü̃gümaxã peporaexü̃ca̱x rü yáxna namaxã pexĩnüexü̃ca̱x rü petaãẽgüxü̃ca̱x.

Romanos 8:25

Natürü ngẽxguma tauta nüxü̃ idaugügu i ngẽma írüngu̱xẽẽgüxü̃, rü name nax mea ínangu̱xẽẽgüxü̃ ñu̱xmata nüxü̃ idaugü woo ngúxü̃ ingegügu.

Popera ga Yudíugü ga yaxõgüxü̃ca̱x ümatüxü̃ 9:15

Rü ñu̱xma nax tórü pecaduca̱x nayuxü̃ ga Ngechuchu ya Cristu, rü nüma nixĩ i tórü ngü̃xẽẽruxü̃ i Tupanape̱xewa, ngẽma Tupanaarü uneta i ngexwaca̱xü̃xü̃ nüxü̃ ixuxü̃rüxü̃. Rü ñu̱xma i yixema nax Tupana tüxü̃ dexü̃, rü tüxü̃́ nangẽxma i maxü̃ i taguma gúxü̃ yerü Cristu rü marü nayu nax tüxü̃ ínanguxü̃xẽxẽxü̃ ga yema pecadugü ga taxügüxü̃ ga yexguma yema nüxíraxü̃xü̃ ga unetatüxü̃wa tayexmagügu.

Colosenses 3:24

Rü marü nüxü̃ pecua̱x rü daxũguxü̃ i naanewa rü tórü Cori ya Cristu tá pexna nanaxã i perü ãmare i maxü̃ i taguma gúxü̃. Erü yimá Cristu ya aixcüma perü Cori ixĩcüaxü̃́ nixĩ i pepuracüexü̃.

Popera ga Yudíugü ga yaxõgüxü̃ca̱x ümatüxü̃ 6:12

Rü tama tanaxwa̱xe nax nüxü̃ perüxoetanücüüxü̃ nax Cristuwe perüxĩxü̃. Natürü name i naxrüxü̃ pixĩgü i ngẽma duü̃xü̃gü i guxü̃guma mea yaxõgüãcüma Cristuwe rüxĩãmaxü̃ rü nayauxgüxü̃ i guxü̃ma i ngẽma mexü̃gü ga Tupana namaxã ixunetaxü̃.

Efesios 6:6

Rü tama name ega perü corigü pexü̃ dawenüguxicatama mea nüxü̃́ pepuracüe nax ngẽmaãcü pemaxã nataãẽxü̃ca̱x. Natürü ñu̱xma nax Cristuarü duü̃xü̃gü pixĩgüxü̃, rü name nixĩ i guxü̃ma i perü ngúchaü̃maxã penaxü i ngẽma Tupana pexü̃́ naxwa̱xexü̃.

Romanos 12:2

Rü tama name i ñoma i naanecüã̱x i duü̃xü̃gücümagu pexĩ. Natürü name nixĩ i Tupanana pegü pexãgü nax nüma pexü̃ naxüchicüüxü̃ca̱x rü ngexwaca̱xü̃xü̃ i peãxẽ pexü̃́ ngẽxmaxü̃ca̱x. Rü ngẽmaãcü tá nüxü̃ pecua̱x i ta̱xacü nixĩ ya Tupana pexü̃́ naxwa̱xexü̃, rü ta̱xacü nixĩ i nape̱xewa mexü̃, rü ta̱xacü nixĩ i namaxã nataãẽxü̃ rü ta̱xacü nixĩ i aixcüma mexü̃.

Ore i mexü̃ ga Matéu ümatüxü̃ 24:13

Natürü yíxema naétüwa mea Tupanaaxü̃́ yaxõõmáxẽ rü yíxema tá tixĩ ya aixcüma nayaxúxe i maxü̃ i taguma gúxü̃.

Popera ga Yudíugü ga yaxõgüxü̃ca̱x ümatüxü̃ 6:17

Rü yemaca̱x ga Tupana rü yexguma inaxunetagu namaxã ga yema duü̃xü̃gü ga nayauxgüxü̃ tá ga yema ngü̃xẽxẽ ga Tupana nüxna ãxchaü̃xü̃, rü nügüégagutama inaxuneta, yerü nanaxwa̱xe nax meama nüxü̃ nacua̱xgüxü̃ nax aixcüma tá yangu̱xẽẽãxü̃ rü tagutáma naxüchicüüãxü̃ ga yema uneta ga namaxã nüxü̃ yaxuxü̃.

Colosenses 4:12

Rü ngẽxgumarüxü̃ ta pexü̃ narümoxẽ i Epáparu. Rü nüma rü petanüxü̃ nixĩ, rü aixcüma nanaxü i Cristuarü puracü. Rü nüma rü guxü̃guma norü yumüxẽwa Tupanaxü̃ naca̱xaxü̃ pexca̱x nax tama nüxna pixĩgachixü̃ca̱x i norü ore rü peyaxõgüamaxü̃ca̱x rü aixcüma penaxüxü̃ca̱x i ngẽma Tupanaarü ngúchaü̃.

Ngechuchuarü ngúexü̃gü ga yamugüxü̃arü puracüchiga 13:22

Rü yemawena ga Tupana rü ínanata̱xüchi ga Chaú, rü Dabíxü̃ naxuneta nax gumá Iraétanüxü̃arü ãẽ̱xgacü yixĩxü̃ca̱x. Rü Dabíxü̃ nixuchiga ga Tupana, rü ñanagürü: “Nüxü̃ chadau rü Dabí ya Ichaxí nane rü wüxi ya yatü ya poraãcü choxü̃́ ngúchaü̃cü nixĩ. Rü nüma tá nanaxü i guxü̃ma i ngẽma choma chanaxwa̱xexü̃”, ñanagürü ga Tupana.

Ore i mexü̃ ga Cuáü̃ ümatüxü̃ 7:17

Ngẽxguma texé naxüxchaü̃gu i Tupanaarü ngúchaü̃ rü tá nüxü̃ tacua̱x rü aixcüma Tupanaxü̃tawa chanayaxu i ngẽma chorü ngu̱xẽẽtae rü ẽ̱xna chaugüxü̃tawatama chanayaxu i ngẽma.

Ore i mexü̃ ga Luca ümatüxü̃ 8:15

Natürü gumá triguchire ga mexü̃ ga waixü̃mügu yixü̃ne, rü ngẽma nixĩ i duü̃xü̃gü i aixcüma taãẽãcü nayauxgüxü̃ i Tupanaarü ore, rü naga ĩnüexü̃, rü mea naxca̱x maxẽxü̃. Rü ngẽma nixĩ i duü̃xü̃gü i aixcüma Tupanawe rüxĩxü̃ rü naxügüxü̃ i ngẽma nüma nanaxwa̱xexü̃.

Ore i mexü̃ ga Matéu ümatüxü̃ 21:31

Rü ñu̱xma, Pa Chacherdótegüarü Ãẽ̱xgacügü rü Yudíugüarü Ãẽ̱xgacügüx, ¡rü chomaxã nüxü̃ pixu rü ngexcürüücü ga gumá taxre ga nane ga aixcüma naxücü ga yema nanatü naxwa̱xexü̃! —ñanagürü. Rü nümagü nanangãxü̃gü rü ñanagürügü: —Gumá nüxíra namuãcü nixĩ ga naga ĩnücü —ñanagürügü. Rü yexguma ga Ngechuchu rü ñanagürü nüxü̃: —Aixcüma pemaxã nüxü̃ chixu rü ngẽma yatügü i Rómaarü ãẽ̱xgacüca̱x diẽru ngĩxü̃ dexü̃ rü ngẽma ngexü̃gü i naxü̃nemaxã taxexü̃ tá nixĩ i nüxíra pexü̃pa ichocuxü̃ ya Tupana ãẽ̱xgacü íxĩxü̃wa.

Ore i mexü̃ ga Matéu ümatüxü̃ 12:50

Erü guxãma ya texé ya naxǘxe i Chaunatü ya daxũgucüarü ngúchaü̃, rü yíxema tixĩ ya chauenexẽ rü chaueya̱x rü chaué —ñanagürü ga Ngechuchu.

Ore i mexü̃ ga Matéu ümatüxü̃ 7:21

Rü tama guxü̃ma i duü̃xü̃gü i nügü ixugüxü̃ nax chorü duü̃xü̃gü yixĩgüxü̃ rü tá nichocu i ngextá Tupana ãẽ̱xgacü ixĩxü̃wa. Rü yíxema aixcüma Chaunatü ya dauxü̃gucüarü ngúchaü̃ ügüxexicatama tá tixĩ i ngéma ichocuxe.

Wiyaegü 40:1

Choma rü íchananguxẽxẽ nax choxü̃ nangü̃xẽẽxü̃ca̱x ga Cori ya Tupana. Rü nüma rü nüxü̃ naxĩnü ga chorü yumüxẽ.

1 Tesalonicenses 1:3

Rü guxü̃guma i ngẽxguma Tanatü ya Tupanamaxã tidexagügu, rü nüxna tacua̱xãchie nax aixcüma mea peyaxõgüãcüma penaxüxü̃ i Tupanaarü puracü, rü nüxü̃ pengechaü̃güãcüma togüxü̃ perüngü̃xẽẽxü̃. Rü mea ípenangu̱xẽẽxü̃ ya tórü Cori ya Ngechuchu ya Cristu rü ngẽmaca̱x yáxna namaxã pexĩnüe i ngẽma ngúxü̃ i ñu̱xma pingegüxü̃.

Ngechuchuarü ngúexü̃gü ga yamugüxü̃arü puracüchiga 13:36

Rü yexguma namaxü̃xgu ga Dabí, rü nüxü̃ narüngü̃xẽxẽ ga norü duü̃xü̃gü, yexgumarüxü̃ ga Tupana namuxü̃. Natürü nayu, rü nanatüxü̃tagu rü naéxü̃tagu nata̱x ga naxü̃ne, rü niyixi.

Ore i mexü̃ ga Márcu ümatüxü̃ 3:35

Erü guxãma ya texé ya naxǘxe i Tupanaarü ngúchaü̃, rü yíxema tixĩ ya chauenexẽ rü chaueya̱x rü chaué —ñanagürü.

Romanos 12:12

Rü name nixĩ i taãẽãcü ípenangu̱xẽxẽ ñu̱xmata penayaxu i ngẽma Cristu nüxü̃ unetaxü̃. Rü ngẽxguma ngúxü̃ pexca̱x ínguxgu, rü name nixĩ i yáxna namaxã pexĩnüe. Rü name nixĩ i guxü̃guma peyumüxẽgü.

Popera ga Yudíugü ga yaxõgüxü̃ca̱x ümatüxü̃ 11:39

Rü guxü̃ma ga yema nũxcümaü̃güxü̃ ga duü̃xü̃gü woo norü õgagu Tupana namaxã nax taãẽxü̃, natürü taxuxü̃ma ga yema duü̃xü̃gü rü nüxü̃ nadau ga yema mexü̃gü ga Tupana namaxã ixunetaxü̃.