Popera ga Yudíugü ga yaxõgüxü̃ca̱x ümatüxü̃ 10:30 - Tupanaarü Ore

³⁰ Rü meama nüxü̃ tacua̱x rü Tupana rü ñanagürü: “Choma nixĩ i nüxü̃ chacuáxü̃ nax ta̱xacü tá namaxã chaxüxü̃ i ngẽma chixexü̃ ügüxü̃. Rü aixcüma tá chanapoxcue”, ñanagürü. Rü yexgumarüxü̃ ta ñanagürü: “Choma tátama nixĩ i nüxna chaca̱xaxü̃ i chorü duü̃xü̃gü i norü maxü̃chiga”, ñanagürü.

Popera ga Yudíugü ga yaxõgüxü̃ca̱x ümatüxü̃ 10:30 Referans Kwoze

Romanos 12:19

Pa Chauenexẽgü ya Pexü̃ Changechaü̃güxe, tama name i pegütama pexütanü ega texé ta̱xacürü chixexü̃ pexca̱x ínguxẽẽgu. Natürü name nixĩ i Tupaname̱xẽgu penaxǘ i ngẽma nax nüma napoxcuãxü̃ca̱x. Erü Tupanaarü ore i ümatüxü̃wa rü ñanagürü: “Cho̱xme̱xwa nangẽxma nax duü̃xü̃güxü̃ chapoxcuxü̃ i norü chixexü̃ca̱x. Rü choma tá nüxü̃́ chanaxütanü i ngẽma duü̃xü̃ i chixexü̃ üxü̃”, ñanagürü ya tórü Cori.

Naúü̃ 1:2

Rü nüma ya Cori ya Tupana rü poraãcü nüxü̃́ tachu̱xu ya yíxema nüxü̃ ngechaü̃güxe rü tüxü̃ napoxcue ya yíxema tama naga ĩnüxe. Rü ngẽma norü uanügümaxã rü nanu.

Wiyaegü 50:4

Rü Tupana naxca̱x nangema i dauxü̃wa ngẽxmaxü̃ i naane rü ñoma i naane nax nüxü̃ nadaugüxü̃ca̱x i ngẽxguma norü duü̃xü̃gü i Iraécüã̱xgüxü̃ yacagügu.

2 Corintios 5:10

Erü guxãtáma i yixema rü Cristupe̱xewa tá tangugü nax wüxichigü nayaxuxü̃ca̱x i ngẽma tüxna üxü̃. Rü ngẽxgumarüxü̃ nax ñuxãcü mea imaxẽxü̃ rüe̱xna chixexü̃gu imaxẽxü̃ ga yexguma ñoma ga taxünewa iyexmagügu, rü ngẽmaãcü tá tüxna nanaxã ya wüxichigü.

Wiyaegü 135:14

Rü nüma ya Cori ya Tupana rü aixcümama mea namaxã inacua̱x rü mea nüxna nadau i norü duü̃xü̃gü. Rü nüxü̃́ nangechaü̃tümüxü̃gü i ngẽma norü duü̃xü̃gü.

Romanos 13:4

Erü nüma i ãẽ̱xgacü rü Tupanaarü ngü̃xẽẽruxü̃ nixĩ rü ngẽmaca̱x nanamu nax cuxü̃ nangü̃xẽẽxü̃ca̱x. Natürü ngẽxguma chixexü̃ cuxü̱xgu, rü ngẽxguma tá nixĩ i nüxü̃ cumuü̃xü̃. Erü nüma i ãẽ̱xgacü rü tama natüca̱xma nixĩ nax nüxü̃́ nangẽxmaxü̃ i pora nax cuxü̃ napoxcuxü̃. Erü woetama Tupana nanamu nax napoxcuãxü̃ca̱x i ngẽma duü̃xü̃ i chixexü̃ ügüxü̃.

Ichaía 61:2

Rü choxü̃ namu nax nüxü̃ chixuxü̃ca̱x rü daa nixĩ ya taunecü ya Tupana nüxü̃ unetacü nax nagu tüxü̃ ínanguxü̃xẽẽxü̃ rü nadaiaxü̃ i tórü uanügü. Rü choxü̃ namu nax tüxü̃ chataãẽxẽẽgüxü̃ca̱x ya guxãma ya yíxema ngechaü̃güxe.

Echequié 18:30

Rü dücax, Pa Iraétanüxü̃, rü choma rü wüxíechigüna tá chaca naxca̱x i ngẽma chixexü̃ i pexügüxü̃. Rü choma ya Cori ya Tupana nixĩ i pemaxã nüxü̃ chixuxü̃ i ngẽma. ¡Rü wüxicana nüxna pixĩgachitanü i ngẽma perü chixexü̃gü nax ngẽmaãcü tama ngẽma perü chixexü̃gagu pepoxcuexü̃ca̱x!

Echequié 34:17

Rü choma ya Cori ya Tupana rü ñachagürü: —¡Iperüxĩnüe, Pa Chorü Carnérugüx! Choma rü tá pemaxã nüxü̃ chixu i nacüma i mexü̃ nax nagu tá pexĩxü̃ i pema i carnérugü rü chíbugü. Rü pema nax pemecümaxü̃ rü tá pexü̃ íchapoxü̃ nüxna i ngẽma chixecümaxü̃.

Ichaía 63:4

Rü marü nawa nangu i ngunexü̃ nax chanaxütanüxü̃ i chorü duü̃xü̃gü nax íchananguxü̃xẽẽxü̃ca̱x.

Ichaía 59:17

Wüxi i churara rü nicuxcuchi i norü churarachiru rü nananucu i norü poxü̃ruxü̃ nax inawéãxü̃ca̱x i norü pora. Rü nüma ya Tupana rü ngẽxgumarüxü̃ ta inanawe̱x i norü pora. Rü inanawe̱x i nacüma i aixcüma we̱xguxü̃, rü norü pora i namaxã ínanguxü̃xẽẽãxü̃ i norü duü̃xü̃gü. Rü inanawe̱x i norü pora i namaxã napoxcueãxü̃ i ngẽma norü duü̃xü̃güarü uanügü, erü poraãcü nüxü̃́ nachu̱xu i norü duü̃xü̃gü.

Wiyaegü 94:1

¡Rü cugü inawe̱x, Pa Cori Pa Tupanax! Erü cuxme̱xwa nixĩ i nangẽxmaxü̃ nax poxcu namaxã cuxueguxü̃ i ngẽma chixexü̃ ügüxü̃.

Lebítanüxü̃arü puracüchiga 19:18

Rü tama name nax namaxã cunuxwa̱xexü̃ i cutanüxü̃ rü bai nax naxchi cuxaixü̃. ¡Rü cumücüxü̃ nangechaü̃, ñoma cugütama cungechaü̃xü̃rüxü̃! Rü choma nixĩ ya Cori ya Tupana.

1 Chamué 25:26

Natürü nüma ya Cori ya Tupana rü tama nanaxwa̱xe nax nua cuxũxü̃ nax cunadaixü̃ca̱x i ngẽma duü̃xü̃gü naxca̱x i ngẽma guxchaxü̃ i naxügüxü̃. Rü Tupanana naxca̱x chaca nax napoxcueãxü̃ i guxü̃ma i ngẽma curü uanügü, rü guxü̃ma i ngẽma chixexü̃maxã cuxü̃ itoxyepe̱xegüxü̃, Nabáxrüxü̃.

1 Chamué 26:10

Rü Cori ya Tupanaégagu cumaxã nüxü̃ chixu, rü nüma ya Tupana tá nixĩ i norü maxü̃ nüxna nayaxuxü̃, rü nayumarexü̃ rüe̱xna daigu nayuxü̃.