Popera ga Yudíugü ga yaxõgüxü̃ca̱x ümatüxü̃ 10:27 - Tupanaarü Ore

²⁷ Rü ngẽmaca̱x yíxema Cristuna ixũgachixe rü ngẽma tüxü̃ ínangu̱xẽẽxü̃ nixĩ i ngẽma ãũcümaxü̃ i poxcu ya yima üxü ya iya̱u̱xrane ya nagu Tupana tá napoxcuexü̃ i norü uanügü.

Popera ga Yudíugü ga yaxõgüxü̃ca̱x ümatüxü̃ 10:27 Referans Kwoze

Ichaía 26:11

Rü cumax, Pa Corix, rü marü naxca̱x icunamexẽxẽ i ngẽma norü poxcu, natürü i nümagü rü tama nüxü̃ nacua̱xgüéga. Natürü ngẽxguma nüxü̃ nadaugügu i ngẽma curü ngechaü̃ i taxü̃ naxca̱x i curü duü̃xü̃gü i mea maxẽxü̃, rü tá naxãnee. ¡Chierüx cuma rü curü nuarü üxüemamaxã cunadaixgu i ngẽma curü uanügü!

Popera ga Yudíugü ga yaxõgüxü̃ca̱x ümatüxü̃ 2:3

Rü yexguma yemaacü napoxcueãgu ga yema duü̃xü̃gü ga tama naga ĩnüexü̃, ¿rü ñuxũcürüwa i yixema i na̱xcha̱xwa ibuxmüxü̃ nax tama tüxü̃ napoxcuexü̃ca̱x ega nüxü̃ ixoegu i ngẽma maxü̃ i mexẽchixü̃ i ñu̱xma Cristugagu tüxna uaxü̃xü̃? Rü nümatama ya tórü Cori nixĩ ga nüxíra naxunagüãxü̃ ga yema maxü̃, rü ñu̱xũchi yixcama nixĩ ga yema nüxü̃ ĩnüexü̃ ga nüxĩ́ mea tüxü̃ nüxü̃ nacua̱xẽẽxü̃ nax aixcüma yixĩxü̃ i tüxü̃́ nangẽxmaxü̃ i ngẽma maxü̃.

Chofonía 1:18

Rü ngẽma Cori ya Tupanaarü ngunexü̃ i ãũcümaxü̃ i nagu norü numaxã duü̃xü̃güxü̃ napoxcuexü̃, rü woo i norü diẽru rü woo i norü úiru rü taũxtáma naétüwa nachogü, erü ngẽma Cori ya Tupanaarü poxcu i üxüema rü guxü̃táma i nachixü̃anexü̃ nigu. Rü guxü̃táma i ngẽma duü̃xü̃gü i ñoma i naanewa maxẽxü̃ rü wüxiü̃cüxü tá inayarüxo.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:15

Rü guma naxtaxa ga üxümaxã iya̱u̱xrachiünewa nawoü̃ ga yema tama nawa ngo̱xégagüxü̃ i Tupanaarü popera i nagu yawǘgüxü̃ i ngẽma nüxü̃́ ngẽxmagüxü̃ i maxü̃ i taguma gúxü̃.

Popera ga Yudíugü ga yaxõgüxü̃ca̱x ümatüxü̃ 12:25

Rü ngẽmaca̱x name nixĩ i pexuãẽgü nax tama nüxü̃ pexoexü̃ca̱x ya yimá Tupana ya ñu̱xma tamaxã idexacü. Rü yema nũxcümaü̃güxü̃ ga duü̃xü̃gü ga Moichéwe rüxĩxü̃ rü taxucürüwa Tupanacha̱xwa nibuxmü nax tama napoxcueãxü̃ca̱x ga yexguma Tupanaxü̃ naxoegu. Rü ñu̱xma ega nüxü̃ ixoegu ya Cristu i daxũguxü̃ i naanewa tüxü̃ ucu̱xẽcü, rü yexeraãcü tüxü̃́ naguxcha nax Tupanaarü poxcucha̱xwa ibuxmüxü̃ nax tama tüxü̃ napoxcuexü̃ca̱x.

Popera ga Yudíugü ga yaxõgüxü̃ca̱x ümatüxü̃ 9:27

Rü ngẽxgumarüxü̃ nax wüxicanatama nayuexü̃ i duü̃xü̃gü rü ngẽmawena Tupana tá nüxü̃ nicagü, rü yexgumarüü̃tama ga Cristu rü wüxicanatama nügü inaxã rü nayu nax naxütanüxü̃ca̱x i muxü̃ma i duü̃xü̃güarü pecadugü. Rü nüma ya Cristu rü wena tá núma naxũ, natürü tama pecaduarü ütanüwa. Rü tá núma naxũ nax namaxẽxẽẽãxü̃ca̱x i guxü̃ma i duü̃xü̃gü i aixcüma ínangu̱xuxẽẽgüxü̃.

Ore i mexü̃ ga Matéu ümatüxü̃ 8:29

Rü yema taxre rü aita naxüe, rü ñanagürügü: —¿Tü̱xcüü̃ toxü̃ nua cuyachixewe, Pa Ngechuchu ya Tupana Nanex? ¿Ẽ̱xna nua cuxũ nax toxü̃ ícuyawoxü̃xü̃ca̱x tauta nawa nanguyane nax Tupana toxü̃ poxcuexü̃? —ñanagürügü.

Naúü̃ 1:2

Rü nüma ya Cori ya Tupana rü poraãcü nüxü̃́ tachu̱xu ya yíxema nüxü̃ ngechaü̃güxe rü tüxü̃ napoxcue ya yíxema tama naga ĩnüxe. Rü ngẽma norü uanügümaxã rü nanu.

Popera ga Chantiágu ümatüxü̃ 5:3

Perü úiru rü perü diẽru rü ngẽxma naxãü̃tanü. Rü ngẽma norü ãü̃tanü rü wüxi i perü cua̱xruxü̃ tá nixĩ nax pema rü tá ta ipeyarütauxexü̃ ñoma ta̱xacü üxüwa ixaxü̃rüxü̃. Tupana ngĩxü̃ nadau i perü diẽru i ngĩmaxã penguxü̃marecü, rü ngẽmaca̱x tá pepoxcue i naanearü gu̱xgu.

Popera ga Yudíugü ga yaxõgüxü̃ca̱x ümatüxü̃ 12:29

Erü tórü Tupana, rü wüxi ya üxü ya guxü̃ma ixaxẽẽcü nixĩ.

Ore i mexü̃ ga Matéu ümatüxü̃ 25:41

Rü ñu̱xũchi i Ãẽ̱xgacü, rü ñanagürü tá nüxü̃ i ngẽma to̱xwewa ngẽxmagüxü̃: “¡Choxna pixĩgachi i pema i perü chixexü̃ca̱x poxcuexe! ¡Rü ngéma pexĩ nawa ya yimá üxü ya taguma ixoxü̃ne ya Tupana ímexẽẽ́ne naxca̱x i ngo̱xo i Chataná rü norü duü̃xü̃gü!

Ore i mexü̃ ga Matéu ümatüxü̃ 13:42

Rü tá üxüxétüwa nayawocu. Rü ngéma tá naxauxe rü tá nixü̃́xchapütagü.

Ore i mexü̃ ga Matéu ümatüxü̃ 3:12

Rü nüma rü marü ínamemare nax ñoma i naanewa yadexechiãxü̃ca̱x i norü duü̃xü̃gü ñoma wüxi i yatü trigu naatüna idexechixü̃rüxü̃. Rü ngẽmaãcü tá nayadexechi i ngẽma noxrü ixĩgüxü̃ nax naxü̃tawa nangẽxmagüxü̃ca̱x, natürü ngẽma tama noxrü ixĩgüxü̃ rü tá ínanagu nawa ya yimá üxü ya taguma ixoxü̃ne”, ñanagürü ga Cuáü̃.

Ore i mexü̃ ga Matéu ümatüxü̃ 3:10

Rü Tupanaarü yuema rü marü íimemare nax naxchúma̱xãgu nadaxü̃xü̃ca̱x i ngẽma nanetügü i tama mexü̃. Rü guxü̃ma i nanetügü i chixearü oóxü̃ rü tá nadaxü̃, rü ñu̱xũchi tá üxüwa niwocu.

Maraquía 4:1

Rü nüma ya Cori ya Tupana ya Guxãétüwa Ngẽxmacü rü ñanagürü: —Rü ningaica i ngẽma ngunexü̃ i ãũcümaxü̃ i nagu tá chanapoxcuexü̃ i ngẽma chixexü̃ ügüxü̃ ñoma üxüemawa yaxaexü̃rüxü̃. Rü guxü̃ma i ngẽma duü̃xü̃gü i nügü írütagüxü̃ rü chixexü̃ ügüxü̃ rü ñoma maxẽ i pacü i üxüxétüwa yata̱xcuchichapa̱xacürüxü̃ tá nixĩgü. Rü ngẽma ngunexü̃gu rü guxü̃táma nixae rü taxuxü̃táma ínayaxügü.

Chofonía 3:8

¡Rü ngẽmaca̱x choxü̃ ípeyangu̱xẽxẽ ñu̱xmata nawa nangu i ngẽma ngunexü̃ i nagu tá pexna naxca̱x chaca̱xü̃ i perü chixexü̃gü! Rü choma ya Cori ya Tupana rü ñachagürü: “Wüxigu tá chanangutaque̱xexẽxẽ i guxü̃ma i nachixü̃anecüã̱xgü rü guxü̃ma i ãẽ̱xgacügü nax chanapoxcuexü̃ca̱x naxca̱x i ngẽma chixexü̃ i naxügüxü̃. Rü guxü̃táma i ñoma i naane rü tá inayarüxo rü ngẽma chorü üxüema tá nayagu”, ñachagürü.

Joel 2:30

Rü daxũwa rü tá chanango̱xẽxẽ i ta̱xacü i taguma texé nüxü̃ dauxü̃. Rü ñoma i naanewa rü tá poraãcü nagü inaba. Rü tá nixa ya ĩanegü. Rü ngéma rü tá taxü̃ i caxixü̃ naxĩnagüema.

Ochéa 10:8

Rü tá nagu napogüe i napatagü i ngẽma tupananetagü ga Iraéanecüã̱xgü chixexü̃ nawa ügüxü̃. Rü ngẽma norü ãmarearü guruü̃güétüwa tá narüxügü i chuxchuxü̃gü rü toragü. Rü nüma i ngẽma duü̃xü̃gü rü tá ngẽma ngüchitaerugüxü̃ ñanagürügü: “¡Toétüwa pebuemügü!” ñanagürügü. Rü yima ma̱xpǘnegüxü̃ tá ñanagürügü: “¡Toétügu peyi!” ñanagürügü —ñanagürü ga Ochéa.

Echequié 38:19

Rü chauégagu nüxü̃ chixu rü ngẽma ngunexü̃gu rü chorü numaxã tá nangẽxma i wüxi i taxü̃ i ĩã̱xãchiane i Iraéanewa.

Echequié 36:5

Erü Cori ya Tupana rü ñanagürü: Choma rü chorü numaxã chidexa ga yexguma poxcu namaxã chaxueguxgu ga yema togü ga nachixü̃anegü. Rü yexera yema Edóü̃chixü̃aneca̱x nixĩ i ngẽma poxcu yerü taãẽãcüma nügüaxü̃́ nanayauxgü ga chorü naane rü ñu̱xũchi chorü duü̃xü̃gü ga Iraétanüxü̃xü̃ nacugüeãcüma norü naanegüwa nayabuxgü ga nanetügüarü o rü nayagagü ga naxü̃nagü’ ” —ñanagürü.

Yeremía 4:4

Pa Yudáanecüã̱xgüx rü Pa Yerucharéü̃cüã̱xgüx, ngẽma chixexü̃ i perü maxü̃wa ngẽxmaxü̃ ¡rü pegüwa nüxü̃ pexoó nax tama ngẽma perü chixexü̃gagu pexna nanguxü̃ca̱x i chorü nu, ñoma üxüema inaixü̃ i taxucürüwama texe ixoxẽẽxü̃rüxü̃! —ñanagürü.

Ichaía 33:14

Rü Chióü̃wa nidu̱xruxe i ngẽma chixexü̃gu maxẽxü̃. Rü ngẽma tama yaxõgüxü̃ rü poraãcü namuü̃e rü ñanagürügü: —¿Texé chi i tatanüwa tamaxama naétüwa ya yima üxü ya tüxü̃ iguxü̃ne ya guxü̃guma inaiechane? —ñanagürügü.

Wiyaegü 21:9

Pa Tupanax, ngẽxguma núma cuxũxgu rü ñoma wüxi i guruü̃wa yaguxü̃rüxü̃ tá ícunagu i curü uanügü. Rü curü numaxã tá üxüwa cuyawocu nax ngẽxma yanaxogüxü̃ca̱x i ngẽma curü uanügü.

Wenaxarü naxümatü ga Tupanaarü mugü 32:43

Pa Togü i Duü̃xü̃gütücumügüx, rü name nixĩ i wüxigu Cori ya Tupanaarü duü̃xü̃gümaxã petaãẽgü. Erü nüma ya Cori ya Tupana rü tá naxütanü naxca̱x i ngẽma norü duü̃xü̃gü i yuexü̃. Rü tá nanadai i norü uanügü. Rü tá nüxü̃́ nüxü̃ narüngüma i norü duü̃xü̃güarü chixexü̃, rü tá naxca̱x nayataanexẽxẽ i norü naane —ñanagürü ga Moiché.

Iraétanüxü̃arü muxchiga 16:35

Rü ñu̱xũchi nüma ga Cori ya Tupana rü üxüema yéma namu, rü ínanagu ga yema 250 ga yatügü ga norü pumarate̱xe Cori ya Tupanaca̱x yéma igugüxü̃.

Ore i mexü̃ ga Luca ümatüxü̃ 23:30

Rü ngẽxguma ínangugügu i ngẽma ngunexü̃gü rü duü̃xü̃gü rü tá ma̱xpǘnegüxü̃ naca̱a̱xü̃gü rü ñanagürügü tá: “¡Toétügu rübuemü!” ñanagürügü tá. Rü tá ngüchitaerugüxü̃xü̃ naca̱a̱xü̃gü, rü ñanagürügü tá: “¡Toxü̃ idüxétügü!” ñanagürügü tá.

Ore i mexü̃ ga Luca ümatüxü̃ 21:26

Rü duü̃xü̃gü rü norü muü̃maxã tá niyuãchitanü i ngẽxguma nüxü̃ nadaugügu i ngẽma tá üpetüxü̃ i ñoma i naanewa. Erü woo guxü̃ma i ta̱xacü i daxũwa nüxü̃ idauxü̃ rü tá naxĩã̱xãchitanü rü tá nu ne nanaxĩmare.

Ore i mexü̃ ga Luca ümatüxü̃ 19:27

Rü yema chorü uanügü ga tama naxwa̱xegüxü̃ nax norü ãẽ̱xgacüxü̃ chixĩxü̃, ¡rü nua penagagü, rü nua chopexegu peyadai!” —ñanagürü.

Ore i mexü̃ ga Luca ümatüxü̃ 16:24

Rü yexguma ga yema yatü ga noxri diẽruã̱xü̃chixü̃ rü aita naxü rü ñanagürü: “Pa O̱xi Pa Abraáü̃x, ¡cuxü̃́ changechaü̃tümüxü̃, rü nua namu ya Lácharo nax dexámaxã nügü yawaixpe̱xeme̱xẽãcüma choxü̃ yanawaixpe̱xearü conüã́xü̃ca̱x! Erü poraãcü choxü̃́ nangu̱x i nua üxüwa”, ñanagürü.

1 Chamué 2:25

Rü ngẽxguma wüxi i duü̃xü̃ rü to i duü̃xü̃maxã chixexü̃ uxgux rü nangẽxma i norü mexẽẽruxü̃. Natürü ngẽxguma wüxi i duü̃xü̃ Tupanape̱xewa chixexü̃ uxgux ¿rü texé tá tanamexẽxẽ i ngẽma? —ñanagürü. Natürü ga nümagü ga nanegü rü tama naga naxĩnüechaü̃, yerü ga Tupana rü marü namaxã nanaxuegu ga nax nadaiaxü̃.

Ore i mexü̃ ga Cuáü̃ ümatüxü̃ 5:29

Rü naxmaü̃güwa tá ínachoxü̃ i ngẽma yuexü̃. Rü ngẽma mea maxẽxü̃, rü tá ínarüdagü nax nayauxgüãxü̃ca̱x i maxü̃ i taguma gúxü̃. Natürü ngẽma chixexü̃ ügüxü̃, rü tá ínarüdagü nax napoxcuexü̃ca̱x.