Popera ga Yudíugü ga yaxõgüxü̃ca̱x ümatüxü̃ 10:24 - Tupanaarü Ore24 Rü ñu̱xma rü name nixĩ i naxca̱x idaugüxü̃ nax wüxichigü yigü rüngü̃xẽẽgüxü̃ nax yexeraãcü yigü íngechaü̃güxü̃ca̱x rü mexü̃ ixügüxü̃ca̱x. Gade chapit la |
Tama wüxi i mu nixĩ i ngẽma pemaxã nüxü̃ chixuxü̃. Natürü chanaxwa̱xemare nax nüxü̃ pecuáxü̃ nax ñuxãcü taãẽãcüma ngĩxü̃ inaxãgüxü̃ ga togü ga yaxõgüxü̃. Rü pemaxã nüxü̃ chixu i ngẽma nax pema rü ta ngĩxü̃ ipexãgüxü̃ca̱x i ngẽma diẽru i togü i taenexẽgüarü ngü̃xẽẽca̱x ixĩcü, nax ngẽmaãcü ipenawéxü̃ca̱x nax aixcüma nüxü̃ pengechaü̃güxü̃.
Erü marü nüxü̃ chacua̱x rü perü ngúchaü̃maxã ipenaxã i ngẽma diẽru. Rü guxü̃guma taãẽãcüma ngẽma yaxõgüxü̃ i Machedóniaanewa ngẽxmagüxü̃maxã nüxü̃ chixu nax ñuxãcü i pema i Acáyaanewa ngẽxmagüxe rü taunecü ga ngupetücügu marü ípememarexü̃ nax ngĩxü̃ ipexãgüxü̃ i ngẽma diẽru. Rü yema rümumaexü̃ ga yaxõgüxü̃ ga Machedóniaanecüã̱x, rü yexguma nüxü̃ naxĩnüegu nax ñuxãcü taãẽãcüma togüca̱x ngĩxü̃ nax ipexãgüxü̃ i perü diẽru, rü nümagü rü ta inanaxügü nax ngĩxü̃ inaxãgüxü̃.
Rü ngẽma ngexü̃gü i yaxguã̱xgü rü name nixĩ i mea nax nangúexẽẽãxü̃ i ngẽma ngexü̃gü i paxü̃gü nax aixcüma natexü̃ rü naxacügüxü̃ nangechaü̃güxü̃ca̱x, rü mea naãẽxü̃ nacua̱xgüxü̃ca̱x, rü mexü̃guxicatama nax naxĩnüexü̃ca̱x, rü mea napatana nadaugüxü̃ca̱x, rü guxü̃ i duü̃xü̃gümaxã namecümagüxü̃ca̱x, rü aixcüma natega naxĩnüexü̃ca̱x nax taxúema chixri Tupanaarü orechiga idexagüxü̃ca̱x.
Rü yexguma natanüwa chayexmagu ga yema duü̃xü̃gü ga norü õwa turaexü̃, rü choma rü ta yema duü̃xü̃gümaxã chaugü chawüxiguxẽxẽ, nax yemaacü nüxü̃ charüngü̃xẽẽxü̃ca̱x nax Cristuaxü̃́ yaxõgüãxü̃ca̱x. Rü yemaacü guxü̃ma ga duü̃xü̃gürüxü̃ chaugü chixĩxẽxẽ, rü naguxü̃raü̃ãcüma naxca̱x chadau nax yemaacü düxwa Tupanaxü̃tawa chanagagüxü̃ca̱x ga ñuxre ga nümagü.
Rü guxü̃guma i ngẽxguma Tanatü ya Tupanamaxã tidexagügu, rü nüxna tacua̱xãchie nax aixcüma mea peyaxõgüãcüma penaxüxü̃ i Tupanaarü puracü, rü nüxü̃ pengechaü̃güãcüma togüxü̃ perüngü̃xẽẽxü̃. Rü mea ípenangu̱xẽẽxü̃ ya tórü Cori ya Ngechuchu ya Cristu rü ngẽmaca̱x yáxna namaxã pexĩnüe i ngẽma ngúxü̃ i ñu̱xma pingegüxü̃.