Popera ga Yudíugü ga yaxõgüxü̃ca̱x ümatüxü̃ 10:22 - Tupanaarü Ore

²² Rü ngẽmaca̱x tanaxwa̱xe i Tupanamaxã tixaixcümagü nax nüxü̃ rüxoexü̃ i tórü chixexü̃gü. Rü tanaxwa̱xe nax aixcüma nüxü̃́ yaxõgüxü̃, rü torü maxü̃newa nax nataxuxü̃ma i chixexü̃, rü taxü̃negü rü mechiüxü̃ i dexáwa yayauxgüxü̃. Rü ngẽmaãcü tanaxwa̱xe i Tupanana ingaicamagüxü̃.

Popera ga Yudíugü ga yaxõgüxü̃ca̱x ümatüxü̃ 10:22 Referans Kwoze

Echequié 36:25

Rü dexá i mechiüxü̃wa tá pexü̃ chixaiyagü. Rü guxü̃ma i perü chixexü̃wa tá pexü̃ chingematagüxẽxẽ. Rü ngẽma nax tupananetagümaxã petupanaã̱xgüxü̃ rü tá nüxna pexü̃ chixĩgachixẽxẽ nax ngẽmaãcü aixcüma pimexü̃ca̱x.

Ore i mexü̃ ga Cuáü̃ ümatüxü̃ 3:5

Rü Ngechuchu nanangãxü̃ rü ñanagürü: —Rü aixcüma cumaxã nüxü̃ chixu rü yíxema tama nüxü̃ rüxoxe i tümaarü pecadu rü íbaie rü tama Tupanaãxẽ i Üünexü̃wa nayaxúxe i maxü̃ i ngexwaca̱xü̃xü̃, rü taxucürüwama Tupana ãẽ̱xgacü ixĩxü̃wa tixücu.

Nüxíraxü̃xü̃ ga popera ga Pedru ümatüxü̃ 3:21

Rü ngẽma dexá rü wüxi i cua̱xruxü̃ nixĩ. Erü ngẽxguma ngẽma dexáwa íibaiegu, rü duü̃xü̃güxü̃ nüxü̃ tacua̱xẽxẽ nax Tupanaga taxĩnüexü̃ nax tüxü̃́ nangẽxmaxü̃ i maxü̃ i taguma gúxü̃. Rü tama taxü̃nearü düxétüwa nax imexü̃ca̱x nixĩ i íibaiexü̃, natürü ítabaie erü marü Tupanana naxca̱x taca nax tüxü̃́ iyanaxoxẽẽãxü̃ca̱x i tórü pecadugü rü Ngechuchu ya Cristu wena maxü̃xü̃gagu nape̱xewa imexü̃ca̱x rü mexü̃gu rüxĩnüexü̃ca̱x.

Efesios 5:26

Rü yemaacü nanaxü ga Cristu nax nügüxü̃́ tüxü̃ yaxüünexẽẽxü̃ca̱x i guxãma i yixema nax yaxõgüxü̃. Rü norü oremaxã rü ngẽma dexá i nawa íibaiü̃xü̃maxã tüxü̃ nimexẽẽgü nax nape̱xewa imexü̃ca̱x.

1 Corintios 6:11

Rü yexgumarüü̃tama pixĩgü ga ñuxre ga pema ga ü̃pax. Natürü i ñu̱xma ya Tupana rü marü pexü̃́ ínanapi i perü chixexü̃ nax noxrüxicatama pixĩgüxü̃ca̱x. Rü ñu̱xma rü nape̱xewa pime yerü Naãxẽ ya Üünexü̃ rü tórü Cori ya Ngechuchu ya Cristuégagu marü perü pecaduna pexü̃ ínanguxü̃xẽxẽ.

2 Corintios 7:1

Pa Chauenexẽgü ya Pexü̃ Changechaü̃güxex, ngẽmagü nixĩ i Tupanaarü unetagü i marü tüxü̃́ ngẽxmagüxü̃. Rü ngẽmaca̱x tanaxwa̱xe nax yigüna idaugüxü̃ nax tama taxünemaxã rü ẽ̱xna taãẽmaxã naxüxü̃ca̱x i ngẽma Tupanape̱xewa tama mexü̃. Rü tanaxwa̱xe i Tupanaxü̃ imuü̃exü̃ rü nüxna yigü ixãgüxü̃ nax naxca̱xicatama imaxẽxü̃ca̱x.

Popera ga Yudíugü ga yaxõgüxü̃ca̱x ümatüxü̃ 4:16

Rü ñu̱xma nax tüxü̃́ nangẽxmaxü̃ ya tórü ngü̃xẽẽruxü̃ ya Ngechuchu, rü tüxü̃́ natauxcha nax tama imuü̃eãcüma nüxna ingaicamaxü̃ ya tórü Tupana ya tüxü̃ ngechaü̃cü nax ngẽmaãcü nüma nüxü̃́ ingechaü̃tümüxü̃güxü̃ca̱x rü tüxü̃ nangechaü̃ãcüma tüxü̃ nangü̃xẽẽxü̃ca̱x i ngẽxguma guxchaxü̃gü taxca̱x ínguxgu.

Popera ga Yudíugü ga yaxõgüxü̃ca̱x ümatüxü̃ 12:24

Rü marü naxca̱x pexĩ ya Ngechuchu ga taxca̱x yucü nax tüxü̃ namaxẽxẽẽxü̃ca̱x, ngẽma Tupanaarü uneta i ngexwaca̱xü̃xü̃ tamaxã nüxü̃ ixuxü̃rüxü̃. Rü nüma rü nagümaxã pexü̃́ iyanaxoxẽxẽ ga perü chixexü̃gü nax aixcüma Tupanape̱xewa pimexü̃ca̱x. Rü gumá nagü ga nũxcümaü̃cü ga Abé rü naxca̱x ínaca nax nayuxü̃ ga yema yamáxü̃, natürü yimá nagü ya Cristu rü tüxna nanaxã i maxü̃ i taguma gúxü̃.

Popera ga Títoca̱x naxümatüxü̃ ga Pauru 3:5

Rü woo tama ta̱xacürü mexü̃ nax ixügüxü̃, natürü tüxü̃ namaxẽxẽxẽ yerü nüxü̃́ tangechaü̃tümüü̃gü. Rü Naãxẽ ya Üünexü̃arü poramaxã tüxü̃ namaxẽxẽxẽ, rü tüxü̃́ nanayauxgü i tórü pecadugü, rü tüxna nanaxã i ngexwaca̱xü̃xü̃ i tórü maxü̃.

Wiyaegü 73:28

Natürü i chomax rü yexeraãcü tá cuxna changaixcama. Erü ngẽma nixĩ i cha̱u̱xca̱x rümemaexü̃. Rü cumax, Pa Cori Pa Tupanax, rü chorü poxü̃ruxü̃ quixĩ. Rü ngẽmaca̱x tá nüxü̃ chixuchiga i guxü̃ma i ngẽma cha̱u̱xca̱x cuxüxü̃.

Nüxíraxü̃xü̃ ga popera ga Pedru ümatüxü̃ 1:2

Rü pexü̃ nixĩ ga nadexü̃ ga Tanatü ya Tupana, yerü woetama yema nixĩ ga nũxcümaxü̃chima nagu naxĩnüxü̃. Rü nüma ya Tupana rü Naãxẽ ya Üünecümaxã pexü̃ nimexẽẽgü nax nape̱xewa pixüünegüxü̃ca̱x rü Ngechuchu ya Cristuga nax pexĩnüexü̃ca̱x rü nagümaxã nax piyauxgüxü̃ca̱x nax nataxuxü̃ca̱x i perü chixexü̃gü. Rü chanaxwa̱xe i Tanatü ya Tupana poraãcü pexü̃ narüngü̃xẽxẽ rü pexü̃ nataãẽgüxẽxẽ.

Efesios 3:12

Rü ñu̱xma nax Cristuarü duü̃xü̃gü ixĩgüxü̃ rü nüxü̃́ nax yaxõgüxü̃, rü tüxü̃́ natauxcha nax Tupanana ingaicamagüxü̃ rü taxuca̱xma nüxü̃ nax imuü̃exü̃.

Popera ga Chantiágu ümatüxü̃ 4:8

¡Tupanana pengaicamagü! Rü nüma rü tá ta pexna nangaicama. Rü pemax, Pa Pecaduã̱xgüxü̃x, ¡nüxü̃ perüxoe i pecüma i chixexü̃! Rü pemax, i Tupanawe rüxĩxchaü̃xẽ natürü ñoma i naanewe rü ta rüxĩxchaü̃xẽ, ¡penamexẽxẽ̱x i perü maxü̃ nax Tupanaca̱xicatama pemaxẽxü̃ca̱x!

Popera ga Yudíugü ga yaxõgüxü̃ca̱x ümatüxü̃ 9:19

Rü Moiché rü guxü̃ma ga duü̃xü̃güpe̱xewa nüxü̃ nixu ga guxü̃ma ga Tupanaarü mugü. Rü yemawena nanayaxu ga nagü ga wocaxacügü rü chíbuxacügü, rü dexámaxã nanaxüéü̃. Rü ñu̱xũchi nanayaxu ga wüxi ga nai ga ichópuchacüxü, rü tüa̱xmü ga dauxü̃ne nagu nanabagümü. Rü yemamaxã gumá nagüwa nanacúe rü ñu̱xũchi nanamaxcuétü ga yema popera ga Tupanaarü mugü nawa yexmaxü̃. Rü yexgumarüxü̃ ta nayamaxcutanü ga guxü̃ma ga duü̃xü̃gü.

Ore i mexü̃ ga Matéu ümatüxü̃ 3:11

Choma rü dexáwamare pexü̃ íchabaiü̃xẽxẽ nax nüxü̃ perüxoexü̃ i pecüma i chixexü̃. Natürü yimá choweama ne ũcü rü choxü̃ narüporamaexü̃chi. Rü choma rü nape̱xewa rü taxuwama chame rü bai i norü chapatuarü ngewa chamexü̃. Rü nüma rü üxüemaãcü tá petanüwa nanamu i Tupanaãxẽ ya Üünecü.

Echequié 16:9

Rü yexguma cubuxgu cuxü̃ chaxaiya, rü cuxü̃ íchapixine ga nax cunagüxünexü̃, rü ñu̱xũchi cuxü̃ chapumaraxü̃ne.

Yeremía 24:7

Rü cua̱x tá nüxna chaxã nax ngẽmaãcü choxü̃ nacua̱xgüxü̃ca̱x nax choma chixĩxü̃ ya Cori ya Tupana. Rü nümagü rü chorü duü̃xü̃gü tá nixĩgü, rü choma rü tá norü Tupana chixĩ erü guxü̃ma i norü ngúchaü̃maxã tá cha̱u̱xca̱x nawoegu.

Lebítanüxü̃arü puracüchiga 8:6

Rü nüma ga Moiché rü Aróü̃maxã rü nanegümaxã nüxü̃ nixu nax naxca̱x naxĩxü̃ca̱x. Rü Tupanape̱xewa dexámaxã nayayauxgü.

Popera ga Chantiágu ümatüxü̃ 1:6

Natürü ngẽxguma naxca̱x ítacaxgu rü tanaxwa̱xe nax aixcüma tayaxõõcüma naxca̱x ítaca̱xaxü̃. Rü tama name i nagu tarüxĩnüxü̃ nax taxũtáma tanayaxuxü̃. Erü yíxema tama mea yaxṍxe, rü ñoma már arü yuape i buanecü guxü̃wama cuexü̃rüxü̃ tixĩ.

Ucu̱xẽgüchiga 23:26

Pa Chaunex, ¡aixcüma chauga naxĩnü rü nagu ixũ i chaucüma!

Wiyaegü 119:7

Rü ngẽxguma mea nawa changu̱xgux i ngẽma curü mugü i aixcüma we̱xguxü̃, rü guxü̃ma i chorü maxü̃maxã tá cuxü̃ chicua̱xüxü̃.

Wiyaegü 51:10

Pa Tupanax ¡chowa nangẽxmaxẽxẽ i wüxi i chauãxẽ i aixcüma mexü̃! ¡Rü nangexwaca̱xü̃xẽxẽ i chauãxẽ nax cupe̱xewa wüxi i naãxẽ i aixcüma mexü̃ yixĩxü̃ca̱x!

Iraétanüxü̃arü muxchiga 8:7

¡Rü dexá i üünexü̃maxã yamaxcuétügü! ¡Rü ñu̱xũchi tá nügü nidüxta̱xaxü̃negü rü tá nügü niyauxchirugü! Rü ngẽmaãcü tá chope̱xewa nime.

Lebítanüxü̃arü puracüchiga 14:7

Rü ngẽmawena rü 7 e̱xpü̱xcüna tá yíxema werigümaxã nanamaxcuxü̃ne i ngẽma chaxünemaxã ida̱xawexü̃. Rü ñu̱xũchi tá namaxã nanaxuegu nax marü naxca̱x yataaneexü̃. Rü ngẽma weri i maxü̃xü̃ rü tá nayange̱x nax yaxũxü̃ca̱x.

Popera ga Yudíugü ga yaxõgüxü̃ca̱x ümatüxü̃ 10:19

Rü ngẽmaca̱x i ñu̱xma, Pa Chauenexẽgü, rü Ngechuchu rü nagü taxca̱x ibaxẽẽxü̃gagu tüxü̃́ natauxcha nax Tupana ínangexmaxü̃wa ingugüxü̃ca̱x. Rü yema nüxíraxü̃xü̃ ga mugü rü nanachuxu nax ngexerüxüxemare nagu ücuxü̃ ga yema naxmachiã ga üünexü̃ ga tüyemachiãpe̱xewaama üxü̃ ga Tupana íyexmaxü̃wa. Natürü ñu̱xma ya Cristu rü pecadugagu nayu rü ngẽmaãcü taxca̱x nayawáxna i nama i ngexwaca̱xü̃xü̃ i maxü̃ tüxna ãxü̃ nax ngẽmaãcü Tupana íngẽxmaxü̃wa ingugüxü̃ca̱x.

Chacaría 13:1

Nüma ya Cori ya Tupana rü ñanagürü ta: —Ngẽma ngunexü̃gu rü tá ningẽnaxü̃ i wüxi i dexáarü chuchuxü̃ nax ngẽmawa Dabítaagü rü Yerucharéü̃cüã̱xgü nügü iyauxgüxü̃ca̱x i norü pecadugü rü norü ãũãchixü̃gü.

Ichaía 29:13

Rü nüma ya Cori ya Tupana rü ñanagürü choxü̃: —Ñaa duü̃xü̃gü rü norü dexawaxicatama nügü nixugüe nax chorü duü̃xü̃gü yixĩgüxü̃, natürü tama chauga naxĩnüe. Rü naã̱xmaxãxicatama choxü̃ nicua̱xüü̃gü, natürü norü maxü̃newa rü tama chaugu narüxĩnüe. Rü ngẽma norü cua̱xüü̃gü rü duü̃xü̃güarü ĩnüwa nanayauxgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

Ínachoxü̃xü̃chiga 29:4

Rü ñu̱xũchi chopataarü ĩã̱xpe̱xewa tá cunaga ya Aróü̃xü̃ wüxigu nanegümaxã. ¡Rü namu nax naxaiyagüxü̃ca̱x!

Popera ga Yudíugü ga yaxõgüxü̃ca̱x ümatüxü̃ 9:10

Rü yema nũxcümaü̃güxü̃ ga mugü ga õnagüchiga rü axexü̃güchiga rü nacümagüchiga ixĩxü̃, rü duü̃xü̃güarü düxétüxü̃neca̱xicatama nixĩgü. Rü woo name ga yema mugü ga noxrix, natürü yexguma ínanguxgu ga Cristu rü marü yexma nayacua̱x nax duü̃xü̃gümaxã inacuáxü̃ ga yema mugü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:2

Rü ngẽma duü̃xü̃gü i nüxü̃ rüxoexü̃ nax yaxõgüãxü̃ rü tá nüxü̃́ inarüxĩnüe i ngẽma duü̃xü̃gü i nawomüxẽẽgüxü̃ rü idorata̱xaxgüxü̃. Erü ngẽma duü̃xü̃gü i dorata̱xaxgüxü̃ rü düxwa namaxã nixü nax chixexü̃guxicatama naxĩnüexü̃.

Yeremía 30:21

Rü natanüwa tátama nango̱x i wüxi i namaxã icuáxü̃. Rü wüxi i Iraétanüxü̃xü̃ tá nixĩ i norü ãẽ̱xgacü ixĩxü̃. Rü choma rü tá chaugüna chanangaicamaxẽxẽ, rü nüma rü tá chaucüwawa nangẽxma. ¿Rü texé tapora nax tüechamatama choxna tangaicamaxü̃? Rü ngẽma Iraétanüxü̃ rü chorü duü̃xü̃gü tá nixĩgü, rü choma rü norü Tupana tá chixĩ. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Yeremía 3:10

Rü naétüwa ga yema chixexü̃ ga naxügüxü̃ ga yema Yudáanecüã̱xgü ga choxna ĩgüxü̃, rü choxü̃ nawomüxẽẽgümare rü tama aixcüma cha̱u̱xca̱x nawoegu. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

Ichaía 52:15

Rü ngẽxgumarüxü̃ ta rü muxü̃ma i duü̃xü̃gü i to i nachixü̃anecüã̱xgü rü tá namaxã naba̱i̱xãchie. Rü ngẽma ãẽ̱xgacügü rü ngẽxguma nüxü̃ nadaugügu i ngẽma naxüxü̃ rü tá nape̱xewa nachianegümare rü taxuxü̃táma nixugüxe, erü tá nüxü̃ nadaugü i ngẽma taguma nüxü̃ nadaugüxü̃ rü tá nüxü̃ nacua̱xgü i ngẽma taguma ñuxgu texéwa nüxü̃ naxĩnüexü̃ —ñanagürü ya Tupana.

Wiyaegü 119:145

Pa Corix, chorü ngúchaü̃maxã cuxna chaca. ¡Rü choxü̃ nangãxü̃! Erü chayanguxẽẽchaü̃ i curü mugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:5

Rü ngẽxgumarüxü̃ ta chanaxwa̱xe nax pexü̃ nangü̃xẽẽxü̃ rü pexü̃ nataãẽxẽẽxü̃ ya Ngechuchu ya Cristu ga meama nüxü̃ ixucü ga Tupanachiga ga ñoma ga naanewa. Rü nüma nixĩ ga nüxíra yuwa ínadaxü̃. Rü nüma nixĩ i namaxã inacuáxü̃ i guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü. Rü nüma rü tüxü̃ nangechaü̃, rü nagümaxã tüxü̃́ inayanaxoxẽxẽ i tórü pecadugü.

Efesios 6:5

Rü pemax, Pa Mugüruü̃güx, rü name nixĩ i mea naga pexĩnüe i ngẽma perü corigü i ñoma i naanewa ngẽxmagüxü̃. Rü penaxwa̱xe i nüxü̃ pengechaü̃güãcüma rü nüxü̃ pemuü̃ẽãcüma mea naga pexĩnüe ñoma Cristuaxü̃́ pepuracüexü̃rüxü̃.

Ngechuchuarü ngúexü̃gü ga yamugüxü̃arü puracüchiga 8:21

Cumax rü taxucürüwama cunayaxu i ngẽma pora, erü curü maxü̃ rü tama name i Tupanape̱xewa.

Ore i mexü̃ ga Cuáü̃ ümatüxü̃ 8:9

Natürü yexguma nüxü̃ naxĩnüegu ga yema ore ga Parichéugü rü inanaxügüe ga nügü yawüxíxü̃ nax ínachoxü̃xü̃. Rü yaxguã̱xgüwa inaxügü nax ínachoxü̃xü̃ rü düxwa guxü̃ma ínachoxü̃. Rü yexguma marü guxü̃ma ga Parichéugü íchoü̃xgu, rü Ngechuchu rü yema ngecüxicatama yéma duü̃xü̃güpe̱xewa nayaxügü.

Wiyaegü 119:80

¡Rü choxü̃ rüngü̃xẽxẽ nax mea chayanguxẽẽxü̃ca̱x i curü mugü nax taxuca̱xma chaxãnexü̃ca̱x! -11-

Wiyaegü 119:69

Rü ngẽma duü̃xü̃gü i nügü icua̱xüü̃güxü̃, rü natüca̱xmamare choxü̃ nixugüe. Natürü i chomax rü guxü̃guma chayanguxẽxẽ i ngẽma curü mugü.

Wiyaegü 119:58

Rü guxü̃guma cuxna chaca nax choxü̃ curüngü̃xẽẽxü̃ nax curü ngúchaü̃ chaxüxü̃ca̱x. ¡Rü cuxü̃́ changechaü̃tümüxü̃ i ngẽma curü orewa chomaxã icuxunetaxü̃rüxü̃!

Wiyaegü 119:34

¡Rü cua̱x choxna naxã nax ngẽmaãcü tama nüxü̃ charüngümaxü̃ca̱x i curü mugü! Rü aixcümaxü̃chi guxü̃gutáma naga chaxĩnüchaü̃.

Wiyaegü 119:10

Rü ngẽmaca̱x i choma rü guxü̃ma i chorü maxü̃maxã cuxca̱x chadau. ¡Rü choxna nadau nax tama nüxna chixũgachixü̃ca̱x i curü mugü!

Wiyaegü 119:2

Rü tataãẽgü ya yíxema naga ĩnüexe i norü mugü rü guxü̃ i tümaarü maxü̃maxã Tupanaca̱x daugüxe.

Wiyaegü 111:1

Name nixĩ i Cori ya Tupanaxü̃ ticua̱xüü̃gü. Rü choma rü guxü̃ma i chorü maxü̃nemaxã tá Cori ya Tupanaxü̃ chicua̱xüxü̃ nape̱xewa i ngẽma duü̃xü̃gü i mexü̃gu rüxĩnüexü̃arü ngutaque̱xewa rü guxü̃ma i duü̃xü̃güpe̱xewa.

Wiyaegü 94:15

Rü ngẽma aixcüma mexü̃ i nacüma rü tá wena duü̃xü̃güca̱x nataegu. Rü guxü̃ma i duü̃xü̃gü i mexü̃gu rüxĩnüexü̃ rü tá nagu naxĩ.

Wiyaegü 84:11

Erü nüma ya Cori ya Tupana rü norü duü̃xü̃güxü̃ nibáixmaxü̃ rü ínanapoxü̃. Rü yíxema tama naxügüxe i ngẽma chixexü̃ rü nüma ya Tupana rü tüxü̃ nangechaü̃ rü tüxü̃ nicua̱xüxü̃ rü tama tüxna nanachu̱xu i norü mexü̃.

Wiyaegü 32:11

¡Cori ya Tupanamaxã petaãẽgü, Pa Duü̃xü̃gü i Mexü̃gu Rüxĩnüexü̃x! ¡Rü petaãẽgü rü taãẽmaxã Tupanaxü̃ picua̱xüü̃gü!

Wiyaegü 9:1

Pa Cori Pa Tupanax, guxü̃ ya chorü maxü̃nemaxã tá cuxü̃ chicua̱xüxü̃. Rü tá nüxü̃ chixuchiga i guxü̃ma i ngẽma mexü̃gü i curü poramaxã cuxüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:17

Pa Chorü Tupanax, choma nüxü̃ chacua̱x nax guxü̃guma mea cunangugüxü̃ i torü ĩnü rü namaxã cutaãẽxü̃ nax tixaixcümagüxü̃. Rü ngẽmaca̱x aixcüma mexü̃gu charüxĩnüãcüma chorü ngúchaü̃maxã cuxna chanana i guxü̃ma i ñaa ãmaregü. Rü ñu̱xma rü chataãxẽ erü nüxü̃ chadau i ñaa curü duü̃xü̃gü i nuxã ngutaque̱xexü̃ rü guxü̃ma i norü ngúchaü̃maxã cuxna nanana i ngẽma norü ãmaregü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 12:33

Rü yema Chaburóü̃tanüxü̃ ixĩgüxü̃ rü 50,000 nixĩ ga norü mu. Rü nümagü rü churaragü ga daixca̱x ímemarexü̃ nixĩgü rü nüxü̃́ nayexmagü ga naguxü̃raü̃xü̃ ga naxnegü. Rü ínamemaregü nax Dabíxü̃ nangü̃xẽẽgüxü̃.

Nüxíraxü̃xü̃ ga popera ga ãẽ̱xgacügüchiga 15:3

Rü nüma ga Abía rü yematama nanatü üxü̃ ga chixexü̃ naxü, rü tama aixcüma Cori ya norü Tupanaga naxĩnü. Rü tama gumá norü o̱xi ga Dabí ga meama Tupanaca̱x maxü̃cürüxü̃ nixĩ.

Lebítanüxü̃arü puracüchiga 16:4

Rü nüma ya Aróü̃ rü naxü̃pa nax nagu yacúxü̃ i ngẽma chacherdótechiru rü tá naxaiyaxíra. Rü ngẽmawena rü tá nicuxcuchi i ngẽma natüü̃chiru i línuchinaxca̱x rü nagu tá nicu̱x i naxchiru i máxpaxü̃ i línuchinaxca̱x i woetama ngẽmaca̱x ixĩxü̃. Rü tá nügü nigoye rü nayanga̱xcuchi i napate̱xe i línuchinaxca̱x. Erü ngẽma nixĩ i naxchirugü i woetama ngẽmaruxü̃ ixĩgüxü̃.

Ore i mexü̃ ga Luca ümatüxü̃ 1:1

Pa Mecü Pa Teóquirux, nayexma ga ta̱xacü ga totanüwa ngupetüxü̃. Rü muxü̃ma ga duü̃xü̃gü rü marü nanaxümatügü nachiga ga yema totanüwa ngupetüxü̃ yexgumarüxü̃ ga tomaxã nüxü̃ nax yaxugüexü̃ ga yema duü̃xü̃gü ga Ngechuchuxü̃ daugüxü̃ ga yexguma noxritama inaxügüãgu ga norü puracü. Rü yema duü̃xü̃güxü̃ nixĩ ga namuxü̃ nax nüxü̃ yaxugüexü̃ca̱x ga norü ore.

Ngechuchuarü ngúexü̃gü ga yamugüxü̃arü puracüchiga 22:16

¡Rü ñu̱xma rü marü taxuxü̃ma i ta̱xacü ícunangu̱xẽxẽ! ¡Rü írüda rü ínabaie! ¡Rü Cori ya Ngechuchuégagu naxca̱x ínaca nax cuxü̃́ nüxü̃ nangü̃maxü̃ca̱x i curü pecadugü!” ñanagürü choxü̃.

Popera ga Yudíugü ga yaxõgüxü̃ca̱x ümatüxü̃ 6:11

Rü wüxichigü i pema rü tanaxwa̱xe i ngẽmaãcü noxrirüxü̃ mexü̃ i perü ngúchaü̃maxã nüxü̃ perüngü̃xẽẽgüecha i taenexẽgü ñu̱xmatáta penayauxgü i ngẽma maxü̃ i ípenangu̱xẽẽgüxü̃.

Popera ga Yudíugü ga yaxõgüxü̃ca̱x ümatüxü̃ 10:1

Rü ngẽma mugü ga Moiché ümatüxü̃ rü naxchipetamare nixĩ i ngẽma mexü̃gü i yixcüra tá íngugüxü̃, natürü tama ngẽma mexü̃güxüchi nixĩ. Rü ngẽmaca̱x woo duü̃xü̃gü gucü ya taunecügügu Tupanaca̱x nanadaíxü̃ i naxü̃nagü nax ngẽmaãcü Tupanana nangaicamagüxü̃ca̱x, natürü ngẽma mugü rü tama napora nax Tupanape̱xewa yamexẽẽãxü̃ca̱x i ngẽma duü̃xü̃güarü maxü̃.