Popera ga Yudíugü ga yaxõgüxü̃ca̱x ümatüxü̃ 10:11 - Tupanaarü Ore

¹¹ Rü guxü̃ma i ngẽma chacherdótegü rü wüxichigü i ngunexü̃gu Tupanana nanaxã i naxü̃nagü i naxca̱x nada̱i̱xü̃. Rü guxü̃guma ngẽmaãcü nanaxügüxü̃, natürü ngẽma rü taguma inayanaxoxẽxẽ i duü̃xü̃güarü pecadugü.

Popera ga Yudíugü ga yaxõgüxü̃ca̱x ümatüxü̃ 10:11 Referans Kwoze

Popera ga Yudíugü ga yaxõgüxü̃ca̱x ümatüxü̃ 10:4

Yerü gumá nagü ga yema wocagü ga iyatüxü̃ rü chíbugü rü tama napora nax iyanaxoxẽẽãxü̃ca̱x ga pecadugü.

Popera ga Yudíugü ga yaxõgüxü̃ca̱x ümatüxü̃ 5:1

Rü guxü̃ma i ngẽma chacherdotegüarü ãẽ̱xgacügü rü yatügütanüwa nüxü̃ naxunetagü nax nüma rü duü̃xü̃güxü̃ ínapoxü̃ i Tupanape̱xewa rü Tupanaca̱x inaxããxü̃ca̱x i ãmaregü rü nadaiaxü̃ca̱x i naxü̃nagü nax ngẽmaãcü Tupana duü̃xü̃güaxü̃́ nüxü̃ iyanangümaxü̃ca̱x i norü pecadugü.

Iraétanüxü̃arü muxchiga 28:3

¡Rü ñu̱xũchi namaxã nüxü̃ ixu i ta̱xacü tá nixĩ i ãmaregü i wüxichigü i ngunexü̃gu choxna naxãgüxü̃! Rü tá cha̱u̱xca̱x nanadai rü ínanagu i taxre i carnérugü i taxuwama chixexü̃ i wüxi ya taunecü nüxü̃́ ngẽxmaxü̃.

Popera ga Yudíugü ga yaxõgüxü̃ca̱x ümatüxü̃ 7:27

Rü Ngechuchu rü tama ngẽma togü i chacherdótegüerurüxü̃ nixĩ. Erü nümagü rü nanaxwa̱xe nax wüxichigü i ngunexü̃gu Tupanaca̱x naxü̃nagü nada̱i̱xü̃ nax ngẽmaãcü Tupana nüxü̃́ nüxü̃ rüngü̃maxü̃ca̱x i norü pecadugü rü guxü̃ i duü̃xü̃güarü pecadugü rü ta. Natürü nüma ga Ngechuchu rü yexguma nügü inaxãxgu, rü wüxicanatama pecaduca̱x nayu. Rü ngẽma rü taguma inayarüxo.

Ichaía 1:11

Rü nüma ya Cori ya Tupana rü ñanagürü pexü̃: —¿Ta̱xacüca̱x chauxü̃tawa penagagü i ngẽma muxü̃ i pexü̃nagü nax cha̱u̱xca̱x penada̱i̱xü̃ca̱x? Rü marü nüxü̃ charüchau i ngẽma carnérugü i cha̱u̱xca̱x ípeguxü̃ rü ngẽma wocaxacügüarü chíxü̃ i ípeguxü̃. Rü yimá nagü i ngẽma woca iyatüxü̃gü rü carnérugü, rü chíbuxacügü rü nawa chanaxoxéga.

Popera ga Yudíugü ga yaxõgüxü̃ca̱x ümatüxü̃ 10:1

Rü ngẽma mugü ga Moiché ümatüxü̃ rü naxchipetamare nixĩ i ngẽma mexü̃gü i yixcüra tá íngugüxü̃, natürü tama ngẽma mexü̃güxüchi nixĩ. Rü ngẽmaca̱x woo duü̃xü̃gü gucü ya taunecügügu Tupanaca̱x nanadaíxü̃ i naxü̃nagü nax ngẽmaãcü Tupanana nangaicamagüxü̃ca̱x, natürü ngẽma mugü rü tama napora nax Tupanape̱xewa yamexẽẽãxü̃ca̱x i ngẽma duü̃xü̃güarü maxü̃.

Danié 12:11

Rü ngẽma ngunexü̃ i ngẽxguma tá íyanaxoxẽẽgüãgu nax Tupanaca̱x wüxichigü i ngunexü̃ ãmare yagugüxü̃ rü ñu̱xmata nawa nangu i ngẽma ngunexü̃ i Tupanapata ya taxü̃newa chixexü̃ i ãmare yagugüxü̃ rü 1,290 i ngunexü̃gü tá ningu.

Danié 11:31

Rü ngẽma norü churaragü rü tá chixexü̃ nawa naxügü ya yima Tupanapata ya taxü̃ne rü yima ĩane ya ípoxegune ya Yerucharéü̃. Rü tá inayanaxoxẽxẽ nax wüxichigü i ngunexü̃ Tupanaca̱x ãmare yagugüxü̃. Rü ngẽmatama ãmarearü guruü̃wa tá nayagugü i ngẽma Tupanaca̱x ãũãchixü̃.

Danié 9:27

Rü wüxi i yüxügu i ngẽma ãẽ̱xgacü rü muxü̃ma i duü̃xü̃gümaxã tá wüxi i uneta naxü. Natürü yima yüxüarü ngãxü̃gu rü nüma i ngẽma ãẽ̱xgacü rü tá nayanuxũ nax Tupanaca̱x ãmare tigugüxü̃ rü itanaxãgüxü̃ i ãmaregü. Rü ngẽma ãmarearü guruü̃pe̱xewa tá taxü̃ i chixexü̃ naxü rü ñu̱xmatáta Tupana nayama̱x i ngẽma ãẽ̱xgacü i chixexü̃ üxü̃ —ñanagürü.

Danié 9:21

Rü yexguma íchayumüxẽyane rü cha̱u̱xca̱x nango̱x ga Tupanaarü orearü ngeruxü̃ ga dauxü̃cüã̱x ga Gábi ga ü̃pa cha̱u̱xca̱x ngócü ga yexguma Tupana choxü̃ ngo̱xetüxẽẽgu. Rü yagoeãcü yema íchayexmaxü̃wa nangu. Rü yema ora ga Tupanaca̱x ãmaregü yagugüxü̃ ga yáuanecü nixĩ ga chauxü̃tawa nanguxü̃.

Danié 8:11

Rü nüma ga yema íxraxü̃ ga naxchata̱xcure rü yema Tupanaarü churaragüeruxü̃ nügü narüyexeraxẽẽchaxü̃. Rü inayanaxoxẽxẽ nax Tupanaca̱x yagugüãxü̃ ga ãmaregü ga wüxichigü ga ngunexü̃gu. Rü nanaxãũãchixẽxẽ ga guma Tupanapata.

Echequié 45:4

Rü ngẽma naanewa tá nangẽxmagü i ngẽma chacherdótegü i choxna ngaixcamagüxü̃ nax chopatawa napuracüexü̃ca̱x. Rü ngẽma naanewa tá nüxü̃́ nangẽxma i napatagü. Rü wüxi i naane i üünexü̃ tá nixĩ erü ngẽmawa tá nangẽxma ya chopata.

Iraétanüxü̃arü muxchiga 28:24

Rü ngẽma 7 i ngunexü̃ i nagu penaxüchigaxü̃ i ngẽma peta rü ngẽmaãcü tá penaxü i wüxichigü i ngẽma ngunexü̃gügu. Rü ngẽma tá nixĩ i ãmare i chauégagu ípeguxü̃, rü ngẽma naema rü tá chauãẽgu nayatãũxü̃. Rü ngẽma ãmaregü rü norü bínumaxãchigü tá choxna penaxã. Rü ngẽma tá nixĩ i ãmaregü i choxna pexãxü̃ naétü i ngẽma ãmaregü i guxü̃ i ngunexü̃gu cha̱u̱xca̱x ípeguxü̃.

Ínachoxü̃xü̃chiga 29:36

Rü wüxichigü i ngunexü̃gu rü wüxi i wocaxacü tá cha̱u̱xca̱x quima̱x rü quigu nax ngẽmaãcü Aróü̃axü̃́ rü nanegüaxü̃́ nüxü̃ icharüngümaxü̃ca̱x i norü pecadugü. ¡Rü ngẽma ãmarearü guruü̃wa rü pecadugüarü ütanüca̱x yagu i wüxi i naxü̃na rü ñu̱xũchi chíxü̃ nagu naba nax ngẽmaãcü naxüünexü̃ca̱x i ngẽma ãmarearü guruxü̃!

Miquéa 6:6

¿Rü ta̱xacümaxã tá nüxü̃ chayarücua̱xüxü̃ ya yimá Cori ya Tupana ya daxũcüã̱x? ¿Ẽ̱xna wocaxacügü i wüxi ya taunecü nüxü̃́ ngẽxmagüxü̃ tá naxca̱x íchaguxü̃ nax ngẽmamaxã nüxü̃ chicua̱xüü̃xü̃ca̱x?

Popera ga Yudíugü ga yaxõgüxü̃ca̱x ümatüxü̃ 8:2

Rü yimá daxũguxü̃ i naanewa ngẽxmane ya napata ya üünene ga Tupana üxü̃newa nixĩ i taétüwa nachogüxü̃. Rü yima napata rü tama wüxi ya ĩpata ya duü̃xü̃gü üxü̃ne nixĩ.

Popera ga Yudíugü ga yaxõgüxü̃ca̱x ümatüxü̃ 8:4

Rü ngẽxguma chi ñoma i naanewa nangẽxmagu ya Ngechuchu rü taxũchima chacherdóte nixĩ, erü ñoma i naanewa nangẽxmagü i ngẽma chacherdótegü i Tupanana ãmare ãgüxü̃, yema Moichéarü mugü nüxü̃ ixuxü̃rüxü̃.