Popera ga Yudíugü ga yaxõgüxü̃ca̱x ümatüxü̃ 1:3 - Tupanaarü Ore

³ Rü Nanewa nixĩ i nüxü̃ idauxü̃ nax ñuxãcü naxüünexü̃ i nüma ya Tupana. Rü nüma ya Nane, rü Nanatü ya Tupanarüü̃tama nixĩ. Rü ñu̱xma nax guxü̃arü ãẽ̱xgacü yixĩxü̃ ya Nane, rü nüma rü norü orearü poramaxã guxü̃maama inacua̱x. Rü nüma ya Nane nixĩ ga taxca̱x nayuxü̃ nax nüxü̃ rüxoexü̃ca̱x ga tórü pecadugü. Rü yemawena rü Nanatüxü̃tawa naxũ rü yéma Nanatüarü tügünecüwawa nayarüto.

Popera ga Yudíugü ga yaxõgüxü̃ca̱x ümatüxü̃ 1:3 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 4:11

Rü ñanagürügü: “Pa Torü Cori, Pa Torü Tupanax, cuxü̃ nixĩ i namexü̃ nax ticua̱xüü̃güxü̃ rü cuxü̃ tataxẽẽgüxü̃, yerü cuma nixĩ ga cunaxüxü̃ ga guxü̃ma, rü curü ngúchaü̃gagu nixĩ i ñu̱xma nangẽxmagüxü̃ i ngẽma cuxüxü̃”, ñanagürügü.

Ore i mexü̃ ga Cuáü̃ ümatüxü̃ 1:14

Rü nüma ya yimá Nane ya Tupanaarü Oregu ãégacü rü duü̃xü̃xü̃ nügü nixĩxẽxẽ. Rü totanüwa namaxü̃ rü nüxü̃ tadaugü ga norü üüne ga Nanatüxü̃tawa nayaxuxü̃, yerü Nane ga nügümaxã wüxicacü nixĩ. Rü nüma ga Nane rü poraãcü duü̃xü̃güxü̃ nangechaxü̃ rü aixcüma nixĩ ga norü ore.

2 Corintios 4:4

Erü nümagü nax tama yaxõgüãxü̃, rü ñoma i naanearü ãẽ̱xgacü i Chataná nixĩ i nüxü̃́ naguxchaxẽẽxü̃ nax tama nüxü̃ nacua̱xgüxü̃ca̱x i Cristu ya Üünecüarü ore i ñoma omürüxü̃ poraãcü nangóonexẽẽxü̃. Rü Cristuwa nixĩ i nügü nawéxü̃ ya Tupana.

Popera ga Yudíugü ga yaxõgüxü̃ca̱x ümatüxü̃ 12:2

¡Rü ngĩxã Ngechuchuxü̃ tarüdaunü rü nagu taxĩ i nacüma! Yerü nüma nixĩ ga tüxü̃́ natauxchaxẽẽãxü̃ nax yaxõgüxü̃ca̱x. Rü nüma rü tama nügü nachu̱xu nax curuchawa ngúxü̃ yangexü̃, rü tama nagu narüxĩnü ga yema ãne nax yangexü̃, yerü nüxü̃ nacua̱x nax yemawena rü tá nataãẽxü̃. Rü ñu̱xma rü Tupanaarü tochicaxü̃arü tügünecüwawa narüto.

Ore i mexü̃ ga Cuáü̃ ümatüxü̃ 1:4

Rü Nane nixĩ i namaxẽxẽẽãxü̃ i guxü̃ma i ñu̱xma maxẽxü̃. Rü ngẽma norü maxü̃ rü omü i duü̃xü̃güca̱x nangóonexẽẽxü̃ nixĩ.

Popera ga Yudíugü ga yaxõgüxü̃ca̱x ümatüxü̃ 10:12

Natürü nüma ga Ngechuchu ya Cristu rü wüxicanatama Tupanana nügü naxã nax pecaduarü ütanüca̱x nayuxü̃ca̱x. Rü yema naxüxü̃ rü taguma inayarüxo. Rü yemawena Tupanaarü tügünecüwawa nayarüto.

Popera ga Yudíugü ga yaxõgüxü̃ca̱x ümatüxü̃ 9:26

Natürü ngẽxguma chi ngẽmaãcü Cristumaxã nangupetügu rü chi noxri naane ixügügumama rü chi marü muẽ̱xpü̱xcüna pecaduarü ütanüxü̃ca̱x nayu. Natürü ñu̱xma nax nagúxchaü̃xü̃ i naane rü Cristu rü marü ñoma ga naanewa nangu nax wüxicanatama nayuxü̃ca̱x nax duü̃xü̃güarü pecadu naxütanüxü̃ca̱x.

Nüxíraxü̃xü̃ ga popera ga Cuáü̃ ümatüxü̃ 1:7

Natürü ngẽxguma chi Tupanarüxü̃ ngóonexü̃wa imaxẽgu, rü yigütanüxü̃ tixĩgü, rü Tupana Nane ya Ngechuchu rü nagümaxã tüxü̃́ inayanaxoxẽxẽ i guxü̃ma i pecadugü.

Popera ga Yudíugü ga yaxõgüxü̃ca̱x ümatüxü̃ 4:14

Ngechuchu ya Tupana Nane nixĩ i chacherdótegüarü ãẽ̱xgacü i daxũguxü̃ i naanewa ngucü nax ngéma Nanatüpe̱xewa tüxü̃ ínapoxü̃xü̃ca̱x. Rü ngẽmaca̱x tanaxwa̱xe i guxü̃guma nüxü̃́ tayaxõgü rü taguma nüxü̃ tarüxoe.

Nüxíraxü̃xü̃ ga popera ga Cuáü̃ ümatüxü̃ 3:5

Pema rü marü nüxü̃ pecua̱x rü Ngechuchu ya Cristu rü ñoma ga naanewa naxũ nax iyanaxoxẽẽãxü̃ca̱x i pecadugü. Natürü i nüma rü taguma pecadu naxü.

Norü taxre ga popera ga Pedru ümatüxü̃ 1:16

Rü yexguma pexü̃ tangúexẽẽgu nachiga ga norü pora ya tórü Cori ya Ngechuchu ya Cristu rü ñuxãcü tá wena nataeguxü̃, rü tama tomatama togüãẽwa tayaxuxü̃ i ore nixĩ. Yerü tomatama toxetümaxã nüxü̃ tadau ga tórü Cori rü nüxü̃ tadau ga norü üüne.

Nüxíraxü̃xü̃ ga popera ga Pedru ümatüxü̃ 3:22

Rü nüma ga Ngechuchu ya Cristu, rü daxũguxü̃ i naanewa naxũ, rü ñu̱xma rü Tupanaarü tügünecüwawa nangẽxma. Rü ñu̱xma rü naxme̱xwa nangẽxmagü i guxü̃ma i Tupanaarü orearü ngeruü̃gü i daxũcüã̱x, rü guxü̃ma i ngẽma naãxẽgü i ãẽ̱xgacügü ixĩgüxü̃, rü guxü̃ma i ngẽma naãxẽgü i poraexü̃.

Nüxíraxü̃xü̃ ga popera ga Pedru ümatüxü̃ 1:21

Rü ñu̱xma rü Cristugagu nixĩ i nüxü̃́ peyaxõgüxü̃ ya Tupana ga yuwa Cristuxü̃ írüdaxẽẽcü rü daxũwa nagacü. Rü ngẽmaca̱x nixĩ i ñu̱xma i Tupanaaxü̃́ peyaxõgüxü̃ rü ípenangu̱xẽẽgüxü̃ nax daxũwa pexü̃ nagagüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 8:1

Rü ngẽma pemaxã nüxü̃ tixuxchaü̃xü̃ i ñu̱xma nixĩ nax Tupanape̱xewa tüxü̃́ nangẽxmaxü̃ ya tórü ngü̃xẽẽruxü̃ ya chacherdóte ya Guxü̃étüwa Ngẽxmacü. Rü nüma rü daxũguxü̃ i naanewa i Tupanaarü tochicaxü̃arü tügünecüwawa narüto.

Ore i mexü̃ ga Márcu ümatüxü̃ 16:19

Rü nüma ga Cori ga Ngechuchu rü yexguma norü ngúexü̃gümaxã yadexaxguwena, rü Tupana rü daxũguxü̃ ga naanewa nanaga. Rü Tupanaarü tügünecüwawa nayarüto.

Wiyaegü 75:3

Rü ngẽxguma naxĩã̱xãchigu i ñaa naane guxü̃ma i norü duü̃xü̃gümaxã, rü chomatama nixĩ i namaxã ichacuáxü̃ nax tama yaxũgachixü̃ca̱x i namaxü̃wa —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:21

Rü yíxema nüxü̃ rüporamaexe i chixexü̃, rü tá chaugüxü̃tawa tüxü̃ charütoxẽxẽ, yexgumarüxü̃ ga choma rü nüxü̃ nax charüporamaexü̃ ga chixexü̃, rü ñu̱xũchi Chaunatüxü̃tawa nax chayarütoxü̃rüxü̃’.

Popera ga Yudíugü ga yaxõgüxü̃ca̱x ümatüxü̃ 7:27

Rü Ngechuchu rü tama ngẽma togü i chacherdótegüerurüxü̃ nixĩ. Erü nümagü rü nanaxwa̱xe nax wüxichigü i ngunexü̃gu Tupanaca̱x naxü̃nagü nada̱i̱xü̃ nax ngẽmaãcü Tupana nüxü̃́ nüxü̃ rüngü̃maxü̃ca̱x i norü pecadugü rü guxü̃ i duü̃xü̃güarü pecadugü rü ta. Natürü nüma ga Ngechuchu rü yexguma nügü inaxãxgu, rü wüxicanatama pecaduca̱x nayu. Rü ngẽma rü taguma inayarüxo.

Ngechuchuarü ngúexü̃gü ga yamugüxü̃arü puracüchiga 2:33

Rü Tupana rü daxũguxü̃ ga naanewa nanaga nax norü tügünecüwawa yanatoxü̃ca̱x. Rü Tanatü ya Tupana rü marü nüxna nanamu ga Naãxẽ ya Üünecü ga nũxcüma nüxü̃ yaxuxü̃ rü tá nua nax namuaxü̃. Rü ñu̱xma ya yimá Ngechuchu rü núma totanüwa nanamu i ngẽma Naãxẽ ya Üünecü. Rü ngẽma Naãxẽ nua üxü̃ nixĩ i ñu̱xma nüxü̃ pedauxü̃ rü nüxü̃ pexĩnüexü̃.

Ore i mexü̃ ga Cuáü̃ ümatüxü̃ 1:29

Rü moxü̃ãcü ga Cuáü̃ rü Ngechuchuxü̃ nadau ga naxca̱x nax yaxũxü̃. Rü ñanagürü ga Cuáü̃: —¡Dücax! Daa nixĩ ya yimá Tupanaarü Carnéruxacü ya núma namuãcü nax yanaxoxẽẽãxü̃ca̱x i ñoma i naanecüã̱x i duü̃xü̃güarü pecadugü.

Colosenses 3:1

Rü ñu̱xma nax Cristu wena maxü̃xü̃rüxü̃ rü pema pexü̃́ nangẽxma i maxü̃ i ngexwaca̱xü̃xü̃. Rü ngẽmaca̱x name nixĩ i naxca̱x pedau i ngẽma mexü̃gü i daxũguxü̃ i naanewa ngẽxmaxü̃ i ngextá Cristu Tupanaarü tügünecüwawa írütoxü̃wa.

Romanos 8:34

¿Rü texé tá poxcu tamaxã ueguxü̃ i ñu̱xmax? Yerü Ngechuchu ya Cristu nixĩ ga taxca̱x yucü nax tüxü̃ yamexẽẽgüxü̃ca̱x. Rü naétü yuwa ínarüda rü ñu̱xma rü Tupanaarü tügünecüwawa nangẽxma. Rü ngéma taétüwa nachogü.

Ngechuchuarü ngúexü̃gü ga yamugüxü̃arü puracüchiga 7:56

Rü yexguma rü ñanagürü: —Nüxü̃ chadau nax yango̱xnaãchixü̃ i naanetüwe, rü nüxü̃ chadau ya Tupana Nane ya duü̃xü̃xü̃ ixĩcü ya Nanatüarü tügünecüwagu chicü —ñanagürü ga Estébaü̃.

Wiyaegü 110:1

Rü nüma ya Tupana rü chorü Corixü̃ ñanagürü: —¡Chorü tügünecüwawa rüto rü ñu̱xmatáta i ngẽma curü uanügü rü curü chicutüxü̃ chayaxĩxẽẽgü! —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:11

Rü cumax, Pa Corix, rü guxü̃étüwa cungexma, rü cuxicatama cupora rü cuxüüne, rü namaxã icucua̱x i guxü̃ma, rü guxü̃ma i ãẽ̱xgacügüétüwa cungexma. Erü guxü̃ma i daxũguxü̃ i naanewa rü ñoma i naanewa ngẽxmagüxü̃ rü cuxrü nixĩgü. Rü cuxrügü ta nixĩ i guxü̃ma i naanegü, erü guxü̃étüwa cungexma.

Romanos 1:16

Rü taxuca̱xma naxca̱x chaxãne i ngẽma ore i mexü̃. Erü ngẽma ore rü Tupanaarü pora nixĩ. Rü guxãma ya yíxema ya nüxü̃ ĩnüxe rü Cristuaxü̃́ yaxõgüxe rü tüxü̃́ nangẽxma i maxü̃ i taguma gúxü̃. Rü ngẽma maxü̃, rü Yudíugüca̱xchire̱x nixĩ, natürü i ñu̱xma rü guxü̃ma i ngẽma tama Yudíugü ixĩgüxü̃ca̱x rü ta nixĩ.

Miquéa 5:4

Rü nüma ya yimá Iraétanüxü̃arü ãẽ̱xgacü ya ínguxchaü̃cü rü Cori ya Tupanaarü poramaxã rü norü üünemaxã tá ngẽma norü duü̃xü̃gümaxã inacua̱x. Rü ngẽma norü duü̃xü̃gü rü taxuca̱xtama namuü̃e erü norü pora ya yima ãẽ̱xgacü rü guxü̃ i naanewa tá nangu.

Ngu̱xẽẽtaeruü̃arü ore 8:4

Rü ngẽma ãẽ̱xgacüarü ore rü napora. Rü taxúema tapora nax nüxna naxca̱x tacaxü̃ i ngẽma naxüxü̃.

Yox 37:22

Rü ngẽxguma ínanguxgu ya Tupana norü pora i ãũcümaxü̃maxã rü nórtewaama nango̱x i dexemaxü̃ i dauxü̃wa.

Popera ga Yudíugü ga yaxõgüxü̃ca̱x ümatüxü̃ 9:16

Rü naxü̃pa nax nayuxü̃ i wüxi i duü̃xü̃, rü wüxi i poperagu nanaxümatü nax texé tá nayaxuxü̃ i norü ngẽmaxü̃gü. Natürü ngẽxguma namaxü̃xgu i ngẽma duü̃xü̃, rü taxucürüwama texé tanayaxu i norü ngẽmaxü̃gü.

Ore i mexü̃ ga Matéu ümatüxü̃ 22:24

—Pa Ngúexẽxẽruxü̃x, Moiché nüxü̃ ixuxgu rü ngẽxguma wüxi ya yatü naxãxma̱x rü nangexacüyane nayu̱xgu, rü name nixĩ i naenexẽtama ngĩmaxã naxãxma̱x i ngẽma yutecü i naxüma̱x, nax ngẽmaãcü naxãxacüxü̃ca̱x nüxü̃́ ya yimá naenexẽ ya marü yucü —ñanagürü ga yema ore.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 1:13

Rü Tupana rü taguma wüxi ga norü orearü ngeruü̃xü̃ ga daxũcüã̱xü̃ ñanagürü: “¡Nua chorü tügünecüwawa rüto ñu̱xmatáta guxü̃ma i curü uanügüxü̃ cuxü̃ charüporamaexẽxẽ!” ñanagürü.

Norü taxre ga popera ga Pedru ümatüxü̃ 1:17

Rü nüxü̃ tadau ga yexguma Tanatü ya Tupana nüxü̃ icua̱xüxü̃gu. Rü nüxü̃ taxĩnüe ga yexguma gumátama Tanatü ya Tupana ya Üünecü ñaxgu: “Daa nixĩ ya Chaune ya nüxü̃ changechaü̃xü̃chicü. Rü choma rü poraãcü namaxã chataãẽxü̃chi”, ñaxgu.

Lebítanüxü̃arü puracüchiga 15:15

Rü nüma i chacherdóte rü tá tüxü̃ nima̱x ya wüxi ya muxtucuxacü nax ngẽmaãcü Tupana nüxü̃́ nüxü̃ rüngü̃maxü̃ca̱x i ngẽma yatüarü pecadu. Rü yíxema toguxe ya muxtucuxacü rü tá tüxü̃ nigu Tupanaarü ãmareruxü̃. Rü ngẽmaãcü tá Cori ya Tupanape̱xewa nanamexẽxẽ ya yimá yatü ya naxpe̱xechiraü̃wa ida̱xawecü.