Popera ga Yudíugü ga yaxõgüxü̃ca̱x ümatüxü̃ 1:12 - Tupanaarü Ore

¹² Rü ñoma wüxi i naxchiru i ngauxü̃ i ngéma ita̱xmarexü̃rüxü̃ tá ícunawogü i ñoma i naane rü guxü̃ma i daxũwa nüxü̃ idauxü̃. Rü to i ngexwacaxü̃xü̃maxã tá cunaxüchicüü, ñoma wüxi i naxchiru i ngauxü̃ i ngexwacaxü̃xü̃maxã ixüchicüüxü̃rüxü̃. Natürü i cuma rü tá cunaxa̱i̱xrügumaraxü̃echa rü curü taunecü rü taguma nagu̱x”, ñanagürü ga Tupana.

Popera ga Yudíugü ga yaxõgüxü̃ca̱x ümatüxü̃ 1:12 Referans Kwoze

Popera ga Yudíugü ga yaxõgüxü̃ca̱x ümatüxü̃ 13:8

Rü nüma ya Ngechuchu ya Cristu rü ĩnex rü ñu̱xmax rü guxü̃guma nanaxaixrüguma rü taguma naxüchicüxü.

Popera ga Chantiágu ümatüxü̃ 1:17

Erü guxü̃ma i ngẽma aixcüma mexü̃ i tüxna naxãxü̃, rü naxü̃tawa ne naxũ ya Tupana ya daxũgucü ga naxücü ga üa̱xcü rü tauemacü rü woramacurigü rü ẽxtagü. Rü nüma rü guxü̃guma nanaxa̱i̱xrügumaraxü̃ rü taguma naxüchicüü.

Ore i mexü̃ ga Cuáü̃ ümatüxü̃ 8:58

Rü Ngechuchu nanangãxü̃ rü ñanagürü nüxü̃: —Aixcüma pemaxã nüxü̃ chixu rü tauta Abraáü̃ ngo̱xgu rü choma rü marü chayexma —ñanagürü.

Wiyaegü 90:4

Rü 1,000 ya taunecü rü cuxca̱x rü ñoma wüxitama i ngunexü̃ i ngupetüxü̃rüxü̃ nixĩ, rü ñuxre i ora i chütaxü̃rüxü̃ nixĩ.

Ínachoxü̃xü̃chiga 3:14

Rü nüma ga Tupana rü nanangãxü̃ rü ñanagürü: —Chomatama nixĩ i Tupana Chixĩxü̃. ¡Rü ngẽmamaxã tá cunangãxü̃ i ngẽma Iraétanüxü̃ rü ñacurügü tá: “Yima Chomatama nixĩ i Tupana Chixĩxü̃ ñacü nixĩ ya petanüwa choxü̃ mucü”, ñacugürü tá nüxü̃! —ñanagürü ga Tupana.

Yox 36:26

Rü ngẽma nax guxü̃arü yexera yixĩxü̃ ya Tupana rü taxucürüwa nüxü̃ tacua̱xéga nax ñuxãcü yixĩxü̃. Rü taxucürüwa tayaxugü nax ñuxre yixĩxü̃ i norü taunecü.

Ichaía 38:12

Rü poraãcü nida̱xawe i chauxune rü ngẽma da̱xawe rü nüxna nanayauxchaü̃ i chorü maxü̃. Rü ñoma carnérugüarü dauruü̃güarü düxenürüxü̃ paxaãchiruxü̃ nixĩ i ngẽma chauxune. Rü ñoma naxpüarü muruxü̃, naxpü iyoyexü̃rüxü̃ rü ngẽxma nayacuáxchaü̃ i chorü maxü̃. Rü wüxitama i chütaxü̃gu rü ñu̱xmata yangunemare rü ngúxü̃ choxü̃ quingexẽxẽ rü yuwa choxü̃ cugaxchaü̃.