Gálatas 6:8 - Tupanaarü Ore

⁸ Rü yíxema tümaxü̃nearü ngúchaü̃ üxe, rü ngẽma tümaxü̃nearü ngúchaü̃ rü tá yuwa tüxü̃ naga. Natürü yíxema Tupanaãxẽ i Üünexü̃arü ngúchaü̃ üxe, rü ngẽma Tupanaãxẽ i Üünexü̃wa tá tanayaxu i maxü̃ i taguma gúxü̃.

Gálatas 6:8 Referans Kwoze

Romanos 8:13

Erü ngẽxguma chi pexenearü ngúchaü̃ pexü̱xgu rü tá ipeyarütauxe. Natürü ngẽxguma Tupanaãxẽ ya Üünecüarü ngü̃xẽẽmaxã ipeyanaxoxẽẽgu i ngẽma pexenearü ngúchaü̃, rü aixcüma tá pexü̃́ nangẽxma i maxü̃ i taguma gúxü̃.

Popera ga Chantiágu ümatüxü̃ 3:18

Rü yíxema duü̃xü̃güxü̃ rüngü̃xẽẽgüxe nax tama nügüchi naxaiexü̃ca̱x, rü Tupana tá tüxü̃ narüngüxẽxẽ nax tataãẽxü̃ca̱x.

Norü taxre ga popera ga Pedru ümatüxü̃ 2:19

Rü tümamaxã nüxü̃ nixu rü ngẽxguma nawe tarüxĩxgu rü tá tüxü̃ ínanguxü̃xẽxẽ nax tüma tanaxwa̱xexü̃ãcüma tamaxẽxü̃ca̱x. Natürü ngẽma ngu̱xẽẽruü̃netagü i ngẽmaãcü chixri idexagüxü̃, rü nümagütama rü norü chixexü̃tüxü̃wa nangẽxmagü. Erü guxü̃ma i duü̃xü̃gü, rü ngẽma nüxü̃ rüyexeramaexü̃tüü̃wa nügü nangẽxmagüxẽxẽ.

Yox 4:8

Rü yema nüxü̃ chadauxü̃wa rü nüxü̃ chacua̱x nax yíxema máetaxe rü chixexü̃ üxe rü nagutátama tanguxü̃ ga yema ü̃paacü taxüxü̃ ga chixexü̃.

Ochéa 10:13

Natürü i pema rü nagu pemaxẽ i chixexü̃, rü ngẽma ne naxũ nax chixri pegümaxã ipecuáxü̃ rü doragu nax pemaxẽxü̃. Rü pema rü pegü namaxã íperüpora i ngẽma muxü̃ i perü churaragü rü yimá peweü̃gü ya daiwa namaxã pexĩxü̃ne.

Gálatas 6:7

¡Rü pexuãxẽgü nax tama ípetüexü̃ca̱x i perü maxü̃wa! Erü taxucürüwa texé Tupanaxü̃ tawomüxẽxẽ. Rü yíxema chixexü̃ ǘxe, rü chixexü̃ tá tayaxu. Rü yíxema mexü̃ ǘxe, rü mexü̃ tá nixĩ i tayaxuxü̃.

Romanos 13:14

Rü name i nacüma pexĩ i tórü Cori ya Ngechuchu ya Cristu. Rü tama name i naxca̱x pedau nax pexenearü ngúchaü̃gu pexĩxü̃.

Ucu̱xẽgüchiga 22:8

Texé ya chixexü̃ ǘxe rü chixexü̃maxã tá tüxü̃́ naxãtanü. Rü yimá cua̱i̱xruxü̃ ya toguxena namaxã cunacua̱i̱xcane, rü yimamaxã tátama nixĩ ya Tupana i norü numaxã nüxna nacua̱i̱xcaãxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:11

Natürü ngẽma chixexü̃ ügüxü̃, rü nüetama nixĩ nax chixexü̃ naxügüamáxü̃. Rü ngẽma chixexü̃gu maxẽxü̃, rü nüetama nixĩ nax chixexü̃gu namaxẽxü̃. Natürü yíxema mexü̃ ügüxe, rü name nixĩ i yexera mexü̃ taxügüechaxü̃. Rü yíxema Tupanape̱xewa ixüünexe, rü name nixĩ nax yexera tügü tixüünexẽxẽ”, ñanagürü.

Ore i mexü̃ ga Cuáü̃ ümatüxü̃ 4:36

Rü yíxema Tupanaca̱x nadexe i duü̃xü̃gü rü tá tanayaxu i tümaarü natanü. Rü guxü̃ma i ngẽma duü̃xü̃gü i tüxü̃́ irüxĩnüexü̃ rü tá nanayauxgü i maxü̃ i taguma gúxü̃. Rü ngẽmaãcü ya yíxema tüxíra ngẽma duü̃xü̃gümaxã Tupanaarü orexü̃ ixuxe rü yíxema yixcama ngẽma duü̃xü̃güxü̃ Tupanaca̱x dexe rü wüxigu tá tataãẽgü.

Popera ga Yúda ümatüxü̃ 1:21

¡Rü pegüna pedaugü nax guxü̃guma pewa nangẽxmaxü̃ca̱x i Tupanaarü ngechaü̃! ¡Rü mea ípenangu̱xẽxẽx i ngẽma ngunexü̃ i nagu tá núma naxũxü̃ ya tórü Cori ya Ngechuchu ya Cristu nax nüxü̃́ ingechaü̃tümüxü̃gügagu tüxna naxããxü̃ca̱x i maxü̃ i taguma gúxü̃!

Ore i mexü̃ ga Cuáü̃ ümatüxü̃ 6:27

¡Taxṹ i naxca̱x pexoegaãẽgüxü̃ i õna i paxãma gúxü̃! Rü narümemae nixĩ i naxca̱x pexoegaãẽgü i ngẽma õna i maxü̃ i taguma gúxü̃ pexna ãxü̃. Rü ngẽma nixĩ i maxü̃ ya Tupana Nane ya duü̃xü̃xü̃ ixĩcü tá pexna ãxü̃, erü Chaunatü ya Tupana rü marü nanango̱xẽxẽ nax aixcüma Nane chixĩxü̃ —ñanagürü.

Romanos 6:13

Rü tama name i pecaduna penaxãgü i pexene nax ngẽmamaxã chixexü̃ pexügüxü̃ca̱x. Rü name nixĩ i Tupanana pegü pexãgü, erü ñoma duü̃xü̃gü i yuexü̃ rü wena maxẽxü̃rüxü̃ pixĩgü. Rü ngẽmaca̱x name nixĩ i Tupanana penaxãgü i pexene nax ngẽmamaxã nape̱xewa mexü̃ pexügüxü̃ca̱x.

Yeremía 12:13

Rü yema chorü duü̃xü̃gü rü trigu inatogü, natürü tuxumare nüxü̃́ narüxügü. Rü guxü̃ma ga norü puracügü rü natüca̱xmamare nixĩ. Rü taxuxü̃ma ga trigu nabuxgü nagagu ga yema chorü nu ga taxü̃ —ñanagürü.

Ngu̱xẽẽtaeruü̃arü ore 11:6

¡Rü pa̱xmama namaxã natoe i cunetüchire rü ngẽxgumarüxü̃ ta yáuanecü namaxã natoe! Erü tama nüxü̃ cucua̱x i ngexü̃rüüxü̃ tá yexera mea narüxü, rü ngẽma nüxíra cutoxü̃ rüe̱xna ngẽma wixwena cutoxü̃. Rü ngürüãchi ngẽma taxre tá mea narüxügü.

Ore i mexü̃ ga Matéu ümatüxü̃ 19:29

Rü guxãma ya yíxema tümapata cha̱u̱xca̱x ítáxe, rüe̱xna tümaenexẽgüxü̃ rü tümaeya̱xgüxü̃ cha̱u̱xca̱x ítáxe, rüe̱xna tümanatüxü̃ rü tümaéxü̃ cha̱u̱xca̱x ítáxe, rüe̱xna tümama̱xü̃ rü tümaxacügüxü̃ rü tümaarü naane cha̱u̱xca̱x ítáxe, rü 100 e̱xpü̱xcüna i ngẽma noxri tüxü̃́ ngẽxmaxü̃arü yexera tá tayaxu. Rü naétü tá tanayaxu i maxü̃ i taguma gúxü̃.

Ochéa 8:7

Rü ngẽma chixexü̃ i nagu naxĩxü̃ i ngẽma Iraéanecüã̱xgü rü natüca̱xmamare nixĩ rü ñoma buanecürüxü̃ nixĩ. Rü choma rü tá naxca̱x íchananguxẽxẽ i wüxi ya tacü ya buanecü ya íxã̱ũ̱xẽmacü. Rü ngẽma norü naanegüwa rü taxũtáma nixo i norü trigu rü taxũtáma nangẽxma i norü arína. Rü ngẽxguma ngürüãchi nüxü̃́ yaxo̱xgu, rü to i nachixü̃anecüã̱x tá namaxã naxãwemügü.

Popera ga Títoca̱x naxümatüxü̃ ga Pauru 3:7

Rü yemaacü tamaxã namecüma rü tüxü̃ narüngü̃xẽxẽ ga Tupana nax nape̱xewa imexü̃ca̱x rü nayauxgüxü̃ca̱x i ngẽma ãmare i maxü̃ i taguma gúxü̃ i írüngu̱xẽẽgüxü̃.

Ore i mexü̃ ga Cuáü̃ ümatüxü̃ 4:14

Natürü texé ya yíxema choma tá tüxna chaxãxü̃ i dexáwa axexe, rü tagutáma wena tita̱xawa. Erü ngẽma dexá i choma tá tüxna chaxãxü̃ rü wüxi ya puchu ya guxü̃guma ibaibecürüxü̃ tá nixĩ i tümawa, erü ngẽma dexáwa nangẽxma i maxü̃ i taguma gúxü̃ —ñanagürü.

Norü taxre ga popera ga Pedru ümatüxü̃ 2:12

Rü ngẽma ngu̱xẽẽruü̃netagü, rü ñoma naeü̃gürüxü̃ nixĩgü, rü naeü̃gürüxü̃ taxuxü̃ma nacua̱xgü. Rü ngẽma naxü̃negü naxwa̱xexü̃ nixĩ i naxügüxü̃. Rü nabue nax ñoma naeü̃gü i yayauxgüxü̃ rü nada̱i̱xü̃rüxü̃ yixĩgüxü̃ca̱x. Rü chixri nachiga nidexagü i ngẽma tama nüxü̃ nacua̱xgüxü̃. Natürü ngẽma chixexü̃ i naxügüxü̃gagu tá ñoma naeü̃gürüxü̃ inayarütauxe.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:16

Natürü Tupanaaxü̃́ changechaü̃tümüxü̃ nax ngẽmaãcü chowa duü̃xü̃güxü̃ nawéaxü̃ca̱x ga ñuxãcü nüma ga Ngechuchu ya Cristu yáxna chomaxã nax naxĩnüxü̃. Rü ngẽmaãcü wüxi i cua̱xruxü̃ chixĩ naxca̱x i guxü̃ma i duü̃xü̃gü nax nümagü rü ta nayaxõgüãxü̃ca̱x rü nayauxgüãxü̃ca̱x i maxü̃ i taguma gúxü̃.

Ucu̱xẽgüchiga 11:18

Ngẽma duü̃xü̃ i chixexü̃gu maxü̃xü̃, rü wüxi i paxaãchiruxü̃mare nixĩ i ngẽma diẽru i norü puracütanü i nayaxuxü̃, natürü yíxema mexü̃gu rüxĩnüxe, rü aixcüma natai i ngẽma tümaarü natanü i tayaxuxü̃.

Ore i mexü̃ ga Matéu ümatüxü̃ 25:46

Rü ngẽma duü̃xü̃gü rü tá poxcu i taguma gúxü̃wa naxĩ. Natürü ngẽma duü̃xü̃gü i aixcüma mea Tupanaca̱x maxẽxü̃ rü tá nanayauxgü i maxü̃ i taguma gúxü̃ —ñanagürü ga Ngechuchu.

Romanos 6:23

Rü natanü i ngẽma pecadu tüxna ãxü̃, rü yu nixĩ. Natürü ngẽma ãmare ya Tupana tüxna ãxü̃ rü maxü̃ i taguma guxü̃ nixĩ i ngẽxguma tórü Cori ya Ngechuchuaxü̃́ yaxõgügu.

Romanos 8:6

Rü ngẽma nax ñoma i naanearü ngúchaü̃ca̱x idaugüxü̃ rü yuwa tüxü̃ nagagü. Natürü yíxema Tupanaãxẽ i Üünecüarü ngúchaü̃ca̱x daugüxe rü tataãẽgü, rü tá tüxü̃́ nangẽxma i maxü̃ i taguma gúxü̃.

Romanos 8:11

Rü ngẽxguma pewa namaxü̃xgu i Naãxẽ ya yimá Tupana ga Ngechuchu ya Cristuxü̃ írüdaxẽẽcü, rü nümatama ya yimá Cristuxü̃ írüdaxẽẽcü tá wena nanamaxẽxẽ i pexene i yuxwa̱xexü̃. Rü Naãxẽ ya Üünexü̃ i pewa maxü̃xü̃ tá nixĩ i wena pexene maxẽẽxü̃.

1 Corintios 15:42

Rü ngẽxgumarüxü̃ tá ta naxüpetü namaxã i naxü̃negü i ngẽma duü̃xü̃gü i yuexü̃. Erü ngẽma naxü̃ne i noxri nüxü̃́ ngẽxmaxü̃ rü iyarüxoxwa̱xexü̃ nixĩ. Natürü ngẽma naxü̃ne i tá nüxü̃́ ngẽxmaxü̃ i ngẽxguma wena namaxẽgu, rü ngẽma rü tagutáma inayarüxo.