Gálatas 6:7 - Tupanaarü Ore

⁷ ¡Rü pexuãxẽgü nax tama ípetüexü̃ca̱x i perü maxü̃wa! Erü taxucürüwa texé Tupanaxü̃ tawomüxẽxẽ. Rü yíxema chixexü̃ ǘxe, rü chixexü̃ tá tayaxu. Rü yíxema mexü̃ ǘxe, rü mexü̃ tá nixĩ i tayaxuxü̃.

Gálatas 6:7 Referans Kwoze

2 Corintios 9:6

¡Rü nüxna pecua̱xãchie i ngẽma dexa i ñaxü̃: “Rü yíxema noxretama i nanetüchire itoxe, rü noxretama i norü o tayaxu. Natürü yíxema muxü̃ i nanetüchire itoxe, rü muxü̃ma i norü o tayaxu”, ñaxü̃!

Ochéa 10:12

Choma rü marüchire̱x pemaxã nüxü̃ chixu rü ñachagürü pexü̃: “Ngẽxguma aixcüma mexü̃ pexügügu rü tá pexna nangu i chorü ngechaü̃. ¡Penamexẽxẽ i perü maxü̃! Erü marü nawa nangu nax cha̱u̱xca̱x pedaugüxü̃ ñu̱xmatáta petanüwa changu nax peétügu chayabaxü̃ca̱x i chorü pora i namaxã pexü̃ íchapoxü̃xü̃”, ñachagürü.

Yox 4:8

Rü yema nüxü̃ chadauxü̃wa rü nüxü̃ chacua̱x nax yíxema máetaxe rü chixexü̃ üxe rü nagutátama tanguxü̃ ga yema ü̃paacü taxüxü̃ ga chixexü̃.

1 Corintios 15:33

¡Natürü taxũtáma nawe perüxĩ i ngẽma duü̃xü̃gü i ngẽmaãcü chixri idexagüxü̃! Erü aixcüma nixĩ i ngẽma ore i ñaxü̃: “Rü texé ya chixexü̃ i duü̃xü̃maxã ãmücüxe, rü tüxü̃́ inayanaxoxẽxẽ i tümacümagü i mexü̃”, ñaxü̃.

Ucu̱xẽgüchiga 11:18

Ngẽma duü̃xü̃ i chixexü̃gu maxü̃xü̃, rü wüxi i paxaãchiruxü̃mare nixĩ i ngẽma diẽru i norü puracütanü i nayaxuxü̃, natürü yíxema mexü̃gu rüxĩnüxe, rü aixcüma natai i ngẽma tümaarü natanü i tayaxuxü̃.

Ucu̱xẽgüchiga 1:31

Nagagu i ngẽma pecüma i chixexü̃gü rü tá ngúxü̃ pingegü, rü düxwa tá namaxã penaxĩ̱xãchiãẽgü i ngẽma perü ĩnügü i chixexü̃.

Efesios 5:6

¡Rü ngẽxguma texé ta̱xacürü ngu̱xẽẽtae i taxuwama mexü̃maxã pexü̃ womüxẽxẽchaü̃gu rü taxṹ i naga pexĩnüexü̃! Erü ngẽma ngu̱xẽẽtae i taxuwama mexü̃gagu tá nixĩ ya Tupana poraãcü napoxcuexü̃ i ngẽma duü̃xü̃gü i tama naga ĩnüexü̃.

Ochéa 8:7

Rü ngẽma chixexü̃ i nagu naxĩxü̃ i ngẽma Iraéanecüã̱xgü rü natüca̱xmamare nixĩ rü ñoma buanecürüxü̃ nixĩ. Rü choma rü tá naxca̱x íchananguxẽxẽ i wüxi ya tacü ya buanecü ya íxã̱ũ̱xẽmacü. Rü ngẽma norü naanegüwa rü taxũtáma nixo i norü trigu rü taxũtáma nangẽxma i norü arína. Rü ngẽxguma ngürüãchi nüxü̃́ yaxo̱xgu, rü to i nachixü̃anecüã̱x tá namaxã naxãwemügü.

1 Corintios 6:9

¿Tama ẽ̱xna nüxü̃ pecua̱x nax ngẽma duü̃xü̃gü i chixexü̃ ügüxü̃ rü nataxuxü̃táma i nachica i Tupana ãẽ̱xgacü íyixĩxü̃wa? ¡Rü tama name i pegütama pewomüxẽxẽgü! Erü Tupana ãẽ̱xgacü íyixĩxü̃wa rü nataxutama i nachica i ngẽma duü̃xü̃gü i nai i ngexü̃maxã ipexü̃, rü ngẽma duü̃xü̃gü i tupananetachicüna̱xãxü̃ icua̱xüü̃güxü̃, rü ngẽma duü̃xü̃gü i naxma̱xẽchita rüe̱xna nateechita ngeãẽxü̃, rü ngẽma yatügü i naxrüxü̃ yatüxü̃maxã ngeãẽxü̃, rü ngẽma ngexü̃gü i naxrüxü̃ ngexü̃gümaxã ngeãẽxü̃, rü ngẽma ngĩ́ta̱xagüxü̃, rü ngẽma aüwa̱xegüxü̃, rü ngẽma ngãxẽwa̱xegüxü̃, rü ngẽma oregüta̱a̱xgüxü̃, rü ngẽma womüxẽẽwa̱xegüxü̃. Rü guxü̃ma i ngẽmagü rü nataxutama i nachica i Tupana ãẽ̱xgacü íyixĩxü̃wa.

Ucu̱xẽgüchiga 6:14

Norü ĩnü rü poraãcü nachixe, guxü̃guma nagu narüxĩnü nax chixexü̃ naxüxü̃, rü naxca̱x nadau nax nügümaxã nanuexẽẽãxü̃ i duü̃xü̃gü nax nügü nada̱i̱xü̃ca̱x.

Yox 15:31

Rü yíxema chixexü̃ üxe rü tama name i ngẽma tümaarü ngẽmaxü̃gü i natüca̱xmamare ixĩgüxü̃axü̃́ tayaxõ, erü ngẽma tümaarü ngẽmaxü̃gü rü tá tüxü̃ nawomüxẽxẽ rü ngẽmagagu chixexü̃wa taxũ.

Ore i mexü̃ ga Luca ümatüxü̃ 16:25

Natürü Abraáü̃ rü ñanagürü nüxü̃: “Pa Chaunex, ¡nüxna nacua̱xãchi nax taxuxü̃ma cuxü̃́ taxuxü̃ ga yexguma cumaxü̱̃xgu! Natürü Lácharo rü poraãcü guxchaxü̃wa nayexma. Rü ngẽmaca̱x i ñu̱xma rü nua mexü̃wa nangẽxma i Lácharo, rü cuma rü ngéma poxcuchicawa ngúxü̃ quinge.

Popera ga Chantiágu ümatüxü̃ 1:22

Rü tama name i iperüxĩnüemare i ngẽma ore, natürü name nixĩ i penaxü i ngẽma pemaxã nüxü̃ yaxuxü̃. Erü ngẽxguma iperüxĩnüemaregu rü tama penaxü̱xgu, rü pegütama pewomüxẽẽgümare.

Nüxíraxü̃xü̃ ga popera ga Cuáü̃ ümatüxü̃ 3:7

Pa Chauxacügüx, ¡taxṹ i naga pexĩnüexü̃ i ngẽma duü̃xü̃gü i pexü̃ womüxẽẽgüchaü̃xü̃! Yíxema mexü̃ ǘxe rü aixcüma mecü tixĩ, ngẽxgumarüxü̃ ya Cristu nax aixcüma mecü yixĩxü̃rüxü̃.

Abdía 1:3

Rü pemax, Pa Edóü̃anecüã̱xgüx, rü pegütama pewomüxẽxẽ, erü perü poramaxã pegü picua̱xüxü̃. Pema rü ínanutaanexü̃wa pengẽxmagü i ma̱xpǘneanewa. Rü ngẽmaca̱x nagu perüxĩnüe rü taxúetama pexü̃ tarüporamae.

Gálatas 6:3

Rü ngẽxguma texé nagu rüxĩnügu nax tachigacü tixĩxü̃, rüẽ̱xna woo taxuxü̃machire̱x tixĩxgu, rü tügütama tawomüxẽxẽ.

Popera ga Chantiágu ümatüxü̃ 1:26

Rü ngẽxguma chi wüxíe tügü ixuxgu nax wüxi i ore i mexü̃ tixõxü̃ natürü tama nüxna tada̱u̱xgu ya tümaarü conü, rü tügütama tawomüxẽxẽ rü taxuwama name i ngẽma ore i tixõxü̃.

1 Corintios 3:18

Tama name i texé tügütama tawomüxẽxẽ. Rü ngẽxguma petanüwa texé tügügu rüxĩnügu nax aixcüma nüxü̃ tacuáxü̃ i ñoma i naanearü cua̱x, rü name nixĩ i ñoma taxuxü̃ma tacuáxü̃rüxü̃ tügü tixĩxẽxẽ. Rü ngẽxguma tá nixĩ i wüxi i duü̃xü̃ i aixcüma nüxü̃ cuáxe tixĩxü̃.

Nüxíraxü̃xü̃ ga popera ga Cuáü̃ ümatüxü̃ 1:8

Ngẽxguma chi nüxü̃ ixuxgu rü: “Changearü pecaduã̱x”, ñagügu, rü yigütama tawomüxẽxẽ, rü tidoraemare.

Ore i mexü̃ ga Luca ümatüxü̃ 21:8

Rü Ngechuchu rü ñanagürü: —¡Pexũãxẽgü nax taxuxü̃táma pexü̃ womüxẽẽxü̃ca̱x! Erü muxũchixü̃ tá chauégagu ínangugü rü ñanagürügü tá: “Choma nixĩ i Cristu, rü paxa tá nagu̱x i naane”, ñanagürügü tá. ¡Natürü taxũtáma nüxü̃́ peyaxõgü!

Popera ga Yúda ümatüxü̃ 1:18

Rü nümagü rü ñanagürügü pexü̃: “Ngẽxguma nagúxchaü̃gu i naane rü tá nangẽxma i duü̃xü̃gü i tá nüxü̃ cugüexü̃ i Tupanaarü ore rü noxrütama ngúchaü̃ i chixexü̃gumare maxẽxü̃”, ñanagürügü pexü̃.

2 Tesalonicenses 2:3

¡Rü taũtáma naga pexĩnüe i ngẽma duü̃xü̃gü i ngẽmaãcü pexü̃ womüxẽẽgüchaü̃xü̃! Erü naxü̃pa nax Ngechuchu núma ũxü̃ rü tá ínangu i ngẽma yatü i Tupanaarü uanü ixĩxü̃, rü tá nananuexẽxẽ i muxü̃ma i duü̃xü̃gü i yaxõgüchiréxü̃. Natürü Tupana marü ngẽma yatümaxã nanaxuegu rü tá nax napoxcuxü̃.

Yeremía 37:9

Rü choma ya Cori ya Tupana rü pemaxã nüxü̃ chixu rü ñachagürü pexü̃: “¡Taxṹ i nagu perüxĩnüexü̃ nax aixcüma marü pexna nawoeguxü̃ i ngẽma Babiróniaanearü churaragü i Cadéugü! Erü wena táxarü pexca̱x nawoegu.

Ochéa 10:13

Natürü i pema rü nagu pemaxẽ i chixexü̃, rü ngẽma ne naxũ nax chixri pegümaxã ipecuáxü̃ rü doragu nax pemaxẽxü̃. Rü pema rü pegü namaxã íperüpora i ngẽma muxü̃ i perü churaragü rü yimá peweü̃gü ya daiwa namaxã pexĩxü̃ne.

Echequié 14:5

Rü choma rü ngẽmaãcü tá chaugüca̱x chanawoeguxẽxẽ i guxü̃ma i ngẽma Iraétanüxü̃ ga choxna ĩgachitanüxü̃ naxca̱x ga norü tupananetachicüna̱xãgü.