Gálatas 6:2 - Tupanaarü Ore

² ¡Rü ngẽxguma texé petanüwa guxchaxü̃gü tüxü̃́ ngẽxmagu, rü pegü perüngü̃xẽxẽgü! Erü ngẽmaãcü tá peyangu̱xẽxẽ i ngẽma Cristu pexü̃ muxü̃.

Gálatas 6:2 Referans Kwoze

Romanos 15:1

Rü yixema nax iporaexü̃ i tórü õwa, rü name nixĩ i nüxü̃ tarüngü̃xẽxẽ i ngẽma tamücügü i turaexü̃ i norü õwa. Rü tama name i yigüguxicatama tarüxĩnüe rü tóxrütama ngúchaü̃ taxügü.

1 Tesalonicenses 5:14

Rü pemaxã nüxü̃ tixu ta nax penaxucu̱xẽgüxü̃ i ngẽma duü̃xü̃gü i oexü̃ i tama puracüechaü̃xü̃. ¡Rü nüxü̃́ penangúchaü̃xẽẽgü i ngẽma duü̃xü̃gü i marü nüxü̃ rüxoechaü̃xü̃ nax yaxõgüãxü̃! ¡Rü nüxü̃ perüngü̃xẽxẽgü i ngẽma duü̃xü̃gü i turaexü̃ i norü õwa! ¡Rü yáxna namaxã pexĩnüe i guxü̃ma i ngẽma taenexẽgü!

Ore i mexü̃ ga Cuáü̃ ümatüxü̃ 13:34

Rü pemaxã nüxü̃ chixu i wüxi i ngexwaca̱xü̃xü̃ i mu. Rü ngẽma pexü̃ chamuxü̃ nixĩ i pemücügüxü̃ nax pengechaü̃xü̃ i wüxichigü. Rü ngẽma nax choma pexü̃ changechaü̃xü̃rüxü̃, rü chanaxwa̱xe i wüxichigü i pema rü pemücügüxü̃ pengechaü̃gü.

Nüxíraxü̃xü̃ ga popera ga Cuáü̃ ümatüxü̃ 4:21

Rü Ngechuchu ya Cristu tamaxã nüxü̃ nixu i ñaa mu, rü ñanagürü: “Yíxema Tupanaxü̃ ngechaü̃xe, rü tanaxwa̱xe nax tümaenexẽxü̃ rü ta tangechaü̃xü̃”, ñanagürü.

Popera ga Chantiágu ümatüxü̃ 2:8

Tupanaarü mu i guxü̃ i norü mugüarü yexera ixĩxü̃ rü ñanagürü: “¡Nüxü̃ nangechaü̃ i cumücü ngẽma cugütama cungechaü̃xü̃rüxü̃!” ñanagürü. Rü ngẽxguma aixcüma naga pexĩnüegu i ngẽma mu, rü mexü̃ pexügü.

Ore i mexü̃ ga Cuáü̃ ümatüxü̃ 15:12

Rü choma pexü̃ chamu nax pemücügüxü̃ pengechaü̃güxü̃ca̱x, ngẽma choma nax pexü̃ changechaü̃xü̃rüxü̃.

Ínachoxü̃xü̃chiga 23:5

Rü tama name i nüxü̃ cuxo nax nüxü̃ curüngü̃xẽẽxü̃ i ngẽma cuxchi aixü̃. Rü ngẽxguma chi nüxü̃ cuda̱u̱xgu i norü búru nax naxwetaarü yamaxã ngẽxma yanguxü̃ ¡rü nüxü̃ rüngü̃xẽxẽ nax ícunanugüxü̃ i ngẽma naxweta i naétüwa ngẽxmaxü̃!

Nüxíraxü̃xü̃ ga popera ga Pedru ümatüxü̃ 2:24

Rü nümatama ga Cristu rü nügüxü̃negu nayange ga tórü pecadugü ga yexguma curuchagu nayu̱xgu. Rü yemaacü nanaxü nax nüxü̃ rüxoexü̃ca̱x i tórü chixexü̃ rü naxca̱xicatama imaxẽxü̃ca̱x. Nüma rü pexca̱x nanapi̱x nax yemaacü pexü̃ nameexẽẽxü̃ca̱x.

Ore i mexü̃ ga Matéu ümatüxü̃ 8:17

Rü yemaacü Ngechuchu nayanguxẽxẽ ga yema ore ga nũxcümaü̃cü ga Tupanaarü orearü uruxü̃ ga Ichaía nüxü̃ ixuxü̃ ga ñaxü̃: “Nüma rü tüxü̃ naporaexẽxẽ i ngẽxguma ituraegu, rü tüxü̃ narümeexẽxẽ i ngẽxguma ida̱xaweegu”, ñaxü̃.

Gálatas 6:5

Erü wüxichigü rü name nax tümaarü maxü̃na tadauxü̃ i Tupanape̱xewa.

1 Corintios 9:21

Rü yexguma natanüwa chayexmagu ga yema duü̃xü̃gü ga tama Yudíugü ixĩgüxü̃, rü yema duü̃xü̃gümaxã chaugü chawüxiguxẽxẽ nax yemaacü nüxü̃ charüngü̃xẽẽxü̃ca̱x nax Cristuaxü̃́ yaxõgüãxü̃ca̱x. Natürü taguma íchanange̱x i Tupanaarü mugü. Rü guxü̃guma Cristuarü mugütüü̃wa changexma.

Romanos 8:2

Erü Tupanaãxẽ ya Üünecü ya Ngechuchu ya Cristugagu tüxü̃ maxẽxẽẽxü̃, rü nüxna tüxü̃ ínanguxü̃xẽxẽ i pecadu nax tama yuwa tüxü̃ nagagüxü̃ca̱x.

Ore i mexü̃ ga Luca ümatüxü̃ 11:46

Natürü Ngechuchu rü ñanagürü nüxü̃: —Wüxi i ngechaü̃ nixĩ i pexca̱x, Pa Ngúexẽẽruü̃gü i Moichéarü Mugüwa Ngu̱xẽẽtaegüxü̃ erü penamu i duü̃xü̃gü nax naga naxĩnüexü̃ca̱x i ngẽma Moichéarü mugü i guxchaxü̃ i taxucürüwama texé naga ĩnüxü̃ rü woo i pema rü bai i írarüwa naga nax pexĩnüechaü̃xü̃.

Ichaía 58:6

Natürü tama ngẽmaãcü üxü̃ i aure nixĩ i chanaxwa̱xexü̃. Rü ngẽma aure i namaxã chataãẽxü̃ nixĩ nax tüxü̃ ípinguxü̃xẽẽxü̃ ya yíxema natüca̱xma poxcuexe rü yíxema mugüruxü̃ ixĩgüxe, rü yíxema togü chixri tümamaxã icua̱xgüxe.

Wenaxarü naxümatü ga Tupanaarü mugü 1:12

Natürü i choma rü taxucürüwama chaxicatama chanangenagü i guxü̃ma i perü guxchaxü̃gü i pegümaxã pexüxü̃.

Popera ga Chantiágu ümatüxü̃ 1:25

Natürü yíxema mea nawa ngúxe rü naga ĩnüxe i ngẽma ore i aixcüma ixĩxü̃ i pecaduwa tüxü̃ ínguxuchixẽẽxü̃, rü ngẽxguma tayangu̱xẽẽgu i ngẽma ore nüxü̃ ixuxü̃, rü Tupana tá tüxü̃ narüngü̃xẽxẽ.

Popera ga Chantiágu ümatüxü̃ 2:12

Rü ngẽmaca̱x name nixĩ nax mea pidexagüxü̃ rü mea pemaxẽxü̃. Erü nüma ya Tupana rü ngẽma mugü i pecaduna tüxü̃ ínanguxü̃xẽẽxü̃maxã tá tüxna naca i tórü maxü̃chiga.

Norü taxre ga popera ga Pedru ümatüxü̃ 2:21

Erü ngẽxguma chi tanayauxgügu i ngẽma ore i mexü̃ ga marü tayauxgüxü̃, rü ñu̱xũchi nüxü̃ tarüxoegu, rü narümemae chi nixĩ ga noxtacüma taxũchima nüxü̃ nax tacua̱xgüxü̃ i ngẽma ore i üünexü̃ i noxri tüxna ãxü̃.

Norü taxre ga popera ga Pedru ümatüxü̃ 3:2

Rü chanaxwa̱xe i nüxna pecua̱xãchie i ngẽma ore ga nũxcümaü̃güxü̃ ga Tupanaarü orearü uruü̃gü ga ixüünexü̃ nüxü̃ ixugügüxü̃. Rü ngẽxgumarüxü̃ ta chanaxwa̱xe i nüxna pecua̱xãchie i ngẽma tórü Cori ya Ngechuchu ya tórü Maxẽxẽẽruü̃arü mugü ga pexü̃ nangúexẽẽxü̃ ga norü orearü uruü̃gü ga nüma pexü̃tawa namugüxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:12

Rü nüma ga Yoá rü naenexẽ ga Abicháixü̃ ñanagürü: —Rü ngẽxguma Chíriaanearü churaragü choxü̃ rüporamaegügu, rü cuma tá choxü̃ curüngü̃xẽxẽ. Rü ngẽxguma Amóü̃tanüxü̃arü churaragü cuxü̃ rüporamaegügu, rü choma tá cuxü̃ charüngü̃xẽxẽ.