Gálatas 6:17 - Tupanaarü Ore

¹⁷ Rü ñu̱xmawena rü tama chanaxwa̱xe nax texé ta̱xacürü guxchaxü̃gü choxna ãxü̃. Erü choma rü aixcüma tórü Cori ya Ngechuchuarü duü̃xü̃ chixĩ. Rü ngẽma chorü o̱xrigüchica i chowa ngẽxmagüxü̃wa nüxü̃ pecua̱x nax aixcüma yixĩxü̃ i ngẽma.

Gálatas 6:17 Referans Kwoze

2 Corintios 1:5

Rü ñu̱xma nax Cristurüxü̃ poraãcü ngúxü̃ tingegüxü̃, rü ngẽxgumarüxü̃ ta nixĩ nax nümatama poraãcü toxü̃ nataãẽxẽẽxü̃.

Colosenses 1:24

Rü ñu̱xma nax pexca̱x ngúxü̃ chingexü̃ rü chataãxẽ erü nüxü̃ chacua̱x rü ñaa chaxunemaxã choma rü ta chayanguxẽxẽ ga yema ngúxü̃ ga Cristu ingexü̃ naxca̱x i norü duü̃xü̃gü i yaxõgüxü̃.

2 Corintios 4:10

Rü guxü̃wama i ngextá ítaxĩxü̃wa rü guxü̃guma Ngechuchurüxü̃ yuwa tangexmagü, natürü ngẽmaãcü itanawe̱x nax towa namaxü̃xü̃ ya Ngechuchu.

Popera ga Yudíugü ga yaxõgüxü̃ca̱x ümatüxü̃ 12:15

¡Rü pegüna pedaugü nax taxúema nüxü̃ oxü̃ca̱x i ngẽma ngü̃xẽxẽ ya Tupana norü ngechaü̃maxã pexna ãxü̃! Erü tama tanaxwa̱xe nax texé petanüwa guxchaxü̃ íngu̱xẽẽxü̃ nax ngẽmaãcü ñoma wüxi i nanetü i chixexü̃rüxü̃ toguxexü̃ tachixexẽẽxü̃ nax Cristuna tixũgachixü̃ca̱x.

Ngechuchuarü ngúexü̃gü ga yamugüxü̃arü puracüchiga 15:24

Rü nüxü̃ tacuáchigagü rü ñuxre ga duü̃xü̃gü ga núma ne ĩxü̃ rü woo tama toma yéma tanamugü natürü nümagü rü yéma naxĩ rü Moichéarü mugümaxã pexü̃ nachixewegü rü yemaacü pexü̃ ínatüexẽxẽ.

Yochué 7:25

Rü Yochué rü Acáü̃xü̃ ñanagürü: —¿Tü̱xcüü̃ chixexü̃ tatanüwa ícunguxẽxẽ? Rü ñu̱xma ya Cori ya Tupana rü ngẽma chixexü̃ tátama nixĩ i cuxna nanguxẽẽxü̃ —ñanagürü. Rü yema ñaxgu ga Yochué, rü guxü̃ma ga Iraétanüxü̃ rü nutamaxã Acáü̃xü̃ rü natanüxü̃xü̃ nadai. Rü ñu̱xũchi natanüwa nanangixichi.

Gálatas 1:7

Rü nataxuma i to i ngu̱xẽẽtae i nawa nayaxuxü̃ i maxü̃ i taguma gúxü̃. Natürü nangẽxma i ñuxre i duü̃xü̃gü i pexü̃ ítüexẽẽchaü̃xü̃ rü íyatoxẽẽgüchaü̃xü̃ i ngẽma ngu̱xẽẽtae i mexü̃ i Cristuchiga.

Ichaía 44:5

Rü wüxi rü tá ñanagürü: “Choma rü Tupanaarü duü̃ chixĩ”, ñanagürü tá. Rü to rü tá Acóbutaagu naxãéga. Rü to rü tá nügüme̱xẽgu nanaxümatü i ñaxü̃: “Choma rü Iraétanüxü̃arü Tupanaarü chixĩ”, ñaxü̃.

Echequié 9:4

Rü ñanagürü nüxü̃: —¡Ẽcü, nagu ixũãgüchigü ya daa ĩane ya Yerucharéü̃ rü yaxüégacatü i guxü̃ma i ngẽma duü̃xü̃gü i ñaa ĩanearü chixexü̃gagu ngechaü̃güxü̃ rü ngúxü̃ ingegüxü̃! —ñanagürü.

Filipenses 3:10

Rü ngẽma ñu̱xma chanaxwa̱xexü̃ nixĩ nax aixcüma Cristuxü̃ chacuáxü̃ rü chowa nax nangẽxmaxü̃ i Tupanaarü pora ga wena Cristuxü̃ írüdaxẽẽxü̃. Rü yema ngúxü̃ nax yangexü̃ ga nüma rü nax nayuxü̃ rü ngẽxgumarüü̃tama i choma rü íchamemare nax naxca̱x ngúxü̃ chingexü̃ rü naxca̱x chayuxü̃ nax yixcaama choma rü ta yuwa ícharüdaxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:16

Rü nanamu nax guxü̃ma ga duü̃xü̃gü, rü woo buxü̃ rüe̱xna yáxü̃, rü woo duü̃xü̃gü i muarü diẽruã̱xgüxü̃ rüe̱xna ngearü diẽruã̱xgüxü̃, rü woo duü̃xü̃gü i ngearü coriã̱xgüxü̃ rüe̱xna duü̃xü̃gü i ixãarü coriã̱xgüxü̃, rü nanamu nax norü tügüneme̱xẽwa rüe̱xna nacatüwa nüxü̃́ nayexmaxü̃ca̱x ga wüxi ga cua̱xruxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:17

Rü taxucürüwa texé tümaarü ta̱xacüca̱x tataxe rüe̱xna tümaarü ta̱xacümaxã tataxe ega nataxuguma ga tümaarü cua̱xruxü̃ ga yema ngo̱xoéga rüe̱xna yema ngo̱xoarü númeru.