Gálatas 6:14 - Tupanaarü Ore14 Natürü i choma rü chaugü chicua̱xüxü̃ erü nüxü̃́ chayaxõ ya tórü Cori ya Ngechuchu ya Cristu ga curuchagu yucü. Rü ngẽmaca̱xicatama nixĩ i chaugü chicua̱xüüxü̃. Rü ñu̱xma nax Cristu ga curuchagu yucüaxü̃́ chayaxõxü̃, rü marü tama nagu charüxĩnü i ñoma i naane rü norü ngẽmaxü̃gü. Rü ngẽxgumarüxü̃ ta i ñoma i naane rü marü tama choxü̃ nacuáxchaü̃. Gade chapit la |
Rü choma rü wüxigu Cristumaxã curuchawa chipota. Rü ñu̱xma rü marü tama chaugümaxãtama ichacua̱x, natürü Cristu nixĩ ya chomaxã icuácü erü chowa namaxü̃. Rü ñu̱xma rü Tupana Nane ya Cristuaxü̃́ chayaxõõcüma nixĩ i chamaxü̃xü̃. Rü nüma nixĩ ga choxü̃ nangechaü̃xü̃, rü nügü inaxãxü̃ nax cha̱u̱xca̱x nayuxü̃ca̱x.
Rü taxuca̱xma naxca̱x chaxãne i ngẽma ore i mexü̃. Erü ngẽma ore rü Tupanaarü pora nixĩ. Rü guxãma ya yíxema ya nüxü̃ ĩnüxe rü Cristuaxü̃́ yaxõgüxe rü tüxü̃́ nangẽxma i maxü̃ i taguma gúxü̃. Rü ngẽma maxü̃, rü Yudíugüca̱xchire̱x nixĩ, natürü i ñu̱xma rü guxü̃ma i ngẽma tama Yudíugü ixĩgüxü̃ca̱x rü ta nixĩ.
—Cumax, Pa Yatüx, ¡Yima Tíruarü ãẽ̱xgacümaxã nüxü̃ ixu i ñaa ore! Cori ya Tupana rü ñanagürü cuxü̃: “Cumax, Pa Tírucüã̱xgüarü Ãẽ̱xgacüx, cugü quicua̱xüxü̃ rü cugügu curüxĩnügu rü wüxi i tupana quixĩ rü Tupanaarü toruü̃wa curüto. Rü cuxca̱x rü taxucürüwa curü uanügü cuxü̃ narüporamae erü márcutüwa cungexma. Natürü i cumax rü tama wüxi i tupana quixĩ. Rü wüxi i duü̃xü̃mare quixĩ woo nagu curüxĩnügu nax wüxi i tupanaarü cua̱x cuxü̃́ ngẽxmaxü̃.
Rü ñu̱xma i yixema rü Cristuaxü̃́ tayaxõgü, rü ngẽmaca̱x nixĩ i Tupanape̱xewa imexü̃. Natürü ngẽxguma chi wüxi i ngunexü̃gu rü yixema nagu rüxĩnüegu rü Cristugagu nüxna taxĩgachi i ngẽma mugü rü ngẽmaca̱x tipecaduã̱xgü, rü ngürüãchi tá nagu tarüxĩnüe nax Cristu tüxü̃ pecaduã̱xẽẽxü̃. Natürü tama ngẽmaãcü nixĩ, erü Cristu rü tagutáma texéxü̃ napecaduã̱xẽxẽ.
Yerü yexguma yema mugüwa changu̱xgu, rü düxwa nüxü̃ chicua̱xãchi nax tama yanguxü̃ ga yema mugü nax choxü̃ namexẽẽxü̃ Tupanape̱xewa. Rü ngẽmaca̱x i ñu̱xma rü Cristuaxü̃́ chayaxõ nax Tupanape̱xewa chamexü̃ca̱x rü naxca̱xicatama chamaxü̃xü̃ca̱x. Rü Cristu rü curuchagu nayu nax iyanaxoxü̃ca̱x ga nũxcümaü̃xü̃ ga chorü maxü̃ ga choxü̃́ yexmaxü̃ ga yexguma yema mugügu chixũxgu.