Gálatas 6:10 - Tupanaarü Ore

¹⁰ Rü ngẽmaca̱x ngẽxguma tüxü̃́ natauxchagu nax ta̱xacümaxã togüxü̃ rüngü̃xẽẽxü̃, rü name nixĩ i guxãxü̃ma tarüngü̃xẽxẽ. Natürü yexera tanaxwa̱xegü nax nüxü̃ rüngü̃xẽẽgüxü̃ i ngẽma taenexẽgü rü taeya̱xgü i yaxõgüxü̃.

Gálatas 6:10 Referans Kwoze

Popera ga Yudíugü ga yaxõgüxü̃ca̱x ümatüxü̃ 13:16

¡Rü taxṹ i nüxü̃ ipeyarüngümaexü̃ nax togüxü̃ perüngü̃xẽẽxü̃ rü namaxã pengauxü̃ i ngẽma pexü̃́ ngẽxmaxü̃! Erü ngẽma nixĩ i ãmare i Tupanana pexãxü̃ i aixcüma namaxã nataãẽxü̃.

Ucu̱xẽgüchiga 3:27

Ngẽxguma texé curü ngü̃xẽẽca̱x ícaxgu, rü tama name i tüxna cunachu̱xu ega cuxü̃́ nangẽxmagu i ngẽma naxca̱x ítaca̱xaxü̃.

1 Tesalonicenses 5:15

Rü ngẽxguma texé chixexü̃ pemaxã ü̱xgu, rü tama name i chixexü̃maxã penataeguxẽxẽ. ¡Rü pora pexügü nax guxü̃guma mexü̃ pexügüxü̃ i pegütanüwa rü guxü̃ma i ngẽma togütanüwa rü ta!

Popera ga Títoca̱x naxümatüxü̃ ga Pauru 3:8

Rü guxü̃ma i ngẽma marü cumaxã nüxü̃ chixuxü̃ rü aixcüma nixĩ. Rü ngẽmaca̱x chanaxwa̱xe i guxü̃guma nüxü̃ quixu i ngẽma ore nax aixcüma mexü̃ naxügüxü̃ca̱x i ngẽma duü̃xü̃gü i Tupanaaxü̃́ yaxõgüxü̃. Erü ngẽma ore rü guxü̃wama name i guxãca̱x.

Ore i mexü̃ ga Matéu ümatüxü̃ 25:40

Rü nüma i Ãẽ̱xgacü rü tá nanangãxü̃, rü ñanagürü tá: “Aixcüma pemaxã nüxü̃ chixu rü yexguma nüxü̃ perüngü̃xẽxẽgügu i ngẽma chorü duü̃xü̃ i yexeraãcü ngearü ngẽmaxü̃áxü̃, rü choxü̃ nixĩ ga perüngü̃xẽxẽgüxü̃”, ñanagürü tá nüxü̃.

Popera ga Yudíugü ga yaxõgüxü̃ca̱x ümatüxü̃ 6:10

Erü nüma ya Tupana rü aixcümacü nixĩ. Rü nüma rü taxũtáma nüxü̃ inayarüngüma ga yema mexü̃ ga pexüxü̃ rü ñuxãcü taenexẽgü i yaxõgüxü̃xü̃ nax pengechaü̃güxü̃ ga yexguma nüxü̃ perüngü̃xẽẽgügu, ngẽma ñu̱xma ípenaxüxü̃rüü̃tama.

Efesios 2:19

Rü ngẽmaca̱x i pemax, rü woo tama Tupanaxü̃ pecua̱xgü ga noxrix, rü woo tama norü duü̃xü̃gü pixĩgü ga yexguma, natürü i ñu̱xmax rü tama ngẽmaãcü pixĩgü. Erü ñu̱xma rü natanüxü̃ pixĩgü i guxü̃ma i ngẽma duü̃xü̃gü i Tupanaarü ixĩgüxü̃. Rü aixcüma Tupanaxacügüxüchi pixĩgü i ñu̱xmax.

Ore i mexü̃ ga Cuáü̃ ümatüxü̃ 12:35

Rü yexguma ga Ngechuchu rü ñanagürü nüxü̃: —Choma rü paxaãchica̱xicatama petanüwa changexma nax ñoma wüxi i omürüxü̃ pexü̃ chabáxixü̃ca̱x. Rü ñoma rü ta petanüwa changexmaxü̃ rü name nixĩ nax choxü̃́ peyaxõgüxü̃ naxü̃pa nax ẽanexü̃wa pengẽxmagüxü̃. Erü yíxema ẽanexü̃wa ngẽxmaxe rü tama nüxü̃ tacua̱x nax ngextá taxuxü̃.

Ore i mexü̃ ga Luca ümatüxü̃ 6:35

Natürü i pema rü name nixĩ i nüxü̃ pengechaü̃ i ngẽma pemaxã rüxuanügüxü̃, rü nüxü̃ perüngü̃xẽxẽ. Rü ngẽxguma ta̱xacüca̱x pexna nacaxgu, rü name nixĩ i nüxna penaxã woo ngürüãchi taxũtáma pexü̃́ natáeguxẽẽãgu. Erü ngẽxguma ngẽmaãcü penaxü̱xgu, rü Tupana ya Guxü̃étüwa Ngẽxmacü rü ngẽmaarü yexera tá pexü̃́ nanatáeguxẽxẽ, rü naxacügü tá pixĩgü. Erü nüma rü namaxã rü ta namecüma i ngẽma taguma moxẽ nüxna ãgüxü̃ rü ngẽma chixecümagüxü̃.

Wiyaegü 37:3

¡Rü nüxü̃ yaxõ ya Cori ya Tupana rü mexü̃ naxü! ¡Rü mea ñoma i naanewa namaxü̃ rü aixcüma mexü̃ naxü!

Ore i mexü̃ ga Cuáü̃ ümatüxü̃ 9:4

Rü ñoma rü ta nangune rü name nixĩ nax naxüxü̃ i norü puracü ya yimá núma choxü̃ mucü. Erü paxa tá nachüta rü ngẽxguma rü taxucürüwama texé tapuracü.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Filipenses 4:10

Rü ñu̱xma rü Corimaxã poraãcü chataãxẽ erü wenaxarü choxna pecua̱xãchie rü choxü̃ perüngü̃xẽxẽ. Rü choma nüxü̃ chacua̱x rü pema rü guxü̃guma choxü̃ perüngü̃xẽẽchaü̃, natürü tama pexü̃́ nayexma ga tauxcha nax penaxüxü̃ca̱x ga yema.

Ore i mexü̃ ga Matéu ümatüxü̃ 12:50

Erü guxãma ya texé ya naxǘxe i Chaunatü ya daxũgucüarü ngúchaü̃, rü yíxema tixĩ ya chauenexẽ rü chaueya̱x rü chaué —ñanagürü ga Ngechuchu.

Norü tomaepü̱x ga popera ga Cuáü̃ ümatüxü̃ 1:11

Pa Chauenexẽ i Cuxü̃ Changechaü̃xex, ¡Taxṹ i nüxü̃ cuyadauxü̃xü̃ i ngẽma chixexü̃ ügüxü̃! Natürü name nixĩ i nüxü̃ cuyadauxü̃ i ngẽma mexü̃ ügüxü̃. Erü yíxema mexü̃ ǘxe rü Tupanaxacü tixĩ. Natürü yíxema chixexü̃ ǘxe rü tama Tupanaxü̃ tacua̱x.

Colosenses 4:5

¡Rü mea pemaxẽ nape̱xewa i ngẽma duü̃xü̃gü i tama yaxõgüxü̃! ¡Rü ñu̱xma nax pexü̃́ natauxchaxü̃, rü peyoxniẽ nax paxa penaxüxü̃ i Tupanaarü puracü! ¡Rü taxṹ i perüchomarexü̃!

Efesios 5:16

¡Rü ñu̱xma nax Tupana pexü̃́ natauxchaxẽẽxü̃ rü peyoxniẽ nax penaxüxü̃ i ngẽma nüma nanaxwa̱xexü̃! Erü ñomaü̃cüü rü muxü̃ma i chixexü̃gü ínangugü.

Nüxíraxü̃xü̃ ga popera ga Cuáü̃ ümatüxü̃ 5:1

Guxü̃ma ya yíxema yaxṍxe nax Cristu yixĩxü̃ ya Ngechuchu, rü Tupana nane tixĩ. Rü guxãma ya yíxema Tanatü ya Tupanaxü̃ ngechaü̃güxe, rü nüxü̃ tangechaü̃ ta i naxacügü.

Wiyaegü 37:27

¡Rü nüxna ixũgachi i ngẽma chixexü̃, rü mexü̃ naxü! Rü ngẽmaãcü guxü̃gutáma cuxü̃́ nangẽxma i cuchica i nawa tá cumaxü̃xü̃ i ñoma i naanewa.

Popera ga Yudíugü ga yaxõgüxü̃ca̱x ümatüxü̃ 3:6

Natürü nüma ya Ngechuchu rü Moichéarü yexera nixĩ erü Tupana Nanexü̃chi nixĩ. Rü nüma nixĩ i nüxna nadauxü̃ i guxü̃ma i ngẽma Tupanaarü duü̃xü̃gü ixĩgüxü̃. Rü yixema rü ta rü Tupanaarü duü̃xü̃gü tixĩgü ega aixcüma Ngechuchuaxü̃́ yaxõgügu rü taguma nüxü̃ rüxoegu. Rü Tupana nanaxwa̱xe nax guxü̃guma Ngechuchumaxã itaãẽgüxü̃ erü nüxü̃ tacua̱x nax wüxi i ngunexü̃ rü tá taxca̱x nataeguxü̃ nax wüxiwa namaxã ingexmagüxü̃ca̱x.

Ore i mexü̃ ga Márcu ümatüxü̃ 3:4

Rü yexguma ga Ngechuchu rü yema togü ga yéma yexmagüxü̃na naca, rü ñanagürü nüxü̃: —¿Ta̱xacü nixĩ i mexü̃ nax naxüxü̃ i ngü̃xchigaarü ngunexü̃gu? ¿Namexü̃ nax naxüxü̃ i mexü̃ rü ẽ̱xna chixexü̃? ¿Rü namexü̃ nax namaxẽxẽxü̃ rü ẽ̱xna yamáxü̃? —ñanagürü. Natürü ga nümagü rü yexma nayarüngea̱xgümare.

Efesios 3:15

Rü nüma nixĩ i Tanatü yixĩxü̃ i guxãma i yixema nax norü duü̃xü̃gü ixĩgüxü̃ i ñoma i naanewa rü daxũguxü̃ i naanewa ngẽxmagüxü̃.

Ore i mexü̃ ga Matéu ümatüxü̃ 5:43

Pema rü marü nüxü̃ pexĩnüe ga yema mu ga ñaxü̃: ‘¡Nüxü̃ nangechaü̃ i cumücü, rü naxchi naxai i curü uanü!’ ñaxü̃.

Ngu̱xẽẽtaeruü̃arü ore 9:10

Rü guxü̃ma i ngẽma puracü i nüxü̃ cucuáxü̃ nax cunaxüxü̃, ¡rü mea naxü! Erü ngẽxguma cuyu̱xgu rü tauquewa cungexmagu, rü taxuxü̃ma cuxü rü taxuguma curüxĩnü erü ngéma rü nataxuma i ta̱xacürü cua̱x.

Ore i mexü̃ ga Matéu ümatüxü̃ 10:25

Rü ngẽma norü ngúexẽẽruü̃xü̃ üpetüxü̃rüxü̃ tátama nüxü̃ naxüpetü i ngẽma norü ngúexü̃. Rü ngẽma norü corixü̃ üpetüxü̃rüxü̃ tátama nüxü̃ naxüpetü i ngẽma norü duü̃xü̃. Rü ngẽxguma duü̃xü̃gü rü ngo̱xo i Beechebú choxü̃ wogügu, ¿rü ñuxãcü tá pexü̃ naxu i pemax?

Ngu̱xẽẽtaeruü̃arü ore 3:12

Rü ñu̱xma rü nüxü̃ chacua̱x rü duü̃xü̃güca̱x rümemaexü̃ nixĩ nax namaxẽyane nataãẽgüxü̃ rü mexü̃ naxügüxü̃. Rü ngẽxgumarüxü̃ ta nüxü̃ chacua̱x nax Tupanawa ne naxũxü̃ nax ichibüexü̃, rü ixaxegüxü̃, rü nayauxgüxü̃ i tórü puracütanü.

Ngechuchuarü ngúexü̃gü ga yamugüxü̃arü puracüchiga 6:7

Rü yema Tupanaarü ore rü yexeraãcü tóxnamana ninguchigü. Rü poraãcü nimuetanü ga yema yaxõgüxü̃ ga Yerucharéü̃wa. Rü woo muxü̃ ga chacherdótegü rü ta nayaxõgü.

Gálatas 1:23

Rü chauchigaxicatama nixĩ ga nüxü̃ naxĩnüexü̃ ga ore ga ñaxü̃: “Ngẽma Pauru ga ü̃pa tawe ingẽchigüxü̃, rü ñu̱xma rü duü̃xü̃gümaxã nüxü̃ nixu i Tupanaarü ore i mexü̃ ga noxri iyanaxoxẽẽchaü̃xü̃”, ñaxü̃.

Efesios 4:28

Rü ngẽxguma texé petanüwa ngĩ́ta̱a̱xgu, rü name nixĩ i nüxü̃ tarüxo i ngẽma. Rü name i tümame̱xẽmaxã mea tapuracü nax ngẽmaãcü tüxü̃́ nangẽxmaxü̃ca̱x i tümaarü diẽru nax toguxe ya tüxü̃́ nataxúxemaxã tangauxü̃ca̱x.

1 Tesalonicenses 5:21

Natürü name nixĩ i meama penangugü i guxü̃ma i ore nax nüxü̃ pecuáxü̃ca̱x rü aixcüma yixĩxü̃ i ngẽma ore rüe̱xna tama. ¡Rü ngẽma ore i aixcüma mexü̃xicatama pixõgü!

Nüxíraxü̃xü̃ ga popera ga Pedru ümatüxü̃ 2:5

Rü ngẽxgumarüxü̃ ta i pemax, rü Tupana pexü̃ nade nax napataarü nutagü ya maxẽcü pixĩgüxü̃. Rü pema nixĩ i Tupanaarü ngü̃xẽẽruü̃gü i üünexü̃ ya Ngechuchu ya Cristuégagu Tupanana ãmare pexãgüxü̃. Rü ngẽma ãmare i nüxna pexãgüxü̃ i namaxã nataãẽxü̃ rü ngẽma nixĩ i perü maxü̃.

Nüxíraxü̃xü̃ ga popera ga Pedru ümatüxü̃ 4:17

Rü ñu̱xma rü marü nawa nangu nax Tupana tüxna ca̱xaxü̃ i yixema nax naxacügü ixĩgüxü̃. Rü ngẽxguma tawa inaxügüãgu, rü ¿ñuxãcü tá nüxü̃ naxüpetü i ngẽma duü̃xü̃gü i tama naga ĩnüexü̃ i Tupanaarü ore i mexü̃?

Norü tomaepü̱x ga popera ga Cuáü̃ ümatüxü̃ 1:3

Rü poraãcü chataãxẽ ga yexguma núma naxĩxgu ga ñuxre ga taenexẽgü, rü chomaxã nüxü̃ yaxugügu nax guxü̃guma mea naga cuxĩnüxü̃ i Tupanaarü ore i aixcüma ixĩxü̃.

Norü tomaepü̱x ga popera ga Cuáü̃ ümatüxü̃ 1:10

Rü ngẽxguma ngéma chaxũxgu rü tá nüxü̃ chaxoregü erü tochiga rü chixexü̃maxã inayarüdexanexü̃. Rü ngẽmaétüwa tama nanayauxchaü̃ i ngẽma taenexẽgü i ngéma ngugüxü̃. Rü nanachu̱xu nax texé nayaxuxü̃ i ngẽma taenexẽgü. Rü yíxema nayauxgüchaü̃xẽ, rü ngutaque̱xepataü̃wa tüxü̃ ínawoxü̃.

2 Corintios 2:8

Rü ngẽmaca̱x pexü̃ chaca̱a̱xü̃ nax wenaxarü noxrirüxü̃ nüxü̃ penawéxü̃ nax aixcüma nüxü̃ pengechaü̃güxü̃.