Gálatas 5:25 - Tupanaarü Ore

²⁵ Rü ñu̱xma nax Tupanaãxẽ ya Üünecü tawa maxü̃xü̃ rü name nixĩ nax nüxna yigü ixãxü̃ nax nüma tamaxã inacuáxü̃ca̱x.

Gálatas 5:25 Referans Kwoze

Gálatas 5:16

Rü ñu̱xma rü pemaxã nüxü̃ chixu, rü name nixĩ i Tupanaãxẽ ya Üünecü naxwa̱xexü̃ãcüma pemaxẽ. Rü ngẽxguma ngẽmaãcü pemaxẽgu, rü taxũtáma pexenearü ngúchaü̃ pexügü.

Ore i mexü̃ ga Cuáü̃ ümatüxü̃ 6:63

Tupanaãxẽ ya Üünecü nixĩ i inaxãxü̃ i maxü̃ i taguma gúxü̃. Rü tama pexene nixĩ i pexü̃ maxẽxẽẽxü̃. Rü ngẽma ore i pemaxã nüxü̃ chixuxü̃ rü peãxẽca̱x nixĩ, rü ngẽma orewa nangẽxma i maxü̃ i taguma gúxü̃.

Romanos 8:2

Erü Tupanaãxẽ ya Üünecü ya Ngechuchu ya Cristugagu tüxü̃ maxẽxẽẽxü̃, rü nüxna tüxü̃ ínanguxü̃xẽxẽ i pecadu nax tama yuwa tüxü̃ nagagüxü̃ca̱x.

2 Corintios 3:6

Rü nümatama ya Tupana nixĩ i toxü̃ nangúexẽẽxü̃ nax nüxü̃́ tapuracüexü̃ca̱x rü nüxü̃ tixuxü̃ca̱x i ngẽma ngexwaca̱xü̃xü̃ i norü uneta i tama Moichéarü mugüwa ne daxü̃ natürü Tupanaãxẽ i Üünexü̃wa ne ũxü̃. Rü yema mugü ga Moiché ümatüxü̃ rü yuwa tüxü̃ nagagü, natürü Tupanaãxẽ ya Üünecü rü tüxna nanaxã i maxü̃ i taguma gúxü̃.

Nüxíraxü̃xü̃ ga popera ga Pedru ümatüxü̃ 4:6

Rü yexguma ñoma ga naanewa namaxẽgu ga yema duü̃xü̃gü ga marü yuexü̃, rü Tupanaarü orearü uruü̃gü namaxã nüxü̃ nixu ga Tupanaarü ore nax namaxẽxü̃ca̱x i naãxẽgü. Rü yema nixĩ i nanaxwa̱xe ya Tupana woo ñoma ga naanewa rü ãẽ̱xgacügü rü ngúxü̃ nüxü̃ ningexẽẽgü ga yema duü̃xü̃gü.

Romanos 8:10

Natürü ngẽxguma pewa namaxü̃xgu ya Cristu, rü peãxẽ rü namaxü̃ erü Cristugagu Tupana pexü̃́ nüxü̃ inayarüngüma i perü pecadugu. Rü woo i pexene rü pecadugagu tá nayuama, natürü peãxẽ rü Cristugagu tá namaxü̃, erü Tupana pexü̃ nadau nax pimexü̃.

1 Corintios 15:45

Tupanaarü ore i ümatüxü̃wa rü ñanagürü: “Gumá nüxíraü̃cü ga yatü ga Adáü̃ rü nüxü̃́ nayexma ga ñoma ga naanecüã̱x ga naxü̃ne ga paxaãchi maxü̃xü̃”, ñanagürü. Natürü ya Cristu rü daxũcüã̱x nixĩ. Rü nüma nixĩ i tüxna naxããxü̃ i maxü̃ i taguma gúxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:11

Natürü yema tomaepü̱x ga ngunexü̃arü ngãxü̃guwena, rü Tupana wenaxarü nanamaxẽxẽxẽ ga yema taxre. Rü wenaxarü ínarüdagü. Rü guxü̃ma ga yema duü̃xü̃gü ga nüxü̃ daugüxü̃ rü poraãcü namuü̃e.

Filipenses 3:3

Natürü yíxema aixcüma Tupanape̱xewa imexe, rü yixema tixĩgü. Rü Tupanaxü̃ ticua̱xüü̃gü i Naãxẽ ya Üünexü̃arü ngü̃xẽẽmaxã. Rü tataãẽgü erü Ngechuchu ya Cristuarü duü̃xü̃gü tixĩgü. Rü tama tayaxõgü nax ngẽma yigü íiwíecha̱xmüxü̃pe̱xechiraü̃xü̃ca̱x Tupanape̱xewa imexü̃.