Gálatas 5:17 - Tupanaarü Ore

¹⁷ Erü ngẽma taxü̃nearü ngúchaü̃ rü tama Tupanaãxẽ i Üünexü̃arü ngúchaü̃maxã nawüxigu. Rü ngẽma Tupanaãxẽ i Üünexü̃arü ngúchaü̃ rü tama taxü̃nearü ngúchaü̃maxã nawüxigu. Erü ngẽma taxre i ngúchaü̃gü, rü nügüchi naxaie erü wüxichigü rü tamaxã inacuáxchaü̃. Rü ngẽmaca̱x i pema rü taxucürüwa penaxü i ngẽma pematama penaxwa̱xexü̃.

Gálatas 5:17 Referans Kwoze

Romanos 8:13

Erü ngẽxguma chi pexenearü ngúchaü̃ pexü̱xgu rü tá ipeyarütauxe. Natürü ngẽxguma Tupanaãxẽ ya Üünecüarü ngü̃xẽẽmaxã ipeyanaxoxẽẽgu i ngẽma pexenearü ngúchaü̃, rü aixcüma tá pexü̃́ nangẽxma i maxü̃ i taguma gúxü̃.

Ore i mexü̃ ga Cuáü̃ ümatüxü̃ 3:6

Yíxema duü̃xü̃wa buxe rü duü̃xü̃tama tixĩ. Natürü yíxema Naãxẽ ya Üünexü̃wa nayaxúxe i maxü̃ i ngexwaca̱xü̃xü̃, rü Tupanaxacü tixĩ.

Ore i mexü̃ ga Matéu ümatüxü̃ 26:41

¡Rü ipedaue rü Tupanana naxca̱x peca nax pexü̃ nangü̃xẽẽxü̃ca̱x nax tama choxü̃ ípetáxü̃ca̱x! Erü aixcüma peãẽwa rü ípememare nax ngúxü̃ pingegüxü̃, natürü pexene rü natura —ñanagürü ga Ngechuchu.

Wiyaegü 119:20

Rü wüxichigü i oragu rü chaxoegaãxẽ naxca̱x nax nüxü̃ chacuáxchaü̃xü̃ i curü mugü.

Ngu̱xẽẽtaeruü̃arü ore 7:20

Natürü ñoma i naanewa rü tataxuma ya texé aixcüma mea maxü̃́xẽ rü guxü̃guma mexü̃ üxe rü taguma chixexü̃ üxe.

Wiyaegü 119:32

Rü pora chaxü nax ngẽmaãcü chayanguxẽẽxü̃ca̱x i curü mugü erü cuma rü taãẽmaxã cunapaxẽxẽ i chorü maxü̃. -5-

Popera ga Chantiágu ümatüxü̃ 3:2

Guxãma i yixema rü muẽ̱xpü̱xcüna chixexü̃ taxüe. Yimá yatü ya taguma chixexü̃xü̃ ixucü rü aixcüma mecü nixĩ, erü nüxü̃ nacua̱x nax mea nügüna nadauxü̃ nax tama chixexü̃ naxüxü̃ca̱x.

Ore i mexü̃ ga Matéu ümatüxü̃ 16:23

Natürü ga Ngechuchu rü Pedruca̱x nadauegu, rü ñanagürü nüxü̃: —¡Choxna ixũgachi, Pa Chatanáx, erü chixexü̃gu choxü̃ cungu̱xẽẽchaü̃! Rü tama Tupana nagu rüxĩnüxü̃gu curüxĩnü, rü yatügü nagu rüxĩnüxü̃gumare curüxĩnü i cumax —ñanagürü.

Ore i mexü̃ ga Luca ümatüxü̃ 22:46

Rü yexguma ga Ngechuchu rü ñanagürü nüxü̃: —¿Tü̱xcüü̃ ípepee? ¡Íperüdagü rü Tupanana naxca̱x peca nax pexü̃ nangü̃xẽẽxü̃ca̱x nax tama chixexü̃gu peyi̱xü̃ca̱x! —ñanagürü.

Ore i mexü̃ ga Matéu ümatüxü̃ 12:30

Rü yíxema tama choxü̃ ngechaü̃xe rü chauxchi taxai. Rü yíxema tama choxü̃ rüngü̃xexẽ́xẽ nax Tupanaca̱x tananutaque̱xexü̃ i duü̃xü̃gü rü cha̱u̱xchawa tanangianexẽxẽ.

Gálatas 3:21

¿Rü ñuxũ ñapegüxü̃ i ñu̱xmax? ¿Pexca̱x ẽ̱xna rü yema Moiché ümatüxü̃ ga mugü rü inayanaxoxẽxẽ i Tupanaarü unetagü? Rü dücax, tama ngẽmaãcü nixĩ. Yerü yexguma chi naporagu ga yema mugü nax tüxna naxããxü̃ i maxü̃ i taguma gúxü̃, rü chi Tupanape̱xewa time i ngẽxguma meama yanguxẽẽgu i ngẽma mugü.

Ore i mexü̃ ga Luca ümatüxü̃ 22:33

Rü ñanagürü ga Pedru: —Pa Corix, choma rü marü íchamemare nax wüxigu cumaxã nax chapoxcuxü̃ rü ẽ̱xna wüxigu cumaxã nax chayuxü̃ —ñanagürü.

Ore i mexü̃ ga Matéu ümatüxü̃ 16:17

Rü Ngechuchu nanangãxü̃ rü ñanagürü nüxü̃: —Cuma rü aixcüma cutaãxẽ, Pa Chimóü̃, Pa Yoná Nanex, erü taxuxü̃ma i duü̃xü̃ nixĩ i cuxü̃ nüxü̃ cua̱xẽẽxü̃ i ngẽma, natürü Chaunatü ya daxũgucü nixĩ ya cuxü̃ nüxü̃ cua̱xẽẽcü nax Nane chixĩxü̃.

Ore i mexü̃ ga Matéu ümatüxü̃ 5:6

Tataãẽgü ya yíxema poraãcü tüxü̃́ nangúchaü̃güxe nax Tupanape̱xewa mexü̃ taxügüxü̃, erü Tupana tá tüxna nanaxã i ngẽma mexü̃ i tüxü̃́ ngúchaü̃güxü̃.

Ichaía 6:5

Rü yexguma ga chomax rü ñaxü̃gu charüxĩnü: —Ñu̱xmawaxix rü chaugümaxã changechaü̃ erü tá chayu. Erü choma nax duü̃xü̃ chixĩxü̃ rü chauxetümaxã nüxü̃ chadau ya yimá ãẽ̱xgacü ya Cori ya Guxãétüwa Ngẽxmacü. Rü chaua̱x rü naxãũãchi rü duü̃xü̃gü i ãũãchiarü dexaã̱xgǘxü̃tanüwa chamaxü̃ —ñaxü̃gu charüxĩnü.

Wiyaegü 130:3

Pa Cori Pa Tupanax, ngẽxguma chi nüxü̃ cudawenügu i ngẽma chixexü̃gü i cupe̱xewa taxüxü̃ ¿rü texé chi cupe̱xewa tame?

Wiyaegü 119:176

Choma rü ñoma wüxi i carnéru i rütaxuxü̃rüxü̃ chixĩ. ¡Rü nua naxũ nax cha̱u̱xca̱x cuyadauxü̃ca̱x, erü tama nüxü̃ charüngüma i curü mugü!

Wiyaegü 119:159

Pa Corix ¡dücax, choxü̃ nadau nax ñuxãcü nüxü̃ changechaü̃xü̃ i curü mugü! ¡Rü curü ngechaü̃gagu choxna naxã i maxü̃!

Wiyaegü 119:133

Rü chanaxwa̱xe i choxü̃́ cunatauxchaxẽxẽ nax nagu chamaxü̃xü̃ca̱x i curü ore. Rü tama chanaxwa̱xe nax ngẽma chixexü̃ama chomaxã icuáxü̃.

Wiyaegü 119:40

Rü ngẽmaca̱x choxü̃́ nangúchaü̃. ¡Rü choxü̃ namaxẽxẽ! Erü cuma rü quixaixcümaxü̃chi. -6-

Wiyaegü 119:35

¡Rü choxü̃ naporaxẽxẽ nax nagu chixũxü̃ca̱x i ngẽma curü mugü! Erü ngẽmagu nixĩ i nüxü̃ chayangauxü̃ i chorü taãxẽ.

Wiyaegü 65:3

Rü ngẽma torü chixexü̃gü rü tomaxã inacua̱x, natürü cuma rü toxü̃́ nüxü̃ icuyarüngüma i ngẽma torü pecadugü.

Naanearü ügüchiga 6:3

Natürü nüma ga Cori ya Tupana rü ñanagürü: —Taxũtáma guxü̃gu chanamaxẽxẽ ya yatü, erü nüma ya yatü rü namachimare nixĩ. Rü ngẽmaca̱x 120 ya taunecüxica tátama namaxẽ —ñanagürü.