Biblia Todo Logo
Bib sou entènèt

- Piblisite -




Gálatas 5:16 - Tupanaarü Ore

16 Rü ñu̱xma rü pemaxã nüxü̃ chixu, rü name nixĩ i Tupanaãxẽ ya Üünecü naxwa̱xexü̃ãcüma pemaxẽ. Rü ngẽxguma ngẽmaãcü pemaxẽgu, rü taxũtáma pexenearü ngúchaü̃ pexügü.

Gade chapit la Kopi




Gálatas 5:16
22 Referans Kwoze  

Rü yíxema tümaxü̃nearü ngúchaü̃ üxe, rü ngẽma tümaxü̃nearü ngúchaü̃ rü tá yuwa tüxü̃ naga. Natürü yíxema Tupanaãxẽ i Üünexü̃arü ngúchaü̃ üxe, rü ngẽma Tupanaãxẽ i Üünexü̃wa tá tanayaxu i maxü̃ i taguma gúxü̃.


Pa Chauenexẽgü ya Pexü̃ Changechaü̃güxe, ñu̱xma nax paxaãchimare ñoma i naanewa pengẽxmagüxü̃, rü ngẽmaca̱x pexü̃ chaca̱xaxü̃ nax nüxü̃ perüxoexü̃ca̱x i guxü̃ma i ngẽma ngúchaü̃gü i chixexü̃ i ñoma i naanecüã̱x nagu ĩxü̃. Erü ngẽma ngúchaü̃gü rü chixexü̃gu nanagu̱xẽẽchaü̃ i peãxẽ.


Pa Chauenexẽgü ya Pexü̃ Changechaü̃güxex, ngẽmagü nixĩ i Tupanaarü unetagü i marü tüxü̃́ ngẽxmagüxü̃. Rü ngẽmaca̱x tanaxwa̱xe nax yigüna idaugüxü̃ nax tama taxünemaxã rü ẽ̱xna taãẽmaxã naxüxü̃ca̱x i ngẽma Tupanape̱xewa tama mexü̃. Rü tanaxwa̱xe i Tupanaxü̃ imuü̃exü̃ rü nüxna yigü ixãgüxü̃ nax naxca̱xicatama imaxẽxü̃ca̱x.


Rü ngẽmaca̱x rü tama name i pecadutüü̃wa pegü pengẽxmagüxẽxẽ nax pemaxã inacuáxü̃ca̱x. Rü tama name i penaxüchica i pecadu nax pexenearü ngúchaü̃gü i chixexü̃ pexü̃ naxüxẽẽxü̃ca̱x.


Rü guxãma ga yixema rü yemaacü chixexü̃gu tamaxẽ ga ü̃pa. Rü tóxrütama ngúchaü̃ ga chixexü̃we tarüxĩ, rü nagu taxĩ ga yema taxü̃ne naxwa̱xexü̃ rü yema taãxẽ nagu rüxĩnüxü̃. Rü yemagagu tüxna nangu i ngẽma poxcu ya Tupana norü numaxã mexẽẽxü̃ naxca̱x i guxü̃ma i ngẽma tama naga ĩnüexü̃.


Rü ñu̱xma nax Tupanaxacügü pixĩgüxü̃, rü penaxwa̱xe nax naga pexĩnüexü̃. Rü tama name i nagu pexĩ ga yema perü ngúchaü̃ ga ü̃pa nagu pexĩxü̃ ga yexguma tauta Tupanaxü̃ pecua̱xgu.


Rü yexguma ñoma ga naanewa namaxẽgu ga yema duü̃xü̃gü ga marü yuexü̃, rü Tupanaarü orearü uruü̃gü namaxã nüxü̃ nixu ga Tupanaarü ore nax namaxẽxü̃ca̱x i naãxẽgü. Rü yema nixĩ i nanaxwa̱xe ya Tupana woo ñoma ga naanewa rü ãẽ̱xgacügü rü ngúxü̃ nüxü̃ ningexẽẽgü ga yema duü̃xü̃gü.


Rü ñu̱xma nax naga pexĩnüexü̃ i Tupanaarü ore i aixcüma ixĩxü̃ rü pexü̃́ natauxcha nax pegü pengechaü̃güxü̃ erü Tupana rü marü pexü̃́ inayanaxoxẽxẽ i perü chixexü̃gü. Rü ngẽmaca̱x penaxwa̱xe i guxü̃ i perü ngúchaü̃maxã aixcüma pegü pengechaü̃gü.


Rü ngẽma Yudíugü rü nügü ínawiecha̱xmüü̃pe̱xechiraü̃gu nax Tupanape̱xewa yamexü̃ca̱x. Natürü ñu̱xma nax Cristuaxü̃́ peyaxõgüxü̃ rü tama ngẽma wiecha̱xmüü̃pe̱xechiraü̃gagu nixĩ nax Tupanape̱xewa pimexü̃. Rü ñu̱xma rü nape̱xewa pime erü Cristu pexü̃ ínanguxü̃xẽxẽ nawa i pexenearü ngúchaü̃gü i chixexü̃.


Rü ngẽmaãcü pemaxã chanango̱xẽxẽ nax Tupana rü Abraáü̃maxã namexẽẽãxü̃ rü namaxã inaxunetaxü̃ nax Cristugagu tá yixĩxü̃ i duü̃xü̃güxü̃ nangü̃xẽẽxü̃. Rü ngẽmaca̱x i ñu̱xma rü yema Moiché ümatüxü̃ ga mugü ga 430 ga taunecü yema unetawena ínguxü̃, rü taxucürüwama inayanaxoxẽxẽ ga yema Tupanaarü uneta ga Abraáü̃maxã nüxü̃ yaxuxü̃.


Rü ñu̱xma ya Tupana rü marü taxuca̱xma nanapoxcue i ngẽma duü̃xü̃gü ya Ngechuchu ya Cristuarü duü̃xü̃gü ixĩgüxü̃.


Pa Chauenexẽgüx, pemaxã nüxü̃ chixu rü tama muxü̃ i ngunexü̃ tüxü̃́ nangẽxma nax naxüxü̃ca̱x i Tupanaarü puracü. Rü ngẽmaca̱x ya yíxema ixãma̱xgüxe rü name nixĩ i mea tanaxügü i Tupanaarü puracü ñoma tangema̱xgüxü̃rüxü̃.


Natürü nüma ga Cori ya Tupana rü ñanagürü: —Taxũtáma guxü̃gu chanamaxẽxẽ ya yatü, erü nüma ya yatü rü namachimare nixĩ. Rü ngẽmaca̱x 120 ya taunecüxica tátama namaxẽ —ñanagürü.


Swiv nou:

Piblisite


Piblisite