Gálatas 5:12 - Tupanaarü Ore

¹² Natürü ngẽma duü̃xü̃gü i pexü̃ chixeãẽgüxü̃ rü pexü̃ ucu̱xẽgüxü̃ nax pegü ípewíü̃cha̱xmüü̃pe̱xechiraü̃xü̃ca̱x, rü ¿tü̱xcüü̃ ẽ̱xna i nümagü i taxũ noxtacüma nügü yacaugüpü̱xücharexexü̃ ta?

Gálatas 5:12 Referans Kwoze

Gálatas 5:10

Choma rü chayaxõ nax tórü Cori tá pexü̃ rüngü̃xẽẽxü̃ nax choma nagu charüxĩnüxü̃gu perüxĩnüexü̃ca̱x. Natürü ngẽma duü̃xü̃ i pexü̃ chixeãẽxẽẽxü̃, rü Tupana rü tá nanapoxcu woo texé tixĩxgu.

Popera ga Títoca̱x naxümatüxü̃ ga Pauru 3:10

Rü ngẽxguma chi petanüwa wüxíe ta̱xacürü ngu̱xẽẽtaemaxã ngẽma yaxõgüxü̃xü̃ titoyegu, rü name i wüxicana rüe̱xna taxree̱xpü̱xcüna tümaca̱x cuca rü tüxü̃ cuxucu̱xẽ nax tama ngexü̃ tawagüxü̃ca̱x. Rü ngẽxguma chi tama cuga taxĩnüchaü̃gu rü tanaxüamagu i ngẽma chixexü̃ rü name i noxtacüma tüxü̃ ícumuxũchi natanüwa i ngẽma yaxõgüxü̃.

Yochué 7:25

Rü Yochué rü Acáü̃xü̃ ñanagürü: —¿Tü̱xcüü̃ chixexü̃ tatanüwa ícunguxẽxẽ? Rü ñu̱xma ya Cori ya Tupana rü ngẽma chixexü̃ tátama nixĩ i cuxna nanguxẽẽxü̃ —ñanagürü. Rü yema ñaxgu ga Yochué, rü guxü̃ma ga Iraétanüxü̃ rü nutamaxã Acáü̃xü̃ rü natanüxü̃xü̃ nadai. Rü ñu̱xũchi natanüwa nanangixichi.

Lebítanüxü̃arü puracüchiga 22:3

Rü Aróü̃maxã nüxü̃ ixu rü ngẽxguma ngexü̃rüüxü̃mare i nataagü rü ãũãchiãcü chope̱xewa nangegüãgu i ãmare i üünexü̃ i Iraétanüxü̃ choxna ãgüxü̃, rü choma rü tá íchanata̱xüchi i chope̱xewa. Erü choma rü Cori ya Tupana chixĩ.

Ínachoxü̃xü̃chiga 30:33

Rü ngẽxguma texé naxü̱xgu i wüxi i chíxü̃ i nangexgumaraxü̃xü̃ rüe̱xna chíxü̃ i üünexü̃maxã ngexerüxexü̃mare tabaerugu rü tá ítamuxũchi i tümatanüxü̃tanüwa” —ñanagürü.

Ínachoxü̃xü̃chiga 12:15

Rü ngẽma Üpetüchiga rü 7 i ngunexü̃ tá penaxüchiga. Rü guxü̃ma i ngẽma 7 i ngunexü̃gu rü paũ i ngearü pu̱xẽẽruü̃ã́xü̃xicatama tá pengõ̱xgü. Rü ngẽmaca̱x i guxü̃ma i ngẽma 7 i ngunexü̃gu rü tama penaxwa̱xe nax pepatawa pexü̃́ nangẽxmaxü̃ i ngẽma paũarü pu̱xẽẽruxü̃. Rü yíxema paũ i pu̱xẽẽruü̃ã́xü̃ ngṍxe i ngẽma 7 i ngunexü̃gu rü yíxema rü tá Iraétanüwa tüxü̃ ípeta̱xüchi.

Naanearü ügüchiga 17:14

Natürü ya yíxema tama tügü íwíecha̱xmüü̃pe̱xechiraü̃xẽ, rü name nixĩ i noxtacüma pegütanüwa tüxü̃ ípeta̱xüchi erü tama tayanguxẽxẽ i ngẽma yigümaxã ixunetaxü̃ —ñanagürü.

Gálatas 2:4

Natürü nayexma ga ñuxre ga taenexẽgüneta ga bexmamare totanügu chocuxü̃. Rü yemagü nixĩ ga naxwa̱xegüxü̃ nax ínawíü̃cha̱xmüü̃pe̱xechiraü̃xü̃ i ngẽma yaxõgüxü̃ i tama Yudíugü ixĩgüxü̃. Yerü nanangugüchaü̃ rü aixcüma yixĩ nax Cristu nüxna tüxü̃ ínguxü̃xẽẽxü̃ ga yema mugü ga Moiché ümatüxü̃. Rü nanaxwa̱xegü nax wenaxarü nagu ixĩxü̃ ga yema mugü ga guxchaxü̃ ga Moiché ümatüxü̃.

Ngechuchuarü ngúexü̃gü ga yamugüxü̃arü puracüchiga 15:24

Rü nüxü̃ tacuáchigagü rü ñuxre ga duü̃xü̃gü ga núma ne ĩxü̃ rü woo tama toma yéma tanamugü natürü nümagü rü yéma naxĩ rü Moichéarü mugümaxã pexü̃ nachixewegü rü yemaacü pexü̃ ínatüexẽxẽ.

Ngechuchuarü ngúexü̃gü ga yamugüxü̃arü puracüchiga 5:9

Rü Pedru rü ñanagürü ngĩxü̃: —¿Tü̱xcüü̃ pegümaxã ngẽmaãcü wüxigu perüxĩnüe nax namaxã pidoraexü̃ca̱x i Tupanaãxẽ ya Üünecü? ¡Dücax! Ngẽma cutexü̃ iyata̱xgüxü̃ rü marü ínangugü, rü ñu̱xma rü cuxü̃ rü tá ta ngéma nangegü —ñanagürü.

Ngechuchuarü ngúexü̃gü ga yamugüxü̃arü puracüchiga 5:5

Rü yexguma yema orexü̃ naxĩnügu ga Ananía, rü yu̱xcüma inayangu. Rü poraãcüxüchima namuü̃e ga guxü̃ma ga yema duü̃xü̃gü ga yexguma yemaxü̃ nacuáchigagügu.

Ore i mexü̃ ga Cuáü̃ ümatüxü̃ 9:34

Rü yexguma ga yema Yudíugüarü ãẽ̱xgacügü, rü ñanagürügü nüxü̃: —Cuma nax pecadugu cubuxü̃, ¿rü ñuxãcü cunaxwa̱xe nax toxü̃ cungúexẽẽchaü̃xü̃? —ñanagürügü. Rü ñu̱xũchi ínanata̱xüchigü ga ngutaque̱xepataü̃wa.

Yochué 7:12

Rü ngẽmaca̱x i pemax i Iraétanüxü̃ rü taxucürüwama nüxü̃ perüporamae i perü uanügü. Rü naxcha̱xwa tá pibuxmü rü pegagutama nixĩ i namexü̃ i noxtacüma peyuexü̃. Rü ngẽxguma i pema i ñu̱xma rü tama paxa ípenaguxgu i ngẽma pexna chachu̱xuxü̃, rü marü taxũtáma petanüwa changexma.

Wenaxarü naxümatü ga Tupanaarü mugü 23:1

Rü yíxema iduxuchipü̱xücharexe rüe̱xna wíechiraxü̃xẽ rü taxucürüwama Tupanaarü duü̃xü̃güarü ngutaque̱xegu taxücu.

Naanearü ügüchiga 30:34

Rü Labáü̃ nanangãxü̃ rü ñanagürü: —Marü name nixĩ i ngẽma nüxü̃ quixuxü̃ —ñanagürü.