Gálatas 4:9 - Tupanaarü Ore

⁹ Natürü i ñu̱xma nax Tupanaxü̃ pecuáxü̃ rü nüma nax pexü̃ nacuáxü̃, rü ¿tü̱xcüü̃ wena naxca̱x pewoeguchaü̃ i ngẽma mugü i ñoma i naanemaxã icua̱xgüxü̃? ¿Rü tü̱xcüü̃ penaxwa̱xe nax wena natüü̃wa pegü pengẽxmagüxẽẽxü̃ i ngẽma mugü i tama aixcüma poraexü̃ i natüca̱xmamare ixĩgüxü̃?

Gálatas 4:9 Referans Kwoze

1 Corintios 8:3

Natürü ngẽxguma texé aixcüma Tupanaxü̃ ngechaü̃gu, rü Tupana rü tüxü̃ nacua̱x.

Gálatas 3:3

Pema rü tama peãẽxü̃ pecua̱x. Noxri rü Cristuaxü̃́ peyaxõgü yerü Tupanaãxẽ ya Üünecü pewa napuracü. ¿Rü ñuxãcü i ñu̱xma i nagu perüxĩnüexü̃ nax wena naxca̱x pewoeguxü̃ i ngẽma duü̃xü̃güarü ĩnümare ixĩxü̃?

Romanos 8:3

Rü yemaacü Tupana nanaxü ga yema taxucürüwa naxüxü̃ ga yema mugü ga Moiché ümatüxü̃. Erü taxúema namaxã tapora i tümaarü ngúchaü̃ nax chixexü̃ taxüxü̃. Rü yemaca̱x ga Tupana rü ñoma ga naanewa nanamu ga Nane, rü duü̃xü̃ i pecaduã́xü̃rüxü̃ nixĩ ga naxü̃ne nax yemaacü pecadugagu nayuxü̃ca̱x nax tama tamaxã naporaxü̃ca̱x i ngẽma pecadu.

Nüxíraxü̃xü̃ ga popera ga Cuáü̃ ümatüxü̃ 5:20

Rü nüxü̃ tacua̱x ta nax ñoma ga naanewa nanguxü̃ ga Tupana Nane. Rü nüma nixĩ i tüxna naxããxü̃ ga cua̱x nax nüxü̃ icua̱xgüxü̃ca̱x ya yimá aixcüma Tupana ixĩcü. Rü yixema rü norü duü̃xü̃gü tixĩgü ya yimá aixcüma Tupana ixĩcü, erü Nane ya Ngechuchu ya Cristuarü duü̃xü̃gü tixĩgü. Rü nüma ya Tupana Nane nixĩ i aixcüma Tupana ixĩcü, rü nüma nixĩ i tüxna naxããxü̃ i maxü̃ i taguma gúxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:9

Pa Chaunex, Pa Charomóü̃x ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma. Natürü ngẽxguma nüxna quixũgachigu, rü nüma rü tá cuxü̃ ínata̱xüchi.

Norü taxre ga popera ga Pedru ümatüxü̃ 2:20

Rü guxãma ya yíxema marü tórü Cori ya Ngechuchu ya Cristu ya tórü Maxẽxẽẽruü̃xü̃ yauxgüxe, rü marü nawa ítanguxü̃ i ñoma i naanearü chixexü̃gü. Natürü ngẽxguma chi wenaxarü naxca̱x tawoegugu i ngẽma chixexü̃ i nawa ítanguxü̃chiréxü̃, rü aixcüma noxriarü yexera tichixe.

Popera ga Yudíugü ga yaxõgüxü̃ca̱x ümatüxü̃ 7:18

Rü yemaca̱x ga yema nüxíraxü̃xü̃ ga mugü ga Moiché ümatüxü̃ rü narüxo, yerü natura rü taxuwama name, yerü tama aixcüma Tupanape̱xewa tüxü̃ nimexẽẽgü. Rü ñu̱xma rü yema mugüchicüxü tüxü̃́ nangẽxma i wüxi i ngü̃xẽxẽ i yexera mexü̃ i tüxü̃́ natauxchaxẽẽxü̃ nax Tupanaxü̃tawa ingugüxü̃.

Norü taxre ga popera ga Timutéuca̱x naxümatüxü̃ ga Pauru 2:19

Natürü Tupanaarü ore rü taguma inayarüxo rü taguma naxüchicüü. Rü ngẽma norü orewa rü ñanagürü: “Tórü Cori ya Tupana nüxü̃ nacua̱x i texé tixĩ ya norü duü̃xü̃gü ixĩgüxe. Rü guxãma ya yíxema nüxü̃ ixuxe nax Ngechuchu ya Cristu rü tümaarü Cori yixĩxü̃, rü name nixĩ i nüxna tixĩgachi i guxü̃ma i chixexü̃”, ñanagürü i ngẽma norü orewa.

Efesios 1:17

Rü ngẽxguma namaxã chidexagu ya Tanatü ya Tupana ya Üünecü ya Nanatü ya tórü Cori ya Ngechuchu ya Cristu, rü naxca̱x nüxna chaca nax pexca̱x nango̱xẽẽxü̃ i ngẽma cua̱x i Naãxẽ ya Üünexü̃wa ne ũxü̃ nax aixcüma Tupanaxü̃ pecuáxü̃ca̱x.

2 Corintios 4:6

Erü nümatama ya Tupana ga noxri naane naxü̱xgux rü ẽanexü̃wa nanango̱xẽxẽ ga ngóonexü̃. Rü nümatama nixĩ i ñu̱xma i tüxü̃ yango̱xnaãẽxẽẽgüxü̃ nax ngẽmawa nüxü̃ icuáxü̃ca̱x nax nüma rü naxüünexü̃. Rü ngẽma norü üüne rü Ngechuchu ya Cristuchiwewa nixĩ i nangóxü̃.

1 Corintios 13:12

Rü ngẽma ñu̱xma nüxü̃ idauxü̃ i Tupanachiga, rü ñoma wüxi i worua ya üxachametüxewa yigü idauxü̃rüxü̃ nixĩ nax taxca̱x naxẽxü̃. Natürü yixcüra rü tá aixcüma mea nüxü̃xüchi tadau ya Tupana. Rü ñu̱xma rü írarüwatama nüxü̃ chacua̱x i Tupanachiga. Natürü wüxi i ngunexü̃gu rü tá mea nüxü̃ chacua̱x i guxü̃ma i nachiga, ngẽma nüma ya Tupana choxü̃ nacuáxü̃rüxü̃.

Ínachoxü̃xü̃chiga 33:17

Rü yexguma ga Cori ya Tupana rü nanangãxü̃ rü ñanagürü: —Ngẽma ñu̱xma nüxü̃ quixuxü̃ rü tá chanaxü, erü cugu chayaxõ rü marü cumaxã chataãxẽ. Rü aixcüma nixĩ i ngẽma cumaxã nüxü̃ chixuxü̃ —ñanagürü ga Cori ya Tupana.

Romanos 8:29

Rü woetama nũxcümama ga Tupana rü marü tüxü̃ nacua̱x nax texégü tá tixĩgüxü̃ ya yíxema noxrü ixĩgüxe. Rü woetama nũxcümama tüxü̃ nade nax Nanerüxü̃ timexü̃ca̱x, rü Nane yixĩxü̃ ga nüxíra írüdacü natanüwa i muxü̃ma i yaxõgüxü̃.

Ore i mexü̃ ga Cuáü̃ ümatüxü̃ 17:3

Rü ngẽma duü̃xü̃gü tá nüxü̃́ nangẽxma i maxü̃ i taguma gúxü̃ ega cuxü̃́ yaxõgüãgu nax cuxicatama Tupana nax quixĩxü̃, rü choxü̃́ yaxõgüãgu nax choma rü Cristu ga núma choxü̃ cumucü nax chixĩxü̃.

Ore i mexü̃ ga Cuáü̃ ümatüxü̃ 10:27

Chorü carnérugü rü nüxü̃ nacua̱x i chauga, rü choma rü chorü carnérugüxü̃ chacua̱x, rü nüma rü chowe narüxĩ.

Ore i mexü̃ ga Cuáü̃ ümatüxü̃ 10:14

Choma nixĩ i carnérugüarü dauruxü̃ ya mecü chixĩxü̃. Rü ngẽxgumarüxü̃ ya Chaunatü nax choxü̃ nacuáxü̃ rü choma rü Chaunatüxü̃ nax chacuáxü̃, rü ngẽxgumarüxü̃ ta nüxü̃ chacua̱x i chorü carnérugü, rü nümagü rü choxü̃ nacua̱xgü. Rü choma rü naxca̱x chayu i chorü carnérugü.

Ore i mexü̃ ga Matéu ümatüxü̃ 11:27

Rü ñanagürü ta ga Ngechuchu: “Chaunatü choxna nanaxã i guxü̃ma i ta̱xacü i nüxü̃́ ngẽxmaxü̃. Rü Chaunatüxicatama choxü̃ nacua̱x nax texé chixĩxü̃ i choma i Nane. Rü tama guxü̃ma i duü̃xü̃gü aixcüma nüxü̃ nacua̱x ya Chaunatü. Rü choma ya Nane, rü ñu̱xũchi ngẽma duü̃xü̃gü i Chaunatüxü̃ nüxü̃ chacua̱xẽẽchaü̃xü̃xicatama nixĩ i aixcüma Chaunatüxü̃ cua̱xgüxü̃.

Abacú 2:14

Rü ngẽma Cori ya Tupanaarü üüne rü tá ñoma i naane namaxã nanapa ñoma már nax meama dexámaxã yapaxü̃rüxü̃.

Yeremía 31:34

Rü ngẽxguma rü tá marü taxuca̱xtama texé toguxexü̃ tangu̱xẽxẽ nax choxü̃ tacuáxü̃ca̱x, rü bai i tümamücü, rü bai i tümatanüxü̃. Erü ngẽxguma rü tá guxãma ya yáxe rü woo buxe rü tá choxü̃ tacua̱xgü. Rü choma rü tá tüxü̃́ nüxü̃ icharüngüma i tümaarü chixexü̃ rü marü tagutáma nüxna chacua̱xãchi i tümaarü pecadugü. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

Ucu̱xẽgüchiga 2:5

Rü ngẽxguma rü tá nüxü̃ cucua̱x nax Cori ya Tupanaxü̃ cungechaü̃xü̃, rü tá cuãẽwa nangu nax Tupanaxü̃ cucuáxü̃.

Wiyaegü 9:10

Pa Corix, yíxema cuxü̃ cua̱xgüxe rü cuxü̃́ tayaxõgü. Rü taguma tüxü̃ icuyarüngüma ya yíxema cuxca̱x daugüxe.

Wiyaegü 1:6

Erü nüma ya Cori ya Tupana rü meama tüxna nadau ya yíxema aixcüma naga ĩnüexe, natürü ngẽma chixexü̃ i duü̃xü̃gü i tama naga ĩnüechaü̃xü̃ rü nagagutama poxcuwa naxĩ.

1 Corintios 15:34

Rü name nixĩ i mea pegüãẽgu perüxĩnüe rü nüxü̃ perüxoe i ngẽma perü chixexü̃gü. Rü wüxi i perü ãne nixĩ nax pemaxã nüxü̃ chixuxü̃ nax ñuxre i pemax rü tama aixcüma Tupanaxü̃ pecua̱xgüxü̃.

2 Corintios 11:20

Rü yáxna namaxã pexĩnüe i ngẽma duü̃xü̃gü i nügüxü̃́ pexü̃ puracüexẽẽxü̃, rü ngẽma ngetanüãcüma pexü̃ puracüexẽẽmarexü̃, rü ngẽma pexü̃ womüxẽẽgüxü̃, rü ngẽma pexü̃ oexü̃, rü ngẽma pexü̃ pechiwegüxü̃.

Gálatas 4:3

Rü yexgumarüxü̃ ta nixĩ ga tamaxã nangupetüxü̃ ga noxrix. Yerü yexguma tauta Cristuxü̃ icua̱xgu, rü natüü̃wa tayexmagü ga yema mugü i ñoma i naanemaxã icua̱xgüxü̃.

Ore i mexü̃ ga Luca ümatüxü̃ 5:38

Rü ngẽmaca̱x tanaxwa̱xe nax yimá ngexwacaxü̃cü ya bínu rü ngexwaca̱xü̃xü̃ i naxchixü̃ i naxcha̱xmünaxca̱xgu yabacuchixü̃. Rü ngẽmaãcü rü taxuxü̃táma inayarütaxu.