Gálatas 4:6 - Tupanaarü Ore

⁶ Rü Tupana tüxna nanamu ga Naãxẽ ya Üünexü̃ nax tüxü̃ nüxü̃ nadauxẽẽxü̃ca̱x nax aixcüma naxacügüxüchi ixĩgüxü̃. Rü ngẽmaca̱x i ñu̱xma rü marü name i “Pa Chaunatüx”, ñatarügü nüxü̃ ya Tupana.

Gálatas 4:6 Referans Kwoze

Romanos 5:5

Rü ñu̱xma nax ínangu̱xẽẽxü̃ nax tüxü̃́ tá nangẽxmaxü̃ i tachica i Tupanaxü̃tawa, rü ngẽmaca̱x taxuca̱xma tangechaü̃gü. Erü Tupana rü poraãcü tüxü̃ nangechaü̃. Rü ngẽma Naãxẽ ya Üünexü̃ i tüxna namuxü̃ nixĩ i tüxü̃ nüxü̃ cua̱xẽẽxü̃ i ngẽma.

Romanos 8:9

Natürü i pemax, rü tama pexenearü ngúchaü̃gu pemaxẽ, erü Naãxẽ ya Üünecüarü ngúchaü̃gu nixĩ i pemaxẽxü̃ erü pewa namaxü̃ i Tupanaãxẽ ya Üünecü. Rü yíxema tama tüxü̃́ nangẽxmaxe i Cristuãxẽ rü tama Cristuarü duü̃xü̃ tixĩ.

Efesios 2:18

Rü ñu̱xma rü guxãma i yixema rü Cristugagu tüxü̃́ natauxcha nax Tanatü ya Tupanana ingaicamagüxü̃. Rü ngẽmatama Naãxẽ ya Üünexü̃ nixĩ i tüxü̃ rüngü̃xẽẽxü̃ nax nüxna ingaicamagüxü̃ca̱x ya Tanatü ya Tupana.

2 Corintios 3:17

Erü nüma ya tórü Cori ya Tupana rü Naãxẽ ya Üünexü̃ rü wüxitama nixĩgü, rü ngextá ínangexmaxü̃wa i Naãxẽ ya Üünexü̃, rü nangẽxma i tauxcha nax Tupanana ingaicamagüxü̃.

Efesios 4:30

¡Rü pexuãxẽgü nax tama penangechaü̃xẽẽxü̃ca̱x i Tupanaãxẽ ya Üünecü! Erü yimá nixĩ ya Tupana pexna namucü nax nüxü̃ pecuáxü̃ca̱x nax aixcüma norü duü̃xü̃gü pixĩgüxü̃ ñu̱xmatáta ngẽma ngunexü̃ i nagu pexca̱x núma naxũxü̃ ya Cristu.

Popera ga Yúda ümatüxü̃ 1:20

Natürü pemax, Pa Chauenexẽgü ya Pexü̃ Changechaü̃güxe, ¡rü pegü perüngü̃xẽxẽ̱x nax guxü̃guma yexeraãcü nagu pexĩxü̃ rü peyaxõgüxü̃ i ngẽma ore i üünexü̃ i marü peyauxgüxü̃! ¡Rü guxü̃guma Tupanaãxẽ i Üünexü̃arü ngü̃xẽẽmaxã peyumüxẽgü!

Ore i mexü̃ ga Cuáü̃ ümatüxü̃ 16:7

Natürü aixcüma pemaxã nüxü̃ chixu rü pexca̱x narümemae nixĩ nax Chaunatüca̱x chataeguxü̃. Rü ngẽxguma chi tama Chaunatüxü̃tawa chaxũxgu rü taxũchima núma naxũ ya Naãxẽ ya Üünecü ya perü ngü̃xẽẽruxü̃. Natürü ngẽxguma ngéma chaxũxgu rü choma tá núma chanamu.

Ore i mexü̃ ga Cuáü̃ ümatüxü̃ 14:16

Rü choma tá Chaunatüna naxca̱x chaca nax núma pexca̱x namuaxü̃ca̱x i to i perü ngü̃xẽẽruxü̃ i Naãxẽ ya Üünexü̃, nax guxü̃gutáma petanüwa nangẽxmaxü̃ca̱x.

Ore i mexü̃ ga Luca ümatüxü̃ 11:13

Rü pema nax pichixecümachiréxü̃ rü nüxü̃ pecua̱x nax mexü̃ i ãmare pexacügüna pexãxü̃. Natürü Penatü ya Dauxü̃gucü rü ngẽmaarü yexera i memaexü̃ tá inaxã, rü tá tüxna nanamu i Naãxẽ ya Üünexü̃ ya yíxema naxca̱x íca̱xe —ñanagürü ga Ngechuchu.

2 Corintios 1:22

Rü nüma ya Tupana rü tagu nanaxümatü i naéga erü tórü yora nixĩ. Rü nüma rü tüxna nanamu i Naãxẽ ya Üünexü̃ nax ngẽmawa nüxü̃ icuáxü̃ca̱x nax aixcüma tá tüxna naxããxü̃ i ngẽma tamaxã inaxunetaxü̃.

Ore i mexü̃ ga Cuáü̃ ümatüxü̃ 15:26

Natürü choma rü Chaunatüégagu tá pexca̱x núma chanamu i perü Ngü̃xẽẽruxü̃ ya Naãxẽ ya Üünecü i tá pexü̃ nüxü̃ cua̱xẽxẽxü̃ i ore i aixcüma ixĩxü̃. Rü ngẽxguma ínanguxgu rü nüma tá meama pemaxã nüxü̃ nixu i chauchiga.

Ore i mexü̃ ga Luca ümatüxü̃ 11:2

Rü Ngechuchu ñanagürü nüxü̃: —Rü ngẽxguma peyumüxẽgügu rü ñaperügügü tá: “Pa Tonatü ya Dauxü̃gucüx, rü aixcüma Üünecü quixĩ i cumax. ¡Rü núma naxũ nax torü ãẽ̱xgacü quixĩxü̃ca̱x! Rü tanaxwa̱xe i curü ngúchaü̃ nax naxügüxü̃ i duü̃xü̃gü i ñoma i naanewa, ngẽma daxũguxü̃ i naanewa nax curü ngúchaü̃ ínaxügüxü̃rüxü̃.

Ore i mexü̃ ga Cuáü̃ ümatüxü̃ 3:34

Rü yimá Tupana núma namucü, rü Tupanaarü orexü̃ nixu. Erü Tupana rü nüxna nanamu i Naãxẽ ya Üünexü̃ nax guxü̃guma naxü̃tawa nangẽxmaxü̃ca̱x.

Yeremía 3:4

Rü pema rü ĩnetama choxna peca rü ñaperügügü choxü̃: “Pa Tonatüx ga Tomücü Ixĩcü ga Yexguma Tangextü̱xügügu, ¿rü guxü̃gutáma tomaxã cunuxü̃? ¿Rü guxü̃gutáma yixĩxü̃ i tomaxã cunuechaxü̃?” ñaperügügü. Natürü ga pema rü yexguma yema ñapegügügu rü naguxü̃raü̃xü̃ ga chixexü̃gü pexügü —ñanagürü.

Nüxíraxü̃xü̃ ga popera ga Pedru ümatüxü̃ 1:11

Rü nümagü ga yema orearü uruü̃gü rü Tupanaarü poperawa nangúe nax nüxü̃ nacua̱xgüxü̃ca̱x nax ñuxãcü tá nax yixĩxü̃ rü ñuxguacü tá nax nangóxü̃ ga gumá maxẽxẽẽruxü̃ ga Cristu. Rü Cristuãxẽ i Üünexü̃ ga yema orearü uruü̃güwa yexmaxü̃, rü nüxü̃ nüxü̃ nacua̱xẽxẽ nax Cristu rü tá ngúxü̃ yangexü̃ rü tá nayuxü̃ rü yemawena rü wena tá namaxü̃xü̃ rü daxũguxü̃ i naanewa tá nax naxũxü̃.

Efesios 6:18

Rü name i guxü̃guma peyumüxẽgüxü̃. ¡Rü guxü̃guma Tupanaãxẽ i Üünexü̃arü ngü̃xẽẽmaxã Tupanana peca! ¡Rü pexuãxẽ nax taguma nüxü̃ perüxoexü̃ca̱x! Rü ngẽmaãcü name i naxca̱x peyumüxẽgü i guxü̃ma i duü̃xü̃gü i Tupanaaxü̃́ yaxõgüxü̃.

Yeremía 3:19

Pa Iraétanüxü̃x, choma rü ñoma chaunegüãcüma pexü̃ chayaxu, rü ñu̱xũchi wüxi ga naane ga mexẽchixü̃ pexna chaxã. Rü yema rü guxü̃ ga naanexü̃ rümemaexü̃ nixĩ. Rü choma nüxü̃ chacua̱xgu rü yemaca̱x chi: “Tonatü”, ñaperügü choxü̃, rü ñu̱xũchi taguchima choxna pixĩgachi.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:10

Rü choma rü yema orearü ngeruü̃pe̱xegu chacaxã́pü̱xü nax nüxü̃ chicua̱xüü̃xü̃ca̱x. Natürü ga nüma rü ñanagürü choxü̃: “¡Taxṹ i ngẽma cuxüxü̃! Erü choma rü ta Tupanaarü duü̃xü̃ chixĩ, ngẽxgumarüxü̃ i cuma rü cuenexẽgü i mea Ngechuchuarü ore ixõgüxü̃rüxü̃ chixĩ. Rü ngẽma Ngechuchuarü ore rü yematama ore nixĩ ga Tupanaarü orearü uruü̃gü nüxü̃ ixugüexü̃ ga yexguma Tupanaãxẽ ya Üünecü nawa idexaxgu. Rü name nixĩ i Tupanaxü̃ quicua̱xüxü̃”, ñanagürü.

Efesios 1:13

Rü yexgumarüxü̃ ta ga pema i Epéchiucüã̱xgü, rü yexguma nüxü̃ pexĩnüegu i ngẽma ore i aixcüma ixĩxü̃ i tüxü̃ maxẽxẽẽxü̃, rü Cristuaxü̃́ peyaxõgü. Rü yexguma ga Tupana rü pexna nanamu ga Naãxẽ ya Üünexü̃ nax wüxi i cua̱xruxü̃ yixĩxü̃ca̱x nax aixcüma norü duü̃xü̃gü pixĩgüxü̃.

1 Corintios 15:45

Tupanaarü ore i ümatüxü̃wa rü ñanagürü: “Gumá nüxíraü̃cü ga yatü ga Adáü̃ rü nüxü̃́ nayexma ga ñoma ga naanecüã̱x ga naxü̃ne ga paxaãchi maxü̃xü̃”, ñanagürü. Natürü ya Cristu rü daxũcüã̱x nixĩ. Rü nüma nixĩ i tüxna naxããxü̃ i maxü̃ i taguma gúxü̃.

Ngechuchuarü ngúexü̃gü ga yamugüxü̃arü puracüchiga 16:7

Rü Míchiaarü naanewa nangugü, rü yéma nagu narüxĩnüe nax Bitíniaarü naanewa naxĩxü̃. Natürü yéma rü ta Tupanaãxẽ ya Üünecü nüxna nanachu̱xu nax tama yéma naxĩxü̃ca̱x.

Ore i mexü̃ ga Cuáü̃ ümatüxü̃ 7:39

Rü yexguma yema ñaxgu ga Ngechuchu rü nüxü̃ nixu nax guxü̃ma ga yema nüxü̃́ yaxõgüxü̃ rü tá nayauxgüãxü̃ i Naãxẽ ya Üünexü̃. Natürü tama yexgumatama nanayauxgü, yerü tauta wenaxarü daxũguxü̃ ga naaneca̱x nataegu ga Ngechuchu nax guxü̃arü ãẽ̱xgacü yixĩxü̃ca̱x.

Ore i mexü̃ ga Márcu ümatüxü̃ 14:36

Rü norü yumüxẽwa rü ñanagürü: —Pa Chaunatüx, cuxca̱x rü guxü̃ma natauxcha. ¡Rü nüxna choxü̃ ínanguxuchixẽxẽ i ñaa ngúxü̃ i tá cha̱u̱xca̱x ínguxü̃! Natürü chanaxwa̱xe i curü ngúchaü̃ cuxü rü tama i choxrü —ñanagürü.

1 Tesalonicenses 4:8

Rü ngẽmaca̱x ega texé tama naga ĩnügu i ñaa ngu̱xẽẽtaegü, rü tama wüxi i duü̃xü̃ga nixĩ i tama taxĩnüxü̃, natürü Tupanagatama nixĩ i tama taxĩnüxü̃. Rü gumá nixĩ ga pexna namucü ga Naãxẽ ya Üünexü̃.