Gálatas 4:30 - Tupanaarü Ore

³⁰ ¿Natürü ñuxũ ñaxü̃ i Tupanaarü ore i ümatüxü̃wa? Rü dücax, ngẽmawa Abraáü̃maxã nüxü̃ nixu nax ngĩxü̃ ínatáxü̃ca̱x ga naxü̃taxü̃ ngĩnemaxã, yerü taxucürüwama yema naxü̃taxü̃waxü̃cü ga nanemaxã nayayauxye ga norü yemaxü̃ ga naxma̱xwaxü̃cü ga nanearü tá ixĩxü̃.

Gálatas 4:30 Referans Kwoze

Ore i mexü̃ ga Cuáü̃ ümatüxü̃ 8:35

Wüxi i coriarü mugüruxü̃ rü tama guxü̃guma norü coripatacüã̱x nixĩ. Natürü wüxi i cori nane rü guxü̃guma nanatü nane nixĩ.

Popera ga Chantiágu ümatüxü̃ 4:5

Rü tama natüca̱xma nixĩ i ngẽma Tupanaarü ore i ñaxü̃: “Tupanaaxü̃́ nachu̱xu i ngẽma taãxẽ i tüxna namuxü̃”, ñaxü̃.

Gálatas 3:22

Natürü tama ngẽmaãcü nixĩ. Erü Tupanaarü ore i ümatüxü̃wa nüxü̃ tadau nax guxü̃ma i duü̃xü̃gü rü pecadutüü̃wa nangẽxmagüxü̃. Rü ngẽmaca̱x i ñu̱xma rü yíxema Ngechuchu ya Cristuaxü̃́ yaxõgüxexicatama tixĩ ya nayauxgüxe i ngẽma maxü̃ i aixcüma mexü̃ ya Tupana tamaxã ixunetaxü̃.

Gálatas 3:8

Rü Tupanaarü ore i ümatüxü̃wa rü nüxü̃ nixu nax Tupanape̱xewa yamexü̃ i ngẽma duü̃xü̃gü i yaxõgüxü̃ i woo tama Yudíugü ixĩgüxü̃. Rü yemaca̱x ga Tupana rü Abraáü̃maxã nüxü̃ nixu ga ñaa ore i mexü̃ i ñaxü̃: “Rü cugagu tá nüxü̃ charüngü̃xẽxẽxü̃ i guxü̃ma i nachixü̃anecüã̱x i duü̃xü̃gü”, ñaxü̃.

Romanos 11:2

Rü nũxcümamatama Tupana Iraétanüxü̃maxã inaxuneta nax norü duü̃xü̃gü yixĩgüxü̃ca̱x, rü ñu̱xma rü tama Yudíugüxü̃ naxo. ¿Tama ẽ̱xna nüxü̃ pecua̱x nax ñuxũ ñaxü̃ ga Tupanaarü orearü uruxü̃ ga Ería? Rü Tupanaarü orewa nüxü̃ tadaugü rü Ería rü Tupanape̱xewa poraãcü yema Yudíugüxü̃ nixugü.

Gálatas 4:22

Erü ngẽma mugüwa nüxü̃ tadau rü Abraáü̃ rü nüxü̃́ nayexma ga taxre ga nane. Rü wüxi ga nane rü naxü̃taxü̃ ga Agáwa nüxü̃́ nayexma, rü nai ga nane rü naxma̱xü̃chi ga Chárawa nüxü̃́ nayexma.

Gálatas 4:31

Rü ngẽmaãcü, Pa Chauenexẽgüx, rü nüxü̃ tadau rü tama Abráü̃ naxü̃taxü̃xacügürüxü̃ tixĩgü, erü tama ngẽma mugütüü̃wa tangexmagü. Natürü Abráü̃ naxma̱xwaxü̃güxe tixĩgü, erü Tupanaarü unetagagu tüxü̃́ nangẽxma i tórü maxü̃.